अशोक खरातवर बोलू काही ?

महाराष्ट्रासारख्या पुरोगामी राज्यात अशा प्रकारच्या घटनांनी खरोखरच चिंतेची भावना निर्माण होते. अशोक खरात याच्याबाबत समोर येणाऱ्या बातम्या- अत्यंत मोठी संपत्ती, राजकीय-सामाजिक वर्तुळात वावर, आणि त्याचबरोबर गंभीर गुन्ह्यांचे आरोप या केवळ एका व्यक्तीपुरत्या मर्यादित नसून, व्यापक सामाजिक समस्येकडे निर्देश करतात.

मुख्य प्रश्न हा आहे की, “लोक फसतात कसे?”

यामागे काही ठळक कारणे दिसून येतात:

1. अंधश्रद्धा आणि मानसिक आधाराची गरज
   अनेक लोक संकटाच्या काळात तर्कापेक्षा “कोणी तरी मार्ग दाखवेल” या आशेने अशा व्यक्तींवर विश्वास ठेवतात. भविष्यकथन, उपाय, पूजा यामधून मानसिक दिलासा मिळतो, आणि तेच पुढे विश्वासात रूपांतरित होते.
2. प्रभावशाली लोकांचा पाठिंबा
   जेव्हा मंत्री, अधिकारी किंवा नामांकित व्यक्ती अशा बाबांच्या संपर्कात असल्याचे दिसते, तेव्हा सामान्य माणसाचा विश्वास अधिकच वाढतो—“हे मोठे लोक जातात, म्हणजे काहीतरी खरे असेल” अशी मानसिकता तयार होते.
3. कायदेशीर कारवाई उशिरा होणे
   अशा प्रकरणांमध्ये अनेकदा तक्रारी उशिरा येतात किंवा पुरावे गोळा होण्यास वेळ लागतो. तोपर्यंत अशा व्यक्तींचे जाळे मोठे झालेले असते.
4. जलद श्रीमंती आणि चमत्कारांची लालसा
   काही लोकांना पटकन यश, पैसा किंवा समस्या सोडवण्याचा शॉर्टकट हवा असतो. हीच मानसिकता भोंदूगिरीला खतपाणी घालते.
5. प्रबोधनाचा अभाव
   शिक्षण असूनही वैज्ञानिक दृष्टिकोन (scientific temper) प्रत्यक्ष आयुष्यात वापरण्याची सवय कमी आहे.

पुढे काय करायला हवे?

• अंधश्रद्धा निर्मूलनासाठी ठोस जनजागृती आणि शिक्षण
• अशा प्रकरणांवर त्वरित आणि पारदर्शक चौकशी
• दोषींवर कठोर कारवाई—कोणीही असो
• समाजात वैज्ञानिक दृष्टिकोन वाढवणे
• माध्यमांनीही जबाबदारीने बातम्या सादर करणे

शेवटी, ही घटना केवळ एका “भोंदूबाबा”ची नाही, तर समाजाच्या विचारसरणीची कसोटी आहे. लोकांनी प्रश्न विचारण्याची सवय लावली, तर अशा घटना कमी होऊ शकतात.

आपली मतं ही टूल्सचा वापर करुन दिलेली असलेली तरी योग्यच आहेत. खडे, मूत्र, व्हीयाग्रा आणि काय काय माध्यमामधून येत आहे. च्यायला, लोक आपल्या विवेकाचा बुद्धीचा वापरत थोडाही करत नाहीत. इतका कसा हा मोह माया सत्ता संपत्तीचा नाद म्हणायचा. काल एका महिलेने आरोप केला की, २०२० पासून हा भोंदु पूजा धार्मिक विधी करायचे आहेत म्हणून ब्लैकमेल करुन  बलत्कार करायचा.  तू ऐकले नाहीस तर, मुलांना मारुन टाकेन. घरातल्याना मारुन टाकेन. अतिरेक झाला या बाबाचा. 

माणसं बुद्धीवादी व्हायच्या ऐवजी आपण पाहतो की, अजून गोबरवादी व्हायला लागली आहेत. राजकारणात कोणाला तरी शह द्यायचा, दाबायचं, आहे, त्यासाठीही अशा गोष्टींचा वापर होत आहे, हे सगळ दुर्दैवी आहे.  अशोक खरात जस जसा प्रकरणे काढेल मला वाटतं, त्याला फ़ार काळ जगूही देणार नाहीत असे वाटते. 
 

-दिलीप बिरुटे

कुख्यात चंदन तस्कर वीरप्पनचे राजकीय लागेबांधे होते. सत्तांतरात त्याच्याकडे महत्वाचे रोल असत. आमदारांचा घोडेबाजार असो की निवडणूकीसाठीचा पैसा असो, तो लक्षणीय मदत करत असे.

चंदन तस्करीआडचा वीरप्पनचा चेहरा भेसूर नसून त्याच्या ब्लॅकमेलिंगचा होता.

तो जिवंत राहिला तर आपल्या नरड्यातले हाडूक ठरू शकतो हे लक्षात येताच एरव्ही दर्शन दुर्लभ असलेल्या वीरपप्पनचे एन्काऊंटर केले गेले.  

