खानदेशी शेव भाजी

साहित्यः १ वाटी कांदा - उभा चिरून १/२ वाटी सुके खोबरे १ टेस्पु. पोहे २-३ लसुण पाकळ्या (सोलून) १ १/२ इंच आले १ १/२ टि स्पु गरम मसाला तिखट चवीनुसार मिठ चवीनुसार १/२ वाटी तेल ३-४ वाट्या गरम पाणी - मी अंदाजाने च टाकते. १ वाटि तिखट शेव कृति: १) कांदा, १ टे स्पु. तेल घालुन भाजुन घ्यावा. कांदा चांगला तपकिरी रंगा चा भाजला गेला पाहिजे. २) खोबरे सोनेरि रंगा वर भाजुन घ्या. तसेच पोहे पण थोड्या तेलात भाजुन घ्या. ३) कांदा + खोबरे + पोहे +आले + लसुण + गरम मसाला , पाणी घालून नीट बारिक वाटुन घ्या. ४) बाकिचे तेल पातेल्या त किंवा कढई त गरम करुन घ्या. ५) तेलात वरिल बारिक केलेले वाटण + तिखट टाका. ६) आता तेल सुटे पर्यंत मध्यम आचे वर परतवत रहा. ७) छान तेल सुट्ले पाहिजे नहितर चोथा पाणी होतो मसाला. ८) आता गरम पाणी , मिठ टाकुन मध्यम आचे वर उकळी यायला ठेवा. ९) जेवायच्या १० मिनिटे आधी तिखट शेव टाकुन वाढा. टिपः शेव खुप आधी टाकुन ठेवु नये नाहितर लगदा बनतो. मस्त कांदा लिंबू घेउन खावे.

वाचने 26281

प्रतिक्रिया 43

प्रतिक्रिया

सही... खुप

मितालि मंगळवार, 02/06/2009 04:15

सही... खुप छान आहे ..

आयच्यान ...

टारझन मंगळवार, 02/06/2009 21:14

आयच्यान ... खरं सांगतो .. बणेल ओला झाला लाळ गळून ... आमची आई .. असली झण्झणीत शेवची भाजी करते .. त्याची आठवण झाली .. बेष्ट .. - टारझन (मु.पो. सावदा)

फारच झकास

रेवती मंगळवार, 02/06/2009 05:30

फारच झकास दिसते आहे भाजी! मसाल्यात पोहेसुद्धा घालायचे म्हणजे अगदी वेगळाच प्रकार! मी विचारच करत होते या अठवड्यात ही भाजी करायचा......बरी सापडली कृती! ;) केल्यावर कळविनच! एक शंका, भाजीबरोबर पोळी खायची की भात? रेवती

पोळी की भात?

दिपाली पाटिल मंगळवार, 02/06/2009 07:14

रेवती, आम्ही आधी पोळी सोबत खातो आणि नंतर भातासोबत... :) मसाल्यात पोहे घातल्याने भाजी मिळून येते पण जास्त पोहे घालू नयेत, एखाद चमचा पुरे होतात. दिपाली :)

आम्ही आधी

रेवती मंगळवार, 02/06/2009 16:17

आम्ही आधी पोळी सोबत खातो आणि नंतर भातासोबत... हा हा हा. रेवती

भाकरी....

अनुप कोहळे बुधवार, 03/06/2009 02:28

मस्त गावरणी ज्वारी चि भाकरी आणि शेवभाजी....आहा हा हा...... कांदा....लिंबाची फोड...... नाकातोंडातून पाणी आले.....नुसत्या आठवणीने.....

पोळी की भात?

दिपाली पाटिल मंगळवार, 02/06/2009 07:19

ही भाजी थोडी तिखट च असते. दिपाली :)

सस्स्स...

अनिता मंगळवार, 02/06/2009 05:41

झकास... बर्याच दिवसा॑न॑तर सय आली शेव भाजीची....

