निळूभाऊ गेले!

निळूभाऊंना भेटणे अनेकदा झाले. कर्वे रोड वरच्या प्रेममध्ये त्यांचा दर बुधवारी अड्डा असायचा. पण खरी "भेटायची" वेळ एकदाच आली होती. पण सगळे फ्यान भेटतात तशी नव्हे. ह्या भेटीत "तुमचे मराठी नाट्य आणि चित्रपट सृष्टीवर किती उपकार आहेत," वगैरे भंकस बडबड काहीही नव्हती. सध्या सिग्नेचर श्रेष्ठ का ? देशी हल्ली जमत नाही. खेडेगावात नाटकांचे प्रयोग होतात तेव्हा, तिथले ऑर्गनायझर्स कसल्या "सोयी" करतात, ह्याविषयी दोन पेगांनंतर जसे मनमोकळे डिस्कशन होते, तसे. आता कर्वे रोड वर "प्रेम" मध्ये बाजूचा तो टेबल रिकामा रिकामा राहील. पंच्याहत्तरीतले ते चार तरुण चाळीशीतल्या आम्हा म्हातार्‍यांना जीवनोन्नतीतले सहा सोपान (आणि सातवा: सिग्नेचर) सांगणार नाहीत. निळूभाऊ, वरती मजा करा. एखादा कानडी शेट्टी तिकडेही चित्रगुप्ताच्या मदतीने बार उघडून बसला असेलच. चीयर्स. -- मिसळभोक्ता

त्यांना आदरांजली आणि श्रद्धांजली. "मास्तर..." ह्या शब्दातील खोली तो जेंव्हा त्यांच्या तोंडून आला तेंव्हाच कळली असावी! त्यांच्या ही बातमी आठवता क्षणी आठवलेल्या (आणि ज्यांनी इंपॅक्ट केला आहे)अशा भुमिका म्हणजे: पिंजरा, सिंहासन, आणि अर्थातच सगळ्या भुमिकांवर कळस असलेली "सामना" मधील भुमिका. अजून अनेक चित्रपट आहेत...या प्रत्येक भुमिकेत त्यांनी विविध रुपे दाखवली आहेत. कधी राजकारणी खलनायक, कधी परीस्थितीने लाचार झालेला तर कधी समाजातील विकृती, गुन्हे, भ्रष्टाचार बघत अंती स्वतःची सॅनिटी घालवून बसणारा पत्रकार...

निळूभाऊंना भावपूर्ण श्रद्धांजली.. पुण्याचे पेशवे एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते. Since 1984

मराठी सिनेमातील टॉपचा कलाकार. असा कलाकार परत होणे नाही. विनम्र श्रद्धांजली.

"असा कलाकार परत होणे नाही." खरेच....असचं म्हणावसं वाट्टय... माझीही श्रद्धांजली.. - वाटाड्या...

निळुभाऊंसारख्या हरहुन्नरी आणि अजरामर कलाकाराला आमची श्रद्धांजली ... आमच्या पिढीला जुने सिनेमे बघायची गोडी लावण्यात निळुभाउंच्या अभिनयाचे फार मोठ्ठे योगदान आहे, त्यांना सलाम ...!!! ------ छोटा डॉन एखादा "प्रण अथवा रिझॉल्युशन" म्हणजे काय ? जास्त काही नाही, मस्त गाजावाजा करुन ८ दिवसातच पहिली पाने पंचावन्न करणे. आता आमचा "लेखन न करण्याच्या" प्रतिज्ञेचेच पहा ना ... ;)

ज्येष्ठ आणि श्रेष्ठ नट निळूभाऊंना माझीही विनम्र श्रद्धांजली. हाती नाही येणे,हाती नाही जाणे,हसत जगावे,हसत मरावे, हे तर माझे गाणे!

'कूली' सिनेमात अमिताभच्या समर्थ अभिनयाला तितकीच तोलामोलाची टक्कर देताना त्यांचे हिंदी उच्चार ऐकले तर चुकूनही वाटणार नाही की हा अभिनेता मराठी आहे! हिंदी चित्रपटही त्यांनी गाजवला असता असे राहून राहून वाटते. कायिक, वाचिक आणि मुद्राभिनयाने पडदा व्यापून उरणार्‍या ह्या महान अभिनेत्याला आणी तितक्याच महान व्यक्तीला विनम्र श्रद्धांजली! (दु:खी)चतुरंग

सेवादलाचे सच्चे कार्यकर्ते आणि मराठी चित्रपटसृष्टीतील चतुरस्र अभिनेते निळुभाऊ फुलेंना आदरांजली..! --सुहास