अशीच हकीकत अब्दुल करीम तेलगीची होती.
तेलगीने बनावट स्टॅंपची प्रिंटिंग प्रेस काढली होती. तत्कालीन पॅावरफुल राजकारण्यांनी त्याला लाळ गळेपर्यंत ओरपून ओरपून खाल्ले.

त्याच्याकडे पैसा मजबूत होता. पोलिसांनी तर त्याला अक्षरशः ओरबाडून घेतले. नंतर त्याचा वापर संपला नि मग तुरूंगात असताना त्याला मृत्यू आला.

अशोक खरातकडे ॲाफिसबॅाय म्हणून कामाला असणारा नीरज जाधव करामती माणूस. खरातकडे येणाऱ्या बायकांच्या संपर्कात तो राहायचा.

काही विशिष्ट मंदिरातील निवडक पुजाऱ्यांशी खरातने संधान बांधले. तिथे येणाऱ्या भाविक स्त्रियांना जाधवशी कनेक्ट केले जायचे. जाधव त्या नडलेल्या अडलेल्या बायकांना नीट कनेक्ट करायचा.

जाधवने खरातचे बिंग फोडलेय. विविध राजकारणी मंडळींना ‘मल्टिपल सर्व्हिस आणि माझा मॅंगो‘ देणारा खरात केवळ हेपल्या माणूस नव्हता. तो मिडिएटर होता.

तेलगी आणि वीरप्पन सोबत जे घडले ते खरातसोबत घडू शकते.

भारतातली लोकशाही एका महान टप्प्यावर पोहोचलीय तिथे अशा घटनेचे सरकारी उदात्तीकरण करून त्याचे लॅालिपॅाप चघळायला मीडियाला खूप आवडते. लोकदेखील याचे हाडूक चार दिवस चघळतात आणि सोडून देतात;

नवा खरात, नवा तेलगी आणि नवा वीरप्पन पैदा झाला तरी आम्ही खोलात जाऊन मुळावर घाव घालत नाही, प्रश्नचिन्ह लावत नाही! दीड अब्ज नंदीबैलांच्या देशात प्रश्न विचारणे हा गुन्हा ठरला आहे, इथे आता लोकांनी नंदीबैलांगत मान डोलावणेच अपेक्षित आहे!

- समीर गायकवाड

@प्रा.डॉ.दिलीप बिरुटे सर 

सदर आरोपीला जास्तीत जास्त कडक शिक्षा व्हावी ही अपेक्षा आहे.

या आरोपीला मनुवादी म्हणायचं आहे की नाही हे एकदा क्लिअर करून सांगता का?

तसेच वर "माणसं बुद्धीवादी व्हायच्या ऐवजी आपण पाहतो की, अजून गोबरवादी व्हायला लागली आहेत." असंही तुम्ही म्हटलं आहे. तर सदर आरोपीलाही गोबरवादी म्हणायचं आहे की नाही हेही एकदा क्लिअर करून सांगता का?

नाही म्हणजे, त्या हिशोबाने प्रतिसाद द्यायचं ठरवता येईल म्हणून म्हणतो. 
 

अशोक खरात या भोंदूच्या दररोज नवनव्या कथा येत आहेत. किती सांगाव्या आणि किती लिहाव्यात....
एक दिवस आपण यालाही विसरु इतकंच वाटत आहे. 

-दिलीप बिरुटे

झूकानेवाला चाहिए....

ह्या नराधमाला कठोर शिक्षा व्हायला हवी....

तरी नशिब, ह्यात पहिल्यांदा शाहु, फ़ुले, आंबेडकरांच्या नावाने चालणार्या पक्षची महिला सापडली,  पदावरुन पाय उतार झाली. नावडत्या पार्टीचा नेता सापडला असता तर आतापर्यंत टाळ्या, थाळ्या, टिर्या आणि उर बडवून झाला असता.

भोंदूबाबा ह्याचा नक्की अर्थ काय ? भोंदू सोडून आणखीन कुठल्या प्रकारचा बाबा असतो का ? आणि हे कोण ठरविणार ?

धार्मिक भावनांचा फायदा घेऊन माया जमविणे ह्यांत नवीन काहीच नाही आणि काही चुकीचे सुद्धा नाही. लोकांनी स्वतःहून दिले तर त्यानं लुडबुड करणारे आपण कोण ? त्यामुळे किती जमिनी आहेत आणि किती संपत्ती आहे हा मुद्दा नगण्य आहे.

लैगिक शोषण आणि बेकायदेशीर हत्यारे वगैरे हे वेगळे गुन्हे आहेत त्याची चौकशी व्हावी. पण अंधश्रद्धा किंवा व्यक्ती बाबा होती कि नाही ह्याचा काहीही संबंध नाही.  

खरातचं काय चुकलं? काही नाही.

त्याने फक्त डिमांड सप्लाय वापरलं. 

समाजातील लोक लोभापायी आणि आणखी लाभ मिळवण्यासाठी तोडगे शोधत असतात.