थट्टा , चेष्टा , खिल्ली , टिंगल टवाळी या एकाचा भावाच्या शब्दांना वेगवेग्ळ्या अर्थछटा आहेत. थट्टा माफक असते , चेष्टा खिल्ली या जिव्हारी लागू शकतात. मात्र टिंगल किंवा टवाळी या निव्वळ एखाद्याचे खच्चीकरण करण करणयासाठीच असतात मिपावर थट्टा चेष्टा मस्करी या होतातच. मात्र त्या करताना वैयक्तीक मानहानी न होता माफक हसू यावे या प्रकारची असएल तर काहीच हरकत नाही. टिंगल किंवा खिल्ली उडवताना मात्र त्याची परिणिती वैरभावात होउ नये याचे भान राखून करावी.

मिपावर टींगलटवाळी होत नाही... प्रत्येकाला आपआपले मत मांडण्याचा पुर्ण अधिकार आहे... वाचकांचे आपआपले निकष असतात... एखादी गोष्ट नाही पटली तर त्यावर व्यक्त होण्याचा त्यांना अधिकार आहेच... अर्थात तोही सभ्य भाषेत... जर कोणी असभ्य भाषेत तुमच्यावर टीका टीप्पणी केली असेल तर असा धागा काढायचा तुमचा अधिकार अबाधित आहे...

तुम्ही चालू ठेवा.धागे काढत रहा.. उडतील ते कावळे, राहतील ते मावळे.

मला वाटलं : मिसळपाव वर टिंगलटवाळी करून घेण्यावर मात कशी करावी ? असा धागा आहे.

तुम्ही चालत रहात तर लवकरच धागे काढणारे शतकवीर बनाल. शुद्धलेखनाच्या चुका नाहीत हो या, कधी मोकळा होतो धागा काढून एकदाचा असे होते तुम्हाला, अन्यथा आपले लिहिलेले एकदा तपासायचे तरी कष्ट घ्याल तुम्ही! असो , तुम्हाला शुभेच्छा

असे अजुनही काही बरेच आहे. :)

सोप्पय ! दुर्लक्ष.

थोडे विचार पूर्वक लिहावे . ज्या धाग्यावर चर्चा होते त्या धाग्यावर प्रतिसाद जे देतात त्यांची एक पद्धत असते ती समजून घ्या. पहिला ते धागा वाचतात पण धागा नावडता असेल तर पूर्ण न वाचताच प्रतिसाद दिला जातो त्याचा सुर टिंगल करण्याचा असतो . दुसरे धाग्यातील चुका फक्त शोधल्या जातात आणि प्रतिसाद दिला जातो त्याचा सुर टवाळी च असतो . आणि शेवटी धागा वाचला पण जातो समजून पण घेतला जातो आणि चुका काय आहेत ह्याचा सुधा विचार करून प्रतिसाद दिला जातो. तो प्रतिसाद तुम्हाला न दुखवता तुमच्या चुका दाखवून देण्या कडे कल असणारा असतो .

बरं .. तुमच्याकरिता शुद्धलेखनाकडे दुर्लक्ष करुयात.. आता ठीक ? ...काय म्हणताय ? आशयाकडेही दुर्लक्ष करायचं का ? बरं .. ..ते ही करुयात..

मिपावर सर्वसाधारण शुद्ध मराठीत, सरळ भाषेत, तर्कदृष्ट्या योग्य लेखन केले तर, टिंगल-टवाळी न होता, उत्तम चर्चा होते, असा अनुभव आहे. मिपावर आहात तर स्वतःचे सोडून इतर लेखन व त्यावरचे प्रतिसाद वाचत असालच... नसाल तर जरूर वाचा... त्यामुळे मिपाचा/मिपाकरांचा स्वभाव कळेल. चांगल्या लेखनाची मिपावर नेहमीच उत्तम दखल घेतली जाते व स्तुतीही केली जाते, हेसुद्धा कळेल. निष्काळजीपणे अशुद्ध भाषा वापरलेले, अतर्क्य/बेछूट दावे असलेले, एकांगी दावे असलेले, इत्यादी लेखनाचा सतत मारा केल्यावर, मिपावरच काय इतर कोणत्याही मंचावर टिंगल-टवाळी झाली नाही, तरच आश्चर्य असेल. :) तेव्हा, वरील वस्तूस्थिती ध्यानात ठेवा आणि टिंगल-टवाळी टाळा.

