१५०० अब्ज डॉलर !

राजे ... एकदम मुद्द्याचे बोललात.
काळा पैसा एवढा स्विस बँकेत आहे की त्याचे आपल्या देशाचे नेतृत्व करणार्‍या नेत्यांना काहीच वाटत नाही कारण हा सगळा पैसा त्यांचाच तर आहे... दुसरे असे की या नेत्यांनी केवळ आपला पैसा सुरक्षित रहावा म्हणून देशाबाहेर नेऊन ठेवला पण सोईस्करपणे हे नेते विसरले की हाच अवाढव्य पैसा वापरुन विदेशी बँका आपल्या देशाला कर्ज देतात.
आपलाच पैसा आपल्यालाच कर्ज?... आणि विदेशी बँका आपल्या देशाकडून मिळणार्‍या फुकटच्या व्याजावर मोठ्या होत चालल्या आहेत. माझी खात्री आहे की जर स्विस बँकेतील काळा पैसा भारतात आणला तर तिकडे स्विस बँकेचे दिवाळे निघेल.
न जाणो या भीतीने स्विस बँकेने याधीच बँक बंद केली तर? सगळ्या बड्या तट्टूंचा हा पैसा बुडेल की राहीन? त्या ऐवजी कामे केली असती तर त्यांनी खाल्लेल्या पैशाकडे लोकांनी तितक्याशा गांभीर्‍याने पाहिले नसते....

आपण फक्त स्विस बँके बद्दल बोलतो आहोत. आपले भ्रष्ट नेते एवढे हुशार नक्कीच आहेत की जगात सगळीकडे हा काळा पैसा पसरुन ठेवला असेन. ऑस्ट्रेलिया, न्युझीलंड, इंग्लंड, अमेरिका, दक्षिण अमेरिका, जर्मनी व इतर युरोपीय देश... ह्या सगळ्या ठिकाणी चौकशी केली पाहिजे... :)
जगातील सर्वच विदेशी बँकांमधे असलेला आपला (काळा)पैसा गोळा केला तर आख्ख्या जगाचे डोळे पांढरे होतील...
कदाचित आपणच जगाला कर्ज देण्याएवढे श्रीमंत होऊ ....काय म्हणता? ;)
- सागर

स्वीस बॆंकेतले पैसे काढून सर्व उधा-या (जागतिक बॆंकेच्या कर्जासहीत ) देऊन टाकू आणि शिल्लक पैशातून, सार्वजनिक सुविधा, बेकारी, इतर प्रश्नांची सोडवणूक करायची. पण ते पैसे काढायचे कोणी आणि सुरक्षीत ठेवायचे कोठे हा प्रश्न आहेच. :(

अवांतर : भारतीय लोकांची यादी दिली पाहिजे राव त्यांनी !

मला जर निर्णय घेण्याचा अधिकार दिला तर तर मी फतवा काढेन..खातेदारासाठी "स्विस बॅंक पैसा अभय योजना" या नावाखाली योजना राबवेल.. खात्यातला पैसा भारतात उघडपणे आणा..५०% रक्कम सरकारला दान करा..व उरलेली ५०% रक्कम तुम्हि वापरा...जय हो.....जय हो.....जय हो.....

हा काळ्या पैशाचा मध अशा अनेक भ्रमरांनी तिकडे नेऊन ठेवला आहे. ते सगळे, आतून एकच असल्यामुळे, एकमेकांना 'सहारा' देत असतात( त्यांचा पैसा इथून तिथे फिरत असतो) आणि एक महा भ्रमर(सिंग) त्याचा सर्व हिशोब ठेवत असतो म्हणे!!!

हर शख्सको अपना बनाके देख लिया
मिलेंगे ना किसीसे ये दिलमें ठानी है|

राजे,

भ्रष्टाचार या एका मुद्द्यावर आपल्याकडे सर्वपक्षसमभाव दिसुन येतो.
असो. या निमित्ताने मोठे आकडे ऐकायला मिळाले!
धन्यवाद

वा ! छान !!

