✍ मराठी साहित्य, संस्कृती आणि लेखनाचे व्यासपीठ

प्रेम दिसावे

— Bhakti ,
तुझ्यासाठीच क्षण प्रत्येक जगावा माझ्या आधी 'तू ' होण्यात जगावा अस कस भरलं खूळ ,कोड पडावे सोडवण्याआधी मी आणखी गुंतावे साऱ्या दूनियेने कोठेही धावावे तुझ्या पावलांभोवती जग शोधावे खुडतांना दुःख होते फुलांनीही सांगावे नको त्यागाची 'वाहवाही' फक्त प्रेम दिसावे -भक्ती (२०१६)
💬 प्रतिसाद (7)

प्रा.डॉ.दिलीप बिरुटे
Sat, 09/05/2020 - 14:13 नवीन
खुडतांना दुःख होते फुलांनीही सांगावे नको त्यागाची 'वाहवाही' फक्त प्रेम दिसावे
खासच, नको त्यागाची वाहवाही हे, जबराच होते. लिहिते राहा. -दिलीप बिरुटे

चित्रगुप्त
Mon, 09/07/2020 - 07:25 नवीन
'कोड' पडावे ??? म्हणजे काय, समजले नाही. अंगावर 'कोड' येतात वा उमटतात, ते असावे असे वाटत नाही. 'कोड लँग्वेज' मधील 'कोड' ही वाटत नाही. पडावे.. गुंतावे...धावावे.. शोधावे... सांगावे.. दिसावे... या एकारांत शब्दांवरून 'कोडे पडावे' असे म्हणायचे आहे असे वाटते. कृपया खुलासा करावा.

ज्ञानोबाचे पैजार
Mon, 09/07/2020 - 11:25 नवीन
सोडवण्याआधी मी आणखी गुंतावे
या वरुन तुम्ही म्हणता तसाच तो शब्द "कोडे" असा असावा. बाकी कविता आवडली पैजारबुवा,
↩ प्रतिसाद: चित्रगुप्त

Bhakti
Mon, 09/07/2020 - 13:26 नवीन
चित्रगुप्त काका आणि पैजारबुवा आपण बरोबर लिहिले आहे.तो शब्द 'कोडे' असा पाहिजे होता.ही कविता मी त्या काळात लिहिली आहे जेव्हा लिहीत राहणे हा माझा 'श्वास ' होता.तेव्हा proofreading ची सवय कमी झाली होती.पुन्हा हळूहळू शुद्धलेखन तपासण्याची आणि शब्दसंपत्ती वाढवण्याचा प्रयत्न करत आहे.