सध्या मी काय पाहतोय ? भाग ५

म
मदनबाण यांनी
 ·  लेख
लेख
समांतर :- सुहास शिरवळकर यांच्या पुस्तकावर [ कादंबरी ] आधारित ही मराठी आणि हिंदीत असलेली वेब सिरीज एक मास्टर पीस आहे. मी ही पहिल्यांदा हिंदीत आणि नंतर मराठीत पाहिली. मला मराठीत ही वेब सिरीज अधिकच जास्त आवडली. कुमार महाजन आणि चक्रपाणी यांच्या आयुष्या बद्धल असलेली ही सिरीज तुम्हाला खिळवुन ठेवते. दोन वेगळे व्यक्ती परंतु हस्तरेखा मात्र सारख्याच असणार्‍या या व्यक्तींचे आयुष्य अगदी समांतर चालत असते. हा चक्रपाणी नक्की कोण ?आणि त्याच्या आयुष्यात काय घडलय ? त्याचा कुमार महाजनशी कसा आणि काय संबंध आहे ? चक्रपाणीच्या आयुष्यात घडलेल्या घटनांचा कुमार आयुष्याशी नेमका कसा संबंध असणार असतो ? अश्या अनेक आणि इतर प्रश्नां पैकी काहींची उत्तरे तुम्हाला पहिल्या सिझन मध्ये मिळतील आणि बाकीच्या प्रश्नांची उत्तरे मिळण्यासाठी २ रा सिझन येण्याची वाट पहावी लागेल, जी अर्थातच मी आतुरतेने पाहत आहे. या मालिकेत कुमार महाजन च्या भुमिकेत स्वप्नील जोशी तर चक्रपाणीच्या भुमिकेत बी आर चोप्रा यांच्या महाभारत मालिकेत कृष्णाची अविस्मरणीय भुमिका साकारणारे नितिश भारद्वाज दिसतात. कुमारच्या बायकोची भुमिका तेजस्वीनी पंडीत ने केली असुन ती एकदम खवा-मावा दिसते ! :) यात तिने उत्कट चुंबन दृष्ये देखील अगदी मन लावुन दिली असुन प्रेक्षकांची मने देखील उत्कट होतील अशी ती झाली आहेत. :))) जर तुम्ही आत्ता पर्यंत ही वेब सिरीज पाहिली नसेल तर एका रोमांचक गुढ अनुभवाला तुम्ही पारखे आहात, तेव्हा दुसरा सिझन येण्याचा आधीच पहिला सिझन पहाच. तुमची ही सोय इथे आहे :- https://www.mxplayer.in/show/watch-samantar/season-1/identical-stranger-online-f59caa3d77dfb1f3a334ea6a1fcba6a1

मदनबाण.....

वर्गीकरण
लेखनविषय (Tags)
कला
लेखनप्रकार (Writing Type)
प्रकटन
51732 वाचन
💬 प्रतिसाद (118)

प्रतिक्रिया

असा मी असामी
Tue, 05/04/2021 - 14:48 नवीन
अजून मराठी सारखे गुजराती मध्ये picture निघत नाहीत. तरी आधी पेक्षा खूप परिस्थिती चांगली आहे. Ahmedabad Palanpur Via Kadi Kalol,દેશ રે જોયા દાદા પરદેશ રે જોયા (माहरेची साडी सारखा चालला होता हा सिनेमा ) पासून ચલ મન જીતવા જઇયે, રેવા, હૅલ્લરો ચલ મન જીતવા જઇયે पहिला नसेल तर आवश्य पाहा
↩ प्रतिसाद: मदनबाण

गॉडजिला
Tue, 05/04/2021 - 12:59 नवीन
फॅंटसी सायफाय पेक्शाही हा चित्रपट समाज व माणुस या विषयावर जास्त केंद्रीत आहे. विज्ञानाच्या सहायांने माणुस छोटा करता येणे शक्य झालेले असते (श्रंक, काही इंच उंचीचा). त्यामुळे आता त्याला रहायला जागा कमी, खायला अन्न कमी म्हणुनच खिशातले काही हजार डॉलर्स एक्विवॅलंट टु अ फ्यु मिलीअन डोलर्स ठरु शकतात, पृथ्वीवरील रिसोर्सेस कमी वापरले जातात वगैरे वगैरे. हे डाउनसाईझिंग अर्थातच ऐच्छीक आहे पण यातुन अनेक प्रश्नही समोर येउ लागतात त्यावर हा चित्रपट भाष्य करतो

