काय, कधी कुठे? - अमेरिका

प
पिलीयन रायडर यांनी
 ·  लेख
लेख
अमेरिकेत अनेक ठिकाणी अनेक गोष्टी चालु असतात. आम्हा नवीन माणसांना पटकन समजत नाही की कोणते कार्यक्रम पाहु शकतो, कुठे जाऊ शकतो, कोणत्या सीझन मध्ये काय पहायला हवं.. तेव्हा मोदकने जसे पुणे - मुंबईसाठी धागे काढले आहेत, तसा अमेरिकेसाठी एक धागा असावा म्हणलं. जसं की ह्या वीकांताला (२५-२८ ऑगस्ट) अमेरिकेतले सर्व नॅशनल पार्क्स फ्री असतात. ह्या वर्षी नॅशनल पार्क सर्विसला १०० वर्ष झाली आहेत. आणि आता सांगण्यात अर्थ नाही पण मागच्या रविवारी इंडिया डे परेड होऊन गेली! किंवा दर गुरुवारी ब्रुकलिन चिल्ड्रन म्युझियम ३-५ ह्या वेळात फ्री असतं! अमेरिकेतल्या समस्त मिपाकरांनी अशी उपयुक्त माहिती इथे टाकलीत तर फार बरं होईल! धन्यवाद!
वर्गीकरण
लेखनविषय (Tags)
देशांतर
राहती जागा
लेखनप्रकार (Writing Type)
माहिती
107543 वाचन
💬 प्रतिसाद (227)

प्रतिक्रिया

चित्रगुप्त
Sat, 08/27/2016 - 19:01 नवीन
न्यूयॉर्कमधील सुप्रसिद्ध मेट्रोपॉलिटन म्यूझियम हे खरेतर 'पे अ‍ॅज यू विश' आहे, परंतु तसे लिहिलेले नसते. २५ डॉलरचे तिकीट घेणारांची मोठी रांग असते, परंतु बाजूला रिकाम्या असणार्‍या काउंटर वर जाऊन मला ५ डॉलर डोनेशन द्यायचे आहे, आम्ही चार (किंवा जितकेही) जण आहोत, असे सांगितले तरी सर्वांना प्रवेश मिळतो. Image removed.

चित्रगुप्त
Sat, 08/27/2016 - 19:05 नवीन
वरील विषयाबद्दल बातमी: http://therealdeal.com/2015/02/09/the-met-can-keep-controversial-pay-what-you-wish-policy/

पद्मावति
Sat, 08/27/2016 - 19:37 नवीन
लायब्ररी फ्री असतात. एका ब्रांच मधून पुस्तकं घेऊन दुसर्‍या ब्रांच मधे रिटर्न करता येतात. तसेच एखादं पुस्तक मिळालं नाही तर लायब्ररी च्या कॅटलोग मधून मागवता येतं. मराठी पुस्तकं पण मिळतील. cleveland च्या पब्लिक लायब्ररी मधे प्रचंड संख्येत मराठी आणि हिंदी पुस्तके आहेत. अजुन एक पर्याय मराठी पुस्तकांसाठी म्हणजे रसिक डॉट कॉम ही लायब्ररी. सहा माहिने किंवा एक वर्षांसाठी पैसे भरून पुस्तके ऑर्डर करता येतात. अगदी घरपोच सेवा आहे. पुस्तके वाचून झाली की पोस्टाने पुस्तकं पाठवून द्यायची. रिटर्न लेबल तेच देतात. बार्न्स & नोबल सारख्या दुकानात आणि लायब्ररी मधे सुद्धा मुलांसाठी स्टोरी टेलिंग सारखे छान कार्यक्रम असतात.

चतुरंग
Sat, 08/27/2016 - 23:04 नवीन
सार्वजनिक वाचनालयात संगणक वापरता येतात. प्रिंटिंगची सोय असते. काही महत्त्वाचे प्रिंट करुन घ्यायचे असेल तर जुजबी पैसे भरुन करता येतं. इंटरनेट साधारणपणे दोन तास एका व्यक्तीला वापरु देतात. फारच गर्दी असेल तर लोक आपणहूनच जरुर तेवढा वेळ वापरुन पुढच्यास जागा देतात. ऑडिओबुक्स हा फारच सुंदर प्रकार बहुतेक सर्व वाचनालयातून मिळतो. मुलांसाठी ही फारच छान सोय असते. चालत्या गाडीत ऑडिओ सीडी लावली की मुलं तासंतास गोष्टी ऐकतात. याचा मला जाणवलेला फायदा म्हणजे मुलांच्या कल्पनाशक्तीला ताण मिळतो. फक्त ऑडिओ असल्यामुळे मुलं गोष्टीत हरवून जातात आणि एकेक प्रसंग डोळ्यांसमोर आणायचा प्रयत्न करत असतात. या पुस्तकांचं वाचनही अतिशय चांगल्या प्रकारे केलेलं असतं. बहुतेक वाचक मंडळींना नाटकाचं प्रशिक्षण मिळालेलं असावं इतकं उत्तम वॉइस मॉड्यूलेशन, गोष्टीतले भाव व्यक्त करणं हे असतं. मला तर मोठ्यांची ऑडियोबुक्स देखील आवडली. :)