विनम्र आदरांजली. मुल आणि कविता होईपर्यंत खाजगी असते आणि एकदा "झाल्यानंतर" ते सार्वजनीक होते. - मराठी आणि बेळगाव, कारवार, अहवा, डांग, बर्‍हाणपूर, गोव्यासह संयुक्त महाराष्ट्र प्रेमी - पाषाणभेद उर्फ दगडफोड्या ( -राजेंनी बहाल केलेले नाव)

निळुभाऊंना अखेरचा मुजरा त्यांचा अभिनय वादातित श्रेष्ठ होता, आहे व राहील!! त्यांच्या अनेक अजरामर भुमिकातुन ते आपणास सदैव भेटत राहतील.... ईश्वर त्यांच्या आत्म्यास सद् गती देवो

प्रेम प्रतिज्ञा मधला त्यांचा कष्टकरी माणसाचा अभिनय सुंदरच.. शेवट्चा उभ्या उभ्याने मरतानाचा अभिनय अप्रतिम..... विनम्र आदरांजली.

निळूभाऊंना माझाही मानाचा मुजरा... तात्या.

भन्नाट अभिनय. खरतर अभिनय नाहिच, प्रत्येक भुमिका सहजगत्या जगलेत ते. लहानपणी खूप घाबरायचे मी त्यांना. यातच त्यांच्या अभिनयाचे सामर्थ आहे.

माझीपण आदरांजली. नितिन थत्ते (पूर्वीचा खराटा)

समर्थ अभिनेत्याला आदरांजली.

_/\_ बिपिन कार्यकर्ते

दु:ख व्यक्त करायला शब्द नाहीत. त्यांना विनम्र श्रद्धांजली.

निळुभाऊंचे जाणे हे मराठी चित्रपटसॄष्टीचे मोठे नुकसान. एक अष्टपैलु अभिनेता आणि अभिनयही तितक्याच ताकदीने उभा करणारा अवलिया हरपला. माझे लाख सलाम!

मराठी चित्रपटसृष्टीतला मोठा कलाकार गेला. निळुभाऊंना, माझीही भावपूर्ण श्रद्धांजली...! -दिलीप बिरुटे

निळुभाऊंना श्रद्धांजली. लहानपणी छोट्याश्या पुस्तकावर त्यांची सही घेतली होती तेव्हा मला विलक्षण आनंद झाला होता... मदनबाण.....

निळुभाऊंना, माझीही भावपूर्ण श्रद्धांजली...! ==निखिल

सुदैवाने एकदा राम नगरकरांबरोबर त्यांनी केलेला 'कथा अकलेच्या कांद्याची'चा प्रयोग पाहिला होता. त्याहून मोठे सुदैव म्हणजे आमच्या अप्पांच्या ते चांगले परिचित होते त्यामुळे प्रत्यक्षही भेटता आले होते. निळूभाऊंना विनम्र श्रद्धांजली.

लहानपणी खुप वर्षे त्याना पाहिले की जगातला सर्वात हलकट माणुस आहे हा,म्हणुन माझी कल्पना होती.इतका दर्जेदार अभिनय त्याचा असे.तितकाच कट्टर समाजवादी कार्यकर्ता.त्याना मानाचा मुजरा. वेताळ

काल रविवारची सायंकाळ मला आता कधीही विसरणे शक्य नाही.. माझ्या संग्रही संगणकावर 'सिंहासन' हा चित्रपट बरेच दिवस होता. बरेच दिवस हा चित्रपट पहायचे राहून गेले होते. नेमका कालच दुपारच्या जेवणानंतर मी आणि माझ्या मित्राने 'सिंहासन' हा चित्रपट पाहिला.. राजकारण आणि राजकारण्यांवर एवढया प्रभावीपणे भाश्य करणारा हा चित्रपट मी ईतके दिवस का पाहिला नाही ह्याचेच आश्चर्य आणि दु:ख वाटले. निळुभाऊंचा 'दिगू' मात्र मनावर ठसा उमटवून गेला. शांत, मितभाशी, भेदक नजर ही 'दिगू' च्या व्यक्तिरेखेची ठळक वेशिश्ट्ये निळुभाऊंनी एकदम नेसर्गिकपणे उभी केली होती. चित्रपटाचा शेवट मनाला चटका लावून गेला. राजकारण आणि राजकारण्यांसमोर हतबल झालेला एका पत्रकाराची शोकांति़का अस्वस्थ करुन गेली.. आणि आजच्या बातमीने निळुभाऊंचा 'दिगू' माझ्या मनात मात्र कायम घर करुन गेला. निळुभाऊ.. समस्त मराठी रसिकांतर्फे आपल्याला मानाचा मुजरा! - कोकणी फणस

एक पर्व संपले. समर्थ अभिनेत्याला सादर आदरांजली. लहानपणी या माणसाचा प्रचंड राग यायचा. इतका की अशा शरीरयष्टीचा, चेहरेपट्टीचा, धोतरटोपी घालणारा प्रत्येक माणूस हा पाताळयंत्री राजकारणी असतो याची खात्री होती. पंचगंगा साखर कारखान्यावर रत्नाप्पाण्णा खास सोयीनिशी बडदास्त ठेवत - त्याच्या कथाही ऐकल्या होत्या. बाकी लहानपणी एकदाच प्रत्यक्ष पाहिले होते.

