राज यांचे अभिनंदन

अर्थात ही सोय आम्ही फक्त,ज्यांच्या हाफीसात मटा बॅन आहे पण मिपा चालु आहे(म्हणजे बॅन नाही, चालले लगेच बेला बनायला) त्यांच्या साठीच केली आहे..बाकी कोणाला हवी असल्यास ते http://maharashtratimes.indiatimes.com/articleshow/5053257.cms ईथे वाचु शकतात.. बाकी व्हीडीओ बघताना तुम्हाला अंगभाषा कळतीलच.. लोकसभा निवडणुकीनंतर आपण एकदम गायब झालात? - गायब कशासाठी होईन? या मधल्या काळात मी पक्षबांधणीचे काम करीत होतो. त्यासाठी रोज मीडियात दिसायलाच पाहिजे असे काही नाही. पक्षाच्या बैठका, मेळावे, पदाधिकाऱ्यांना मार्गदर्शन या सगळ्यांच्या माध्यमातून पक्षाची ताकद वाढविणे आणि पक्ष महाराष्ट्राच्या कानाकोपऱ्यात पोहोचविणे हेच काम सुरू होते. त्यामुळे या सगळ्यांच्या रोजच्या रोज बातम्या यायला हव्यात असे मला वाटत नाही. त्यात मीडियला हव्या असलेल्या बातम्याही यात नव्हत्या. लोकसभा निवडणुकीनंतर आपल्या पक्षातून श्वेता परुळकर, प्रकाश महाजन तसेच संजय घाडी यासारखे पदाधिकारी फुटून शिवसेनेते गेले... - संजय घाडीविषयी म्हणत असाल तर पोरगा अत्यंत चांगला आहे, मात्र त्याच्या आजूबाजूच्यांनी त्याला फितवला. तो शिवसेनेत गेला ते त्याचे दुदैर्वच. मात्र श्वेता आणि प्रकाश महाजनांना मी पक्षातून काढून टाकले होते. आता एकदा त्यांना पक्षातून काढल्यावर त्यांनी दुसऱ्या पक्षात जावे किंवा घरी बसावे याच्याशी माझे काही घेणे-देणे नाही. लोकसभा असो की विधानसभा निवडणुका... मनसे शेवटी शिवसेनेचीच मते खाणार असे म्हटले जाते.... - असे म्हणत जर कुणी स्वत:चीच समजूत काढून घेत असेल तर त्यांनी तसे करावे. मुळात असे म्हणणे हाच बचपना आहे. राज्यात मराठीचा टक्का सर्वाधिक असताना शिवसेनेची पूर्णपणे सत्ता का नाही आली? मराठी मुद्दा शिवसेनेने उचलून धरला, तेव्हा त्यांची सत्ता आली नाही. हिंदुत्वाचा विषय त्यांनी हातात घेतला, तेव्हा त्यांना सत्ता मिळाली. मग आता ते मराठी मतांची चिंता कशाला करतात? कोंबडा कोणाचाही आरवू देत, सूर्य उगवतोय ते महत्त्वाचे. तसेच आंदोलने कोणाचेही होऊ देत मराठी माणसाचा उत्कर्ष होतोय ते महत्त्वाचे. आपण मराठीचा मुद्दा हातात घेतल्यावर मराठीला अचानक 'ग्लॅमर' का आले? -अहो हे मराठी भाषा वा मराठी माणसाविषयीचे प्रेम नाही? महाराष्ट्र नवनिर्माण सेनेला लोकसभा निवडणुकीत जी लाख लाख मते मिळाली त्यानंतरचे हे पुतनामावशीचे प्रेम आहे. शिवसेनाप्रमुख बाळासाहेब ठाकरे यांनी गेल्या ४० वर्षांत मराठी माणसांविषयी जे काही काम केले ते पक्षाच्या कार्याध्यक्षांना किती समजले? लोकसभा निवडणुकांआधी छटपूजा आणि उत्तर प्रदेश दिन कोण साजरा करीत होते? मराठी भाषा आणि मराठी माणूस यांच्या उत्कर्षासाठी आंदोलन सुरू असताना शिवसेनेचे खासदार का गप्प होते? मराठी भाषेविषयी यांना प्रेम नसून हे लोकसभा निवडणुकांनंतर सुचलेले शहाणपण आहे. मनसेत उमेदवारी देण्याचे काय निकष होते? -एखाददुसरा