कधीतरी

कधीतरी असेही करू या तिरावर हातात हात घेऊन नदीच्या पाण्यावर वाहत्या नावेवर स्वार झालेले आपण दोघे कसे दिसतो ते पाहू या ..... कधी तू एका तिरावर अन् मी दुसऱ्या तिरावर असे बसून नजरेचा पूल बांधून बघू या कधीतरी असेही करू या ...... कड्यावर घट्ट बसून खालच्या दरीतील धुक्यावर शेवरीसारखे हलके हलके होत तरंगत जाऊन बघू या कधीतरी असेही करू या ..... एकदा मी तुझ्या डोळ्यात उतरतो एकदा तू माझ्या डोळ्यात उतर एकमेकांच्या डोळ्यांना एकमेक कसे भावतो कधीतरी असेही बघू या ....... कसेही करून बघितले तरी . . कधी तिरावर कधी पुलावर कधी कड्यावर कधी नजरेवर तुझी माझी घट्ट गाठ राहणार ती राहणारच सखे .... चल, कधीतरी असेही करून बघू या
|- मिसळलेला काव्यप्रेमी -|