हाटेल साठी नावे सुचवा

#ZeroPeriod BreakPeChai FoodForThought #HungryKya Hunger-Games ChaiPeCharcha Chit Chat

१)उदरभरण 2)Headquarter ( काँलेज जवळ असल्याने codeword मध्ये बोलायला सोपे )

फुकुंनपी.

जोश

Healthy n' Spicy असे काहीतरी नाव देऊन तुमचे पदार्थ चटपटीत असूनही आरोग्यासाठी उत्तम आहेत, असे वाटू द्या आणि प्रत्यक्षातही असू द्या. विविध प्रकारच्या Smoothies अवश्य ठेवा. https://www.indiatimes.com/health/recipes/14-smoothie-recipes-for-a-qui… https://www.vegrecipesofindia.com/smoothie-recipes/

चांगल्या हॉटेल ची काही लक्षणे १) स्वच्छता-- हॉटेलची टेबले वारंवार स्वच्छ कपड्याने साफ ठेवणे हे फार महत्त्वाचे आहे. हॉटेलातील कपडा पार कळकट होईस्तोवर बरेच हॉटेल मालक बदलत नाहीत. हि बाब मुलींना विशेषतः खटकते त्यामुळे अशा हॉटेल वर त्या नाक मुरडतात. दर आठवड्याला नवीन नॅपकिन विकत आणणे ही स्वच्छतेच्या दृष्टीने उत्तम गुंतवणूक आहे. याच खर्च आठवड्याला २० ते ३० रुपयांपेक्षा जास्त नाही. २) बहुसंख्य हॉटेलात मेनुकार्डे कमी असतात आणि असली तरी वेटरना ती उचलण्याची घाई का असते हे समजत नाही. प्रत्येक टेबल वर २ मेनुकार्डे कायम स्वरूपी ठेवावी. १०० ग्राहकांपैकी एकाने जरी एक पदार्थ जास्त मागवला तरी त्या अतिरिक्त मेनूकार्डाचे पैसे वसूल होतात. मेनू कार्ड कुतूहलाने पाहिली असताना त्यातील एखादा पदार्थ आपण घ्यावा अशी साहजिक इच्छा ज्याचे पोट पूर्ण भरलेले नाही त्याची होते. ३) हॉटेलातील प्रत्येक कोपऱ्यात पंख्याची/वातानुकूलित यंत्राची हवा व्यवस्थित येईल हि काळजी घेणे. हॉटेलात बसणे आरामशीर असले तर नकळत ग्राहक तेथे परत येतो. ४) हॉटेलचा दर्शनी भाग प्रसन्न असावा. येणार ग्राहक बाहेरूनच "नको जायला" म्हणाला तर धंदा बसलाच समजा. ५) एखाद्या ग्राहकाने एखाद्या पदार्थाबद्दल तक्रार केली तर तो लगेच बदलून द्यावा. हॉटेलच्या धंद्यात अन्नपदार्थाची किंमत हि सर्वात कमी म्हणजे १०-२० % च्या वर जात नाही. चटणीला वास येतो आहे असे म्हटल्यावर आपल्याला येत नसेल तरी त्याजागी पर्यायि पदार्थ /केचप द्यावा. कारण मला वास येत नाही असे सांगितले तर ग्राहक मनात (किंवा उघडपणे) "आम्ही काय खोटे बोलतो आहोत का" असे म्हणतो आणि परत हॉटेलची पायरी चढत नाही. ६) श्री. पेठकर यांच्यासारख्या या व्यवसायातील अनुभवी आणि यशस्वी माणसांचा सल्ला जरूर घ्यावा आणि वेळोवेळी घेत राहावा. औरंगाबादला आलो तर आपल्या हॉटेलला जरूर भेट देईन (आणि बिल संपूर्णपणे भरेन) बाकी आपल्या उपक्रमाला मनापासून शुभेच्छा

कमाल झाली भौ त्यांनी हाटेल साठी नावे सुचवाला सांगितले आणि इथले लोक्स त्यांना धंदा कसा करावा कि करू नये यावर लेक्चर देऊन राहिले. आता हाटेल उघडून राहिले म्हंजी काहीतरी अनुभव असलच कि गाठीला. कि ते तुम्हाला हाटेल कसे चालवायचे असे विचारून राहिलेत? नाव सुचवा एवढाच त्येंचा प्रश्न आहे. बाकी जाऊ देत निशांत खाडे साहेब तुम्ही हाटेलाच नाव TTMM -तेरा तू मेरा मै असंच ठेवा. उधारी का धंदा खोटा हे लक्षात राहूद्या. आणी एक, हाटेलात प्रत्येक भिंतीवर घड्याळ लावा. पोराटोरांनी निवांत बसने वग्रे धंद्यासाठी मारक आहे 'आता उठा असे सांगायला लाऊ नका' अशा पाट्या लावायला हरकत नाही. बाब्बो बाकीचे प्रतिसाद वाचून मि पण अनाहूत सल्ले देऊन राहिलो कि :-)) माफी असावी.