निळुभाऊंचे जाणे मराठी चित्रप्टसॄष्टीचे मोठे नुकसान. एक अष्टपैलु अभिनेता आणि अभिनयही तितक्याच ताकदीने उभा करणारा अवलिया हरपला. हेच म्हणतो असा हुरहुन्नरी कलाकार पुन्हा होणे नाही!!! ************************************************************** नकार देण ही कला असेल पण होकार देऊन काम न करण हिच खरी कला !!! ;)

निळूभाऊंना भावपूर्ण श्रद्धांजली..

भावपूर्ण श्रद्धांजली __/\__

निळूभाऊंना माझी विनम्र आदरांजली. -नीलकांत

एक अष्टपैलु अभिनेता आणि अभिनयही तितक्याच ताकदीने उभा करणारा अवलिया हरपला. __/\__

रंजल्या जिवाची गांजल्या जिवाची मनी धरी खन्त तोची खरा साधु तोची खरा सन्त.... हीच खरी दौलत मधील निळू फुलेंचे हे गाणे कुणी इथे टाकू शकेल का ? संगीत बहुधा राम लक्श्मण... गायक सुधीर फडके....

एक पर्व संपले. अभिजात अभिनयाची एक संस्थाच संपली. निळूभाऊंना भावपूर्ण श्रद्धांजली. ....बबलु

निळूभाऊंना भावपूर्ण श्रद्धांजली.. लहानपणी मला या माणसाची फार भिती वाटायची. माझी आज्जी तर याला खुपच शिव्या घालायची. "पण बाई मी काय म्हणतो.." हा निळूभाऊंच्या ठेवणीतल्या आवाजातला डायलॉग तर माझ्या प्रचंड आवडीचा... खादाडमाऊ

महान अभिनेत्याला विनम्र श्रद्धांजली. क्रान्ति ध्यानम् मूलम् गुरुमूर्ति, पूजामूलम् गुरु पदम् मंत्र मूलम् गुरुवाक्यम्, मोक्षमूलम् गुरुकृपा अग्निसखा रूह की शायरी

लहानपणी निळू फुलेंना २-३ मराठी चित्रपटात पाहिल्याचे अंधुकसे जरूर आठवतेय पण चित्रपट, टीव्ही वगैरेची मुळातच आवड नसल्याने ते तितकेसे पुरते लक्षात मात्र राहिले नाही. नाटकाची आवड असूनही त्यांची नाटके पाहण्याचे भाग्य मिळाले नाही. निळू फुलेंची खरी ओळख झाली ती 'रामनगरी'मध्ये राम नगरकरांनी त्यांच्या या मित्राबद्दल जे आणि जितकं लिहिलं त्यामधून. त्यातून लक्षात आलेले त्यांचे कष्ट हे कल्पनेच्याही पलिकडचे वाटले होते मला. एक झपाटलेला कलाकार असे त्यांच्याबद्दल म्हणता येईल असे वाटते. निळू फुलेंना भावपूर्ण श्रद्धांजली!

निळूभाऊंना भावपूर्ण श्रद्धांजली.

भावपूर्ण श्रद्धांजली.

निळूभाऊंना भावपूर्ण श्रद्धांजली.

निळू फुले ... मराठी नाट्य-चित्रसृष्टीला लाभलेला एक अनमोल हिरा ! हाती आलेल्या भूमिकेची नेमकी व नेटकी जाण ठेवून अगदी सहजगत्या त्या भूमिकेचं अक्षरशः सोनं करणारा एक चतुरस्त्र आणि जातिवंत कलावंत ! काही महिन्यांपूर्वीच पाहिलेल्या 'सातच्या आत घरात' या चित्रपटात अवघ्या दोन मिनिटांच्या भूमिकेतून सारा चित्रपट अख्खा कच्चा खाऊन टाकला होता आपल्या निळूभाऊंनी ! भूमिकेच्या लांबी-रुंदीपेक्षा त्या भूमिकेची खोली कधीही महत्वाची हे निव्वळ संवादफेकीतून व संयत अभिनयातून सिध्द करणार्‍या या अभिनयसम्राटाला सलाम ! सामना, सिंहासन, पिंजरा, एक गाव बारा भानगडी, सखाराम बाइंडर, सूर्यास्त - या व अशा कित्येक चित्रपटांतील आणि नाटकांतील आपल्या सकस अभिनयाद्वारे मराठी प्रेक्षकाला आपलंसं करणार्‍या निळूभाऊंना विनम्र श्रध्दांजली ! - दिपोटी