रुपी
Mon, 08/29/2016 - 23:45 नवीन
"चीपर बाय द डझन"चे ऑडिओ-बूक ऐकायला खूपच छान आहे. मी पुस्तक वाचले होते, पण ऐकण्यातली मजा वेगळीच! मुलांसाठीचे अजून ऐकले नाहीत, आता आणायला पाहिजेत. बाकी जास्त आमच्या गाडीत "सेल्फ-हेल्प" प्रकारातलेच ऑडिओबूक्स चालायचे आणि मला बर्‍याचदा त्या वाचणार्‍या व्यक्तीचा आवाज फारच तीव्र वाटतो :( लायब्ररीची आणखी एक चांगली सोय म्हणजे Link+. यात वेगवेगळ्या शहरांच्या लायब्ररीज एकत्र आलेल्या असतात आणि तुम्हाला हवे असलेले पुस्तक दुसर्‍या शहराच्या लायब्ररीत असेल तरी तुम्ही मागवू शकता. फक्त उशीराचा दंड वगैरे नियम थोडे वेगळे आहेत, पण फारच चांगली सोय आहे ही. इंटर-लायब्ररी-लोन असाही एक प्रकार आहे, पण मी स्वतः अजून वापरुन पाहिला नाही, त्यामुळे नक्की कसा वापरावा हे माहीत नाही.
↩ प्रतिसाद: चतुरंग

पिलीयन रायडर
Tue, 08/30/2016 - 01:27 नवीन
ऑडिओ बुक्स असतात हे पाहिलं होतं पण घेऊन पाहिली नाहीत. आता मात्र घ्यायला हवी होती असं वाटतय! एक दोन दिवसात पुस्तक बदलायला चक्कर होणार आहेच. तेव्हा नक्की घेते. पब्लिक लायब्ररी हा एक फार सुंदर प्रकार आहे अमेरिकेत. भारतातही उत्तम वाचनालयं आहेत खरं तर, इथे वेळ हाताशी आहे हे आनंदाचं खरं कारण आहे!
↩ प्रतिसाद: रुपी

ट्रेड मार्क
Mon, 08/29/2016 - 19:21 नवीन
बँक ऑफ अमेरिका डेबिट कार्ड असेल तर बरीच म्यूझियम फ्री असतात. त्याची माहिती बँक ऑफ अमेरिकेच्या वेबसाईट वर मिळते. आता तुम्ही न्यूयॉर्क मध्ये आहात तर Intrepid म्यूझियम जरूर बघा. खरी पाणबुडी अँड खरे कंकॉर्ड विमान आहे ते आतून पण बघायला मिळतं (जास्त पैसे देऊन). पण हे म्यूझियम बँक ऑफ अमेरिका डेबिट कार्ड असेल तर फ्री आहे (सद्यस्थितीतील माहिती आंतरजालावर बघून जावे). या सारखंच इतर बॅंक्स पण काही ना काही पर्क्स देत असतात. बाकी पैसे देऊन असणारे शो ई साठी goldstar.com वा groupon वर चांगली डील्स मिळतात. बऱ्याच कंपन्यांची पण कॉर्पोरेट पर्क्सची वेब साईट असते. त्यातून बऱ्याच गोष्टींसाठी डील्स मिळतात अगदी हॉटेल बुकिंग, रेंटल कार, रेस्टॉरंट पासून ते डिस्ने पार्क्स, सिक्स फ्लॅग्स, फ्लाईट बुकिंग साठी पण चांगली डील्स मिळतात. तुमची आवड आणि किती वेळ आहे ते कळलं तर अजून बऱ्याच ठिकाणांची माहिती मी देऊ शकेन.

