दिवाळी अंक २०१८ - आवाहन

साहित्य संपादक's picture
साहित्य संपादक in जनातलं, मनातलं
24 Sep 2018 - 12:40 pm

नमस्कार मिपाकरहो!

सालाबादप्रमाणे यंदाही आपल्या मिपाचा दिवाळी अंक आपण सादर करणार आहोत. आणि सालाबादप्रमाणे यंदाही आपल्या भरघोस प्रतिसादाचं आवाहन आम्ही करत आहोत.

गेली दोन वर्षं आपण दिवाळी अंकामध्ये एक विशेष विभाग जोडतो. आत्तापर्यंत 'रहस्यकथा' (२०१६) आणि 'व्यक्तिचित्रं' (२०१७) हे विभाग झाले आहेत. सलग दोन वर्षं हे झाल्यामुळे यंदा बदल म्हणून दिवाळी अंक मूळ स्वरूपात, म्हणजे मुक्त, असावा असं योजलं आहे.

तर दिवाळी अंकाला काही विषय, थीम नाही. 'सकस आणि / किंवा रोचक लिखाण' हे दोनच मापदंड आहेत. कथा, कविता, लेख, प्रवासवर्णन, पाककृती, अर्कचित्रं - सर्वांचं स्वागतच आहे.

...आणि काही नियम/सूचना:

१) तुम्ही पाठवलेलं लेखन तुमची स्वतःची निर्मिती असावी. कशावर आधारित असल्यास तसा स्पष्ट उल्लेख करावा. कोणत्याही प्रकारच्या वाङ्मयचौर्याचा ढका आपल्या मिपाच्या दिवाळी अंकाला लागू नये ही आपली सगळ्यांचीच जबाबदारी आहे.

२) मिपाचा दिवाळी अंकात आलेलं साहित्य फक्त मिपाच्याच दिवाळी अंकात (एक्सक्ल्युजिवली) वाचायला मिळावं असं आम्हाला वाटतं. म्हणून, अंकासाठी पूर्वप्रकाशित साहित्य पाठवू नये. तसंच, मिपाचा अंक प्रसिद्ध झाल्यावर १५ दिवसांच्या आत ते लेखन ब्लॉग, फेसबुक किंवा अन्य संस्थळांवर / सामाजिक माध्यमांवर प्रकाशित करू नये. (मिपा आपल्या फेसबुक पेजवर प्रसिद्धी करतंच. ती पोस्ट शेअर करायला अर्थातच हरकत नाही. तसंच, मिपाची लिंक व्हॉट्सअ‍ॅपवरून पाठवायलाही काहीच हरकत नाही.)

३) मिपाचा दिवाळी अंक दर्जेदार साहित्याने भरलेला असावा अशी सगळ्यांचीच अपेक्षा आहे, आणि त्यासाठी आम्ही दिवाळी अंक टीम आटोकाट प्रयत्नही करणार आहोत. आलेल्या साहित्याला नीट निवडून, टिपून, पारखून मगच दिवाळी अंकात स्थान दिलं जाईल. याचाच अर्थ काही साहित्य नाकारावं लागेल. समजा, तुमचं लेखन नाकारलं गेलं तर कृपया नाराज होऊ नका. आपणांला वाटल्यास ते स्वतंत्रपणे मिपावर नक्की प्रकाशित करा.

४) दिवाळी मंगलमय, आनंदाचा सण आहे हे आपण सगळेच जाणतो. तो सण साजरा करायच्या साहित्यिक मेजवानीत बीभत्सपणाचा आंबटरस असू नये. तरी तुम्हाला काही मदत/सल्ला/मार्गदर्शन हवं असल्यास साहित्य संपादकांशी संपर्क साधावा.

--x--

दिवाळी ४ नोव्हेंबर २०१८ ला सुरू होते आहे. तुमचं लेखन आल्यावर ते वाचून, मुद्रितशोधन करून, सजवून चकाचक करायला लागणारा वेळही जमेस धरावा लागेल. म्हणून, आपलं लेखन उशीरात उशीरा १५ ऑक्टोबर २२ ऑक्टोबर २०१८ पर्यंत साहित्य संपादक या आयडीला व्यनीने पाठवा.

त्याआधी किंवा त्यानंतर काही मदत लागल्यास आम्ही आहोतच!

- टीम दिवाळी अंक

समाजप्रकटन

प्रतिक्रिया

तुषार काळभोर's picture

24 Sep 2018 - 1:22 pm | तुषार काळभोर

दिवाळी अंक हा नेहमीच मराठी वाचकांच्या जिव्हाळ्याचा विषय असतो.

अंकाच्या प्रतीक्षेत...