--अवलिया

काय बोलावे सुचेनासे झाले.. हा आपलाच पैसा हो.
पण काय करणार? जोपर्यंत सर्व जनता सुशिक्षित आणी जागरुक होत नाही तोपर्यंत हे दुष्ट्चक्र चालुच राहणार.
मागच्या निवडणुकीत एका पत्रकाराने मतदान करुन आलेल्या एका म्हतार्‍या बाईला विचारले "माई किसको वोट दिया?"
ती बाई म्हणाली "ईंदीरा गांधी को".
५०% च्या वर मतदान होत नाही, सुशिक्षित जनता मतदान करायला जातच नाही.

राष्ट्रवादी काँग्रेसच्या जाहीनाम्यात एक मुद्दा आहे "अनुसुचित जाती जमातीच्या लोकाना खाजगी नोकर्‍यात आरक्षणासाठी विधेयक आणणार" मतांच्या राजकारणासाठी काय होईल सांगता येत नाही.

आपला मराठमोळा.
कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

हे सगळे रुपये सर्कुलेशन मध्ये आले, की डॉलरचा भाव १०० रुपये. मज्जाच मज्जा.

-- मिसळभोक्ता

मुद्दा १ न्मबर....
भाजपा जाहिरनाम्यात : स्विस बन्केतील काळा पैसा परत आणु असा उल्लेख आहे.
मोदी म्हणतात : काळा पैसा परत आणु : कर्ज फेडु , उरलेल्या पैस्यात जन उपयोगी कार्य करु.

आता मतदान करायला हरकत नाही.
:)

मतदानात असा कौल ऑपशन नसतो का , 'कोणताच योग्या नाही मतदार'? असा एक ऑप्शन असेल तर मजा होइल. मतदानाचा हक्क बजवला पाहीजे असे म्हणतात पण इथे तर चोराचींच ल** ;)

इतका पैसा भारतात परत येईल का ? किंवा तसे करण्याचे कष्ट कोणी घेइल का?

मदनबाण.....

I Was Born Intelligent,But Education Ruined Me.
Mark Twain.

हे सगळे रुपये सर्कुलेशन मध्ये आले, की डॉलरचा भाव १०० रुपये. मज्जाच मज्जा.
उलटं रुपया महाग होण्याची शक्यता अधिक.

या नेत्यांनी केवळ आपला पैसा सुरक्षित रहावा म्हणून देशाबाहेर नेऊन ठेवला...
मह्त्वाचं कारण म्हणजे स्विस बँकांची खाते आणि खातेदाराविषयीची गोपनियता! या एका मह्त्वाच्या कारणामुळेच तिथे पैसे ठेवणार्‍या परदेशस्थ खातेदारांची संख्या अधिक, आणि भ्रष्टचारी राजकीय नेते, माफिया यांचे प्रचंड प्रमाण!

हा सगळा काळा पैसा भारतात आणण्यासाठी फक्त भारत सरकारची इच्छाशक्तीच मह्त्वाची(इथे पहा) . आताच्या सरकारचे याविषयीचे मौन संशयास्पद वाटते. येणार्‍या सरकारने खरोखर हे आश्वासन पुर्ण केले तर देशाचे चित्रच पालटुन जाईल.
स्विस बँकांच्या नियमांविषयीची माहीती तसेच खाते उघडण्याविषयीचे 'कुतुहल' असल्यास हा दुवा:).
(जोखीम : हा दुवा कुठ्ल्याही स्विस बँकेचं संकेतस्थळ नाही. हे संकेतस्थळ बँकेचे खाते उघड्ण्यासाठी एक माध्यम/मध्यस्थ म्हणुन उपयोगात आणता येते, परंतु ही लोक किती गोपनियता पाळतात या विषयी शंका असते.)
खाते उघडण्यासाठी प्रत्यक्ष बँकेत जाऊन उघड्ल्यास सर्वात सुरक्षित! म्हणुनच अडवाणींनी स्विझर्लॅडला गेलेल्या सर्व मंत्री आणि राजकिय व्यक्तींची यादी सरकारकडे मागितली आहे.)

