परभणी भटकंती - कशी नि कुठे ?

धन्यवाद ... २४-२५ व्हिजिट आहे . बघू किती ठिकाणी जाऊन होतंय ते !

नमस्कार . तुमची to - do - list कामी आली . मुद्देसूद रिप्लाय देतो कारण official visit होती ना ;) १) परभणीत पारदेश्वर मंदिरात जा , भारतातील (बहुधा) सर्वात मोठे पा-याचे शिवलिंग आहे. शहरातच आहे , बस स्थानकापासुन ३-४ किमी च्या आत. - दर्शन घेतले , मंदिर आवडले शांत नि स्वच्छ आहे . बहुधा या मंदिराच्या ट्रस्ट तर्फे दोन्ही शिवलिंग ठिकाणी अन्नछत्र चालवले जाते . २) परभणी- औंढा रोडवर नॕशनल ढाबा आहे तिथे चांगले जेवण मिळेल. औंढ्याच्या जवळ जवळ आहे. - दुपारचे जेवण टाळले वेळ कमी असल्या कारणास्तव ३) परभणीत सकाळी लौकर पोचलात तर वसमत रोडवर शिवशक्ति बिल्डिंगच्या समोर तुलसी म्हणून रेस्टॉरंट आहे तिथला डोसा अजिबात चुकवू नका. - नाही चुकवला , सामान्यतः मला बाहेरचा डोसा आवडत नाही आणि मी जवळपास पूर्ण दक्षिण भारत फिरलॊ असल्याने साशंक होतो . डोसा लाजवाब आहे. अर्ध्या ऑफिसर लोंकांचा नाश्ता इथूनच होतो. त्याची गोष्ट सुद्धा आहे , आधी आचारी होता एका हॉटेलात नि आता स्वतःचे हॉटेल . वा !!!! वेळ - सकाळी ७ ते १ दुपारी ४) औंढ्याच्या मंदिरापासुन जवळच गार्डन आहे तिथे जाऊ शकता. तिथे बहुधा बोटींग वगैरे चालू आहे. - श्रावणात नि त्यात सुद्धा शनिवारी गेल्याने १ तास रांगेत गेला पण मंदिर आवडले. मंदिरातील कोरीवकाम प्रेक्षणीय आहे. नमस्कार मुद्रेत मूर्ती बहुधा विष्णूची असावी . गार्डन परत कधीतरी !!!! ५) परभणी शहरात संध्याकाळच्या वेळी असाल तर स्टेडियम जवळची बॉम्बे भेळ खाऊ शकता. - स्टेडियम नाही पण राजगोपालाचारी बागेजवळ चाट खाल्ला . १० रुपयात पाणीपुरी पाहून मुंबईकराच्या पोटातील पाणी डचमळले :) ६)औंढ्याच्या मंदिरापासून जवळच आनंदआश्रम म्हणून एक जागा आहे , तिथे ध्यानमंदिर आहे आवड असल्यास जाऊ शकता. - वेळेचा अभाव नि रस्त्यांचा स्वभाव यामुळे ४० किमी अंतरला सुद्धा २ तास लागले. आश्रम वगळला . ७) वेळ असेल तर औंढ्यापासून जवळच २४ किमीवर हिंगोली आहे तेथील खटकाळी भागात दत्त मंदिर आहे. जाऊ शकता. - औंढा / परळी नि पारदेश्वर प्लस मराठवाडा स्मृती स्मारक अशी ठिकाणे निवडली. ८) परभणीत शाकाहारी चांगले जेवण हवे असेल तर बस स्थानकाजवळ ऐश्वर्या रेस्टॉरंट चांगले आहे. वसमत रोडवर थोडं शहराबाहेर वाटीका. - ऐश्वर्या त अक्षरशः ऐश्वर्यात जेवलो . (१५० रु. थाळी पण पैसा वसूल ) हॉटेल चे बाह्यरंग नि टेबल खुर्च्या पाहून हॉटेलच्या चवीचा अंदाज बाळगू नका . मामूची कॉफी मिस करू नका नि गंगाखेडचे कलम सुद्धा . नि अजून १ मराठी शब्द कळला " डिकासन चहा " तसेच इथे बंगळुरू प्रमाणे बऱ्याच बेकऱ्या आहेत चविष्ट पफ खायला परळी नि औंढा हि दोन्ही ठिकाणे परभणीपासून विरुद्ध दिशेला आहेत व दोन्ही कडचे रस्ते खराब आहेत . परळीहून अंबेजोगाई जवळ आहे परंतु रस्ता खराब असल्याने जाणे टाळले. मत्स्य प्रेमी असाल तर येलदरी येथे १ च्या सुमारास बाजारात जा . मी चव घेतली नाही ,पण येलदरी ला मी जातोय म्हटल्यावर माझ्या चालकाच्या तोंडास पाणी सुटले होते