"दिवाळी अंक मूळ स्वरूपात, म्हणजे मुक्त, असावा असं योजलं आहे."

हा उत्तम निर्णय आहे.
दिवाळी अंकाला काही विषय, थीम नसून 'सकस आणि / किंवा रोचक लिखाण' हे दोनच मापदंड असल्याने वाचकांना आपापल्या आवडीनुसार "जो जे वांछील तो ते लाहो" असा प्रत्यय मिळण्याची खात्री असलेल्या ह्या दिवाळी अंकास अगणित शुभेच्छा...

अनिंद्य's picture

24 Sep 2018 - 2:04 pm | अनिंद्य

"दिवाळी अंक मूळ स्वरूपात, म्हणजे मुक्त, असावा असं योजलं आहे."
हा उत्तम निर्णय आहे.

असेच म्हणतो.

गणेश लेखमालेत संपादकांच्या विनंती प्रमाणे लिहिता न आल्याची रुखरुख आहे. थीम बंधन नसल्यामुळे दिवाळी अंकात लेख पाठवण्याचा प्रयत्न करीन.

अनेक शुभेच्छा.

अनिंद्य

साहित्य संपादक's picture

5 Oct 2018 - 3:33 pm | साहित्य संपादक

अनिंद्य, नक्की लिहा. आपल्या लेखनाची वाट पाहतोय.

सस्नेह's picture

24 Sep 2018 - 2:19 pm | सस्नेह

दिवाळी अंक मूळ स्वरूपात, म्हणजे मुक्त, असावा असं योजलं आहे.

...हे ब्येष्ट !
...जो जे वांछील , तो ते लिहो...!

ज्योति अळवणी's picture

24 Sep 2018 - 7:43 pm | ज्योति अळवणी

अरे वा! नक्की काहीतरी द्यायचा प्रयत्न करेन. मात्र गेली दोन वर्षे आपण audio n video दिवाळी अंक देखील काढला होता. तसा काही विचार आहे का?

चित्रगुप्त's picture

24 Sep 2018 - 9:56 pm | चित्रगुप्त

छान. मोनालिसाचा पुढला भाग लवकर लिहावा लागणार ....

सर्व मिपाकरांना एक प्रश्न विचारायचा आहे , मिपावर प्रसिद्ध झालेले जुने लेख आणि विशेषांक वाचण्यासाठी त्यांच्या दुव्यांवर टिचकी मारली कि मिपाचे मुखपृष्ठ सामोरे येते, असे का (मी क्रोम ब्राउझर वापरतो) होत असावे ?

अजून कोणाला अशी समस्या येते आहे का? पेज रेडायरेक्शन मध्ये काही गंडलंय का?

उदाहरणासाठी २०१५ आणि २०१६ चे दिवाळी अंक उघडायचा प्रयत्न करून बघावा.

पुंबा's picture

25 Sep 2018 - 11:04 am | पुंबा

केवळ लिंक कॉपी करा. सर्च बॉक्समध्ये पेस्ट केल्यावर युआरएलमध्ये http च्या ऐवजी https असा बदल करून उघडा.

माहितगार's picture

27 Sep 2018 - 9:50 am | माहितगार

+१

डॉ सुहास म्हात्रे's picture

27 Sep 2018 - 12:00 pm | डॉ सुहास म्हात्रे

काही दिवसांपूर्वी मिपा सिक्युअर सर्वरवर गेले आहे. त्यामुळे, सर्व अ‍ॅड्रेसेस http:// ऐवजी https:// झाले आहेत. तांत्रिक गटाने जुन्या दुव्यांत आवश्यक ते फरक करणे सुरू केले आहे, काही दिवसांत सर्व सुरळीत होईल.

मिपा हे मराठीवर प्रेम असणार्‍या चालकांनी चालवलेले, खाजगी पण तरीही मुक्त व मोफत संस्थळ आहे. प्रशासनात काम करणारी सर्व मंडळीही, तशाच प्रेमाने, आपापले नोकरी/उद्योग सांभाळून नि:शुल्क काम करत असतात. तेव्हा, एखाद्या कामाला थोडासा उशीर झाला तर मिपाकरही, तेवढ्याच प्रेमाने, समजून घेतात... त्यांनी समजून घ्यावे असा प्रेमाचा आग्रह आहे.