Ujjwal
Tue, 05/04/2021 - 14:33 नवीन
The Mandalorian द मँडलोरियन. दोन्ही सीझन पाहून झाले. आता ३ऱ्या सिझन ची वाट बघतोय. याची खासियत म्हणजे ग्रीन स्क्रीन ऐवजी मोठ्ठया एलईडी स्क्रीन्स वापरून चित्रीकरण केलंय. त्यामुळे वेगवेगळ्या लोकेशन्स वर जाऊन शूटिंग करण्याचा खर्च आणि वेळ दोन्हींची बचत होते. vfx मधील जाणकारांना green spill माहिती असेल. मुख्य नायकाचे चिलखत व शिरस्त्राण चकचकीत असल्याने green spill चे दुष्परिणाम हि टाळता येतात. boba fett चे पुनरागमन आश्चर्यचकित करून जाते. यापेक्षा जास्त स्पॉईलर्स देत नाही. बाकी दोन्ही seasons भारी आहेत.

कॉमी
Tue, 05/04/2021 - 19:10 नवीन
आनंदी गोपाळ आज कुठं बघितला. फार छान सिनेमा आहे. गोपालरावांचे पात्र थोडे वॉटर डाऊन करून अँटीहिरो न वाटता हिरो सारखे वाटावे असे दाखवले अशी शंका आहे, तरी जे काही फिक्शन समोर वाढले ते सुरेख आहे. सगळीच गाणी फार सुरेख आहेत, पण तू आहेस ना गाण्यात सिनेमा संपतो, ते म्हणजे एक नंबर. जसराज जोशी स्ट्राईक्स अगेन.

मदनबाण
गुरुवार, 05/06/2021 - 15:05 नवीन
हा ट्रेलर माझ्या पाहण्यात आला आणि हा चित्रपट मी पाहण्याचे ठरवले आहे, हेच कोर्ट बाबतीत देखील आहे, या दोन्ही चित्रपटां बाबत दिग्गजांनी इतक काही जालावर लिहुन ठेवलं आहे की अजुन काही लिहण्याची गरजच उरलेली नाही. बादवे... Wrong Side Raju ज्याचा वरती उल्लेख केला आहे तो पाहिला आणि आवडला देखील [ ठीक-ठाक आहे ] चित्रपटातील ट्विस्ट अगदी शेवटी दाखवला आहे आणि अगदी १० मिनिटात आटपला आहे... प्रतिक गांधीचा अभिनय अर्थातच अप्रतिम आहे.

मदनबाण.....

आजची स्वाक्षरी :- Kangal Irandal... :- Subramaniapuram

कॉमी
Mon, 05/10/2021 - 18:36 नवीन
सुंदर सिनेमा आहे. शास्त्रीय संगीताच्या परंपरेचे ओझे वाहून नेणाऱ्या शिष्याची गोष्ट. खरोखरचे अंडरडॉग मुख्य पात्र. कलेशी निष्ठा राखणे आणि स्वतःचे जीवन सुधारणे या दोन गोष्टीतला द्वंद्व फार छान दाखवला आहे. एक आणि एक संवाद खरा खुरा वाटतो. कुठेही नाटकीकरण नाही. अगदी वेगळाच सिनेमा आहे. बघायलाच हवा असा सिनेमा आहे. नाविन्यपूर्ण अनुभव मिळेल. शास्त्रीय संगीताच्या जगाची झलक मिळेल.
↩ प्रतिसाद: मदनबाण

