वरुण मोहिते यांना श्रद्धांजली

काल वमो च्या घरी गेलो होतो. बरोबर भारत मुंबईकर होते . वरुण याच्या घरी आई , आजोबा त्यांची मैत्रीण आणि इतर नातेवाईक होते . आई किमान बोलण्या इतपत सावरलेल्या दिसल्या . खरो खर काय बोलावे हे आम्हाला कळत नव्हते त्या दोघी कडून कळले त्या प्रमाणे परवा संध्याकाळच्या सुमारास प्रकृती खालावल्या सारखे वाटले , तेंव्हा त्यांना रिक्षात घालून इस्पितळात नेले , वरुण चालत रिक्षात बसला , व्यवस्थित बोलत होता . शुगर लो झाल्यासारखी वाटली म्हणून त्याने एक केक खाल्ला . इस्पितळात रक्तदाब आणि शुगर प्रचंड कमी झालेली दिसली आणि त्यातच त्याची प्राणज्योत मालवली . असे वाटते कि वेदना झाल्या नसाव्या . आई व मैत्रिणी कडून मिपा चा अनेकदा उल्लेख झाला . व मो चे मिपा वर खरेच प्रेम होते . अजून काय लिहू, . आई अजून एक बोलल्या कि व मो कोठलेच पथ्य पाळत नव्हते , यात बरेच सांगून गेल्या . या दिलदार मित्रास आपल्या सर्वा तर्फे श्रद्धांजली , त्याने जे आनंदाचे क्षण दिले होते त्याची आठवण म्हणून शेवटचे जावू शकलो . त्याच्या घरी मुलुंड ला अनेकदा जायचे होते , त्याच्या बरोबर ठरवले होते पण असे जावे लागेल असे वाटले नाही !

वमो यांनी मिपा साठी बरेच काही केले होते, त्यांचा बॅनर लागावा अशी अपेक्षा आहे.