कॉलेजात आताशा वाचनाची आवड राहिली आहे की नाही ? आहे तर मराठी पुस्तके वाचतात की इंग्रजी ? असे असेल तर एखाद्या प्रसिद्ध पुस्तकाचे नाव पण देऊ शकता. उदा. "रारंगढांग" "कोसला" फा ईव्ह पॉईंट समवन" इ. इ. नवीन प्रयोग आहे, जर मला कधी हॉटेल टाकता आले तर मी नक्कीच पुस्तकाच्या नावांचा वापर करेन. राजकारणाची आवड असेल तर "चाय पे चर्चा" "कॉफी आणि बरच काही..." "निंबूज विथ निशांत" असे काही प्रयोग करता येईल.

भारी धागा आणि खत्रा प्रतिसाद. गवि, अभ्या, खरे वगैरेंना संचालक मंडळ म्हणून घेउन एखादं कुठेही हाटील सुरू केलं तर नक्कीच चालेल. ;) बाकी, कुपन्साठी एक-दोन नावं सुचवतोय. १. बघतोस काय? नाश्ता कर. २. किंवा सरळ नाश्ताचं भाषांतरीत नाव चालून जाइल. उदा. इंबीस (जर्मन), बोकादिलो (स्पॅनिश), कोलात्सिओन (फ्रेंच).

जब्राट It's जब्राट खा जब्राट व्हा जब्राट

आपल्या आसपासच्या सर्व यशस्वी खाद्यदुकानांची नावे तपासा. पुण्यातलं एक उदाहरण द्यायचं बावधन मधलं पीटर मोमो सेंटर. याचं "मोमोलिशियस, नॉर्थ-इस्टर्न मॅजिक, इशान्य वडा-लसूण" असलं काहीही भंपक असतं तर मी त्या दुकानात बिचकूनच पाय ठेवला नसता. मी आधी राहत होतो तेथे "चस्का चवीचा: एक भन्नाट मिसळ" की काय असलं नाव होतं.हॉटेल एव्हाना बंद पडलं असेल. बाणेरात "रॉनीज कोल्हापुरी कॅफे बिस्त्रो" नावाचं एक हॉटेल होतं. तेही बंदच पडलं. बावधनलाच आता "दि वडापाव कॅफे" असल्या नावांचे हाय-फाय कॉफी-वडापाव सेंटर आहे. थोड्याच अवधीत त्यांना गाशा गुंडाळावा लागेल यावर मी पैज लावायला तयार आहे. माझ्या थियरीनुसार नाव हे अतिसामान्य आणि कालानुषंगाने आधीच्या फॅशनचं असावं. तुमचं आडनाव अथवा भागाचं नाव अथवा गावाचं नाव. बास्स्. अजून एक उदाहरण द्यायचं तर बेंगलोरचं मावल्ली टिफिन सेंटर. बेळगावची स्वामी बेकरी. कोल्हापुरची खेमराज बेकरी. पुण्याचे मिलन, आवारे इत्यादी. यांच्यात कुठेही फॅन्सीपणा नाही. याचं कारण असं की अतिसामान्य नाव जूनपणाचे द्योतक आहे. नंतर तुम्ही किती निष्ठेने उत्तम दर्जाचे अन्न देता त्यावर तुमची पुढची मदार आहे. त्यामुळे तुमच्या भागाचे, तुमचे आडनाव/नाव दुकानाचे नाव म्हणून वापरा. पुढे ज्यूस सेंटर किंवा नाश्ता सेंटर असू द्या. उदा. "क्ष्क्षक्ष ज्यूस सेंटर". आता हे पटलं नसेल तर मी इतरत्र कुठेतरी दिलेली नावांची लिस्ट पाहा. आवडेल ते घ्या. खादाडी, मुदपाकखाना, खवय्या, बोटचाट, जिभल्याचाट, अरभाट, तर्री, वशाट, विळती, वदनी-कवळ-घेता, पोटभर, रांधण, पंगत, तडस, आग्रह, रस्सा, तोंडाला-पाणी, ढेकर, हुरडा, फोडणी, सरबराई, चव, गोग्रास, तीन दगड, आर, कालवण, फस्त, फराळ, न्याहारी, भूकलाडू-तहानलाडू, दशमी, शिदोरी, सांजोरी, आरोगण/ आरोगणा (लीळाचरित्रात खूपदा आढळतो , अर्थ: जेवण करणे) ओदन, कचक, चित्राहुती, हंडीबाग, अळका, गालदोडी, ताटशिंगार, जोग, तुंबडी, भुरका, खाणोरा, जावईजेवण

"सेल्फी " पुण्यात "आम्ही पोहेकर" असे पोह्यांच्या प्रकाराचे हाॅटेल चालू झाले आहे.

शेवटी काय नाव ठेवलेत, ते सांगा नक्की.

खा डे हे नाव कसं वाटतंय ?

1. Snack Shack 2. Spice 3. #कट्टा

Khadadi katta

Timepass Katta

छान. नवीन व्यवसायासाठी शुभेच्छा प्रतिसाद वाचनीय आहेत. निशांत नाव चांगलं आहे तेच वापरा. निशांत कॅफे किंवा निशांत स्नॅक्स असं काहीतरी. वर आलेल्या सुचवणींपैकी कॉलेज कट्टा आणि झुंबड देखील आवडली.

