बघ ती सावलीच ठरली वरचढ उन्हावरी बघ माझाच जीव जडला माझ्या व्यथेवरी बघ वारीत पांडुरंगा सावध रहा जरा तू मारेल चोर डल्ला तुझिया विटेवरी बघ म्हणतात जे मराठी चित्रपट अता न चाले नसते पकड जराही त्यांची कथेवरी बघ साहेब जे कधीही दिसले मुळी न मजला होते हजर परंतू कायम पटावरी बघ वाऱ्यामुळे खरेतर पडली कळी उमलती आरोप त्या बिचाऱ्या आला दवावरी बघ करतात यार आग्रह बहुतेक याचसाठी मी बोलतो खरे ते, थोडी पिल्यावरी बघ