ऋग्वेद: खगोल विज्ञान : पृथ्वी सूर्याची परिक्रमा करते

पृथ्वी सूर्याची परिक्रमा करते, हे सत्य आपल्या वैदिक ऋषिंना माहित होते, तरीही याचे श्रेय त्यांना देण्याचा प्रयत्न आपण केला नाही याचे कारण आपली गुलाम मानसिकता.

संस्कृत भाषेचा अभ्यास नासा करते कारण...जसे सोप्या बेरीज वजबाकी अथवा गुणाकारामधे जशी संख्यांची जागा बदलली तरी उत्तर तेच येते जसे ३००+ १२० = ४२० अथवा १२० + ३०० = ४२०. तसेच संस्कृत ओळीतील शब्दांची जागा बदलली तरी त्याचा अर्थ तोच राहतो जसे अहम अस्मि ब्रम्हा == अहम ब्रम्हा अस्मि. पण I am bramha != am I bramha. इंग्लिशमध्ये मात्र अर्थ बदलतो... म्हणूनच अत्यंत स्टेबल languge म्हणुन नासा संस्कृतचा अभ्यास करत आहे वापरही करायचे प्रयोजन ठेवते... पण मुद्दा हा आहे की आपण गुलाम नव्हतो तेंव्हा १००% लोकाना संस्कृत येतं होती ? नाही तर त्यामागे कोणती गुलामी मानसिकता होती ? बाकि आपलं असो की परक्याचे जे योग्य त्याचा उचित सन्मान झालाच पाहिजे पण उठसूठ गुलाम मानसिकतेच्या नावाने गळे काढत बसणे अज्ञान होय. मग इंग्रजांनी जेंव्हा त्यांचे ज्ञान भारतीयांना शिकवण्यासाठी (त्यांचे कारकून तयार करायला) संस्कृत भाषा निवडली तेंव्हा सर्वांना ही भाषा येतं नाही म्हणून भारतातील समाज सुधारकांनी त्यास आक्षेप घेतला (जसे राजा राम मोहन रॉय वगैरे) व तुम्हीं आम्हाला इंग्रजीतून ज्ञान द्या ही शिफारस केली तर ते चूक अथवा गुलाम मानसिकतेचे ठरतात ? मग गुलाम मानसिकता इंग्रजानी रुजवली की आपल्यात ती आगोदरच होती ?

यह सदा गमनशील और तेजस्वी सूर्य उदयाचलको प्राप्त हुआ है| और पूर्व दिशा में अपनी माता पृथिवी को प्राप्त करता है| अनंतर अपने पिता द्युलोक की ओर शीघ्रतासे जाते समय अत्यंत शोभायमान होता है| This moving many coloured (Sun) has arrived, he has sat down before his mother (Earth) in the East and advances to his Father Heaven. हिन्दी संदर्भ इंग्रजी संदर्भ इंदिरा गांधी राष्ट्रीय कला केंद्र, सांस्कृतिक मंत्रालय, भारत सरकार द्वारा चालवल्या जाणाऱ्या वेदिक हेरिटेज (वैदिक वारसा) या संकेतस्थळावर हे सुक्त आणि त्याचे हिंदी + इंग्रजी भाषांतर उपलब्ध आहे.

?

ज्ञान आणि अभ्यास कमी आहे माझा तरी एक गोष्ट मला लक्षात येत नाही... वेदांमध्ये इतके सगळे अचुक वैज्ञानिक ज्ञान आहे तर मग.. पृथ्वी शेश्यांच्या मस्तकावर आहे...ग्रहणात राहु केतु सुर्य गीतात ह्या व यासारख्या भाकड कथा कोणी लीहील्या? आणि मुख्य म्हणजे काय लीहील्या.....त्यात कोणाचा फायदा होता?

धागालेखकाने दिलेला अर्थ जरी खरा मानला तरी त्यातून भारतीयांची पृथ्वी सुर्याभोवती फिरते अशी समजूत होती इतकाच अर्थ निघतो. त्यात केवळ वडील मुलगी इत्यादी रूपके आहेत. कोणत्या निरीक्षणांवरून काय अनुमान निघाले याबद्दल काही नाही. त्यामुळे जरी श्लोकाचा अर्थ आहे तसा मानला तरी गुलामी वैगेरे जरा जास्त वाटते.