टर्मीनेटर's picture

27 Sep 2018 - 2:06 pm | टर्मीनेटर

How to force SSL with .htaccess
वरील क्लुप्ती वापरून हे काम काही मिनिटांत होणे अपेक्षित आहे. अर्थात जर प्रशासनाने हा प्रयोग करून बघितला नसेल तरच, कारण दुसरेही अनेक प्रकार आहेत ज्याद्वारे डेटाबेस मधील सर्व लिंक्स http मधून https मध्ये रुपांतरीत करता येतात पण ते थोडे किचकट आणि वेळखाऊ आहेत.
Drupal, Joomla, Wordpress अशा वेगवेगळ्या Platform नुसार परिणाम बदलू शकतील, पण केवळ तीन ओळींचा कोड अस्तित्वात असलेल्या पण दृश्य नसलेल्या (hidden) .htaccess फाईल मध्ये पेस्ट करून बघायला काही हरकत नाही. जर नाहीच यशस्वी झाला हा प्रयोग तर तो कोड डिलीट करून टाकता येईल, पण जर यशस्वी झाला तर वेळ आणि परिश्रम वाचतील.

डॉ सुहास म्हात्रे's picture

27 Sep 2018 - 2:57 pm | डॉ सुहास म्हात्रे

धन्यवाद !

तुम्ही दिलेली माहिती तांत्रिक मंडळाकडे पोचवली आहे.

टर्मीनेटर's picture

27 Sep 2018 - 3:09 pm | टर्मीनेटर

_/\_

प्रचेतस's picture

26 Sep 2018 - 8:31 am | प्रचेतस

ज्जेबात...!!

काहीतरी लिहायचा नक्कीच प्रयत्न करेन.

नूतन सावंत's picture

26 Sep 2018 - 10:54 pm | नूतन सावंत

लिहिते काहीतरी,विषयाचे बंधन नाही हे बरे झाले.

साहित्य संपादक's picture

7 Oct 2018 - 2:38 pm | साहित्य संपादक

नूतन सावंत, जरूर लिहा. वाट पाहतोय आम्ही.

प्रा.डॉ.दिलीप बिरुटे's picture

26 Sep 2018 - 11:08 pm | प्रा.डॉ.दिलीप बिरुटे

दीपावली अंक टीमला लै म्हणजे लै शुभेच्छा...!!!

-दिलीप बिरुटे

अभ्या..'s picture

26 Sep 2018 - 11:21 pm | अभ्या..

च्यायला, परवा परवा तर कव्हर करून दिलो की,
लवकर आली दिवाळी.
.
(बरं झालं आठवण करून दिलाव, पैला दिवाळसण आहे)

मागा चांगली फोर्ड गाडी..
:)))

अभ्या..'s picture

27 Sep 2018 - 12:33 pm | अभ्या..

मागायला काय फोर्ड एंडेव्हर मागू की, ,गेला बाजार फिगो मिळाली तरी बस्स. ;)

स्रुजा's picture

27 Sep 2018 - 12:24 pm | स्रुजा

सही च ! भरघोस शुभेच्छा .. अंकाच्या प्रतिक्षेत.

पद्मावति's picture

28 Sep 2018 - 12:46 pm | पद्मावति

वाह..दणदणीत होइल अंक नेहमीप्रमाणेच. शुभेच्छा.

सविता००१'s picture

28 Sep 2018 - 3:03 pm | सविता००१

खूप खूप शुभेच्छा

स्वामी संकेतानंद's picture

28 Sep 2018 - 10:07 pm | स्वामी संकेतानंद

कविता पाठवणार शक्यतो.

स्वाती दिनेश's picture

30 Sep 2018 - 11:47 am | स्वाती दिनेश

झाली का घोषणा अंकाची,
काही लिहून देण्याचा विचार तर आहे नेहमीप्रमाणे..
स्वाती

डॉ. सुधीर राजाराम देवरे's picture

3 Oct 2018 - 5:39 pm | डॉ. सुधीर राजार...

इ कॉपीअसेल की हार्ड कॉपी?

तुषार काळभोर's picture

4 Oct 2018 - 8:02 am | तुषार काळभोर
असु's picture

6 Oct 2018 - 1:46 pm | असु

मी नवीन सदस्य आहे. मिसळपाव दिवाळी अंकासाठी लिखाण कुठे आणि कसे पोस्ट करायचे मार्गदर्शन व्हावे.

वरील आवाहन पूर्ण वाचले आहे का? त्यात लिहिले आहे.

स्पार्टाकस's picture

9 Oct 2018 - 9:29 am | स्पार्टाकस

सध्या एका रहस्यकथेच्या शेवटच्या काही भागांचं लिखाण सुरु आहे, त्यामुळे १५ ऑक्टोबरची डेडलाईन पाळणं कठीण दिसतं आहे.
जमल्यास नक्की काहीतरी पाठवेन. बहुतेक क्रिकेटवर!

साहित्य संपादक's picture

9 Oct 2018 - 11:32 am | साहित्य संपादक

<<<त्यामुळे १५ ऑक्टोबरची डेडलाईन पाळणं कठीण दिसतं आहे.>>> डेडलाईनपर्यंत झाले तर उत्तम होइल पण दोन चार दिवस डेड लाईनच्या पलीकडे झाले तरी चालेल. जरूर पाठवा.

