मात्र रात्रीची गोष्ट भाग ४

मात्र रात्रीची गोष्ट भाग ३ ********* स्थळ - वेळ - पात्र - नेहेमीचेच. (तिसरा पेग होवुन गेला आहे, अवांतर चर्चा सुरू आहे अशी स्वप्नावस्था.... अशातच पेग ४ आगमन) मी - काल फिरत फिरत त्या पेठेत गेलो होतो.. तो- हं... दिवाळीची जोरदार तयारी चालु आहे सध्या तिथे मी - आपला तो भेटला होता... तिकडेच खरेदी करणार आहे या वेळेस दिवाळीची तो - हं.. इथली रंगीत कापडं त्याला आवडत नाहीत, डिसेंन्सी नसते म्हणे... घालता येत नाही, अंगात बसत नाही हे सांगत नाही मी - जावु दे ना आपल्याला काय करायचे? पण तो का पुढे पुढे करायला लागला हल्ली.. तो - हल्ली ? दे सोडुन, जुनेच आहे ते हाडुक चघळणारं आणि तो अगदी शेम टु शेम. फक्त याला भाद्रपदाची वाट पहावी लागत नाही मी -हॅ हॅ हॅ ... तो - मग तु काही खरेदी करणार की नाही... मी - अरे अजुन काही ठरवले नाही, तशी आपली पेठ काय... राजाच्या घरी रोज दिवाळी तो - ते पण खरेच पण मग मला समजत नाही आपल्या पेठेतले दुकानदार बावचळले का? मी - म्हणजे? तो - अरे ! आपली पेठ येवढी सजलेली असतांना, वेगवेगळी दुकाने मांडलेली असतांना, गि-हाइकी चालु असतांना, सेल्स प्रमोशनच्या नावाखाली सँम्पल्स वाटायला त्या पेठेत कशाला जातात? मी - अरे पण... धंदा वाढायला नको का? तो- वेडाच आहेस. अरे इथे माल पुरवता पुरवता नाकात दम येतो. इथली पेठ सगळ्यात जास्त टर्नओव्हरची आहे. इथेच धंदा नीट करायचा सोडुन तिथे जाहिराती कशाला ? मी - सांगणार कोण या दुकानदारांना..... तो - वर तिथल्या तथाकथित फुकट्यांची बोलणी ऐकायची, आम्ही माल मागवलाच नव्हता, तुम्ही कशाला पाठवला. तुमच्या पेठेत तुम्ही गळ्यातच मारत असाल.. वगैरे वगैरे... मी - काय काय ? तो - तर... मग बसले गप्प मुंडी खाली घालुन मी - हम्म. च्यायचा घो... इथल्या पेठेत गि-हाइकाशी बोलणार नाही... वसकन अंगावर येतात.. माल घ्यायचा तर घ्या नाही तर फुटा तो - गरज आपल्याला आहे ना म्हणुन सेलर्स मार्केट आहे आपली पेठ मी - हं..बदलेल का रे कधी? तो - कशाला? आहे ते ठीक आहे.. (पेग ४ समाप्त) मी - म्हणजे हे असेच चालु रहाणार तो - हम्म.. हे असेच चालु रहाणार.. तोवर आपलं चालु ठेवु... मी - मग काय...करा रिपीट.. तो - येस्स रिपीट. (भाग ४ समाप्त)