रात्र थोडी..

जव्हेरगंज's picture
जव्हेरगंज in जनातलं, मनातलं
22 Jul 2019 - 1:54 am

"अब बोल भी कुत्ते" चकचकीत रिवॉल्व्हर माझ्या छाताडावर रोखत तो उग्रपणे म्हणाला.
अशावेळी भल्याभल्यांची फाटते. नव्हे फाटायलाच पाहिजे. कपाळावर घाम जमा होतो. आणि भरपूर तहान लागते.

"आपण बस यहापे पिक्चर देखने आया था" नुकताच मारलेला गांजा अशावेळी कामाला येतो.

"मुझे नही लगता.." रात्रीच्या एक वाजता हा माणूस गॉगल घालून बोलतोय. हि गोष्ट खरं बघितलं तर डोक्यात तिडीक जाणारी आहे.

"ये सुलेमान का आदमी है साब.." जीपमध्ये बसलेला लुकडा हवालदार माझ्याकडे हात दाखवत जोरात म्हणाला. खरं तर तिथे दोन हवालदार होते. दुसरा मिशावाला होता. जाडजूड. बहुतेक त्याला झोप वगैरे आली असावी.

"गांजा तो हम भी पीते है. चलो एक एक हो जाये.." काळ्या गॉगलवाल्या इन्स्पेक्टरने आता रिवॉल्वर कमरेला अडकवली. आता तो रंगात आला होता. खांद्यावर हात टाकून मला तो जीप कडे घेऊन गेला.

"क्या मजाक कर रहे हो साब, आपन किसी सुलेमान को जानता तक नही. हा आपुन छोटामोठा झमेला जरूर करता है. लेकीन इसमे आपुनको मत घुसेडो साब.." मिशावाल्या जाड्या हवालदाराने गाडी सुरू केली तेव्हा आपनही थोडं गयावया केलं.

"इसको ऑफर दो साब.." लुकडा हवालदार तसा बारीक अंगकाठीचा होता. पण बराच मुरलेला दिसत होता.

"हा.. ऑफर... " इन्स्पेक्टर जरा सावरून बसला आणि सरळ माझ्याकडे बघत म्हणाला "देख दस पेटी देगा, बस आपुनको सुलेमानका पता दे. लाईफ बन जाएगी तेरी.."

गाडी मुंबई सोडून हायवेला लागली होती. जीप असली तरी झरझर पळत होती. रस्त्यावरचं बेफाम वारं आत घुसंत होतं.

"जब आपुन इस च्युतेको जानताही नही तो पता कैसा देगा.." यावर तिघेही खळखळून हसले.

"भरोसा नहीं साब, पुलिस पे भरोसा नही है" लुकडा हवालदारा चिलीम पेटवत म्हणाला. मग त्यानं एक झुरक मारला. धूर सोडत त्यानं चिलीम इन्स्पेक्टरकडं सोपवली.

"ठिक है, ठिक है... " इन्स्पेक्टरनं हळूवार झुरका मारत धूर छातीत भरुन घेतला. आहाहा. जन्नत. "अब दुसरा ऑफर... तू हमे सुलेमान का पता दे.. हम तुझे जिंदा छोड देंगे.."
"ये मस्त ऑफर है साब.." लुकडा हवालदार जोरजोरात हसायला लागला. मिशावाल्या हवालदाराला तर ठसका लागला. हा साला गाडी ठोकेल कुठेतरी.

"आपन उसको जानता है मगर मालूम नही वो किधर मिलेगा" आणि अचानक गाडीला ब्रेक लावून ड्रायव्हरने गाडी उभी केली.

रात्रीच्या दोन अडीच तरी वाजल्या असतील. कुठल्यातरी घाटात आम्ही पोहोचलो होतो. दूरून दिसणारे मुंबईचे लुकलुकते दिवे सोडले तर तिथे वर्दळ अशी नव्हतीच.

"सुसू करने का है. आयेगा?" इन्स्पेक्टर बाहेर होत म्हणाला.
मग आम्ही चौघांनी मिळून तिथे सुसू केली.

"वो.. चित्रा टॉकीज के सामने क्या करने आया था.." इन्स्पेक्टरनं चैन लावत विचारलं.
"वो.. पार्सल लेने आया था.." मी चैन लावत सांगितलं.

"कैसा पार्सल?" लुकड्या हवालदाराची चैन बहुतेक अटकली होती. तिला खालीवर करत तो म्हणाला.

"आपन कोना गोवा मे एक घर मंगता है साब. छोटासाच. बीच के आसपास.." मी सौदा करायला प्रारंभ केला.

"मिलेगा.." इन्स्पेक्टरनं डिल फायनल केली. " और साथ मे एक रशियन आयटम भी मिलेगी, अग सच बोला तो"

डोंगरउतारावरच्या थंडगार हवेने मन प्रफुल्लित झाले होते. अंधारात पण निसर्ग किती सुंदर दिसतो. साला इथं कोणी राहत कसं नाही.

