नोव्हेंबर २०२२ - चालू घडामोडी (१)

१०१ दिवसांच्या तुरूंगवासानंतर पत्राचाळ घोटाळा प्रकरणात संजय राऊत जामीन मिळून बाहेर येणार. आता दिग्विजय करून जग जिंकून आलेल्या वीरासारखे प्रचंड जंगी स्वागत होईव आणि तोंडाचे गटार पुन्हा एकदा धो धो वाहण्यास प्रारंभ होईल. राऊतच्या अनुपस्थितीत शिवराळ बोलण्याची जबाबदारी स्वीकारलेली दीपाली सय्यद आता शिंदे गटात सामील होतेय. पण आता दीपालीला झाकोळून टाकणारी सुषमा अंधारे काय करणार? राऊत बाहेर आल्यामुळे आता सुषमा अंधारेला काहीच महत्त्व राहणार नाही.

अमेरिकेत जशी दर ४ वर्षांनी (२०००, २००४, २००८, २०१२ . . .) अध्यक्षपदाची निवडणूक होते तशीच दर ४ वर्षांनी (२००२, २००६, २०१०, २०१४ . . .) तेथील दोन्ही सभागृहांची (म्हणजे Senate जे आपल्या राज्यसभेसारखे असते ज्यात १०० खासदार असतात व House of Representatives जे आपल्या लोकसभेसारखे असते ज्यात ४३६ खासदार असतात) निवडणूक असते. सध्या या निवडणुकांचे निकाल येतात. ताज्या निकालांनुसार Senate मध्ये Republicans 49 and Democrats 48 अशी स्थिती आहे. तर House of Representative मध्ये Republicans 209 and Democrats 192 अशी स्थिती आहे. House of Representative मध्ये Republicans बहुमताच्या २१८ या आकड्याच्या अगदी जवळ आहेत, तर Senate मध्ये जवळपास समान स्थिती आहे. एकंदरीत २०२४ मध्ये होणाऱ्या अध्यक्षपदाच्या निवडणुकीसाठी रिपब्लिकन्ससाठी अनुकूल परिस्थिती निर्माण होताना दिसत आहे.

अमेरिकेत जशी दर ४ वर्षांनी (२०००, २००४, २००८, २०१२ . . .) अध्यक्षपदाची निवडणूक होते तशीच दर ४ वर्षांनी (२००२, २००६, २०१०, २०१४ . . .) तेथील दोन्ही सभागृहांची (म्हणजे Senate जे आपल्या राज्यसभेसारखे असते ज्यात १०० खासदार असतात व House of Representatives जे आपल्या लोकसभेसारखे असते ज्यात ४३६ खासदार असतात) निवडणूक असते. सध्या या निवडणुकांचे निकाल येतात. ताज्या निकालांनुसार Senate मध्ये Republicans 49 and Democrats 48 अशी स्थिती आहे. तर House of Representative मध्ये Republicans 209 and Democrats 192 अशी स्थिती आहे. House of Representative मध्ये Republicans बहुमताच्या २१८ या आकड्याच्या अगदी जवळ आहेत, तर Senate मध्ये जवळपास समान स्थिती आहे. एकंदरीत २०२४ मध्ये होणाऱ्या अध्यक्षपदाच्या निवडणुकीसाठी रिपब्लिकन्ससाठी अनुकूल परिस्थिती निर्माण होताना दिसत आहे.

काल शिवप्रताप दिनाच्या शुभमुहूर्तावर प्रतापगडावरील अफजलच्या थडग्याभोवती प्रचंड वाढलेले अतिक्रमण काढून टाकण्यात आले. ही अत्यंत आनंदाची गोष्ट आहे. ही कामगिरी केल्याबद्दल महाराष्ट्र सरकारचे अभिनंदन! कालपासून मुस्लिमधार्जिण्या असलेल्या कॉंग्रेस, राष्ट्रवादी, उबाठा सेना अश्या पक्षांना सुतक लागले आहे. परवा ठाण्यातील एका चित्रपटगृहात हर हर महादेव चित्रपट सुरू असताना आव्हाड व काही गुंड तेथे गेले व चित्रपट बंद पाडण्याचा प्रयत्न केला. एका प्रेक्षकाने विरोध केल्याने त्याला मारहाण करण्यात आली. विरोध करणाऱ्यांना आपल्या गुंडांकरवी बेदम मारहाण करणे हे आव्हाडसाठी नवीन नाही. अनंत कुरमुसेंना ज्या गुंडांनी बेदम मारले तेच गुंड रा मारहाणीतही दिसत आहेत. निदान २ दिवसांनंतर तरी ठाणे पोलिसांनी आव्हाडांना ताब्यात घेतले आहे. काहीतरी सौम्य कलमे लावून ९५० रूपयांच्या जामिनावर सोडतात का ते समजेलच लवकर. या दोन्ही कारवायांबद्दल सरकारचे व विशेषतः फडणवीसांचे अभिनंदन!