आईऽऽऽ

प्राजु मंगळवार, 02/06/2009 06:07

आईऽऽऽ शपथ्थ!! जबरी!!!!!!!!!! या भाजीत पोहे असतात हे माहीतीच नव्हतं.. - (सर्वव्यापी)प्राजु http://praaju.blogspot.com/

बिजा होय

विंजिनेर मंगळवार, 02/06/2009 06:32

अरे भाई , आ शाक तो आपडा सेव टमाटानाच शाक होय... सुरतमा बहु सरस मळसे.. खानदेसमा क्यांथी आवी गयु? विंजिनेर पटेल

विंजिनेर पटेल

दिपाली पाटिल मंगळवार, 02/06/2009 07:16

या शाक मध्ये टोमॅटो नाहिये.. खानदेसमा क्यांथी आवी गयु? :/ दिपाली :)

आहाहा....

घाटावरचे भट मंगळवार, 02/06/2009 06:36

आहाहा.... सुट्टीत खूप खेळून दमून आल्यावर 'आजीऽऽ भूऽऽक' अशी मारलेली आरोळी आणि मग आजीने पानात वाढलेली अस्सल खानदेशी पद्धतीची गरम गरम शेव भाजी आणि पोळी आठवली. जीव कासावीस की हो झाला.

झ क्का स

अवलिया मंगळवार, 02/06/2009 07:27

झ क्का स !! बास ! दुसरा शब्दच नाही :) --अवलिया

खमंग

क्रान्ति मंगळवार, 02/06/2009 08:03

खुसखुशीत भाजी मस्त! करून पहायला हवी! :) क्रान्ति क्या पता किस मोडपर मिल जायेगा वो? गुमशुदा दिल को दिवाने ढूंढते हैं| अग्निसखा

झकास

नंदन मंगळवार, 02/06/2009 08:50

पाककृती. आमच्या महाराष्ट्र मंडळातल्या भुसावळकडच्या एका कुटुंबाने शेवभाजीचा बेत केला होता त्याची आठवण झाली -

नंदन
मराठी साहित्यविषयक अनुदिनी

वा! शेव

सँडी मंगळवार, 02/06/2009 08:57

वा! शेव भाजी! झख्खास!

अतिसुंदर...

मराठमोळा मंगळवार, 02/06/2009 11:19

अतिसुंदर... :) ही गरम मसाल्याची शेव भाजी आहे...अस्सल काळ्या मसाल्याची शेव भाजी फार सुंदर लागते... नाशिकमधे तर जवळपास सर्व ठिकाणी मिळते. काही लोकं भावनगरी शेव वापरतात.. ती सुद्धा छान लागते पण त्यात सोडा जास्त असल्याने पोटासाठी तेवढी चांगली नाही. ;) आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

पाकृ

विसोबा खेचर मंगळवार, 02/06/2009 11:27

पाकृ जबर्‍याच! दिपाली, जियो..! :) तात्या.

वा. मस्तच.

जागु मंगळवार, 02/06/2009 11:32

वा. मस्तच.

उच्च ! ह्या

परिकथेतील राजकुमार मंगळवार, 02/06/2009 11:41

उच्च ! ह्या रविवारी हा बेत नक्की ! ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

भारीच,,,,

शार्दुल मंगळवार, 02/06/2009 11:48

करुनच बघते ,,,,,, आता ,,,,, नेहा

मस्त..

स्वाती दिनेश मंगळवार, 02/06/2009 12:23

आज सकाळीच मला शेवभाजीची आठवण झाली आणि मिपा उघडल्यावर तीच दिसली.. पोह्यांचे मलाही माहित नव्हते. पण इथे फ्राफुत शेव अगदी बंडल मिळते, :( तरीही करीनच एकदा लवकरच.. स्वाती

भाजी झकासच

माधुरी दिक्षित मंगळवार, 02/06/2009 12:54

भाजी झकासच आहे ग !!!!! पण याच्या ग्रेव्हीत टोमॅटो का वापरत नाहीस?

जबरी. मिसळप

नितिन थत्ते मंगळवार, 02/06/2009 13:01

जबरी. मिसळपाववर अगदी सुयोग्य पाककृती. खराटा (रंग माझा वेगळा)

चविष्ट!

