चॉकलेट नारळ बर्फी

साहित्य: २ कप डेसिकेटेड नारळ. पाऊण कप पाणी पाऊण कप साखर ३-४ मोठे चमचे मिल्क पावडर पाव कप मिल्कमेड २ लहान चमचे वेलचीपूड व्हॅनिला इसेन्स २ चमचे कोको पावडर सजावटीसाठी पिस्ता चुरा, चांदीचा वर्ख. कृती: सर्वप्रथम एका पातेल्यात साखर, पाणी आणि मिल्कमेड टाकून १०-१५ मिनिटं उकळी आणा. आच मंद करून त्यात इसेन्स टाकून त्यातला अर्धा पाक वेगळ्या भांड्यात काढावा. एका भांड्यांत अर्धा पाक वेगळा काढून त्यात बाकीचे खोबरं, वेलचीपूड, मिल्क पावडर हे जिन्नस आर्ध्या प्रमाणात टाका. दुसऱ्या भांड्यांत राहिलेल्या अर्ध्या पाकात कोको पावडर टाकून मग उरलेले जिन्नस टाका. ही मिश्रणं १० मिनिटं शिजवून घ्या. एका ताटाला तुपाचं बोट लावून त्यावर वरील मिश्रण कालथ्याने पसरवून घ्या. वरून कोको पावडरवाल्या मिश्रणाचा थर लावा. शेवटी पिस्त्याचा चुरा भुरभुरा. वर्ख लावा आणि गार करत ठेवा. गार झालं की सुरीला तूप लावून हव्या त्या आकारात वड्या पाडा.