हळीवचे लाडू

पहिलाच प्रयत्न आहे,योग आला म्हणून बनवले :).थंडीमध्ये हे मुख्यतः हे लाडू खाल्ले जातात.हळीव हे पौष्टिक असे तेल-बी आहे. १०० ग्रॅम हळिवात तब्बल १०० मिलिग्रॅम आयर्न असते. लोह, कॅल्शियम, फॉलेट, बीटाकॅरोटिन, क जीवनसत्त्व व टोकोफेरॉक हे पोषक घटक हळिवांत आहेत. १०० ग्रम हळिव २वाट्या खोवलेला नारळ ३वाट्या गुळ ३ वाट्या नारळाचे पाणी/शहाळ्याचे पाणी १/२ वाटी काजू बदाम पुड १/२ चमचा चमचा जायफळ पावडर कृती हळीव स्वच्छ निवडून,नारळाच्या पाण्यात ८ तास भिजवावे. हळीव , खोवलेला नारळ,गुळ एकत्र करून ४ तास भिजवावे. हळीव भिजल्यावर हे मिश्रण ३० मिनिटं मंद आचेवर परतावे. तेव्हा त्यात काजू बदाम पूड,जायफळ पूड टाकावी. परतल्यानंतर मिश्रण गार करून लाडू वळावे. रोज एक कोमट दुधाबरोबर खाऊ शकतो.