सोनियाच्या सुता तुला खानदानी वरदान....

स — स्पार्टाकस,
दादा कोंडकेंची माफी मागून मूळ गीत - अंजनीच्या सुता तुला रामाचं वरदान सोनियाच्या सुता, तुला खानदानी वरदान.... एकमुखाने चमचे, गाती राहुल आख्यान || ध || माता किरीस्ताव तुझी, पिता पारशी बावा... जानवेधारी ब्राह्मण म्हणूनी, कैसा तू खपावा? पन्नाशीला आला, बुद्धी बालकासमान.... || १ || चहुकडे ऐसे ज्ञान, पाजळशी राया... सकाळच्या रात्री उठीसी, ऐसी तुझी माया... खुळावले शिंदे, झाले मनमोहन हैराण... || २ || देशद्रोह्यांसाठी घेतलीस, विद्यापीठी धाव.... करा देशाचे तुकडे, हम आए तुम्हें बचाव... चाचा दिग्वीजय, कन्हैया बंधूसमान... || ३ || जमत नाही म्हणूनी आली, बहिण धावून... जिजाजींनी भरल्या तुंबड्य, जमिनी लाटून... झाली चौकशी तर, धोक्यात संविधान... || ४ || स्वप्न मोहनदासाचे होवो, विसर्जित पक्ष... नाही जमले कोणा परी, तुझे तेच लक्ष्य... जामिनावर सुटूनी, म्हणसी चोर पंतप्रधान... || ५ || - यतिन भट
16439 वाचन
💬 प्रतिसाद (22)

माम्लेदारचा पन्खा
Sat, 02/09/2019 - 09:33 नवीन
मजा आली वाचून ! मीटरमध्ये पण भारी वाटते...

ज्ञानोबाचे पैजार
Sat, 02/09/2019 - 09:40 नवीन
लै म्हणजे लै म्हणजे लैच जबरा लिहीली आहे. आजकाल पप्पु त्याच्या चाळ्यांमुळे फारच डोक्यात जायला लागला आहे. पैजारबुवा,

बाप्पू
Sat, 02/09/2019 - 11:42 नवीन
कोल्हापुरी मोड ON. जबराट.. एकदम नाद खुळा.... !!! वांड.. भावा झिकलस.... !!! कोल्हापूर मोड OFF

नाखु
Sat, 02/09/2019 - 13:23 नवीन
बाललीला सध्या राउतांच्या चालू आहेत त्यावर ये ऊ द्या काही!!
↩ प्रतिसाद: बाप्पू

Blackcat (verified= न पडताळणी केलेला)
Sat, 02/09/2019 - 12:32 नवीन
छान

व्ही. डी. सी.
Sat, 02/09/2019 - 13:00 नवीन
मस्त! मोदीवर सुद्धा एक विडंबनात्मक कविता लिहून उपकृत कराल अशी आशा आहे! टॉम मोर्वोलो रिडल यांच्या तुकारामांवरील कवितेची आठवण झाली!इथे तो विषय नाही पण सर्वांनी एकदा वाचावीत अशी सुंदर कविता: नाही वैकुंठाला गेला....... नाही वैकुंठाला गेला । तुका मारूनी टाकला । डाव्या हाताचा कलंक । उजव्या हाताने झाकला ॥१॥ ऐसे बोलीले बयान । आले नेण्यासी विमान । त्यात बैसुनिया तुका । गेला निघुनी गुमानं ॥२॥ खरे काय , काय खोटे । सत्य जाणूनी घेवावे । मीही सांगितले म्हणुनी । नाही विश्वासी रहावे ॥३॥ गीतेवरी भाष्य ग्रंथ । तुका लिही मंत्रगीता । त्याने भडकला तेंव्हा । वेदाभिमान्यांचा माथा ॥४॥ वर्णव्यवस्था तयाने । सारी येईल धोक्यात । वेदाविरोधाचे ज्ञान । कैसे भरले तुक्यात ? ॥५॥ रामेश्वर भटा सांगे । सांगे मंबाजी चुगली । मन कर्मठांची मने । तुका रोषाने फ़ुगली ॥६॥ रामेश्वराच्या दिवाणी । न्याय मागूनी घेतला । तुकोबांचा ग्रंथसाठा । इंद्रायणीत फ़ेकला ॥७॥ होते तुकाचे अभंग । बहु लोकायच्या तोंडी । पुन्हा आले जनलोकी । कैसी होणार गा कोंडी ॥८॥ रामेश्वर मंबाजीने । मारियले तुकोबास । आणि सांगिले जगाला । तुका गेला वैकुंठास ॥९॥ -टॉम मोर्वोलो रिडल

नाखु
Sat, 02/09/2019 - 13:28 नवीन
प्रायोजक बळचकर आणि ढकलकर कंपनी शिल्लक सोना बटाट्याचे आणि बोबडकांद्याचे ठोक व्यापारी
↩ प्रतिसाद: व्ही. डी. सी.

व्ही. डी. सी.
Sat, 02/09/2019 - 14:21 नवीन
नाही! संजय सोनावनी यांचा ब्लॉग!

यशोधरा
Sat, 02/09/2019 - 14:30 नवीन
ओके, एकच ते सगळे म्हणा. रिडलचा वॉल्डमॉट नाही झाला म्हणजे मिळवली.
↩ प्रतिसाद: व्ही. डी. सी.

व्ही. डी. सी.
Sat, 02/09/2019 - 14:35 नवीन
म्हणजे काय???? स्पष्ट काय ते लिहा!!!
↩ प्रतिसाद: यशोधरा

जानु
Sat, 02/09/2019 - 17:12 नवीन
भौतिक शास्त्रानुसार मान्य केले की तुकोबाराय सदेह स्वर्गाला नाही गेले, परंतु त्यांचा खून झाला आणि तो अमुक व्यक्तीनेच केला हे तुम्हास कसे कळले?

व्ही. डी. सी.
Sat, 02/09/2019 - 17:18 नवीन
सर्व प्रतिक्रिया वाचा: https://sanjaysonawani.blogspot.com/2014/04/blog-post_4.html
↩ प्रतिसाद: जानु

व्ही. डी. सी.
Sat, 02/09/2019 - 17:37 नवीन
डॉ. सुदाम सावरकर लिखित 'वैकुण्ठगमन की खून' हे पुस्तक वाचावे. पुस्तक बुकगंगा.कॉम वरती सुद्धा उपलब्ध असू शकेल: https://www.bookganga.com/eBooks/Books/details/4758228737214917033?BookName=Vaikunthgamn-kee-khun