[शशक' २०२०] - एफ यू : लॉकडाऊन !

जेंव्हा जीवनाची गती संपूर्णपणे अवरुध्द होते, मग ते कॅन्सरसारखं असाध्य आजारपण असेल, इज्जतीचा तमाशा करत रस्त्यावर आणणारी दिवाळखोरी असेल, किंवा ज्यातून सावरता येणं अशक्य आहे असा अपयशाचा जोरदार तडाखा असेल. अशा खोलवर गर्तेत व्यक्तीला जेंव्हा सगळं या क्षणी संपवून टाकण्यापालिकडे दुसरा पर्याय दिसत नाही. सगळं एका पॉईंट ऑफ नो रिटर्नला येऊन थांबतं....... तेंव्हा व्यक्तीच्या जीवनात एक अपूर्व संधी येते. त्याच्या नजरेचं एक अद्भूत रूपांतरण घडण्याची शक्यता निर्माण होते. याला गेस्टाल्ट चेंज म्हटलंय. नेहेमी आपण प्रसंगानं घेरलो आहोत असं बघणाऱ्या व्यक्तीला, प्रसंग आपल्यात घडतोयं आणि कोणत्याही घटनेचा (अगदी मृत्यूचा देखिल) आपल्यावर काहीही परिणाम होत नाही हे दिसतं. . . . सिद्धावस्था म्हणजे असं नजरेचं रूपांतरण झालेली; संपूर्ण मुक्त आणि स्वतंत्र स्थिती. . . . . लॉकडाऊन ही प्रत्येकाला लाभलेली; गेस्टाल्ट बदलण्याची अपूर्व संधी आहे !