अपवाद वगळता माझे उमेदवार हे माझ्या पक्षातीलच ९८ ते ९९ टक्के पदाधिकारी आहेत. उमेदवारी देताना प्रामााणिकपणे काम करणारा कार्यकर्ता आणि निवडून येणारा उमेदवार असे निकष मी लावले आहेत. आपण आपल्या मित्रांनाच उमेदवारी दिली असा आरोप होतोय... - हा आरोप मुर्खपणाचा आहे. माझे मित्रच माझे सहकारी आहेत आणि सगळ्या सहकाऱ्यांना मी मित्रांचीच वागणूक देतो. आपल्या पक्षात बंडखोरी झाली की नाही? - बंडखोरीचा प्रश्न येतोच कुठे? प्रत्येकाचा एक ठराविक स्वभाव असतो. उमेदवारीची इच्छा असण्यात काहीच गैर नाही. उमेदवारी न मिळाल्याने होणारी नाराजीही आपण समजू शकतो. मात्र बंडखोरीला आपण मनसेमध्ये थारा देणार नाही. बंडखोरी न होण्यास आपली दहशत कारणीभूत आहे का? अहो यासाठी दहशत कशाला पाहिजे. समजूत काढल्यानंतरही बरेच प्रश्ान् निकाली निघतात. प्रचारात काँग्रेस-राष्ट्रवादी आघाडीवर कसे तुटून पडणार? - आघाडीची राज्यात अबाधित सत्ता असताना एक मेगावॉट वीजही निर्माण करू न शकणे हे सरकारचे पाप आहे. सरकारने मुंबईतल्या जमिनी विकायला काढल्या आहेत. सत्तेमधल्या पुढाऱ्यांच्याच शिक्षणसंस्था असून त्यामध्ये मराठी तरूणांना प्रवेश मिळण्याऐवजी प्ररप्रांतीयांचाच अधिक भरणा आहे. याचे पुरावे देखील माझ्याकडे आहेत. जीवनावश्यक वस्तूंच्या दरवाढीवर नियंत्रण नाही. अनधिकृत गोदामांमध्ये साठेबाजी होत असताना त्यावर कारवाई नाही. शिक्षण खात्याच्या बट्ट्याबोळामुळे विद्यार्थ्यांचे भवितव्य अंधारात आले आहे. अशी सर्व परिस्थिती असताना राजकारणी मात्र साखर कारखाने आणि शिक्षणसंस्थामध्ये मश्गुल आहेत. हे सर्व सरकारचे कारनामे आपण चव्हाट्यावर आणणार आहोत. भाजपच्या मराठी प्रेमाविषयी काय म्हणाल? - भाजपचे मराठीविषयीचे प्रेम बेगडी आहे. महाराष्ट्र कर्नाटक सीमा वाद सुरू असताना आणि मराठीच्या अस्मितेचा प्रश्ान् निर्माण झाला असताना भाजप कुठे गेले होते? परप्रांतीयांचा नेमका आपल्याला काय धोका वाटतो? - परप्रांतीयांच्या लोंढ्यांचे मतदारसंघात रूपांतर करण्याचा कुटील डाव आहे. हे असेच सुरू राहिले तर सगळे हाताबाहेर जाईल आणि पुढच्या विधानसभा निवडणुकांनंतर विधानभवनावर आणि वर्षा बंगल्यावर सर्वसामान्य मराठी जनतेचा अधिकार राहणार नाही. आताच मराठी भाषेला दुय्यम वागणूक मिळत असून मराठी माणूस दूरवर फेकला जात आहे. मुंबई महाराष्ट्रापासून वेगळी करण्याचे आणि महाराष्ट्राची प्रगती इतरांच्या घशात घालण्याचे काँगेससारख्या पक्षांचे मनसुबे आहेत. त्यामुळे महाराष्ट्र नवनिर्माण सेनेला संधी देऊन पर्यायाने महाराष्ट्राला वाचविण्याची हीच खरी वेळ आहे अशी माझी मायबाप जनतेला विनंती आहे. आदेश बांदेकर, महेश मांजरेकर शिवसेनेसाठी प्रचार करीत असताना आपण कोणत्या कलाकारांना प्रचारात उतरवणार आहात... - छी...छी...