संडे स्पेशल (कोल्हपुरी मिसळ)

स्वाती राजेश's picture
स्वाती राजेश in पाककृती
5 Jan 2008 - 10:32 pm

सुरवात करत आहे मिसळीने अर्थात कोल्हपुरी.
मी खाली दिल्याप्रमाणे मिसळ करते. काही सजेशन असल्यास स्वागत आहे.

कोल्हपुरी मिसळ
साहित्य:
३ वाट्या मोड आलेली मटकी
४ उकडलेले बटाटे
४ मोठे कांदे
३ इंच आले
१०/१२ लसूण पाकळ्या
१ लिंबाएवढ्या चिंचेचा कोळ
१ वाटी सुखे खोबरे
२वाट्या ओले खोबरे
२ टे.स्पून तीळ
१ टे.स्पून गरम मसाला (किंवा ५ लवंगा, ८/१० काळे मिरे, २ इंच दालचिनी तुकडा,१ च.धने, १ च जिरे)
२ टे.स्पून कांदालसूण मसाला
१/२ च. हळ्द
१/४ च. हिंग
१ वाटी तेल
चवीनुसार मीठ
इतर साहित्यः शेव चिवडा (मिक्स) / फरसाण, पाव (ब्रेड स्लाइस), कोथिंबीर, लिंबू

तयारी:
१.प्रथम मोड आलेली मटकी भाजून, शिजवून (कुकरमध्ये), त्यातील पाणी बाजूला काढून २ च.तेलात फोडणी करून
मीठ,तिखट घालून उसळ करून घ्यावी.
२.२च.तेलात हळ्द, मीठ घालून उकडलेले बटाटे कुस्करून घालावेत.
३. २ च.तेलात, २ चिरलेले कांदे,तीळ, खोबरे, लवंगा, काळे मिरे, दालचिनी ,धने, जिरे सर्व भाजून घ्यावे आणि थंड झाल्यावर मिक्सर मध्ये बारीक वाटावे. आले, लसूण बारीक वाटावे.
४.मिसळीचा कट करताना एका मोठ्या पातेल्यात उरलेले ३/४ वाटी तेल घेऊन त्यामध्ये हळ्द, हिंग, १ बारीक चिरलेला कांदा घालावा.
५.कांदा गुलावी रंगाचा झाल्यावर त्यामध्ये २ च. कांदालसूण मसाला आणि वरील दोन्ही वाटण घालावे. कडेने तेल सुटेपर्यन्त परतावे.
चवीनुसार मीठ घालावे. ५/६ कप (जमल्यास कोमट) पाणी घालावे. वरील मटकीचे बाजूला काढलेले पाणी,चिंचेचा कोळ घालावा. उकळी आणावी.

सर्व्ह करताना:
एका खोलगट डिश मध्ये प्रथम मटकीची उसळ.
उकडलेले बटाटे
फरसाण
त्यानंतर कट
बारीक चिरलेला कांदा, कोथिंबीर
सोबत पाव आणि लिंबाची फोड.

टीप: १. काही वेळा वेळ कमी असेल तर एकाच फोडणीत मटकीउसळ, बटाटेभाजी करु शकतो.
२.चिंचेचा कोळ ऐवजी सर्व्ह करताना टोमॅटोच्या बारीक फोडी घालाव्यात.
३.काही वेळा कटावरील तवंग जास्त हवा असल्यास २ च.तेल गरम करून त्यात १ च.तिखट घालून कटामध्ये घालावे.

पाकक्रियाआस्वादउपाहारमिसळकोल्हापुरी

प्रतिक्रिया

प्राजु's picture

6 Jan 2008 - 12:03 am | प्राजु

वा वा.... एकदम सह्हि... कोल्हापूरी मिसळ...
कांदा लसूण मसाला मात्र यात कोल्हापूरीच घालावा... दुसरा नको

- प्राजु.

विसोबा खेचर's picture

10 Jan 2008 - 11:00 am | विसोबा खेचर

मिसळपाववर खुद्द मिसळीचीच पाककृती यावी, यासारखा दुसरा सुंदर योग तो काय! :)

स्वातीजी, अजूनही अश्याच उत्तमोत्तम पाककृती इथे द्या अशी तुम्हाला विनंती...

आपला,
(मिसळप्रेमी) तात्या.

सुधीर कांदळकर's picture

10 Jan 2008 - 9:09 pm | सुधीर कांदळकर

धन्यवाद.

चकली's picture

14 Jan 2008 - 8:07 am | चकली

स्वाती ने लिहलेली मिसळ वाचून मला स्फूर्ती आली.. आमच्या
संडे स्पेशल मिसळीचे फोटो.. सर्व मिसळप्रेमींसाठी..
http://chakali.blogspot.com/2008/01/kolhapuri-misal.html
आणि
http://chakali.blogspot.com/2008/01/misal-snaps.html

चकली
http://chakali.blogspot.com

विसोबा खेचर's picture

14 Jan 2008 - 8:46 am | विसोबा खेचर

फारच सुरेख पाककृती आणि फोटो आहेत! त्यातील एक फोटो इथे द्यायचा मला मोह झाला आहे. आपली परवानगी मी गृहीत धरली आहे! :)

तुजसाठी मरण ते जनन, तुजवीण जनन ते मरण!!

आपला,
(मिसळीकरता जगणामरणारा!) तात्या.

चतुरंग's picture

15 Jan 2008 - 3:12 am | चतुरंग

अहो मिसळ चाटून पुसून फस्त केलेली रिकामी बशी समोर नका हो ठेऊ (चित्र दिसत नाहीये ;))!

चतुरंग

सोनम's picture

15 Sep 2009 - 12:38 pm | सोनम

मिसळची कृती अगदी छान आहे. :) :)
जर फोटू असता एकदम बेस्ट झाले असते... :) :)

"आयुष्यात हारजीतला काही मोल नसते! मोल असते ते झगडण्याला! निकराने,प्राणबाजीने शर्थीने झुंजण्याला!"

अनिरुध्द's picture

15 Sep 2009 - 5:20 pm | अनिरुध्द

असं जळवताय. कमीत कमी फोटू तरी द्यायचा व्हता.

निशांत५'s picture

16 Sep 2009 - 10:44 am | निशांत५

बा़कि कोल्हापुरच काय बि असल तरी बेसच......
आन ती लंवगी मिरची दिसत नाय कोल्हापुरची ते.........आ.......

सूहास's picture

16 Sep 2009 - 4:33 pm | सूहास (not verified)

सू हा स...

सूहास's picture

16 Sep 2009 - 4:34 pm | सूहास (not verified)

सू हा स...