अवांतरः खाते उघडण्यासंबंधीचा दुवा व ईतर माहीती केवळ "माहीती"साठीच दिलेले आहे. दुरुपयोग करु नये. नंतर नसते लचांड नको. :)

-सँडी
एखादी गोष्ट विसरायला पण तिची आठवण ठेवावी लागते.

अतिशय माहितीपूर्ण आणि उत्तम लेख , राजे!!!
अशाच उत्तम लेखांची तुमच्याकडून अपेक्षा आहे.
- (सर्वव्यापी)प्राजु
https://praaju.blogspot.com/

इतका पैसा भारतात परत येईल का ? किंवा तसे करण्याचे कष्ट कोणी घेइल का?

नाही.तशी शक्यता अजिबात नाही.जर स्विस बॅन्केच्या नियमानुसार खाते गुप्त ठेवण्याच नियम असेल तर होणार नाही.शिवाय वर म्हन्टल्याप्रमाणे ह्यात सर्व पक्षीय्-डावे,उजवे,मधले,वरचे,खालचे,टोकाचे सगळेच आहेत.एवढेच नव्हे तर ह्यात 'सन्माननिय' उद्योगपती,स्टॉक ब्रोकर्स्,बिल्डर्स, साखर्/गूळ्/तान्दूळ्/गहू/डाळ सम्राटदेखील आहेत.तेव्हा ह्या सगळ्यान्ची यादी प्रसिध्ध करायची म्हणजे मरण ओढवण्यासारखेच आहे.!! तेव्हा ही निवडणूकीचीच बडबड आहे.
Covert Operation- देशादेशातली गुप्तचर खाती अश्या प्रकारची कामे करतात.म्हणजे भारतिय गुप्तचर खाते(रॉ) आणि स्विस गुपचर खाते ह्याच्या सहकार्याने अश्या प्रकारची कामे करता येतात्.अर्थात सत्तेवर असणार्यान्चे-पन्तप्रधान्/ग्रुहमन्त्री ह्यान्चे तरी किमान पाठबळ पाहिजे.बर्‍याच वेळा खाजगीत उच्च अधिकार्‍याना,राजकारणी लोकाना कोणी कुठे पैसा ठेवलाय ह्या विषयी सर्व माहिती असते.पण 'तेरी भी चूप..' नुसार कोणीच काही बोलत नाही.
भेन्डि
क्ष्^न + य्^न = झ्^न

बोफोर्स चा पैस कुठे परत आला?? का आला/

अरब म्हणजे नक्की किती ?
अरब म्हणजे मराठीतले अब्ज काय ?
मले हिंदी येत नाय :(
(अरबी) अभिरत

तरीच म्हटले असा पर्याय असता तर आमच्या कानावर कसे आले नाही कधीच.

काश ही माहीती जरा कोणी त्या गरीब्,अडाणी जनतेपर्यन्त पोहचवू शकेल. कारण ह्या चोर नेत्यांची भाषण एकून त्याना मतदान करणारी हीच गरीब जनता असते.
काल टीवी वर मनेका का मेनका काय कचाकचा भांडत होती त्या साद्वी बरोबर. छे! कठीण आहे.