आमच्या कॉलेज जवळ केस्टी'ज (आडनाव होतं मालकाचं त्यावरुन ठेवलं होतं.) म्हणून मिसळचं दुकान होतं. तसं तुम्ही खाडे'ज करु शकता (यात दोन अर्थ आहेत. ). बाकी खरंच कॅफे निशांत असं काहीसं साधंच नाव ठेवा फार काही वेगळं ठेवायला जाउ नका. वर कोठेतरी पुण्यातल्या ज्ञानप्रबोधिनिच्या समोरच्या गल्लीतील सुजन फूड्सचा उल्लेख आला आहे. मी तीथे सलग 4 वर्ष न चुकता नाश्ता केला आहे. हे एक छोटेसे दुकान आहे. हे पूर्णपणे महिलांद्वारे चालविले जाते. पोहे,उपमा, इडली, मेथी व आलू पराठा तसेच भाजणीचं व उपवासाचं थालीपीठ, यासोबत चटणी फुकट पण दही हवं असेल तर चार्जेस. पण चव, घटक पदार्थांचा दर्जा (तेल.इ. ) व स्वच्छता इतकी अप्रतीम व गरम गरम वाढणे असते, त्यामुळे पैसे जास्त गेले तरी तिथेच जायचे. लोकं बाहेर उभे असताता. दुपारी लिमिटेड लंच थाळी असते तसेच सकाळपासून पोळीभाजी तयार असते. ताक सदैव मिळते. तिथला चहा देखील दुधाचा (आलं किंवा वेलचीचा फ्लेवर नसलेला) घरातल्यासारखा मिळतो. माझ्यासारखेच वर्षानुवर्षे तिथलं गिऱ्हाईक होतं. सांगायचा मुद्दा हाच की पदार्थाची चव व स्वच्छताच मुख्य बाकी सगळे गौण आहे.

१. गीळ भिकारड्या २. पैसे दे नाहीतर भांडी घास ३. वसवसाट ४. बापाची कॄपा ५. पटपट खा ६. मुकाट गीळा ७. नम्रतेने वागा ८. ऑर्डर कॅन्सल होणार नाही ९. टाईमपास घरी करावा १०. आमचा दर्जा आमची काळजी ११. रानटी १२. भस्म्या १३. खाई त्याला खवखवे १४. आईच्या रेसीपीला बायकोची चव १५. उपकार (वर कोणीतरी म्हणाले नावात काय आहे? ते पटले म्हणून मग जरा वेगळी नावे सुचवली) अजून सुचली तर कळवतो. पैजारबुवा,

अरे बघा की राव तुमच्या हाटेलाच्या बारश्याकडे, १०० च्या वर प्रतिसाद आले, कमीतकमी चारपाचशे तरी नावे सजेस्ट झालीत, इतके बहुमोलाचे ;) सल्ले मिळालेत. निशांतमालक गप्पच. कुठले नाव आवडले ते सांगीनात, सुमडीत हॉटेल चालू करुन गल्ला सुरु केले की काय? कुपनाचे राहुद्या हो पण काय नाव फायनल केलाव ते तरी सांगा.

नाव काहीही ठेवा , गल्ल्यावर बसणाऱ्याचे टोपणनाव आण्णा पाहिजे. कारण नंतर कॉलेज ची मुले नाश्ता नेशन , चीजी बाईट , पोटभर वगैरे मध्ये ना जाता आण्णा कडे जातात . किंवा अण्णाकडे भेटतात, वाट बघतात . उधाऱ्या करतात आणि माया पण करतात

अथवा ब्रँडिंग वगैरे वगैरे करायचे नसेल तर "हॉटेल PUBG" हे त्या लोकेशनला उत्कृष्ट नाव आहे.

कॉलेज जवळ आहे म्हणून 'कॅन्टीन' 'एव्हरीडे खाडे'..

अंतिमतः -खाडे आहार भुवन -खाडे क्षुधाशांति भुवन -खाडे उपाहारगृह खाडे स्नॅक सेंटर (पुढे पूर्ण जेवण , थाळी सुरु करायचा बेत नसल्यास) -खाडे आरोग्य भुवन -खाडे विश्रांती भुवन -खाडे हॉटेल -खाडे फूड कॉर्नर -खाडे कॅन्टीन यांपैकी नाव उत्तम ठरेल. फॅन्सी नावांपेक्षा क्वालिटी आणि चव यांवरच पुढे भारी ब्रँड बनेल हे असंख्य उदाहरणं आठवून पटतं आहे. उलट नावावरच फार श्रम घेतलेत आणि चव सपक असं मत होऊ नये म्हणून साधं नाव असावं आणि पूर्ण फोकस चवीवर असावा (जी काळजी आपण घेतलीच असणार).

हॉटेल स्वाद

हे सगळं वाचून त्यांनी हॉटेल काढायचं रद्द केलं असावं बहुतेक :-)

उघडलंत का मग हॉटेल? काय नाव ठेवलंय ?