मिसळपाव
मज ध्यास दर्शनाचा रे, ना कसलीही आसक्ती
अंतरात माझ्या वसते, मीरेची मधुराभक्ती
मी गीत तुझे गुणगुणते
चैतन्य जणू रुणझुणते
गीतातून माझ्या करते तव प्रीतीची अभिव्यक्ती
तन राही जरी संसारी
मन घेते गगनभरारी
एकाच ठायी अनुभवते आसक्ती आणि विरक्ती
काळोख मनाला ग्रासे
हा जन्मही शापच भासे
तुजवाचून जगण्याचीही उरली ना इच्छाशक्ती
सर्वस्व तुला अर्पावे
आयुष्य इथे संपावे
तुजसाठी पुन्हा उमलाया, या जन्मि मिळावी मुक्ती
वाचने
4370
प्रतिक्रिया
12
प्रतिक्रिया
सुंदर .. फार
सुंदर .. फार छान !
-- लिखाळ.
बाप रे!!!!
आज काही खर नाही !!!
"मिपा आज कान्हारसात न्हाउन निघतय की बुडतय बहुतेक
सर्वस्व तुला अर्पावे
आयुष्य इथे संपावे
तुजसाठी पुन्हा उमलाया, या जन्मि मिळावी मुक्ती
निरपेक्ष,निस्सीम भक्ती याला म्हणतात.आम्हाला हे धड गद्यरुपात म्हणता,लिहीता येत नाही
आज एकापेक्षा एक रचना वाचायला मिळताहेत
सुहास..
(द गुड)
सुरेख .. केवळ सुरेख.
भक्तीरसात न्हाऊन निघाले. खूपच सुंदर..
मीरा के प्रभू गिरीधर नाघर..
तन राही जरी संसारी
मन घेते गगनभरारी
एकाच ठायी अनुभवते आसक्ती आणि विरक्ती
हे जास्ती आवडल. क्रान्ती.. जियो!!
सुरेख.- (सर्वव्यापी)प्राजु
https://praaju.blogspot.com/
(मदिराभक्ती)
सुंदर कविता आहे.
नाना, रंग्या, खोडसाळ व केशवसुमार (मदिराभक्ती) केव्हा पाडतात त्याची वाट बघतोय.
खराटा
(रंग माझा वेगळा)
सुंदर..
क्रान्ति,
सर्व कविताच आवडली. :)
सुरेख
मस्त लिहीलेय. आधी प्राजुंची कृष्णमयी आणि आता मधुराभक्ती. छान, अजुन येवु द्या !!
सस्नेह
विशाल
*************************************************************
इतक्या वर्षानंतर तिला पाहिली तेव्हा कशी भासली सांगु....
कल्पनेतला "ताजमहाल" हिणकस ठरला !!! :-) :-)
खूप छान!
अगदी प्रसन्न वाटले सकाळी सकाळी ही कविता बघून! :)
राघव
सुंदर
सुंदर कविता. छान वाटले वाचून.
पुण्याचे पेशवे
एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते.
Since 1984
सुरेख
सुरेख प्रासादिक कविता..!
जियो...
तात्या.
अहा...!!
खरंच अगदी पवित्र आणि प्रसन्न वाटलं :)
"मधुराभक्ती" हा शब्द पण फार गोड आहे गं...!!
सुंदर
कविता खुप आवडली.... क्रांती....
शेवटचा अंतरा... टचिंग....
छान.
तुजसाठी पुन्हा उमलाया, या जन्मि मिळावी मुक्ती
सुंदर.