स्वामी म्हाराज व्हा तुम्ही पुढे, कापा करंगळी थोडीशी ह्या मिपापेश्वराच्या माथ्यावर, घ्या शपथ. घुमु दे नाद मराठी आंजाच्या कानाकोपर्‍यात, थरथरु दे सार्‍या मराठी सायटींचे बुरुज, थरकाप उडू दे ह्या दिग्गज पातशाह्यांचा. दिल्लीचे तख्तही हादरु दे तुमच्या रणगर्जनेने. बंगाल, माळवा दोआब न बुंदेलखंडाच्या सार्‍या गनिमांना पळवून लावायचेय आपल्याला. पार लोटून टाकू त्यांना ह्या नर्मदेपार. तुमच्या कीबोर्डाच्या एका की ला लाभू दे बळ मुलुखमैदान तोफेचे, माउसाच्या क्लिकला धार येऊ दे त्या भवानी तलवारीची. जमा करा आपले थोडेसे सैन्य. त्याचाच सेनासागर होणार आहे एक दिवस. तुमचे सगळे मावळे एक मुखाने गर्जतील "हरहरस्वामीम्हादेव"

तुमच्या अशुद्धलेखनाला विरोध आणि शिवाजी महाराजांना स्वराज्य स्थापने आधी झालेला विरोध ह्यांचा परस्परसंबंध उलगडता का जरा. माझी ह्या धाग्यावरून निवृत्ती.

खाली उरलीया लंगोटी काखेत कासोटी हाती घेऊनिया करवंटी मुखे बोलतो मराठी कोण खेचतो त्याला ओढू खाली वाहुनिया शिव्यांची लाखोली दोन लावूनी कानाखाली थेट बनावे मवाली सोडूनि द्या बाणा सनातनी जरी नाव लेवूनीया ते स्वामी ऐसे सुचवितो एक मिपाकर ओळखावा अंदाज पुरोगामी

कोणतीही ध्येयासाठीची तळमळ येश देते.

मूळ धाग्यापेक्षा सर्व प्रतिसादात मजा आली. धागाकर्त्याने या सर्व प्रतिसादांची योग्य दखल घेऊन आत्मपरिक्षण करावे आणि काळजीपूर्वक, विचारपूर्वक, बालीशपणा टाळून समजूतदारपणाने धागे लिहावेत आणि काहीही प्रकाशित करण्यापूर्वी अनेकदा वाचून सर्व चुका दुरुस्त करून मगच प्रकाशित करावे म्हणजे आपोआपच टिंगल वगैरे बंद होइल. निंदकाचे घर असावे शेजारी. या निमित्ताने ओपी नय्यर यांचे " अगर वो मुझसे रूठे है तो मेरीही खता होगी" ही ओळ असलेले हे गाणे ऐका: https://www.youtube.com/watch?v=AZjPVYxvlrk

मस्करी खूप झाली आता मूळ पोस्ट चा अर्थ लावून त्याची उत्तरे द्या. मोडक्या तोडक्या भाषेत सुधा काही अर्थ आहे त्या विषयी सुधा बोलायचे कष्ट घ्या . तावडीत सापडल कोण म्हणून जास्त तुटून पडायची गरज नाही ह्या राज्याच्या समस्या ज्या निर्माण झाल्या आहेत आणि त्याला परप्रांतीय जबाबदार आहेत त्या साठी बुध्दीचा वापर करा

तुमचा दूसरा अवतार स्वामी तर नाहीं ना? फक्त तुम्ही आणि तुम्हीच स्वामींचे चाहते आहात , म्हणून विचारले.

लेखनात चुका असतील ,आकडेवारीत चुका असतील पण भावणे मध्ये कधीच चुका नसतात. हा धागा स्वामी नी का काढला इतिहास बघा . मूळ गंभीर विषय सोडून कोण शुद्ध लेखनावर टोमणे मारत आहे . कोण आकडेवारी वर कोटी करत आहे . ठराविक मर्यादे पर्यंत योग्य आहे . पण स्वामी चा मूळ प्रश्न दुर्लक्षित करणे सर्व आशय समजून हे काही पटत नाहि

टवाळा आवडे विनोद असे समर्थांनी म्हटले आहे. तरी जेहत्ते प्रत्येक मिपाकरानी स्वतः कोण ते ठरवावे.