असे अजूनही बरेच वैज्ञानिक शोध बाकी असतील पण आपल्या पुराणांमध्ये आधीच लिहून ठेवले असतील...असे शोध जगासमोर आणायला आपल्याला कोणी थांबवले आहे का? अजून किती दिवस्/आठवडे/वर्षे/दशके/शतके "हे आमच्या पुराणांमध्ये आधीच लिहून ठेवले आहे" असे म्हणत गार गार वाटून घेणार आहोत?

पण त्या प्राचीन ज्ञाना चा वापर करून त्या मध्ये भर टाकण्यात भारतीय कमी पडले. सर्व शास्त्र मध्ये प्राचीन ग्रंथात ज्ञान असून ते समजून त्याचा अभ्यास करून भारताने उत्तुंग झेप घेणे अपेक्षित होते. पण आज अवस्था अशी आहे तंत्र ज्ञन, विज्ञान आरोग्य शास्त्र, शस्त्र ,अस्त्र ज्ञान ह्या मध्ये भारत दुसऱ्या देशावर अवलंबून आहे. लढावू विमान पण भारताला दुसऱ्या देश कडून मागवावे लागत आहेत. दुनिया कर्तुत्व ला सलाम करते.

नीळा,

वेदांमध्ये इतके सगळे अचुक वैज्ञानिक ज्ञान आहे तर मग.. पृथ्वी शेश्यांच्या मस्तकावर आहे...ग्रहणात राहु केतु सुर्य गीतात ह्या व यासारख्या भाकड कथा कोणी लीहील्या?

अचूक वैज्ञानिक ज्ञान म्हणजे नेमकं काय? तुम्हांस एक गंमत सांगतो. इलेक्ट्रॉनचं नाव ऐकलं असेल तुम्ही. हा कण म्हणे अणुगर्भाच्या भोवती फिरंत असतो. ही सुद्धा एक भाकडकथाच आहे. आकाशात ढगांवर ढग घासून म्हणे वीजनिर्मिती होते. हीसुद्धा एक भाकडकथाच आहे. शालेय पुस्तकांत खरी म्हणून ठोकून दिलेली, पण प्रत्यक्षात भंपक अशी समजूत आहे. डार्विनचा उत्क्रांतीचा सिद्धांत ही पण एक पराकोटीची भाकडकथा आहे. सांगायचा मुद्दा काये की शेषाच्या मस्तकावर पृथ्वी आहे वगैरेसाठी केवळ हिंदूंना दोष देणे नको. आ.न., -गा.पै.

धागाकर्ता प्रचारकी

पोस्ट टाकून पसार !

वेदांमध्ये अचुक वैज्ञानिक ज्ञान आहे यात शंका नाही...पण ते भौतिक ज्ञान नाही तर आत्मिक अथवा आध्यात्मिक ज्ञान. कोणत्याच काळामध्ये भौतिक ज्ञान हे परिपूर्ण नव्हते आणि असणारेही नाहीं. ते काळाप्रमाणे विकसित किन्व सन्कुचित होत जाणार. आपण नेहमी हीच चूक करतो. उगाच आत्ता माहित असलेले भौतिक नियम आपल्या पूर्वजांनी आधीच शोधून काढले होते हे दाखवण्याच्या अट्टाहासापायी उगाच दोन गोष्टींमध्ये बादरायण संबंध दाखवत राहतो. अनेक भौतिक गोष्टींबद्दलचे ज्ञान आपल्या पूर्वजांना होते यात दुमत नाही पण त्याहूनही कितीतरी उच्च सत्य जे आपल्या उपनिषदांमध्ये आहे जे कालातीत आहे आणि राहणार आहे हेच नेमके आपण विसरलो आहोत. हजारो वर्षांपूर्वी आपल्या ऋषीमुनींनी ज्या आध्यात्मिक सत्याचा अविष्कार केला नि जे काही वेदांतात लिहून ठेवले आहे त्याचा आत्ता कुठे पाश्चात्य लोक विचार करत आहेत. अभिमान बाळगायचा तर वेदातील ज्ञानकांडामध्ये जे आध्यात्मिक ज्ञान सांगून ठेवले आहे त्याचा बाळगा आणि त्याचा प्रचार करा कारण त्याच्या वर असे दुसरे ज्ञानचं नाहीं. आणि या या अर्थाने भारतीय संस्कृती खरोखर श्रेष्ठ ठरते. परंतु आपले दुर्दैव असे की आपण वेदांमधील कर्मकांड किंवा पुराणांमधील गोष्टीच उचलून धरतो आणि पुन्हा त्याकडे पाठ फिरवतो। केवळ काही उपनिषदे वाचून त्याचा अर्थ समजून घ्यायचा प्रयत्न जरी केला तरी समजून जाईल किती श्रेष्ठ ज्ञान सांगून ठेवले आहे।

गॉडझिला,

भाकडकथा काय काय नाहीत ते सांगा बरे... ?

