Skip to main content

एंट्री

लेखक विनायक प्रभू यांनी बुधवार, 15/04/2009 12:20 या दिवशी प्रकाशित केले.
असाच एक मुंबईमधला नाका. सकाळची १० ची वेळ. मी थांबलो होतो बस करता. इतक्यात एक टेंपो येताना दिसला. लक्षात राहायचे कारण असे की त्यात ड्राईवरच्या बाजुला एक पन्नाशीचे गृहस्थ कोंबुन बसले होते. ड्राईवरने टोल भरला. जरा पुढे आल्यावर ऑक्ट्रॉयच्या शिपायाने टेंपो अडवला. गृहस्थ खाली उतरले. त्यांनी शिपायाला एक पत्र दाखवले. पण शिपाई काही टेंपो सोडेना. साधारण बोलण्यावरुन गृहस्थ मास्तर असावेत असे वाटले. ही जात कुठुनही ओळखता येते. थोड्या वेळ्याने मास्तर रागारागाने मोठ्या साहेबाला भेटायला ऑफिसमधे गेले. १५ मिनिटाने विलक्षण तापलेला चेहेरा घेउन बाहेर आले. शिपायाच्या हातावर १० रुपयाच्या दोन नोटा कोंबुन परत टेंपोत बसले. टेंपो पुढे निघाला. तुमच्या आमच्या संरक्षणासाठी आजकाल नाक्यावर सिमेंटच्या पोत्यामागे बंदुकधारी पोलीस उभे असतात. असाच एक पोलीस त्याचा किल्ला सोडुन पुढे आला. त्याने टेंपो थांबवला. मास्तर सारखे घड्याळाकडे बघत होते. आता ही काय कटकट म्हणुन मास्तर पुन्हा खाली उतरले. पोलीस म्हणाला "एंट्री" आता मास्तरला पॅरॅलिसीस चा ऍटक येण्याचेच बा़की होते. ड्राइवरने परिस्थिती ओळखली. मास्तरना बाजुला केले आणि पोलिसाशी हस्तांदोलन केले. टेंपो पुढे निघाला. मास्तरांनी टेंपोत बसल्यावर आपल्या हातातले पत्र बाहेर भिरकावले. ते नेमके माझ्या पायाशी. 'स्विकार पत्र' होते ते शाळेचे. मास्तर ने दोन बाके दान दीली होती शाळेला. जाता जाता: बाळ कोल्हटकरांचे नाटक आठवले. कलीयुगात प्रवेश करायला द्वारपाल देवाकडे सुद्धा 'एंट्री' मागतो.
लेखनविषय:
लेखनप्रकार
वाचने 4093
प्रतिक्रिया 22

प्रतिक्रिया

अवलिया बुधवार, 15/04/2009 12:23
मास्तर अजुन 'पोचलेला' नाही हेच खरे --अवलिया

परिकथेतील राजकुमार बुधवार, 15/04/2009 12:25
असेच म्हणतो. आजकाल आधी 'हात मिळतात' आणी मग 'माणसाची मने. पोचलेला ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

संदीप चित्रे बुधवार, 15/04/2009 20:28
आधी हात मिळतात आणि मग एकमेकांच्या किती कामाचे आहोत हे जोखलं जातं :(

विनायक प्रभू बुधवार, 15/04/2009 12:25
उदात्त, उन्नत महन्मधुर तेते मधे अडकलेले

अवलिया बुधवार, 15/04/2009 12:27
उदात्त वगैरे सगळे परमार्थाच्या वाटेवर बाकी सगळे परम अर्थातच अडकलेले... ना बाप बडा ना भैय्या सबसे बडा रुपैय्या !!! --अवलिया

दिपक बुधवार, 15/04/2009 12:33
सबसे बडा रुपैय्या !!! हेच खरे !

अवलिया बुधवार, 15/04/2009 12:30
तुम्ही डाकटर असते आणि पेशंट मेला असता तर बील माफ केले असते का? --अवलिया

परिकथेतील राजकुमार बुधवार, 15/04/2009 12:32
मेलेल्या माणसाला पण जिवंत सांगुन त्याचे ऑपरेशन करतात आणी मग तो ऑपरेशन टेबलवर 'अधिकृतरीत्या' मरण पावतो. दवाखान्याचा मिटर पडला ;) ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

विनायक प्रभू बुधवार, 15/04/2009 12:31
सावज आणि पारधी ची कथा म्हणा की

पाषाणभेद बुधवार, 15/04/2009 12:53
मास्तरे - पाषाणभेद उर्फ दगडफोड्या (- राजेंनी बहाल केलेले नाव)

चिरोटा बुधवार, 15/04/2009 12:58
शाळेच्या जगातून जगाच्या शाळेत यायचे म्हणजे कटकट असते. भेन्डि क्ष्^न + य्^न = झ्^न

मराठी_माणूस बुधवार, 15/04/2009 12:59
चपखल प्रतीसाद

निखिलराव बुधवार, 15/04/2009 15:21
शाळेच्या जगातून जगाच्या शाळेत यायचे म्हणजे कटकट असते.
क्या बात हये...

अनिल हटेला गुरुवार, 16/04/2009 06:53
>>>शाळेच्या जगातून जगाच्या शाळेत यायचे म्हणजे कटकट असते जीयो.... बैलोबा चायनीजकर !!! माणसात आणी गाढवात फरक काय ? माणुस गाढव पणा करतो,गाढव कधीच माणुस पणा करत नाही..

क्रान्ति बुधवार, 15/04/2009 19:17
देणा-याने देत जावे, घेणा-याने घेत जावे! अवांतर : (काय काय द्यावे आणि काय काय घ्यावे, हे विचारू नये!) क्रान्ति {मी शतजन्मी मीरा!} www.mauntujhe.blogspot.com

रेवती बुधवार, 15/04/2009 20:21
तुमच्या आमच्या संरक्षणासाठी आजकाल नाक्यावर सिमेंटच्या पोत्यामागे बंदुकधारी पोलीस उभे असतात. खरच किती लोकांचं संरक्षण करतात हे पोलीस? अफाट लोकसंख्येमुळं (आणि वरच्या साहेबांच्या नाकर्तेपणापुढं)त्यांनी कसं संरक्षण करावं? बाकी आपल्या अनुभवाबाबत काय बोलणार? रेवती

विनायक प्रभू गुरुवार, 16/04/2009 05:37
वरचा पण 'एंट्री' चा एक भागच की?

प्राजु बुधवार, 15/04/2009 20:28
देणारे देत आहेत तोवर घेणारे घेणार.. काय होणार दुसरं.. - (सर्वव्यापी)प्राजु http://praaju.blogspot.com/

मदनबाण बुधवार, 15/04/2009 21:00
हे तर मी रोज पहातो !!! जाम चीड येते त्या माणसाची,,,साला ढेरपोट्या गाडी थांबवुन थांबवुन पैसे गोळा करतो.ते ट्रक टेम्पोवाले पण मनात जाम शिव्या घालत असतील त्याला, मी तर घालतोच!!! पण काय आहे हे लोक पैसे खाण्याच्या लाईनीत उस्ताद झालेले असतात...गाडी ओव्हरलोड आहे,एक टेललाईट बंद आहे,नंबर बरोबर दिसत नाही,पेपर मधे झोल आहे...इ. सर्व हतखंडे वापरले जातात...एकदा पैसे हातात टेकवले के सगळ कसं लगेच लिगल होत. मदनबाण..... I Was Born Intelligent,But Education Ruined Me. Mark Twain.