मतदान करा आणि राष्ट्रीय पक्षालाच करा !

=)) तो पक्षी आहे आम्ही पक्षाबद्दल बोलत आहोत ;) थोडेसं नवीन !

तेव्हा फक्त स्थिर सरकारा साठी राष्ट्रिय पक्षाला मतदान करणे अयोग्य वाटाते... हे नुसतेच अयोग्य नसुन स्वतःवर अन्याय करण्यासारखे आहे.

>>काँग्रेस काय्,भा.ज.पा. काय ५०% टक्क्यांपेक्षा जास्त मते राष्ट्रिय पातळीवर कधीच मिळवू शकले नाहीत्.मग त्यांच्या पक्षाचा पन्तप्रधान हे पण विचित्र वाटते मान्य. पण १% कमी मते मिळविणारे पक्ष पंतप्रधान कोण हे ठरवितात हे त्याहूनही अधिक विचित्र आहे. देवेगौडा सरकारचा पाठिंबा काँग्रेसने काढून घेतल्यानंतर देवेगौडांनी विश्वासदर्शक ठराव मांडला होता. तेव्हा त्या ठरावावरील चर्चेत भाषण करताना प्रमोद महाजनांनी ते भारतीय खासदारांच्या शिष्टमंडळाबरोबर चीनला गेले होते तेव्हाचा अनुभव सांगितला.त्या शिष्टमंडळात त्यांच्या बरोबर काँग्रेसचे पी.जे.कुरीयन, माकपचे सोमनाथ चॅटर्जी आणि महाराष्ट्रवादी गोमांतक पक्षाचे रमाकांत खलप हे खासदार होते. खलप त्यावेळी देवेगौडा सरकारमध्ये कायदा राज्यमंत्री होते. भारतीय लोकशाहीचे कामकाज कसे चालते याची उत्सुकता चीनमध्ये पत्रकारांच्यात होती.तेव्हा महाजनांनी सांगितले-- " मी प्रमोद महाजन. मी संसदेतील सगळ्यात मोठ्या पक्षाचा खासदार आहे. आणि मी विरोधी पक्षात आहे. हे आहेत पी.जे.कुरीयन. हे संसदेतील दुसर्‍या क्रमांकाच्या मोठ्या पक्षाचे खासदार आहेत.हे सरकारमध्ये नाहीत आणि सत्ताधारी आघाडीतही नाहीत.पण त्यांच्या पक्षाचा सरकारला बाहेरून पाठिंबा आहे.त्यानंतर हे आहेत सोमनाथ चॅटर्जी. हे संसदेतील तिसर्‍या मोठ्या पक्षाचे नेते आहेत.हे सरकारमध्ये सामील नाहीत पण सत्ताधारी आघाडीत सामील आहेत.आणि त्यानंतर हे आहेत रमाकांत खलप. हे त्यांच्या पक्षाचे एकमेव खासदार आहेत आणि हे मात्र सरकारमध्ये सामील आहेत इतकेच नव्हे तर मंत्री पण आहेत." मी त्या भाषणाचे थेट प्रक्षेपण बघितले होते आणि आठवेल तसे इथे लिहिले आहे. पण सांगायचा मुद्दा म्हणजे महाजनांनी भारतीय लोकशाहीत गोष्टी कशा घडू शकतात हे सांगितले. आता ही गोष्ट त्यांनी चीनमध्ये सांगून आपल्याच व्यवस्थेची लक्तरे मुद्दामून चव्हाट्यावर आणणे योग्य नव्हते असे मला वाटते पण त्यांनी मांडलेला मुद्दा चुकीचा नक्कीच नाही. त्यानंतर १२ वर्षे उलटून गेली आहेत.आणि या काळात आपल्या देशातील राजकारणाची अजूनच खिचडी झाली आहे ही मात्र वाईट गोष्ट आहे. ---विल्यम जेफरसन क्लिंटन

मी कुठल्याही पक्षाला मतदान करून देशद्रोह करणार नाही! मी मतदान करणार नाही..! मीही मतदान करणार नाही!

निवडणुक आयोगाच्या नियमांप्रमाणे ४ किंवा जास्त राज्यांमध्ये (किंवा केंद्रशासित प्रदेशांमध्ये) ४% किंवा जास्त मते मिळवणारे पक्ष राष्ट्रीय पक्ष म्हणून मानले जातात. तसेच ४ किंवा जास्त राज्यात काही (बहुदा ४ किंवा जास्त) विधानसभा जागा मिळविणारा पक्षही राष्ट्रीय पक्ष म्हणून मान्यता पावतो. यात चार राज्यांचा आकार नेमका किती हवा किंवा त्या राज्यांमधून लोकसभेवर किती खासदार निवडले जावेत याला काहीही नियम नाहीत. महाराष्ट्रात शिवसेनेला ४% पेक्षा जास्त मते मिळतातच. शेजारच्या गोवा, दादरा नगरहवेली आणि दिव-दमण या भागांमध्ये मराठी वस्ती काही प्रमाणात आहेच.समजा शिवसेनेने तिथे ही ४% पेक्षा जास्त मते मिळवली तर शिवसेना हा पक्ष महाराष्ट्र, गोवा, दिव-दमण आणि दादरा नगरहवेली या ४ राज्ये/केंद्रशासित प्रदेशांमध्ये ४% पेक्षा जास्त मते मिळवेल आणि तो ही राष्ट्रीय पक्ष बनू शकतो.तसेच शिवसेनेचा निपाणी-संकेश्वर या सीमाभागात काही प्रमाणात जोर आहेच.समजा भविष्यकाळात शिवसेनेने बेळगाव आणि विजापूर जिल्ह्यातून कर्नाटक विधानसभेच्या ४ जागा मिळवल्या (सद्यपरिस्थितीत ते फारच कठिण आहे) तर त्या पक्षासाठी आणखी चांगले. तेव्हा सांगायचा मुद्दा हा की निवडणुक आयोगाच्या नियमांप्रमाणे एखादा पक्ष राष्ट्रीय पक्ष म्हणून मान्यताप्राप्त झाला तरी त्याचा देशभर प्रभाव असेल असे मानायचे कारण नाही. सध्याच्या परिस्थितीत राष्ट्रवादी काँग्रेसचा प्रभाव मुख्यत्वे महाराष्ट्र आणि मेघालय या राज्यांत, बसपचा प्रभाव उत्तर प्रदेश आणि काही प्रमाणात दिल्लीत आणि तसेच कम्युनिस्ट पक्षांचा प्रभाव पश्चिम बंगाल, केरळ आणि त्रिपुरात आहे.तांत्रिकदृष्ट्या ते राष्ट्रीय पक्ष जरूर आहेत पण त्यांचे पूर्ण देशात वर्चस्व आहे असे नक्कीच नाही. अवांतर: भाजपची आणि काही प्रमाणात काँग्रेसचीही सध्या होणारी घसरगुंडी चालूच राहिली तर ते ही काही वर्षांनी असेच ’तांत्रिकदृष्ट्या’ राष्ट्रीय पक्ष होतील असे वाटते. ---विल्यम जेफरसन क्लिंटन