कारण ह्या चोर नेत्यांची भाषण एकून त्याना मतदान करणारी हीच गरीब जनता असते

गरीब जनता तशी स्वभावाने गरीब नसते.बाहेरच्या जगाला भारतिय लोकान्ची (गरीब्/मध्यम्/श्रिमन्त सगळे) ओळख बेरकी आणि चालू अशी आहे.अगदी आपण दुसर्‍या प्रान्तात गेलो तरी आपल्याला तसा अनुभव येतो.रिक्षावाले,दुकानदार्,भाजीवाले कोणीही घ्या.माणूस बाहेरून आला आहे हे कळले की चान्स मारायचा आणि लुबाडायचे ही व्रुत्ती भारतात सगळीकडे दिसते.निवडून आल्यावर राजकिय नेत्यान्मध्ये हीच व्रुत्ती दिसते.जयललिताना मत देणार्‍या लोकाना जयललिता कोण/कशा आहेत हे पक्के माहित असते.तीच गोष्ट लालू,पवार्,मायावती याना निवडुन देणार्‍यान्ची.
क्ष्^न + य्^न = झ्^न

स्वतंत्र भारताकडे एव्हढा पैसा आला कुठुन? आपलं वार्षीक बजेट किती? ६५ वर्षांच्या बजेटची बेरीज तरी एव्हढी होते काय? मुळात एव्हढा पैसा निर्माण कधि झाला? मुकेश अंबानीकडे $२.५ अब्ज पेक्षा थोडा कमि पैसा आहे. म्हणजे आजवर भारताने ६०० मुकेश अंबानी स्वीस बँकेत कोंबले म्हणावं काय? शिवाय जगातल्या इतर देशातल्या बॅकांमधे अधिकचा पैसा कोंबला? आणि हे सर्व कॅश ?

हे आकडे २००९ मधले म्हणजे व्हॉट्सऍप लोकप्रिय व्हायच्या आधीचे आहेत. तरीही त्यावेळीही कल्पनाशक्तीची इतकी भरारी बघून मिपाच्या भाषेत डोळे पाणावले. १५०० अब्ज डॉलर म्हणजे १५०० बिलिअन डॉलर म्हणजे १.५ ट्रिलिअन डॉलर. भारताचे जीडीपीही २००९ मध्ये तितके नव्हते.

आणि मला एक प्रश्न नेहमी पडतो.समजा १.५ ट्रिलिअन डॉलर भारतीयांनी स्वीस किंवा अन्य कुठल्या बॅंकांमध्ये ठेवले असले तरी त्या बॅंकांच्या बॅलन्स शीटमध्ये लाएबिलिटी साईडला ते दिसायला हवेत ना? समजा त्या खातेदारांची नावे माहित नसली तरी आकडे तरी दिसायला हवेत की नाही? स्वित्झर्लंडचे २००९ मध्ये पर कॅपिटा नॅशनल इनकम होते ६६,६३० डॉलर . तर २००९ मध्ये लोकसंख्या होती ७७ लाख ८५ हजार. आकडेमोडीच्या सोयीसाठी ८० लाख (८ मिलिअन) मानू. ६६,६३० गुणिले ८ मिलिअन बरोबर ५३३,०४० मिलिअन डॉलर बरोबर ५३३ बिलिअन डॉलर. यातले अगदी सगळे पैसे बॅंकेत ठेवले असे मानले तरी हा आकडा १.५ ट्रिलिअन पेक्षा एक तृतीयांशाहूनही कमी आहे. म्हणजे अख्ख्या स्वित्झर्लंडमधील बॅंकांमध्ये स्वीस लोकांनी एकही पैसा ठेवला नाही तरी एकूण डिपॉझिटच्या तिप्पट रक्कम केवळ भारतीयांकडून डिपॉझिट होते? हे सगळे पैसे खरोखरच भारतात आले तर स्वित्झर्लंड भिकेला लागेल :)

विषय घेतलास ते , उद्या देतो जरा डिट्टेल , आज राजकारणा विषयी लिहायचा कोटा संपलाय ..

१५०० अब्ज डॉलर म्हणजे सध्याच्या विनिमय दराने ६० हजार अब्ज रूपयांपेक्षा अधिक रक्कम होईल.