युक्रेनवर आक्रमण करून काही शहरे बळकावलेल्या रशियन फौजांनी युक्रेनमधील खेरसन शहरातून माघार घेतली आहे. माघारीनंतर युक्रेनचे सैन्य व नागरिक पुन्हा एकदा खेरसन शहरात परत आले आहेत. ९ महिने सुरू असलेले युद्ध अजूनही सुरू आहे. युक्रेनची पिछेहाट झाली असली तरी हार पत्करलेली नाही. आजच्या माघारीमुळे रशियाला मोठा धक्का बसला आहे.

चित्रपटगृहातील मारहाण प्रकरणात काल आव्हाडला अटक झाली. आज न्यायालयीन सुनावणीत १४ दिवसांची न्यायालयीन कोठडी देण्यात आली. त्यावर आता तातडीने जामिनासाठी अर्ज केलाय. आज जामीन मिळाला तर जगज्जेत्याच्या थाटात बाहेर येणार . अन्यथा १४ दिवस ठाणे तुरूंगात रवानगी होईल. अजिबात जामीन मिळू नये अशी तीव्र इच्छा आहे.

गुजरात विधानसभा निवडणुकीसाठी कॉंग्रेसचा जाहीरनामा - आता स्वर्ग सुद्धा फिका पडेल. सर्वात विनोदी आश्वासन म्हणजे सरदार पटेल क्रीडासंकुलातील नरेंद्र मोदी मैदानाचे नाव बदलणार.

पूर्ण अडीच वर्षे घरात राहै कुंभकर्णी झोप घेणाऱ्या तत्कालीन ठाकरे सरकारमुळेच उर्जा निर्मिती प्रकल्प महाराष्ट्रात आला नाही ही वस्तुस्थिती स्पष्ट झाली आहे. आपल्या प्रत्येक गंभीर चुकीचे खापर फक्त ३ महिन्यांपूर्वी सत्तेत आलेल्या शिंदे-फडणवीस सरकारवर फोडण्याचे व्यसन मविआ नेत्यांना लागले आहे. राज्यांनी प्रकल्पासाठी प्रस्ताव सादर करण्याचा अंतिम दिनांक ८ जून २०२२ होता. परंतु पुढील २५ वर्षे सत्तेत राहण्याची वल्गना करणारे ठाकरे सरकार गाढ झोपले होते. त्यामुळे प्रस्ताव दिला नाही व त्यामुळे प्रकल्प येणार नाही हे ८ जून २०२२ या दिवशीच निश्चित झाले होते. जो निष्काळजीपणा फॉक्सकॉन, एअरबस या प्रकल्पांसंदर्भात झाला तोच या प्रकल्पासंदर्भातही झाला. महाराष्ट्रात प्रकल्प आणण्याऐवजी मविआ सरकार विरोधकांना तुरूंगात डांबण्यात, टीकाकारांना बदडून काढण्यात, प्रचंड भ्रष्टाचार करण्यात, अर्वाच्य शिवीगाळ करण्यात, वल्गना करण्यात मग्न होते. महाराष्ट्राच्या दुर्दैवाने हे नालायक सलग ३१ महिने महाराष्ट्राच्या नशिबी आले.

राहुलच्या पदयात्रेने मोठी क्रांती केली आहे. तेलंगणातून यात्रा जात असताना तेथील विधानसभेच्या पोटनिवडणुकीत कॉंग्रेसला जागा गमवावी लागली व कॉंग्रेस उमेदवार तिसऱ्या क्रमांकावर फेकला जाऊन अनामत रक्कम जप्त झाली. हरयाणातील पोटनिवडणुकीतही कॉंग्रेसने जागा गमावली. पदयात्रेमुळे कॉंग्रेस संपण्याच्या प्रक्रियेचा वेग वाढलाय.

"ही श्रींची इच्छा" या प्रसिद्ध पुस्तकाचे लेखक व अमेरिकेतील उद्योगपती श्रीनिवास ठाणेदार मिशिगन राज्यातील डेट्रॉईट शहरातून अमेरिकेच्या प्रतिनिधी सभागृहात (आपल्या लोकसभेसारखे सभागृह) डेमोक्रॅटिक पक्षाकडून निवडून आलेत. त्यांना ७१% मते मिळाली. यापूर्वी त्यांनी मिशिगन राज्याच्या गव्हर्नर (राज्याचा मुख्यमंत्री) पदासाठी निवडणूक लढली होती. मेरिलॅन्ड राज्यातून पूर्वी तेथील विधिमंडळात कुमार बर्वे अनेक वर्षे निवडून येत होते. अर्थात नाव मराठी असले तरी १९५८ मध्ये अमेरिकेतच त्यांचा जन्म झाला होता. श्रीनिवास ठाणेदार मात्र जन्माने भारतीय आहेत व १९८० च्या दशकात उच्च शिक्षणासाठी ते प्रथम अमेरिकेत गेले. अमेरिकेतील निवडणुकीत सिनेटमध्ये डेमोक्रॅटिक ५० व रिपब्लिकन ४९ अशी स्थिती असून शेवटच्या जागेवर डेमोक्रॅटिक पुढे असल्याने त्यांचे ५१-४९ असे बहुमत होण्याची शक्यता आहे. मात्र प्रतिनिधी सभागृहात रिपब्लिकन २११ व डेमोक्रॅटिक २०४ अशी स्थिती असून २२७ जागा मिळवून रिपब्लिकन्स बहुमत मिळविण्याची शक्यता आहे.