"वो पार्सल कोकेन का था." मी महत्वपूर्ण माहिती पुरवली. इन्स्पेक्टर खूश झाला.

"और सुलेमान..?" लुकड्या हवालदार जीपच्या बोनेटवर रेलून बसला होता. त्याची चैन आता बहुतेक लागली होती.

"उसने ही बुलाया था. चित्रा टॉकीज के सामने. वो खाली फोन करता है. और पार्सल कीसी कचरे के डब्बे मे रख देता है."

"मतलब उसे कभी मिला नही तू..?" इन्स्पेक्टर इथे थोडा नाराज वाटला.

"नही, कभी नही.." इथे मी पण थोडा नाराज झालो.

"कहापे ले जाना था ये पार्सल..?"

सांगू की नको अशा पेचात मी जरा गोंधळूनच गेलो.

"अब बोल भी कुत्ते" चकचकीत रिवॉल्व्हर माझ्या छाताडावर रोखत तो उग्रपणे म्हणाला.

"होटेल मेरीडीयम. कमरा नं.२३० , आपन उधर काम करता है. सफाई का" एकदाचा सांगून मोकळा झालो.

इन्स्पेक्टरनं रिवॉल्वर खाली घेतलं. कपाळावर जमा झालेला घाम डोंगराच्या हवेत गारठू लागला. हात वर करून मी आळस झटकला. नाही म्हटलं तरी छातीची धडधड वाढलेलीच होती.

इन्स्पेक्टर चालत जीपकडे गेला. सीटखाली लपवलेली प्लास्टिक पिशवी माझ्याकडे देत म्हणाला,
"क्या वो पार्सल यही था?"

च्यायला. डिट्टो. हे काय?

आणि एवढा वेळ शांत बसलेला मिशावाला जाड्या हवालदार हातातले पिस्तूल रोखत माझ्याकडे चालत आला.
"आपन सचमे तुझपे बहोत भरोसा करता था." याचा आवाज तर सेम टू सेम सुलेमान सारखा आहे. " लेकीन तू तो सबकुछ यहा बक रहा है यार, आपुनको ऐसा आदमी मंगताइच नै."

धडाम.

कथाप्रतिभा

प्रतिक्रिया

जॉनविक्क's picture

22 Jul 2019 - 2:07 am | जॉनविक्क

वाटलं होतं दीर्घ कथा असेल. कथानक छान होतं.

जेम्स वांड's picture

22 Jul 2019 - 7:15 am | जेम्स वांड

झकास ट्विस्ट असतात राव तुमचे! खल्लास मजा आली जव्हेरगंज साहेब. डिटेलिंग कसले सही, चेन अडकली असावी हा हा हा हा हा हा हा हा हा

तुषार काळभोर's picture

22 Jul 2019 - 7:51 am | तुषार काळभोर

गोष्ट, सांगण्याची पद्धत अन शेवटचा ट्विस्ट- सगळंच भारी!

मृणालिनी's picture

22 Jul 2019 - 8:20 am | मृणालिनी

लघुकथा आवडली. शेवट मस्त! सुंदर लिखाणशैली!

चांदणे संदीप's picture

22 Jul 2019 - 8:34 am | चांदणे संदीप

जव्हेरभौ बऱ्याच दिवसांनी इस प्यास्या धरतीवर बारीश की बूंदे पडावी तसं झालं.

हौर आन्दो.

Sandy

नाखु's picture

22 Jul 2019 - 8:40 am | नाखु

पलटी जबराट आहे

जव्हेरगंज लिखाणाची शैली आवडणारा वाचकांची पत्रेवाला नाखु

एमी's picture

22 Jul 2019 - 3:12 pm | एमी

+१. मस्त ट्विस्ट!

आंबट चिंच's picture

22 Jul 2019 - 9:26 am | आंबट चिंच

mast

जालिम लोशन's picture

22 Jul 2019 - 9:38 am | जालिम लोशन

छान

अभ्या..'s picture

22 Jul 2019 - 9:52 am | अभ्या..

ढिशक्याव.
जेजी इज ब्याक.

मित्रहो's picture

22 Jul 2019 - 11:17 am | मित्रहो

बऱ्याच दिवसांनी तुमची कथा वाचली एकदम धडाम

प्रचेतस's picture

22 Jul 2019 - 11:44 am | प्रचेतस

आधी प्रेडीक्टेबल वाटली पण शेवटचा ट्विस्ट एकदम भारी. मजा आली वाचून.

राजाभाउ's picture

22 Jul 2019 - 11:56 am | राजाभाउ

च्यायला भारीच . एक नंबर

अनिंद्य's picture

22 Jul 2019 - 12:07 pm | अनिंद्य

बेश्ट !

