Skip to main content

अलिप्त

लेखक अजिंक्य यांनी मंगळवार, 15/09/2009 20:08 या दिवशी प्रकाशित केले.

न देणे, न घेणे, फुकाचे न खाणे,
कुणाच्या न वाटेत येणे मुळीही,
बरे काम माझे, बरी वाट माझी,
स्वत:च्याच विश्वात मश्गूल आम्ही ||१||

असे वाटले की लिहावे जरासे,
लिहावे जरा, पाठवावे कुठेसे,
तया सोडुनी या जगाच्या भरोसे,
विचारात होऊ पुन्हा दंग आम्ही ||२||

कधी आवडावीत काव्ये कुणाची,
दिसावी कधी झेप कोणा मनाची,
जरी दाद देऊ तया ताकदीची,
मनाच्या महाली असू गुंग आम्ही ||३||

न लाटात आम्ही, न वाळूत आम्ही,
सदा एकटे सागराच्या किनारी,
जसा सूर्य चाले सकाळी दुपारी,
तसे राहतो या अलिप्तात आम्ही ||४||

लेखनविषय:
वाचने 2051
प्रतिक्रिया 9

प्रतिक्रिया

क्रान्ति मंगळवार, 15/09/2009 22:00

न लाटात आम्ही, न वाळूत आम्ही,
सदा एकटे सागराच्या किनारी,
जसा सूर्य चाले सकाळी दुपारी,
तसे राहतो या अलिप्तात आम्ही

मस्त! सही कविता आहे अगदी!

क्रान्ति
दिव्यत्वाची जेथ प्रचीती | तेथे कर माझे जुळती
अग्निसखा
रूह की शायरी

प्राजु बुधवार, 16/09/2009 00:22

एकदम सह्ही!!!

न लाटात आम्ही, न वाळूत आम्ही,
सदा एकटे सागराच्या किनारी,
जसा सूर्य चाले सकाळी दुपारी,
तसे राहतो या अलिप्तात आम्ही ||४||

हे खास!
- (सर्वव्यापी)प्राजु
https://praaju.blogspot.com/