मदनबाण
Fri, 05/14/2021 - 19:32 नवीन
मी कोर्ट आणि The Disciple... दोन्ही पाहिले. मी ज्या प्रकारचे चित्रपट बघतो त्या प्रकारचे हे दोन्ही चित्रपट नक्कीच नाहीत. परंतु ज्याला वास्तवदर्शी चित्रिकरण म्हणता येइल असे हे दोन्ही चित्रपट आहेत. कोर्ट चित्रपटाने माझ्या संयमाची परिक्षा घेतली ! :) पण असे वेगळे चित्रपट देखील पहायला पाहिजे हे माझ्या मेंदुला समजले ! :) @ गॉडजिला बाँड चे नाव घेतलेस म्हणुन मी SPECTRE पाहिला. :) त्यात बाँड ने २ वेळा आनंद घेतला आहे. एव्हढेच सोडले तर कथेत अजिबात जीव नाही ! आय इन स्काय चा तू दिलेला ट्रेलर पाहिला, ट्रेलर वरुन तरी चित्रपट पहावा वाटतोय, पण त्याची आणि समांतरची तुलना योग्य नाही. समांतर वेब सिरिज असुन आय इन स्काय हा ड्रोन वॉरफेअर वरचा चित्रपट आहे. शाहीदचे गंदी बात गाणेच दिस्ते आहे म्हातारा सुलेमान खान त्याच्या चित्रपटात तिकडचीच [ दक्षिणेतली ] हिट गाणी घेतो आणि फालतु चित्रपट बनवुन करोडो कमावतो. ============================================================================================ @ चंद्रसूर्यकुमार भाग मिल्खा भाग हा सुंदरच चित्रपट आहे. :) @ Bhakti Bruno Mars - Just The Way You Are हे माझे देखील आवडते गाणं आहे. @ गणेशा your honor वेळ मिळाल्यास नक्की पाहिन, सध्या वेब सिरिज पाहण्याला आराम दिला असुन अ‍ॅनिमेशन मुव्ही पाहण्याकडे कल वळला आहे. ============================================================================== काही काळापुर्वी तुंबाड पाहिला होता, तो परत एकदा चांगल्या प्रिंट मध्ये बघितला. याच बरोबर THE CROODS: A NEW AGE [ Raya and the Last Dragon पहायचा बाकी आहे अजुन ] आणि The Three Musketeers पाहिला.

मदनबाण.....

आजची स्वाक्षरी :- Soppanasundari... :- Veera Sivaji
↩ प्रतिसाद: कॉमी

गॉडजिला
Fri, 05/14/2021 - 20:22 नवीन
आय इन स्काय चा तू दिलेला ट्रेलर पाहिला, ट्रेलर वरुन तरी चित्रपट पहावा वाटतोय, पण त्याची आणि समांतरची तुलना योग्य नाही. समांतर वेब सिरिज असुन आय इन स्काय हा ड्रोन वॉरफेअर वरचा चित्रपट आहे. नाय नाय नाय नाय नाय... समांतर म्हणजे समांतर (डावे)चित्रपट हो... बाकी समांतर वेब सीरीज ही तर सुशींची कथा होती बहुतेक तिचा अन आय इन स्काय चा काहीच संबंध नाही :) स्पेक्टर हा पुर्ण हुकलेला चित्रपट आहे किंबहुना क्रेगला कसीनो रोयाल नंतर तगडी स्क्रिप्टच मिळाली नाहीये. अन त्यात स्पेक्टर अन रोग नेशन एकाच सुमारास आले असल्याने स्पेक्टर तर अजुन सुमार वाटला होता.
↩ प्रतिसाद: मदनबाण

Bhakti
गुरुवार, 05/06/2021 - 20:21 नवीन
आज खूप दिवसांनी Discovery Science Channel पाहत होते.या करोनाने टीव्ही लावायची सोय ठेवली नाहीये.पण तेव्हा इन्का संस्कृती विषयी माहितीपट पाहिला पुन्हा यूट्यूब शोधला ,दोन तीन पाहिले आता हा पाहते.मोडेन पण वाकणार नाही असा बाणा असल्याने ही संस्कृती स्पनिशशी लढतांना संपूर्ण नष्ट झाली.पण तोपर्यंत त्यांनी चांगल्या प्रकारे civilization राबविले होते.

Bhakti
Sat, 05/08/2021 - 21:34 नवीन
तसे यांची जवळपास सगळीच गाणी आवडतात पण ह्या गाण्याचे मराठी अनुवाद लिहायचं एकदा निवांत सो नेहमी ऐकलं पाहिलं जातं.

धर्मराजमुटके
Sun, 05/09/2021 - 23:56 नवीन
मी मराठी मालिकांचा चाहता नाही मात्र अचानक हे संकेतस्थळ बघण्यात आले. त्यात मराठी मालिकांची शीर्षकगीते दिली आहेत. मालिका कशा ही असोत मात्र बहुसंख्य मालिकांची शीर्षकगीते उत्तम आहेत. हा दुवा

Bhakti
Mon, 05/10/2021 - 13:59 नवीन
मालिका कशा ही असोत मात्र बहुसंख्य मालिकांची शीर्षकगीते उत्तम आहेत. सध्या आर्या आंबेकरने गायलेले 'माझा होशील का'मालिकेचे शीर्षकगीत छान आहे.जुन्यामध्ये श्रेया घोषालचे 'खुलता कळी ही खुलेना' अप्रतिम!
↩ प्रतिसाद: धर्मराजमुटके

