AIचा घो(र)
~~~~~~~~~~~
चौदा विद्यांच्या वाचस्पतींनो
चौसष्ट कलांच्या कलानिधींनो
गानगंधर्वांनो, भसाड्यांनो
चित्रकारांनो, रंगाऱ्यांनो
सिद्धहस्त लेखकांनो, कळफलकबडव्यांनो
कवींनो, कवड्यांनो
वैद्यराजांनो, वैदूंनो
नटवर्यांनो, साजिंद्यानो
विचारवंतांनो, प्रचारवंतांनो
कोतवालांनो, ठकसेनांनो
वलयांकितांनो, ट्रोलभैरवांनो
बेलकर्व्हवरील डाव्या-उजव्यांनो
बेलकर्व्हच्या मध्यावरील बेसुमार सुमारांनो
शुभ्रधवलांनो, काळ्याकुट्टांनो, अधल्यामधल्या कृष्णधवलांनो
सावध! AIका AIच्या हाका
जुनी चंगळ संपली बर्का!
Plan B तय्यार ठेवा पक्का
नैतर वर्मी बसेल धक्का
:)
दिवाळी अंक वर्ष
वाचने
743
प्रतिक्रिया
2
मिसळपाव
प्रतिक्रिया
हा हा हा ..
हा हा हा ..
एआय चा धसका सगळ्यांनी घेतला आहे हे मात्र खरे !!
खरंय .... एआय ने घोर लावलाय
खरंय .... एआय ने घोर लावलाय खरं .... आण़़खीन काय काय कोसळेल सांगता येत नाही !
भारी सावधकविता... आवडली ! शब्द रचना त र विशेष आवडली !