चंद्र.शेखर's picture

22 Jul 2019 - 1:12 pm | चंद्र.शेखर

लई भारी. आवडली. वाचून असा विचार आला की हीच कथा, त्या कथेतील इतर 3 पात्रांंनी सांगितली तर कशी असेल? म्हणजे इंस्पेक्टर कशी सांगेल, हवलदार कशी सांगेल ...

अनन्त्_यात्री's picture

22 Jul 2019 - 3:29 pm | अनन्त्_यात्री

और आन्दो

लई भारी's picture

22 Jul 2019 - 4:10 pm | लई भारी

आवडला ट्विस्ट! मला पण मोठी कथा असेल असं वाटलं होत.

सामान्यनागरिक's picture

22 Jul 2019 - 5:10 pm | सामान्यनागरिक

जर त्या माणसालाच गोळी घातली जाते तर हे कथानक प्रथमपुरुषी कसं ?

कथा मस्तंच आहे याबद्दल शंका नाही. जव्हेर्गंज यांना सवाल करावे ही माझी लायकी नाही पण तरीही डोक्यांत कीडा आलाच

तुषार काळभोर's picture

22 Jul 2019 - 6:08 pm | तुषार काळभोर

गोळी माणसालाच मारलीये असं कुठं लिहिलंय?
अन
गोळी जरी माणसाला लागली तरी तो मेलाच पाहिजे असं थोडीच आहे!!

जॉनविक्क's picture

22 Jul 2019 - 6:58 pm | जॉनविक्क

आणि एक भूत त्याचे आत्मवृत्त कथन करत होते हा हि ट्विस्ट देता येतोच कि.

तुषार काळभोर's picture

22 Jul 2019 - 8:36 pm | तुषार काळभोर

सिक्वेलची सोय!!

मास्टरमाईन्ड's picture

23 Jul 2019 - 12:24 pm | मास्टरमाईन्ड

तुमचं लिखाण आलंय
तुमचं लिखाण वाचून सवय झाल्यानं इन्स्पेक्टरच सुलेमान वाटला होता.
काय राव... तुम्ही पण त्या सोन्याबापूंसारखे गायब झालात.

रेमिंग्टन's picture

25 Jul 2019 - 2:14 am | रेमिंग्टन

काय लिहिता राव!! सॅल्युट :-)
लघुकथा प्रकरात तुम्ही हे सगळं बसवू शकता, मस्तच..
तुमचे आधीचे सगळे लेख अधाशासारखे वाचून काढले. लैच भारी!!!

ज्योति अळवणी's picture

31 Jul 2019 - 11:48 pm | ज्योति अळवणी

एकदम झक्कास

संशय देखील आला नाही मिशावल्याचा. ट्विस्ट सॉलिड. खूप आवडली कथा. बऱ्याच दिवसांनी तुमचं लिखाण आलं. मजा आली.

गड्डा झब्बू's picture

1 Aug 2019 - 1:42 am | गड्डा झब्बू

ये भारी है....मजा आली पढनेको!

किसन शिंदे's picture

19 Aug 2019 - 6:30 pm | किसन शिंदे

जबराट ट्विस्ट. भारी डिटेलिंग केलंय कथेत.

Namokar's picture

19 Aug 2019 - 7:40 pm | Namokar

मस्त

टर्मीनेटर's picture

19 Aug 2019 - 8:06 pm | टर्मीनेटर

२२ जुलै ला प्रकाशित होऊनही अजूनपर्यंत वाचनात कसा आला नव्हता हा धागा काय माहित!
जव्हेरभाऊ, नेहमीप्रमाणेच मस्त लिहिली आहे तुम्ही ही कथा.

स्वलिखित's picture

1 Sep 2019 - 6:49 pm | स्वलिखित

पण पहिल्यासारखा टच नाही आला या कथेत

मराठी कथालेखक's picture

1 Sep 2019 - 10:52 pm | मराठी कथालेखक

छान.. अंडर कव्हर कॉप माहीत होतं, हे त्याच्या विरुद्ध :)

गामा पैलवान's picture

30 Apr 2020 - 1:56 am | गामा पैलवान

जव्हेरगंज,

नेहमीप्रमाणे छोटीशी पण जबरदस्त कथा आहे.

या लायनीतल्या लोकांचं असंच होतं. इथे आत जायचे रस्ते हजार आहेत, पण बाहेर यायचा रस्ता एकंच. धडाम!

त्यामुळे मिळेल ते सुख ओरबाडून घ्यायची प्रवृत्ती असते. फिल्मलायनीपेक्षा कैकपटीने धोकादायक प्रलोभनं पावलोपावली असतात. अशाच एकात नायक अडकला. दुर्दैवी, पण अटळ शेवट!

आ.न.,
-गा.पै.