चंद्रसूर्यकुमार
Mon, 05/10/2021 - 14:05 नवीन
विकांताला अ‍ॅमॅझॉन प्राईमवर सायना नेहवालवर सायना हा चित्रपट बघितला. चित्रपट ठिक आहे. मी बघितलेल्या अशा बायोपिक्समध्ये मला आवडलेला अगदी ऑल टाईम फेव्हरेट म्हणजे भाग मिल्खा भाग. धोनी पण चांगला आहे. त्या तुलनेत हा चित्रपट थोडा फिका वाटला. एम.एक्स. प्लेयरवर किलिंग ऑफ वीरप्पन हा चित्रपट आला आहे. तो आता बघायचा आहे.

गणेशा
Mon, 05/10/2021 - 14:16 नवीन
भाग मिल्खा भाग हा माझा आवडता चित्रपट आहे.. कधी हि tv ला लागला कि पाहतोच.. घरचे वैतागतात.. टायटॅनिक नंतर मी सर्वात जास्त वेळा पाहिला असलेला हा चित्रपट.. आता वरती म्हणालो तसे समांतर पाहतो आहे... भारी आहे...गुढ..
↩ प्रतिसाद: चंद्रसूर्यकुमार

Bhakti
Mon, 05/10/2021 - 16:23 नवीन
भाग मिल्खा भाग खरच छान सिनेमा आहे, त्यातलं Flash back तंत्र कमालीने वापरला आहे धोनी बरा आहे.पण अशा सिनेमांना मसाला लावतात कधी जास्त.. त्या तुलनेत Sachin A Billion Dream वेगळाच बायोपिक प्रयोग आहे.
↩ प्रतिसाद: चंद्रसूर्यकुमार

चंद्रसूर्यकुमार
Mon, 05/10/2021 - 21:12 नवीन
गेल्या तीनेक आठवड्यात नेटफ्लिक्सवर 'अ सुटेबल बॉय' ही सिरीज बघितली. विक्रम सेठ या लेखकाच्या त्याच नावाच्या कादंबरीवर ही सिरीज आधारीत आहे. नुकत्याच स्वतंत्र झालेल्या भारतातील, विशेषतः बंगालमधील पहिल्या पाच वर्षातील पार्श्वभूमी या सिरीजला आहे. नेटफ्लिक्सच्या सिरीजचा एक दर्जा नक्कीच असतो तो या चित्रीकरणातून जाणवतो. ही सिरीज एकूण सहाच भागात आहे आणि कथा एकूण चार कुटुंबांभोवती फिरते. लता नावाच्या १९ वर्षाच्या 'लग्नाळू' मुलीसाठी एक 'सुटेबल बॉय' शोधणे या कोणत्याही कुटुंबात होणार्‍या घटनेभोवती सगळी कथा फिरते. शेवटपर्यंत नक्की कोण 'सुटेबल बॉय' होणार याची उत्कंठा लागून राहते. माझा तरी त्या चार कुटुंबांचा एकमेकांशी संबंध काय आणि कोण कोणत्या कुटुंबातील आहे याचा सुरवातीला थोडा गोंधळ झाला होता. ही सिरीज सहाच भागात आहे आणि सिझन वगैरे भानगड नाही त्यामुळे बघायला कंटाळवाणी होत नाही. वैधानिक इशारा-- सिरीजमधील काही दृष्ये अगदी निळ्या चित्रपटात शोभावी अशी आहेत. त्यामुळे लहान मुले, ज्येष्ठ नागरिक वगैरेंबरोबर ती सिरीज बघताना कुचंबणा होऊ शकेल.

गणेशा
Tue, 05/11/2021 - 19:27 नवीन
https://youtu.be/YhCNeMzr64M ज्यांना शिव्या आवडत नाही त्यांनी ऐकू नये.. Use headphone only

हेमंतकुमार
Fri, 05/14/2021 - 19:58 नवीन
२ छान पाहिले : ‘अमल’ हा हिंदी : यावर स्वतंत्र धागा काढलाय 'मिनारी' हा कोरिअन. अमेरिकी शहरातून स्थलांतरित होऊन खेड्यात शेतीसाठी गेलेल्या कुटुंबाची कहाणी . छानच.

