हेरंबा...

हेरंबा... आरंभा... वंदन विघ्नेशा
शिवसुता मज तुझी कृपाभिलाषा
अष्टौप्रहरी चित्ती तव नामघोषा
नतमस्तक श्रीचरणी भक्त सर्वेशा
जय देव जय देव जय बुद्धीदाता
ओवाळू आरती विश्वाच्या नाथा || जय देव||

साजिरी गोजिरी मोहक मुर्ती
चराचराची चैतन्यस्फुर्ती
गजमुख ज्ञानेश्वरा तू इच्छापुर्ती
अंतरी उधाण मांगल्यभरती
जय देव जय देव जय बुद्धीदाता
ओवाळू आरती विश्वाच्या नाथा || जय देव||

विराजे मंचकी आदी अंतिमा
चतुर्भुज सुशोभित प्रतिमा
तेजाने ओजाने दग्ध काळिमा
दिव्यप्रभांकीत मुखचंद्रमा
जय देव जय देव जय बुद्धीदाता
ओवाळू आरती विश्वाच्या नाथा || जय देव||

वक्रतुंडाहाती मोदक ज्ञानाचा
परशू करी नाश अवघ्या विघ्नांचा
हर्ता अंकुश धारी षडरिपूंचा
शुभाय आशिष देई सौख्याचा
जय देव जय देव जय बुद्धीदाता
ओवाळू आरती विश्वाच्या नाथा || जय देव||