टोमॅटो -मुळा-बीट सूप

सूप मस्तच झालेले दिसतेय, मात्र मुळ्यामुळे ह्याची चव उग्र लागत असेल ना?

मुलेच काय मोठेही मुळा घातलेले सूप घेतील असं वाटतं नाही. बाकीचे ओके.

आमच्याघरी टोमॅटो-गाजर-बीट सूप बनते, मुळ्याचे नव्हते ऐकले कधी! मला तामिळ लोकांच्या घरी बनणारा मुळ्याचा सांबार, पीठ पेरून बनवलेली मुळ्याची पालेभाजी (ज्यात सौंदाळा ह्यांनी म्हंटल्याप्रमाणे त्याच्या पांढऱ्या कंदाच्या चकत्या पण असतात), उत्तरभारतात मिळणारा मुली का पराठा आणि मुळा किसून त्यात दाण्याचे कूट, मिरची आणि दही घातलेली कोशिंबीर खूप आवडते, पण सूप मध्ये मुळा घातल्यास ते कसे लागेल ह्याविषयी मनात शंका आहे त्याचे कारण अर्थात वरती मान्यवरांनी उल्लेख केलेला मुळ्याचा 'उग्र वास' हेच आहे 😀 तरी कधीतरी बनवुन बघायला हरकत नाही!

सफरचंदापेक्षा मुळा खायला चांगला लागतो. विनिगरमध्ये मुरलेला मुळा भारी लागतो(जपानी लोणचे.)मूली के पराठेही चांगले लागतात (पण त्यांचे शंभर रुपये का घेतात? वरच्या अमूल लोण्याचे एवढे?)

ही पाककृती अंडे घालून करता येईल का?* उकळत्या कोणत्याही सुपात अंडे फोडून थेट टाकले की त्याचे उत्तम श्रेडेड रूप मिसळून येते. * तळटीप: तुम्ही अंडे घालून किती वेळ झाला आहे त्यावर ते अवलंबून आहे, असा जुना मिपा फेमस पीजे मारल्यास दुर्लक्ष केल्या जाईल

पौष्टिक दिसतेय! मी आधी मुळ्याशिवाय करून पाहतो. मुळ्याचे शेपूसारखे आहे. काहीजणांना आवडतो, काहींना नाही. मला वाटते, मोठे जपानी डाइकोन मुळे किंवा लहानलहान गुलाबी गेंदमुळे वापरून सूप जरा सहनीय होऊ शकेल. तुम्ही मसाले जरा जास्तच वापरले आहेत! त्याऐवजी सूप साधे ठेऊन त्यात खालीपैकी कोणत्याही दोन किंवा तीन किंवा एका वनस्पतीची पाने बारीक कापून भुरभुरावीत - १. कोथिंबिर २. शेपू ३. बेझिल/तुळस ( बेझिलची चव आणि वास अप्रतिम असतो. मला प्रचंड आवडते. तुळशीसारखाच प्रकार असला तरी भारतात का लोकप्रिय नाही हे मला समजत नाही) ४. सेज ( बेझिल आणि सेज या दोघांचा योग स्वर्गीय. मी कोणत्याही साध्या वरणात कोथिंबिरीऐवजी बेझिल आणि सेज बारीक कापून भुरभुरतो) ५. थाईम ४. रोजमेरी ३. पार्सली - कोथिंबिरीसारखी असते तरी चवीला भिन्न. २. पुदिना - हा उपलब्ध आहे सगळी कडे १. गवती चहा २. हिरवी तमालपत्रे ३. मार्जोराम कधी कधी लिंबाऐवजी लिंबाची साल किसून टाकावी. गाजर आणि रताळे शिजवून त्यांचे गोडसर सूप करता येते. तुपा-लोण्यावर फार राग नसेल तर तूप, क्रीम मिसळून छान लागते. नुकतीच बारीक चेचलेली वा भरडलेली काळीमिरी, किंचित दालचिनी आणि साखर, किंवा साखर नको असेल तर मध. विनेगर हे उग्रपणा घालवण्यासाठी उत्तम उपाय आहे. मी मटणाला, मोड आलेल्या कडधान्यांना विनेगराच्या पाण्यात हमखास बुडवून ठेवून धुवून घेतो. उग्र, नकोसे वास निघून जातात असा अनुभव आहे. कोणत्यातरी मध्ययुगीन पाकक्रियेच्या पुस्तकात भारतीय लोक वास घालवण्यासाठी हिंगाच्या पाण्याने मांस, विशेषतः मोठ्या प्राण्यांचे, प्रामुख्याने गोमांस धुत असे वाचल्याचे स्मरते. तपशील आठवत नाही. मला प्रयोग करायला खूप आवडते. खूपदा प्रयोग गंडतात. पण कधी कधी जमूनही जातात. त्यामुळे तुमचे सूप मुळ्यासाहित नक्कीच करून पाहणार.

मुळ्याची कोशींबीर ओले खोबरे खवलेले दही मीठ साखर ( थोडी गोडसरच ठेवल्यास) खूप सुंदर लागते , ओल्या खोबरयामुळे मुळ्यचा उग्र वास बहुतेक सर्व जातो , पण मुळ्याची कोशींबीर दही वमुळ्यामुळे पोटाला इतके छान वाटते मला तर पटापट पोळ्या जातात . पोटाला छान वाटते, पचन चांगले होते व पोटात ऊन्हाळ्यात खूप गारेगार वाटते. तसेच काकडीची कोशींबीर , भरपूर दाण्याचे कूट वआयत्यावेळी दही घालून खाल्यावर पोटाला गार पचनाला छान उन्हाळ्यात तब्येतीला छान।

मुळ्याची कोशींबीर ओले खोबरे खवलेले दही मीठ साखर ( थोडी गोडसरच ठेवल्यास) खूप सुंदर लागते , ओल्या खोबरयामुळे मुळ्यचा उग्र वास बहुतेक सर्व जातो , पण मुळ्याची कोशींबीर दही वमुळ्यामुळे पोटाला इतके छान वाटते मला तर पटापट पोळ्या जातात . पोटाला छान वाटते, पचन चांगले होते व पोटात ऊन्हाळ्यात खूप गारेगार वाटते. तसेच काकडीची कोशींबीर , भरपूर दाण्याचे कूट वआयत्यावेळी दही घालून खाल्यावर पोटाला गार पचनाला छान उन्हाळ्यात तब्येतीला छान।

मस्त रेसिपी. दिल्लीत हिवाळ्यात ठेल्यावर मुळा लिंबू आणि चाट मसाला लावून विकतात. मुळ्याचे पराठे किंवा मुळा गाजर मिक्स पराठे मार्च एप्रिल पर्यंत आमच्या घरात बनतात. मक्याची रोटी आणि सरसोचा साग असेल तर साग वर मुळा किसून टाकतो. बाकी तुरीच्या डाळीत मुळा मस्त लागतो. उत्तर भारतात सॅलड मध्ये ही हिवाळ्यात मुळा हा असतोच. राम लड्डू वर हिरव्या चटणी सोबत मुळ्याचा किस असतो.

टोमॅटो, टोमॅटो-गाजर, टोमॅटो-फोडलेलं अंडं अशी सुपे ट्राय केलीत. मसाले थोडे जास्त वाटताहेत, पण कदाचित मुळ्याच्या वास आणि चवीला झाकण्यासाठी गरज असावी. फिनिश्ड प्रॉडक्ट मात्र एकदम सुंदर दिसतेय.