संजय पाटिल
Sat, 05/15/2021 - 17:00 नवीन
यातला नायक अमेरीकेत शेति करायला महिंद्रा ट्रॅक्टर वापरतो हे बघुन भारी वाटलं...
↩ प्रतिसाद: हेमंतकुमार

मदनबाण
Fri, 05/14/2021 - 21:50 नवीन
खरंतर ५० + झाले धागा नविन काढाया पाहिजे पन लिवाव काय हेच पक्क नसल्याने ह्यालाच रेटत हाय... :) वरती पंढरीच्या विठुराया कविता अनेकदा ऐकली आणि प्रत्येक वेळी डोळ्यात पाणी आल्यानं, मनं अजुन कोडगं झालं नसल्याची माझीच मला खात्री पटली ! 'संक्या, काहीही व्हायलंय बे हे... Whatsapp Kavita

मदनबाण.....

आजची स्वाक्षरी :- Soppanasundari... :- Veera Sivaji

कॉमी
Fri, 05/14/2021 - 23:08 नवीन
पंढरीच्या विठूराया ने खरेच गलबलून येते, अप्रतिम कविता आहे. सिनेमा बघून रडणे हे माझ्यासाठी एकदम दुर्मिळ आणि रिफ्रेशिंग अनुभव असतात. मिपावरच कोणीतरी सुचवलेला ट्रायल ऑफ शिकागो ७ सिनेमातल्या काही घटनांमुळे डोळ्यातून पाणी आले आणि आश्चर्य वाटलं. तारे जमी पर नंतर आताच ! :) छान सिनेमा आहे शिकागो ७.
↩ प्रतिसाद: मदनबाण

Bhakti
Sat, 05/15/2021 - 16:42 नवीन
राधे सिनेमा फारच टीका उठली आहे. हआहैको मधला प्रेम नंतर बजरंगी भाईजानच आवडता आणि माझ्या मुलीला त्यातली मुन्नी :) मुलीबरोबर कितीही वेळा पाहू शकते हा सिनेमा आणि हे दोन सिनतर फारच आवडतात.

मदनबाण
Sat, 05/15/2021 - 18:46 नवीन
राधे सिनेमा फारच टीका उठली आहे. खरं तर... ह्या म्हातार बाबाचे चाळेच इतके घाणेरडे असतात की त्याचे चित्रपट म्हणजे केवळ मर्कटलिला. हा विकृत माणुस आणि मुंबई पोलिस माझ्या मनातुन तेव्हाच कायमचे उतरले जेव्हा रविद्र पाटिल हा लावारिस मौत मेला ! :(

मदनबाण.....

आजची स्वाक्षरी :- HARIVARAASANAM ORIGINAL TUNE ON VEENA BY VEENASRIVANI

राघवेंद्र
Sun, 05/16/2021 - 09:00 नवीन
Aspirants आज UPSC च्या अभ्यासावर बनवलेली मालिका youtube वर बघितली. मस्त आहे

गॉडजिला
Sun, 05/16/2021 - 13:55 नवीन
भयंकर क्रेझ आहे त्याची सध्या... अक्षरशः होपलेस लोक यासाठी प्रयत्न करताना जो महानपणाचा आव आणतात ते बघुन तर जर चुकुन हा निवडला गेला तर काय होइल या नुस्त्या विचारानेही धडकी भरते. खरे तर हे प्रकरणच कोबायाशीमारु (स्टार ट्रेक) आहे. तुम्ही जितक्या जास्त संखेने परिक्षा द्याल तितकेच अवघड तुमची निवड बनेल. बाकी जसे कोटा फॅक्टरी काढले तसेच आस्पायरंट काढले, पिचर्स सोडले तर टीवीएफ मधे तसाही दम नाही.
↩ प्रतिसाद: राघवेंद्र

