रामलीला मैदानातील जनसभा : सत्ताबदलाची चाहूल?

दोन मुद्दे:

१. ही सभा १ नोव्हेंबरला आयोजित केली जाणार आहे. १९८४ साली ३१ ऑक्टोबर रोजी इंदिरा गांधींची हत्या झाली आणि त्याच्या दुसऱ्या दिवशीपासून दिल्लीत 'राजीव गांधी सिख मारो योजना' सुरू झाली होती. त्यामुळे शिखांमध्ये १ नोव्हेंबर या तारखेविषयी आक्षेप आहेत. ही सभा १ नोव्हेंबरलाच का आयोजित करणार आहेत समजले नाही. १ नोव्हेंबर रविवार आहे म्हणून असेल तर ३१ ऑक्टोबरलाही विकांत- शनीवार आहे. त्या दिवशी पण सभा आयोजित करता आली असती. इंदिरा गांधी पुण्यतिथी आणि सरदार पटेल जयंती या दोन्हींच्या निमित्ताने- बघा सरदार पटेलांनी देश एकत्र केला आणि इंदिरा गांधींनी तो देश एकत्र ठेवण्यासाठी आपले रक्त सांडले त्यांच्या जयंती/पुण्यतिथीच्या दिवशी आम्ही ती सभा आयोजित करत आहोत असली काहीतरी मल्लीनाथी तरी करता आली असती.

२. खरं तर ही सभा दिवाळीच्या इतकी जवळ आलेली असताना आणि त्यातही दिवाळीच्या आधीच्या शेवटच्या विकांताला आयोजित करण्याचे लॉजिक समजले नाही. एकतर ज्ञानेश कुमार मुद्द्यामध्ये सामान्य लोकांना फार रस आहे असे दिसत नाही. टिव्ही चॅनेलच्या चर्चांमध्ये आणि जनेयु सारख्या विद्यापीठांमध्ये बसलेले ढुढ्ढाचार्य म्हणजे सगळा देश नाही. त्यात दिवाळीच्या आधी शेवटच्या विकांताला- जेव्हा लोकांना दिवाळीची तयारी/खरेदी यामध्ये रस असणार ते सोडून ज्या मुद्द्यात मुळात फारसा रस नाही अशा मुद्द्यावरील सभेस लोक जातील का? अर्थात सभेला गर्दी होणार नाही असे म्हणत नाही. पैसे टाकले की १४० कोटींच्या भारतात २-४ लाख रिकामटेकडे गोळा करून सभेला आणणे कॉग्रेससारख्या राजकीय पक्षाला फारसे कठीण जाऊ नये. मात्र ती सभा जनमानसाचे प्रतिबिंब असेल की टिव्ही चॅनेलवरील चर्चांचे?

बघू काय होते ते.      

मोठा गवगवा करून राजकुमार कार्यक्रम ठरवतात, खरगे आणि इतर त्यास जोरदार पाठिंबा देतात पण नंतर सरुवातीलाच काहीतरी भन्नाट मुद्दा उपस्थित करतात आणि सगळा विचका होतो. काल परवाच खरगे यांनी एक मोदिविरोधी फटाका विधान करून रोष ओढवून घेतला आहे. तर भजपा याचं उट्टं त्याच दिवशी काढेल. मागे भारत जोडो पदयात्रेत सावरकर मुद्दा काढायची गरज नव्हती. भारत जोडोशी काय संबंध होता?  झुरळ आंदोलनास पाठिंबा द्यायला वेळ लावून शेवटी राजकुमाराने वेगळीच छात्रों की गूंज पेटी वाजवायला घेतली आणि तेही आंदोलन गळाले. केरळचे जुने कॉन्ग्रेस नेते वेळोवेळी राजकुमारविरोधी विधाने करून अडचणीत आणतात. सीजेपीप्रमाणे कॉन्ग्रेस युवापिढीशी सूत जुळवत नाही म्हटल्यावर मग तसे धडाकेबाज कार्यक्रम आखण्यात आले. 

अगदीच नाकाशी आग आली तर भाजपकडे काही हुकमाच्या दुऱ्या तिऱ्या उतरी करते. डेक्कन हेराल्ड, वडेरा प्रकरणे वर काढते. 

रागा चे लॉजिक त्याना स्वत:लाच समजू शकते.

१ नोव्हेंबरला दिल्लीत म्हणे १० लाखांचा जनसमुदय येणार आहे.

इतके लोक बाहेरून आले त्यानी मोर्चा काढला तो शांततेने होईल याची हमी रागा घेणार आहे का?

लोकांचे काही नुकसान झाले तर जबाबदार कोण?

दुसरे म्हणजे सणासुदीचे दिवस आहेत त्यावेळेस मोर्चात सहभागी होणारे रिकामटेकडे  लोक कोण असतील  याचा अंदाज लावता येतो. 

झुरळ आंदोलन मागे पडले पण त्याचा प्लॅटफॉर्म करून रागा स्वत:ची पोळी भाजून घेताहेत.  पोळी भाजण्यासाठी त्याना तवा मिळाला आहे  दुर्दैवाने कणीकीची वानवा आहे.

मोदींना सांगा की ज्ञानूला हाकलून द्या, ३० सेकंदात आंदोलन मागे घेतो असे श्रीमान राहुलजींनी विएतनाममध्ये विपश्यना करताना सांगितले आहे.

म्हणजे राहुलजींना जनतेच्या समस्यांची जाणीव आहे व ते समजूतदार असून अजिबात दुराग्रही, आडमुठे नाहीत. आता चेंडू व्यापाऱ्यांच्या बाजूला आहे आणि त्यांनी ठरवायचे आहे की मोदींना सांगून ज्ञानूला घालवायचे की राहुलजींची न्याय मागणी नाकारून स्वतःचे नुकसान करून घ्यायचे.