भाकडकथा हा शब्द माझा नाही. नीळा यांनी पौराणिक कथांना भाकड म्हंटलं. म्हणून त्या अनुषंगाने विचार करून मी विज्ञानातल्या काही विवादास्पद कथा शोधल्या. तुम्ही एखादी बिनभाकड कथा सांगितलीत तर त्या अनुषंगाने यथाशक्ती विचार करेन म्हणतो. आ.न., -गा.पै.

कोहंसोहं१०,

अनेक भौतिक गोष्टींबद्दलचे ज्ञान आपल्या पूर्वजांना होते यात दुमत नाही पण त्याहूनही कितीतरी उच्च सत्य जे आपल्या उपनिषदांमध्ये आहे जे कालातीत आहे आणि राहणार आहे हेच नेमके आपण विसरलो आहोत.

अगदी नेमकं बोललात पहा. कुठे काय शोधायचं याचं तारतम्य हवंच. आ.न., -गा.पै.

कोणीतरी सामण्य शब्दात सामाण्याना कळेल असे हे निःसंदिग्ध सांगेल का इथे की पृथ्वी गोल असून सूर्यभोवती फिरते, सूर्य पृथ्वीभोवती फिरत नाही हा शोध जगात भारतीयांनी प्रथम लावला

भारतीय जनतेमध्ये आधुनिक दृष्टिकोन हा दुर्दैवाने बाहेरील लोकांनी आणला त्यामूळे जे काही आधुनिक ते भारताच्या संस्कृती विरोधी असा बोभाटा करायला बुडातील स्वांत सुखाचे बुडबुडे फोडणारे मोकाट झाले अन विरोधाभास म्हणजे स्वांत सुखाचे बुडबुडे मोकाट फोडणारे लोकच आता ज्यांनी आधुनकीक दृष्टीकोन भारताला दिला त्यांची चाकरी करायला भारताबाहेर जायलाही धडपडत आहेत.

The Vedic Sanskrit text Aitareya Brahmana (2.7) (c. 9th–8th century BC) also states: "The Sun never sets nor rises thats right. When people think the sun is setting, it is not so; they are mistaken." This indicates that the Sun is stationary (hence the Earth is moving around it), which is elaborated in a later commentary Vishnu Purana (2.8) (c. 1st century), which states: "The sun is stationed for all time, in the middle of the day. [...] Of the sun, which is always in one and the same place, there is neither setting nor rising." (See Haug, Martin and Basu (1974), Joseph (2000), Kak (2000) in Selin (2000), Teresi (2002) and Blavatsky (1877) for further information.) संदर्भ :- Heliocentrism जाता जाता :- नासा में लगती है 15 दिन की संस्कृत की क्लास भारतात सगळे लोक संस्कृत मध्ये बोलत होते का ? कठीण प्रश्न ! कारण हा जगातला एकमेव खंड आहे जिथे फार मोठ्या प्रमाणात अनेक भाषा एकत्र नांदतात. पण आजही हिंदूस्थानात एक गाव आहे जिथे सगळे लोक केवळ संस्कृत मध्येच बोलतात. यावर बजाज ने एक जाहिरात बनवली होती. मदनबाण..... आजची स्वाक्षरी : - “Astrology is one of the oldest and most accurate tools known to mankind.” :- Chris Flisher

टवाळ कार्टा,

या सगळ्या भाकडकथा आहेत ते कशाच्या आधाराने लिहिले त्याचा रेफरन्स इथे देता का?