चौकस२१२
Sun, 05/16/2021 - 14:31 नवीन
या मालिका तशा चांगल्या आहेत पण दोन निरीक्षणे १) तर या मालिकांमध्ये जो प्रॉयोजक असतो त्याच्या सेवेचा किंवा उत्पदनाचा उल्लेख केलेला दिसतो ( ऊन अकादमी असेल किंवा कोणी म्युच्युअल फंड असेल ) पण तो उल्लेख ( प्रोडक्त्त प्लेसमेंट ) सरळ सरळ कळतो कि उबग येतो .. हे भाडीपा मध्ये पण द्या झूम म्हणून ५ भागांची मालिका जुन्य नाटकांवर आधारित , त्यांनचा प्रायोजक "बीरा " बियर पण त्याचे ( प्रोडक्त्त प्लेसमेंट ) इतके ओढून ताणून आणलेले आहे .. २) Aspirants तर दुसरे निरीक्षण :यातील मुख्य व्यक्तिरेखा जी आहे ती एक एपिसोड मध्ये किती वेळा स्वेटर बदलते ते पहा .. मान्य आहे कि दिल्लीत स्वेटर जस्ट असतात लोकांकडे आणि हि व्यक्तिरेखा जरी विद्यार्थी असली तरी नोकरीतून वेळ काढून परीकेशेच्या तयारी साठी दिल्लीत आली आहे म्हणजे त्याच्याकडे पैसे आहेत .. तरी पण एवढे स्वेटर !
↩ प्रतिसाद: राघवेंद्र

राघवेंद्र
Mon, 05/17/2021 - 09:02 नवीन
चौकस, तूमची नजर एकदम चौकस आहे. सही पकडे हो :)
↩ प्रतिसाद: चौकस२१२

Bhakti
Sun, 05/16/2021 - 22:14 नवीन
अबोमिनेबल-अनिमेशन सिनेमा. येती या क्रिअचरला त्याच्या घरापर्यंत एव्हरेस्टला नेण्यासाठी यी आणि छोट्या मित्रांची गोष्ट आहे.:)

जुइ
Sun, 05/30/2021 - 03:05 नवीन
हा चित्रपट चित्रपटग्रुहात जाऊन पाहिला आहे.
↩ प्रतिसाद: Bhakti

Bhakti
Sun, 05/30/2021 - 14:38 नवीन
मी माझ्या मुलीबरोबर घरीच पाहिला,खुपचं खुश होती ती.तसाच दुसरा सिनेमा म्हणजे कुंफू पांडा , मज्जा येते मुलांबरोबर असे सिनेमे पाहताना :)
↩ प्रतिसाद: जुइ

जुइ
Sun, 05/30/2021 - 19:28 नवीन
आम्ही माय लेकिने अजून एक पाहिला तो म्हणजे लायन किंग आणि फ्रोझन २
↩ प्रतिसाद: Bhakti

कॉमी
Mon, 05/17/2021 - 21:13 नवीन
आवडता सिनेमा पुन्हा बघितला. त्यातला आवडता प्रसंग- V अक्षरापासून इतके शब्द आहेत, हे कळते. मस्त संवाद.
Evey-who are you ? V-who? Who is but the form following the function of what, and what I am is a man in a mask. Evey- Oh I can see that. V-Of course you can. I'm not questioning your powers of observation, I'm merely remarking upon the paradox of asking a masked man who he is. But on this most auspicious of nights permit me then, in lieu of the more commonplace sobriquet to suggest the character of this dramatis persona. Viola! In view, a humble vaudevillian veteran cast vicariously as both victim and villain by the vicissitudes of fate. This visage, no mere venere of vanity is a vestige of vox populi, now vacant, vanished. However this valorous visitation of a bygone vexation stands vivified and has vowed to vanquish the venal and virulent vermin vanguarding vice and vouchsafing the violently vicious and voracious violation of volition! The only verdict is vengeance, a vendetta, held as a votive not in vain, for the value and veracity of such shall one day vindicate the vigilant and the virtuous. Verily, this vichyssoice of verbiage veers most verbose. So let me add simply that it is my honour to meet you, and you may call me V.

मदनबाण
Fri, 05/21/2021 - 23:04 नवीन
इथे फेटा उडवलेली इमोजी आहे असे समजावे ! :)

मदनबाण.....

आजची स्वाक्षरी :- “Music is the divine way to tell beautiful, poetic things to the heart.” – Pablo Casals
↩ प्रतिसाद: गॉडजिला

गॉडजिला
Sun, 05/23/2021 - 13:26 नवीन
आम्ही देखिल सामील आहोत
↩ प्रतिसाद: मदनबाण

मदनबाण
Fri, 05/21/2021 - 23:04 नवीन
एस.पी. तुम्हाला आम्ही किती आठवावे...

मदनबाण.....