मी नवीन सदस्य आहे. मला अजून पर्यंत एकही कविता पोस्ट करता आलेली नाही. मला मिसळपाव दिवाळी अंक २०१८ साठी कविता पोस्ट करायच्या आहेत. कृपया मार्गदर्शन करावे.
मी यापूर्वी इथेच आणि ईमेलने पण विचारणा केली होती. पण काहीच उत्तर मिळाले नाही.

डॉ सुहास म्हात्रे's picture

15 Oct 2018 - 1:24 pm | डॉ सुहास म्हात्रे

लेखात लिहिल्याप्रमाणे
दिवाळी ४ नोव्हेंबर २०१८ ला सुरू होते आहे. तुमचं लेखन आल्यावर ते वाचून, मुद्रितशोधन करून, सजवून चकाचक करायला लागणारा वेळही जमेस धरावा लागेल. म्हणून, आपलं लेखन उशीरात उशीरा १५ ऑक्टोबर २२ ऑक्टोबर २०१८ पर्यंत साहित्य संपादक या आयडीला व्यनीने पाठवा.
त्याआधी किंवा त्यानंतर काही मदत लागल्यास आम्ही आहोतच!
- टीम दिवाळी अंक

साहित्य संपादक आयडी : https://www.misalpav.com/messages/new/27432?destination=user/27432

नूतन सावंत's picture

24 Oct 2018 - 9:13 am | नूतन सावंत

इथेच जिथं विचारणा केली होती तिथेच खाली तुम्हाला उत्तर दिले आहे शिवाय आवाहनामध्येच साहित्य कसे पाठवसायचे ते सांगितलेले आहे.

पद्मावति's picture

14 Oct 2018 - 4:46 pm | पद्मावति

नमस्कार असु,
इथे https://www.misalpav.com/user/27432 'निरोप' चा पर्याय दिसेल त्यावर आपले लेखन पाठवा.

आदूबाळ's picture

15 Oct 2018 - 7:38 am | आदूबाळ

नमस्कार.

अनेकांकडून विचारणा झाली की वेळ वाढवून मिळेल का? त्याला मान देऊन लेखन देण्याची अंतिम तारीख २२ ऑक्टोबर करत आहोत.

~ सासंतर्फे

दिवाळी अंकासाठी एक कथा पाठवली आहे. दिवाळी अंक केव्हा प्रसिद्ध होणार ? संपादक मंडळाने कथा स्वीकारली आहे कि नाही हे केव्हा समजणार ?
दिवाळी अंकासाठी खूप शुभेच्छा.

अनन्त्_यात्री's picture

18 Oct 2018 - 5:33 pm | अनन्त्_यात्री

दिवाळी अंक केव्हा प्रसिद्ध होणार ? अंकासाठी पाठविलेले लेखन संपादक मंडळाने स्वीकारले आहे की नाही हे केव्हा समजणार ?

लेखन संपादक मंडळाने स्वीकारले आहे की नाही हे केव्हा समजणार ? >>>> +1

साहित्य संपादक's picture

18 Oct 2018 - 10:23 pm | साहित्य संपादक

लेखन स्वीकृतीविषयी उद्यापासून ते २६ पर्यंत सर्वांना व्यनी करतो. ज्यांचे लेख आधी आले होते त्यांना उद्यापर्यंत नक्की. दिवाळी अंक नरक चतुर्दशी च्या दिवशी प्रकाशित होईल.

साहित्य संपादक's picture

26 Oct 2018 - 6:37 pm | साहित्य संपादक

दिवाळी अंकासाठी पाठवलेलं काही साहित्य ब्लॉग/फेसबुक/अन्यत्र पूर्वीच प्रकाशित झालंय असं निदर्शनास आलं आहे. त्यामुळे हे साहित्य - कितीही चांगलं असलं तरी - अस्वीकृत करावं लागणार आहे. संबंधित लेखकांना तसं कळवण्यात आलं आहे.

MipaPremiYogesh's picture

26 Oct 2018 - 11:13 pm | MipaPremiYogesh

मी आज काही लेख आणि कविता पाठवल्या आहेत. उशीर झाल्याबद्दल दिलगिरी व्यक्त करतो.

साहित्य संपादक's picture

27 Oct 2018 - 1:31 pm | साहित्य संपादक

आपल्याला व्यनी पाठवलाय योगेश जी.

अंक जाडजुड होणार हे निश्चित.

तुषार काळभोर's picture

27 Oct 2018 - 5:39 pm | तुषार काळभोर

लांबलचक!!