सेक्रेड गेम्स काही महिन्यांपूर्वी नेटफ्लिक्स विक्रम चंद्रा च्या कादंबरीवर टीवी सिरीज बनविणार म्हणून समजले आणि मी उडालो. इंजिनीरिंग ला असताना मला विक्रम चंद्रा चे हे पुस्तक प्रचंड आवडलेले . इतका बारीक अभ्यास करून तरीही रियालिटी शी बांध ठेवून थ्रिलर लिहिण्याचे कसब फारच थोड्या लेखकांकडे असते. आणि त्यात अनुराग कश्यप , विक्रमादित्य मोटवाणे हे दोघे डायरेक्टर आणि वरून ग्रोव्हर ( गँग्स ऑफ वासेपूर , मसान, मोह मोह के धागे फेम ) सारखा लेखक व नवाझुद्दीन सिद्दिक्की , सैफ आली खान , राधिका आपटे सारखी स्टारकास्ट बघून होपफ़ुल होतो . नेटफ्लिक्स चे शोज हे इतर शोज पेक्षा अत्यंत वेगळे असतात कारण त्यांची क्वालिटी . मग तो नार्कोस असो की स्ट्रेन्जर थिंग्स असो की जर्मन शो " डार्क " असो . सतत काहीतरी नवीन देत राहण्यामुळे नेटफ्लिक्स छोट्या काळात प्रचंड यशस्वी झालेली आहे. तर दोन दिवसांआधी ही सिरीज रिलीज झाली आणि झपाटल्यासारखी बघून काढली . अँड इट वाज वर्थ इट . सरताज सिंग ( सैफ अली खान ) हा मुंबई मध्ये काम करणारा अंडर परफार्मिंग पोलिसवाला असतो . सोडून गेलेली बायको , डिपार्टमेंट मधील राजकारण ह्याने वैतागलेला . एक दिवस त्याला अंडरवर्ल्ड डॉन गणेश गायतोंडे ( नवाज ) चा फोन येतो आणि मुंबई वाचविण्यासाठी तुझयाकडे २५ दिवस असल्याचे सांगतो , मग सुरु होतो एक खेळ जो शेवटपर्यंत आपल्याला खिळवून ठेवतो. कुठल्याही प्रकारची सेन्सॉर बोर्ड ची भीती नसली की काय होऊ शकत , हे अनुराग आणि विक्रमादित्य ने दाखवून दिले आहे . सॅक्रेड गेम्स हा भारताचा नार्कोस आहे असं म्हटल्यास चुकीचे ठरणार नाही . राजीव गांधी पासून , शाह बानो प्रकरण , देव , धर्म , बाबरी मस्जिद प्रकरण , नंतरच्या दंगली , रामायण , महाभारत सारख्या विविध विषयांवर बेधडक कमेंट्री करण्याचे धाडस लेखकांनी दाखवलेले आहे. उदाहरणार्थ एपिसोडस ची नावं बघा . अश्वथामा , हलाहल , ब्रह्महत्या , रुद्र , आतापी वातापी , प्रत्येकल्प , आणि ययाती नावाचा अंतिम एपिसोड . शिवाय अभिनयाच्या बाबतीत ही कुठेच कमतरता भासत नाही . नवाजुद्दीन सिद्दिक्की तर संपूर्ण शो मध्ये भाव खाऊन गेलाय. सरताज म्हणून सैफ ने ही बर्याच वर्ष्यानंतर मस्त काम केलेले आहे . आणि काटेकर म्हणून जितेंद्र जोशीने काही काही सीन्स मध्ये सैफ लाही लाजवेल असा अभिनय केला आहे. तांत्रिक दृष्ट्या इतका सरस आजपर्यत कुठलाही टीवी शो झालेला नसेल , कुठेही आपण भारतीय शो बघतोय असं वाटत नाही. नेटफ्लिक्स ने ह्या शो द्वारे बेंचमार्क खूपच वर ठेवला आहे जो येणाऱ्या काही वर्षांत इतर शोज ना गाठणे कठीण ठरेल . त्यामुळे एकता कपूर च्या पांचट कार्यक्रमांना आपण कंटाळला असाल तर हा खेळ बघायलाच हवा . ( टीप : हा शो १८+ प्रेक्षकवर्गाला गृहुत धरून बनविला असल्याने फॅमिली सोबत किंवा लहान मुलांना दाखविण्यापूर्वी विचार करावा )