मला एक राहून राहून प्रश्न पडत आला आहे कि सर्व जण मावळेच का व्हायची जिद्द धरतात. आपण शिवाजी महाराज व्हावे हि जिद्द का धरत नाहीत? ( इंग्रजीत म्हण आहे NOT FAILURE BUT LOW AIM IS CRIME) इथेच आमची गुलामी वृत्ती दिसते आहे? आम्ही कुणाचे तरी चाकरच होण्याची जिद्द धरतो आहोत.कुणीतरी आम्हाला हुकूम द्यायचा कि मग आम्ही शिर तळहातावर ठेवून लढणार?

"काही जण केवळ शुद्ध लेखनावरून मुळ विषयाला बाधा आणतात" पण धागाकर्ता जेव्हा इतकं अशुद्ध लिहितो की मूळ विषयालाच बाधा येते - खड्यांनीच जेवण नकोसं व्हावं तसं - तेव्हा वाचकांनी काय करावं, हेही कृपया प्रस्तुत लेखकाने सांगावं. दुसरं म्हणजे, मिपा हा मराठी कट्टा आहे, निदान तिथे तरी मराठीची बूज राखावी, ही अपेक्षा गैर आहे का? असो! शुद्धलेखनाचा आग्रह धरणं हेही आता कुठल्यातरी वर्चस्ववादाचे लक्षण आहे, विनाकारण दोष काढणे वा टिगलटवाळी करणे आहे, त्याचा उद्देश विषयाकडून लक्ष दुसरीकडे वळविणे आहे, असा जर काही लोकांचाही समज असेल, तर ह्यापुढे काही न लिहिणे हेच योग्य.

एक दिवस तुम्हालाच या टिंगल टवाळीचा कंटाळा येईल व तुम्ही दूर जाल.मग मात कशी करावी प्रश्नच उरणार नाही.

टिंगल टवाळी होईल असे, दिवसाला एक, ह्या प्रमाणात धागे काढू नयेत. धागे काढणे सशुल्क असते तर आपण कीबोर्डवर इतक्या प्रचंड प्रमाणात बोटे चालवली असती का, ह्याचा विचार करून त्या जाणिवेनंतर जे धागे निघतील, त्यांची कदाचित टवाळी होणार नाही.

तुमच्यातील उदय होऊपाहणाऱ्या नवलेखकाचा काही विघ्नसंतोषी मिपाकर अस्त करु पाहत आहेत !!! पण त्यांचा तो कट तुम्ही कदापि यशश्वी होऊ देणार नाहीत याची आम्हाला खात्री आहे . फक्त कुठल्याही परिस्थितित प्रतिसादा पेक्षा धागा लहान होऊ देवू नका . मराठी भाषा आणि महाराष्ट्राच्या प्रगती चा विचार करणारे विद्वान खूप कमी आहेत , त्यामुळे टिंगल टवाळी कडे दुर्लक्ष करून आपले मोठे मोठे धागे वाचायला भेटतील अशी अपेक्षा आहे .

बऱ्याच प्रतिसदकांनी शुद्धलेखनाच्या चुका केल्या आहेत. धागाकर्त्याचे नांव स्वामी नसून स्वामि आहे याची नोंद घ्यावी. सूचना संपली _____ प्रतिसाद क्र ५० सुजलाम सुफलाम !

टाईमपास चित्रपटातील डायलॉग आठवले

>>>>मिसळपाव वर टिंगलटवाळी करण्यावर मात कशी करावी मात नै करायची कोणावर, फाट्यावर मारणं म्हणतात, ते करायचं. लेखनाचं आणि व्यक्त व्हायचं, लै दळण पण नै आणायचं दळायला. -दिलीप बिरुटे

#वाटाणा :D

बिरुटे मास्तर आणि टका आले प्रतिक्रिया द्यायला म्हणजे स्वामींचे हात वरपर्यंत पोचलेत म्हणा की