आजची स्वाक्षरी :- “Music is the divine way to tell beautiful, poetic things to the heart.” – Pablo Casals

गॉडजिला
Sat, 05/22/2021 - 00:09 नवीन
रोजाच्या गाण्याची भ्रष्ट नक्कलही पचनी पडली जस्ट बिकॉज ऑफ लिजेंड्स असोसिएटेड (S. P. Balsubramaniam, Chitra)
↩ प्रतिसाद: मदनबाण

Bhakti
Sun, 05/23/2021 - 13:21 नवीन
व्हेंटिलेटर +१ कितव्यांदा पाहतेय मोजदाद नाही. कोकण, बाप्पा :) भावना कशा सहज मांडाव्यात असा सिनेमा!

मदनबाण
Sun, 05/23/2021 - 18:07 नवीन

मदनबाण.....

आजची स्वाक्षरी :- “Life isn't about waiting for the storm to pass. It's about learning how to dance in the rain.“ :- Vivian Greene

गॉडजिला
Mon, 05/24/2021 - 16:40 नवीन
काल आर्मी ऑफ द डेड पाहिला, BBB मूवी फक्त मायकल बे काढतो असा समज होता पण झेक स्नायडरनेही तेच प्रकरण केले आहे. हुमा कुरेशी ला काम नाही. AAA मूवी दिगदर्शित करणाऱ्या डायरेकटर कडून हि अपेक्षा आजिबात न्हवती... तसं सर्व चांगलं आहे पण नेटफलिक्स चा लो बजेटपणा कदाचित मधे आला असावा... https://youtu.be/Bfrs1FhGSxQ

प्रचेतस
Mon, 05/24/2021 - 16:55 नवीन
माझी पण काहीशी निराशाच झाली, टीपी आहे तसा. झोंबी जनरवरचा सर्वोकृष्ट वर्ल्ड वॉर झी हाच असावा. वॉकिंग डेड सिरीज सुद्धा भारी आहे.
↩ प्रतिसाद: गॉडजिला

गॉडजिला
Mon, 05/24/2021 - 17:27 नवीन
चित्रपट मुळात जर सायफाय फँटसी जेनर आहे त्यात २ तासाच्यावर मोठा चित्रपट, सुरुवात मुख*थुन द्रुश्याने केल्यावर मायकल बे स्टाइल चित्रपटत आहे हे प्रेक्षकाला समजावल्यावर नंतर अक्षरश: अधांतरी सोड्ले आहे .. अपेक्षित दे मारपटाची मजा नाही, अ‍ॅक्षन चांगली आहे पण त्यामागील नाट्य रंगलेले नाही, हिरो, स्टारकास्ट, प्लॉट सर्व पातळीवर निराशा... नेमके उलगडत जाणारे कथानक नाही... म्हणजे चित्रपट धड हिस्ट स्टोरी नाही, xxx अलग किसम का एजंट झँदर केज नाही, वर्ल्ड वॉर झी सारखा सब्स्टंस नाही, नात्यातली नाट्यमयता नाही, सध्याच्या लॉकडाउन संदर्भात पोलीसाचा क्वारंटाइनची धमकी देणारा एक सिन सोडला तर मनात उतरायला पुरेसा संदर्भ नाही, झोंबीची बायको कोणाला का हवीय त्यामागे कसलाही आगापिछा नाही, नेमकं व्हिलन कोण याचा ठळक रेफर्न्स नाही त्याचं जे प्याद आहे ते स्वताच्या कर्माने जाते त्यामागे प्रोटोगनीस्टचे कसलेही कर्तुत्व नाही... दुर्दैवाने सत्यकथा / डोक्युमेंटरीही नाही, शेक्स्पिअरन शोकांतीका म्हणावी जिथे शेवटी सर्व वाइटच होते तर त्यासाठी लागणारी गुंतागुंत नाही मग अफलातुन व्हि एफ एक्स सोडले तर नेमकं काय दाखवयचे आहे याचा पत्ता दाखवणार्‍याला आणी पाहणार्‍याला न लागु देण्याचे शिवधनुष्य स्नायडरने का उचलले ? मुळात ज्यांना झोंबी बॅशिंग बघायचेय त्यांना रेसीडंट एविल, झोंबीलँड आधीच आहेत, ज्याना जरा सब्स्टंस हवा त्याना आयम लिजेंड, वर्ल्ड वॉर झी आहेत मग झॅक स्नायडर नावाचे जे वलय /जादु आहे त्याच्याकडून असा चित्रपट नेट्फ्लिक्सच बनवु शकते...
↩ प्रतिसाद: प्रचेतस