Skip to main content

(फिरवतो हात)

लेखक चतुरंग यांनी सोमवार, 27/04/2009 19:30 या दिवशी प्रकाशित केले.

पाषाणभेदाची चांदरात वाचून आम्हाला आमचा 'चांद' आणि रात आठवली! ;)

उरल्या केसांतुन फिरवतो हात || ध्रु ||

भांग तो करण्या केस नुरले
मी हरलो अन वीग जिंकले
न कळे कुणी केली केसांवर मात || १ ||

उरल्या केसांतुन फिरवतो हात || ध्रु ||

नापितापुढे कळ सोसतो मुश्कील
विचारे 'साहेब, केस कसे झाले गुल?'
विस्तारता चांद असा दिनरात || २ ||

उरल्या केसांतुन फिरवतो हात || ध्रु ||

वारे चढले वीगही पडले
एका क्षणी सारे अवचित घडले
लोका सांगे जणू आज टाकली मी कात || ३ ||

उरल्या केसांतुन फिरवतो हात || ध्रु ||

चतुरंग

लेखनविषय:
लेखनप्रकार
वाचने 3441
प्रतिक्रिया 14

प्रतिक्रिया

अभिज्ञ सोमवार, 27/04/2009 21:29

रंगा काका,
उच्च झालेय विडंबन.
:)
अभिज्ञ.

--------------------------------------------------------
पॉझिटिव्ह थिंकिंग....? अजिबात जमणार नाहि.

पाषाणभेद मंगळवार, 28/04/2009 07:35

मी वाटच बघत होतो याची.
प्र. के. अत्रेंची आठवण झाली.

फक्त तारीख पण टाका खाली.
- पाषाणभेद उर्फ दगडफोड्या (- राजेंनी बहाल केलेले नाव)