मी कोणाला प्रचारात उतरवणार नाही. शिवसेनेला अशा कलाकारांची गरज भासतेय ही दुदैर्वाची गोष्ट आहे. शिवसेनाप्रमुखांना कधी असल्या कलाकारांची गरज भासली नाही. लोकसभेला, एकदा संधी द्या, असे म्हणत होतात, आता विधानसभेला पुन्हा दुसऱ्यांदा संधी मागत आहात... - अहो या दोन्ही निवडणुका वेगवेगळ्या असल्याने मला लोकांसमोर जावेच लागणार आहे. बरं शिवसेना आणि भाजपही १९९९पासून काय मागत आहेत...संधीच ना? लोकसभेला अनेकांना वाटत होते की मनसेला मिळून मिळून किती मते मिळणार? मात्र आम्हाला लाख लाख मते मिळाल्यावर अनेकांचे डोळे पांढरे झाले. अनेक जागांवर आमचा थोडक्यासाठी विजय हुकला. आणखी थोडा जोर लावला असता तर मनसेचा उमेदवार विजयी झाला असता अशी हळहळ अनेकांनी व्यक्त केली होती. त्यामुळे आमचा जनाधार आणखी वाढेल आणि मागची हळहळ आता यावेळेला उरणार नाही. मनसेला मतदान म्हणजे काँग्रेसला मतदान असे शिवसेनेचे म्हणणे आहे, त्याविषयी... शिवसेनेची स्थापना झाल्यानंतर कित्येक वषेर् त्यांच्यावर अशाचप्रकारचे आरोप होत होते. आजचा भाजप जो पुवीर् जनसंघाच्या नावाने ओळखला जायचा, तो देखील पुवीर् शिवसेनेवर अशाचप्रकारचे आरोप करीत होता. पण असो, नवीन आलेल्या लोकांना हे माहित नसणार. मनसे आणि शिवसेनेच्या आंदोलनात नेमका काय फरक आहे? - शिवसेनेची आंदोलने ही आमच्यावर कुरघोेडी करण्यासाठी असतात. मनसेची आंदोलने ही निर्णय देणारी आहेत. सर्वसामान्यांना हीच गोष्ट अपेक्षित आहे. मधल्या काही काळात मराठीच्या मुद्द्यावरून कोणी लाठ्याकाठ्या खाल्ल्या, तडीपाऱ्या भोगल्या आणि अशा बऱ्याच काही गोष्टी घडल्या त्या सगळ्यांना स्मरणार्थ आहेत. एका नव्या उमेदीने आमचा पक्ष उभा ठाकलाय. आम्ही जे बोलतो ते करून दाखवतो. जनतेने आतापर्यंत सगळ्यांचीच आश्वासने ऐकून त्यांना संधीही दिली आहे. आता एकदा माझ्या पक्षाचाही विचार करावा...आणि यावेळेला मायबाप जनता आमचा नक्की विचार करेल अशी माझी खात्री आहे. सरकार बनविणाऱ्यांना पाठिंबा देणार, मात्र सत्तेत सहभागी होणार नाही म्हणजे काय? -मी सत्तेत असो किंवा नसो लोकांचे प्रश्ान् सुटणे महत्त्वाचे आहे. राज्यात सर्वत्र बजबजपुरी झालीय. झोपड्या दिवसेंदिवस वाढतच जात आहेत. परप्रांतीयांच्या लोढ्यांना आळा घालण्याची कोणामध्ये हिंमत उरली नाही. त्यासाठी सत्ताधाऱ्यांवर अंकुष ठेवणे गरेजेचे आहे, जे मी करेन. जनता आम्हाला पूर्णपणे सत्ता हाती देईल, तेव्हा आम्ही सत्तेत सहभागी होऊच. मात्र तोवर आम्ही काय करतोय हे तर लोकांना कळूदेत. आपल्यामुळे शिवसेनेची सत्ता न आल्यास शिवसेनाप्रमुखांना दु:ख होईल त्याचे काय? - माझी शिवसेनाप्रमुखांवर नितांत श्रद्धा असून त्यांचेही माझ्यावर प्रेम आहे. मात्र महाराष्ट्राचे प्रश्ान् जर कोणाच्या माध्यमातून सुटत असतील तर त्यांना निश्चितच आनंद होईल, असे मला वाटते. माझ्या पक्षाच्या माध्यमातून मराठी माणूस आणि त्याची अस्मिता अबाधित राहणार असेल, त्याचा खऱ्या अर्थाने उत्कर्ष होणार असेल तर शिवसेनाप्रमुखांना त्यांना त्याचे नक्कीच समाधान वाटेल, असेही मला वाटते. - संजय व्हनमाने सू हा स...