बाजाराचा कल : २४ फेब्रुवारीचा आठवडा

आग्या १९९० यांच्या मागणीनुसार सोन्याच्या दराचे पुढील आठड्यासाठी (केवळ प्रयोगात्मक) भाकीत सोने खाली येते तेव्हा स्टॉक वर जातात या सार्वकालिक तत्त्वाचा युयुत्सुनेट ने आदर केलेला दिसतो.

मंडळी श्री० गोडबोले यांनी मला मार्केट्ची संभाव्य रेंज आणि त्याची संभाव्यता (प्रोबॅबिलीटी) देण्याबद्दल सुचवले. आत्ताच मला मी स्वतः विकसित केलेल्या "क्लेमास्पेस डायग्रॅमची आठवण झाली त्यात मला मार्केट वर किंवा खाली जायची शक्यता किती या प्रश्नाचे उत्तर देता येते. पुढील आठवड्यासाठीचा क्लेमास्पेस डायाग्रॅम असा दिसतो. पिवळा धमक दिसणारा 'डोळा' मार्केटला आपल्याकडे खेचायचा प्रयत्न करतो. याचे गणित इथे आणि मराठीत देणे अवघड आहे. तर या तंत्राप्रमाणे पुढच्या आठवड्यात निफ्टी वर जायची शक्यता ८१.४ % इतकीआहे. पण मला दर वेळेला क्लेमास्पेस डायग्रॅम इथे डकवणे जिकीरीचे आहे. त्यामुळे मी फक्त प्रोबॅबिलीटी चे आकडे इथे देईन.

क्लेमास्पेस डायग्रॅम हे मी माझ्या स्वतःच्या काही गरजा पूर्ण करणयासाठी विकसित केलेले एक गुणी तंत्र आहे. :) परवा हा आलेख मी जेव्हा काढला तेव्हा बाजार वर जायची संभाव्यता ~८१% होती. कालच्या घसरणीमुळे ही शक्यता आता ~९५% पर्यंत वाढली आहे. मग आता मार्केट वर जाणार की खाली जाणार? तर वर दिलेल्या आलेखात निळी रेघ कालचे मार्केट कुठे होते दाखवते. निळ्या रेघे खाली भूतकाळात मार्केट गेलेले दिसत आहे, पण ते तिथे जाऊन उलट फिरले आहे. त्यामुळे अजुन एका डुबकीची शक्यता नाकारता येत नाही. थोडकयात शेवटच्या थेंबापर्यंत चिपाड चरकातून काढणार... तसेच वरील आलेखाचा एक चुलतभाऊ पुढे दिला आहे. त्यात तांबंडा बिंदू मार्केट सध्या कुठे आहे ते दाखवत आहे. मार्केट पिवळ्या डोळ्याकडे सतत झेपावत असते. हा "पितनेत्र " तांबड्या बिंदूचच्या डाव्या बाजूला असल्याने आणखी विक्री होऊन मग मार्केट परतीचा रस्ता काही कालावधी साठी पकडेल, (नवीन अर्निंग सिझन) असे वाटते.