Skip to main content

सारंगिया

लेखक मनमेघ यांनी गुरुवार, 06/09/2018 11:28 या दिवशी प्रकाशित केले.

तुझ्यातला सारंगिया
माझ्या मागे सावलीसा
कधी माझ्याहून आर्त
कधी मूक अव्यक्तसा

कधी माझ्याबरोबर
सूर्यसा तू डोक्यावर
कधी माझ्याहून दुणा
जणू माझ्यातून उणा !

तुझ्यातल्या सारंगीचे
रंग, माझा मनःपट,
माझ्या सुरांचे कुंचले
ओथंबून काठोकाठ

विलंबित कधी द्रुत
श्वासनि:श्वासांची लय
मीट डोळे, पहा मन
तुझे माझे चित्रमय !

~ मनमेघ

काव्यरस
सारंगिया
लेखनविषय:
वाचने 3288
प्रतिक्रिया 7

प्रतिक्रिया

जयंत कुलकर्णी शनिवार, 08/09/2018 14:10

//तुझ्यातला सारंगिया
माझ्या मागे सावलीसा
कधी माझ्याहून आर्त
कधी मूक अव्यक्त////

गाण्याला सारंगीची साथ असावी असावी तर अशी. जीवनात साथ असावे तर अशी.
मनाला अत्यंत भावणारे काव्य. ज्याने सारंगी ऐकली आहे त्याला उमजावे याचे मोल....