देतो. मी ज्यांना भाकडकथा म्हणतो त्यांचा स्रोत इथे आहे : https://www.misalpav.com/comment/1114837#comment-1114837 १. अणुगर्भाच्या भोवती फिरणारा इलेक्ट्रॉन : केंद्राभोवती गोल गोल फिरणारी वस्तू त्वरणांकित ( = accelerated ) असते. विद्युतभरीत वस्तू जर त्वरणांकित असेल तर तिने प्रारण ( = radiation ) उत्सर्जित करायला हवं. या प्रारणास लारमर प्रारण म्हणतात ( इंग्रजी संदर्भ : https://en.wikipedia.org/wiki/Larmor_formula ). प्रारणाबरोबर ऊर्जा बाहेर पडल्याने सदर वस्तूची ऊर्जा कमीकमी होत जाते. इलेक्ट्रॉन विद्युतभारित आहे हे सर्वमान्य आहे. तो जर अणुगर्भाभोवती गोलगोल फिरला तर प्रारण उत्सर्जित करीत अणुगर्भात पडायला पाहिजे. पण सर्वसाधारण अणूतून असं कोणताही प्रारण बाहेर पडतांना आढळून आलेलं नाही. तसंच इलेक्ट्रॉन कोलमडून अणुगर्भात पडलेला आढळून आला नाही. म्हणजेच इलेक्ट्रॉन अणुगर्भाच्या भोवती फिरंत नसतो. २. ढगांवर ढग घासून वीजनिर्मिती : दीड लाख व्होल्ट उत्पन्न होतात का? घर्षणातनं एव्हढा प्रचंड प्रभार निर्माण व्हायला कुठल्या चक्कीचा आटा खातात हे ढग? घर्षण होण्यासाठी किमान एक पृष्ठभाग घन वा द्रव असावा लागतो. पण इथे तर ढग हा वायुगोळा आहे. तो कुठे सुरू झाला आणि कुठे संपला हेच निश्चित नाही. phase boundary नसतांना एखादी वस्तू घासली कशीकाय जाऊ शकते? शिवाय आकाशातनं वीज नेहमी खालीच का पडते? उलटी हवेत का उडून जात नाही? जर ढगांवर ढग घासले जाऊन विद्युतभार निर्माण होत असेल तर एका ढगावर धन व दुसऱ्यावर ऋण भर निर्माण झाले पाहिजेत. जर ऋणभारामुळे वीज जमिनीवर कोसळंत असेल तर धनभारामुळे विजेचा लोळ जमिनीतून आकाशात झेपावतांना दिसायला हवा. प्रत्यक्षांत वीज नेहमी खालीच कोसळतांना दिसते. काय गौडबंगाल आहे? ढगांवर ढग घासून आकाशात वीज निर्माण होत नसते. ३. डार्विनचा उत्क्रांतीचा सिद्धांत : याविषयी इथे लिहून झालेलं आहे : http://www.misalpav.com/comment/955679#comment-955679 परत लिहितो. एकपेशीय जिवापासनं माणूस बनला हा तो तथाकथित उत्क्रांतीचा सिद्धांत आहे. हा एकपेशीय जीव अमिबासारखा असतो ( इंग्रजी संदर्भ : https://en.wikipedia.org/wiki/Amoeba ). गंमत अशीये की ही पेशी प्रचंड गुंतागुंतीची असते. कारण की जीवनावश्यक कार्ये एकाच पेशीत एकवटलेली असतात. माणसाच्या अंगात अनेक प्रसंस्था आहेत. उदा.: शासन, पचन, पुनरुत्पादन, इत्यादि. या प्रसंस्थांची काम ते ते अवयव करतात. मात्र एकपेशीय जिवात ही सगळी कार्ये व तदनुरूप रचना सर्वकाही एकाच पेशीत सामावलेल्या असतात. साहजिकंच ही पेशी अतिशय हुरहुन्नरी व हुंबदांडगी होते. याउलट मानवी शरीरातली कोणतीही पेशी त्या त्या अवयवाचं कार्य करण्यापुरती सीमित असते. एकपेशीय जिवाचा डीएनए उच्च प्रमाणावर सक्रीय असतो. मात्र मानवी शरीरातल्या कुठल्याही पेशीचा डीएनए फक्त ठराविक काम करण्यापुरताच म्हणजेच अत्यंत मर्यादित प्रमाणावर सक्रीय असतो. एकपेशीय जिवाची आणि मानवी शरीरातल्या कोणत्याही पेशीची फायटिंग लावली तर एकपेशीय जीव मानवी पेशीला क्षणभरात फस्त करेल. मग उत्क्रांती नेमकं कशास म्हणायचं? शरीरातल्या पेशींना स्वतंत्रपणे जगण्यास नालायक बनवणं, हीच का ती उत्क्रांती? उत्क्रांतीच्या नावाखाली बावळटपणा चालू आहे. तो टाळायचा असेल तर उत्क्रांती ही शरीरबाह्य जिवाची होते, असंच मानायला पाहिजे. डार्विनच्या पुस्तकात शरीरबाह्य चैतन्याविषयी एक अवाक्षर तरी आहे का? नाही ना? मग त्याची रवानगी कचऱ्याच्या डब्यात व्हायला हवी. आ.न., -गा.पै.