खरडीसंबंधी सूचना..

सूचना १) कृपया एकमेकांना खरड पाठवताना, त्या खरडी आडून कुठल्याही सभासदाची टिंगलटवाळी होणार नाही याची काळजी प्रत्येकाने घेतली पाहिजे. एकमेकांशी अगदी सहजच संवाद साधण्याकरता, काही महत्वाचा निरोप देण्याकरता, नैमित्तिक 'हाय, हॅलो' करण्याकरताच केवळ खरडीचा उपयोग व्हावा. आडूनआडून, कधी नाव घेऊन तर कधी नाव न घेता इतर सभासदांबद्दल गॉसिपिंग करण्याकरता खरडींचा वापर करू नये. अन्यथा संबंधित सभासदाची खरडवहीची आणि व्यक्तिगत निरोपाची सोय बंद करण्यात येईल. प्रसंगी संबंधित सभासदाचे मिपावरील सभासदत्वही रद्द करण्यात येईल. अलिकडे काही सभासदांच्या खरडींवरून असे गॉसिपिंगचे प्रकार वारंवार पाहण्यात आले, म्हणून ही 'समज'वजा सूचना! सूचना २) मिपाच्या ध्येयधोरणांविषयी देखील एकमेकांना खरडी पाठवू नयेत कारण त्याचा काहीच उपयोग होणार नाही! मिपासंबंधी कुणाचे काही निवेदन/तक्रार असेल तर त्यांनी थेट आमच्याशी व्यक्तिगत निरोपाद्वारे संपर्क साधावा. इष्ट व व्यवहार्य सूचनांचा नक्कीच विचार केला जाईल. कृपया सहकार्य करावे, कळावे, आपला नम्र, तात्या अभ्यंकर, मालक, मुख्य व्यवस्थापकीय अधिकारी, मिसळपाव डॉट कॉम.