१९९९ साली राज्यात आघाडीचे सरकार आले तेव्हा त्यांनी युती शासनाने राज्यावर ३० हजार कोटी (म्हणजे ३० अब्ज) रूपयांचे कर्ज करून ठेवले आहे व राज्याच्या तिजोरीत उंदीर फिरताहेत असा आरोप केला होता.

१५ वर्षांनी आघाडी सरकारने सत्ता सोडताना हेच कर्ज जवळजवळ दहा पटींनी वाढून ३ लक्ष कोटी (म्हणजे ३०० अब्ज) रूपये झाले आहे.

धाग्याच्या शीर्षकातील रकमेतून हे कर्ज ३०० वेळा फेडता येईल :-) .

मला वाटते हे पूर्ण प्रकरण फक्त मते मिळविण्यासाठी होते. काही मुद्दे विचारार्थ देत आहे.
१. या एकूणच रकमेविषयी अनेकांचे मतभेद आहेत.
२. हा सर्व पैसा " काळा" म्हणजे कर न भरलेला हे गृहित फार मोठ्या प्रमाणावर प्रत्यक्ष चुकीचे ठरू शकते.
३.ही काही रक्क्कम धाग्यात दाखविली आहे तीत हवाला चे पैसे ही समाविष्ट असण्याची शक्यता आहे. सबब ते मिळणे
शक्य नाही.
४.कालच एका चर्चेत असे सांगण्यात आले की जागतिक बॅंकेच्या पहाणीनुसार सुमारे १६० देशांचे सरासरी " असे " उत्पन्न
३४ टक्के आहे. त्यात भारताचे जी डी पी च्या २१ टक्के आहे. त्यात भारतातील " काळा " पैसा ही आला. म्हणजेच
हे सगळे स्वीसचे पैसे मिळाले तरी भारताचे उखळ पांढरे होईलच असे नाही. बाकी याचे खरे रूप काळच दाखवेल.

ह्या विषयावर कालच्या अग्रलेखात बराच प्रकाश टाकलेला आहे.
https://www.loksatta.com/sampadkiya-news/row-over-black-money-remark-10…

माध्यमांमधून सांगितल्या जाणार्या घोटाळ्याच्या रकमा ना काही आधार नसतो . ३जी घोटाळा आणि कोळसा घोटाळा हि याची उदाहरण . मात्र खरी गम्मत हि नाही . मनमोहन सरकारवर याच माध्यमांचा हवाला देऊन आरोप करणारे लोक आता मात्र 'आपल ' सरकार आल्यावर त्याना 'सांभाळून ' घेत आहेत ते बघून डोळे पाणावले . आता रोबर्ट वाध्रा आणि बोफोर्स प्रकरणात गांधी घराण कस निर्दोष आहे याचे पण पुरावे नमोभक्त आणि कॉंग्रेस वाले एकत्र देतील कारण इस हमाम मे सब नंगे है हे सत्य दोन्ही बाजूच्या आंधळ्या भक्ताना जितक्या लवकर कळेल तितके बरे . वाध्रा प्रकरणात बदले कि राजनीती नही करेंगे असे म्हणून आणि काळ्या पैश्याच्या प्रकरणात सपशेल कोलांटी उडी मारूनसिद्ध केल आहे . सीमेवर सैनिक मरत असताना शरीफ यांच्या आईला साडी पाठवणे वैगेरे वैगेरे तर आहेच . हेच मनमोहन सिंग यांनी केल असत तर त्यांचे कसले कसले फोटो नमोभक्तानि फिरवले असते देव जाणे . Bottom line is सरकार कुणाचेही येवो मुलभूत बदल होण्याची शक्यता फारकमी असते . एका ठराविक चौकटीत त्याना काम करावे लागते . मग ते ममो असोत कि नमो

तर कृपया नरेंद्र मोदी यांना कळवावे त्यांना काळा पैसा किती आहे हे निवडुन आल्यानंतर विसर पडलेला आहे