शाल्मली मंगळवार, 02/06/2009 17:03

मस्त दिसत्ये शेव भाजी. सध्या फक्त फोटोवरच समाधान मानावं लागणार भारतात जाईपर्यंत .. इथे तशी शेव मिळत नाही. :( --शाल्मली.

मस्तच!!

चकली मंगळवार, 02/06/2009 19:35

कसली भारी दिसतेय शेवभाजी!! मस्तच !! चकली http://chakali.blogspot.com

धन्यवाद

दिपाली पाटिल मंगळवार, 02/06/2009 21:07

माधुरि दिक्षीत - अस्सल खानदेशी ग्रेव्यां मध्ये टोमॅटो नसते . :) स्वाती ताई, चकली - तुमचे प्रतिसाद आले म्हणजे परिक्षे त पास झाल्यासारखं वाटतं. :D बाकि तात्या, परा,प्राजु, रेवती, मिताली,अनिता, क्रांती, खराटा, अवलिया,शाल्मली, सँडी, आणि ज्यांची नावं विसरली असेल त्यांनासुध्दा मनापासून धन्यवाद. बागडू -- खानदेशा त सगळ्या आमट्यां ना भाजी च म्हणतात. मराठमोळा - काळ्या मसाल्याची कशी असते शेवे ची भाजी ? पाकृ दिलीत तर ....:) सगळे करून बघा आणि फोटो टाका... दिपाली :)

खुपच मस्त

समिधा मंगळवार, 02/06/2009 21:59

खुपच छान दिसतीय ही भाजी ,खुप दिवसात केली नाही आता करुन बघेन समिधा (चांगल्या मैत्री सारखे सुंदर दुसरे काही नाही.)

लै भारी

श्रीयुत संतोष जोशी शनिवार, 06/06/2009 08:52

लै भारी आहे ही पाकक्रिया. काही वर्षापूर्वी भुसावळ ला एका भावाच्या लग्नाला गेलो होतो त्यावेळी आदल्या दिवशी त्या कार्यालयात ही शेवभाजी प्रथम खाल्ली होती. अजूनही जिभेवर ती चव रेंगाळते आहे. ( दुसर्‍या दिवशीचं जेवण मात्र अगदीच बावळट होतं ) ही पाकृ दिल्याबद्दल आभार. हे राज्यं व्हावे ये तो श्रींची इच्छा.

टोटल

बबलु शनिवार, 06/06/2009 13:33

टोटल आडवा झालो. आता करायलाच पाहिजे. जातो कुठे. दिपाली.. ब्रेड बरोबर खायला सुद्धा चांगली लागते ना ? ....बबलु

झकास .....

कुंदन बुधवार, 10/06/2009 12:45

एकदम झकास दिसतीये भाजी.... जेवण झाल्यावरही लिंबु पिळुन अशी आंबट-तिखट भाजी ओरपण्यात काय मज्जा येते....

खल्लास...

प्रभाकर पेठकर बुधवार, 10/06/2009 13:00

शेवभाजीची पाककृती आणि छायाचित्र जबरी आहे. सोबत जोंधळ्याची भाकरी आणि जमल्यास खानदेशी भरीत (वांग्याचे) हवे बुवा! लवकरच करून पाहतो म्हणणार होतो पण भाजीवरील तेलाचा तवंग पाहिल्याबरोबर आमच्या फॅमिली डॉक्टरांची कृद्ध नजर आठवली. (ते कोकणांत त्यांच्या गावी गेले की करू.) मॉर्निंग वॉकला उठायचा कंटाळा येत असेल तर ..... झोपेत चालायला शिका.

या भाजी सोबत...

दिपाली पाटिल शुक्रवार, 12/06/2009 05:13

सोबत जोंधळ्याची भाकरी आणि जमल्यास खानदेशी भरीत (वांग्याचे) हवे बुवा! प्रभाकर , या भाजी सोबत जोंधळ्याची भाकरी आणि खानदेशी भरीत नाही खात, या सोबत पोळी , भात खातात. आणि सोबत लिंबु पिळुन, कांदा, टोमॅटो, मुळा खातात. हे दोन्ही पदार्थ एकत्र खाल्ल्याने दोघांची ही चव नीट लागणार नाही. :) दिपाली :)