पिलीयन रायडर
Mon, 08/29/2016 - 22:53 नवीन
Intrepid म्यूझियम बघण्याचे केव्हाचे नवर्‍याच्या मनात आहे. डेबिट कार्ड तर नाहीये, पण तरीही जाणार आहोतच. डिल्स बद्दल ऐकुन आहे. कधी घेतल्या नाहीत पण. आत्ता येणार्‍या लॉन्ग वीकेंदसाठी वॉशिंग्टन डिसीला जाण्याचे चालु आहे. तेव्हा उपयोगी पडतील का ते पहायला हवे! तुम्हाला असलेली सर्वच माहिती इथे टाकत रहा. सगळ्यांच्याच कामाला येईल. फॉल्स मध्ये काय करता येईल हे जर सांगितले तर मला फार मदत होईल. सध्या नेमकी आमच्याकडे ना कार आहे ना लायसन्स. अशांच फार अवघड आहे अमेरिकेत.. :(
↩ प्रतिसाद: ट्रेड मार्क

ट्रेड मार्क
Tue, 08/30/2016 - 00:00 नवीन
तुम्ही megabus किंवा goto bus च्या पॅकेज टूरने डीसीला जाऊ शकता परंतु स्थलदर्शन करायला फारच कमी वेळ मिळतो. न्यू जर्सीत अमेरिकेत आल्यापासून एक वर्ष तुमच्या भारतीय वाहन परवान्यावर रेंटल कार मिळते. पूर्ण वाहन विमा त्यांच्याकडूनच घ्यायचा म्हणजे अनपेक्षित प्रसंगात काळजीचे कारण नाही. अजून एक ऑप्शन म्हणजे amtrack रेल्वे किंवा ग्रेहाउंड. थोडं महाग आहे पण चांगलं ऑप्शन आहे. डीसी मधील सर्व म्युझियम्स फ्री आहेत. एअर अँड स्पेस, नॅचरल हिस्टरी हे तर बघाच. परंतु लायब्ररी ऑफ काँग्रेस पण बघण्यासारखी आहे. एअर अँड स्पेस मध्ये Flight Simulator आहे त्याचा अनुभव पण मस्त. बाकी कॅपिटॉल बिल्डिंग, लिंकन मेमोरियल आणि इतर वॉर मॉन्यूमेन्ट्स आहेतच. कार घेऊन डीसी मध्ये गेलात तर एखादं पूर्ण दिवसाचं पब्लिक पार्किंग बघायचं. यासाठी parkingpanda वगैरे साईट्स चांगल्या आहेत. तिथे जागेवर पार्किंग साधारण $२०-$२२ ला मिळत असेल तर parkingpanda वरून $९ ला मिळतं. डीसीजवळ National Museum Of Marine Corps आहे. त्यात WW१ पासूनच्या सगळ्या युद्धांचे देखावे आहेत, त्यावेळची शस्त्रास्त्रे वगैरेची माहिती आहे. बाल्टिमोरचे Aquarium मस्त आहे. फॉलमध्ये पोकोनो माऊंटन्स, पेनसिल्वेनिया मध्ये जा. फॉल कलर्ससाठी अतिशय सुंदर ठिकाण आहे. पण तुमच्याकडे कार असणं गरजेचं आहे. अगदीच कार शक्य नसेल तर ग्रेहाउंड बस चा पर्याय आहे. लेक जॉर्ज पण छान आहे.
↩ प्रतिसाद: पिलीयन रायडर

राघवेंद्र
Tue, 08/30/2016 - 00:53 नवीन
भारतीय परवान्यावर कर विकत किंवा भाड्याने मिळेल. कार विमा थोडा जास्त असेल पण ठीक आहे. एकदा लोकल शो रूम मध्ये चौकशी करा.
↩ प्रतिसाद: अभिजीत अवलिया

खटपट्या
Tue, 08/30/2016 - 01:20 नवीन
तुम्हाला अमेरीकेतील चालक परवाना मिळेपर्यंत काही महीने तुम्ही भारतीय परवान्यावर गाडी चालवू शकता.
↩ प्रतिसाद: अभिजीत अवलिया

ट्रेड मार्क
Tue, 08/30/2016 - 01:35 नवीन
भारतीय परवान्यावर रेंटल कार मिळेल. पण तो जुना पुस्तक परवाना असेल तर अवघड आहे. प्रत्येक राज्यातील वाहन परवाना नियम वेगवेगळे आहेत. त्यामुळे स्थानिक रेंटल ऑफिस मध्ये चौकशी करणे चांगले. पण रेंटल कार मिळायला हरकत नसावी. स्मार्ट कार्ड असेल तर अडचण येणार नाही. राघव यांनी म्हणल्याप्रमाणे रेंटल कार विमा पण मिळेल. विम्याचा दर जास्त असेल असं वाटत नाही, पण जो असेल तो, विमा मात्र घ्याच. भारतीय परवान्यावर कार विकत घेता येत नाही. रजिस्ट्रेशनसाठी तुम्हाला त्या राज्याचा परवाना असणे आवश्यक आहे.
↩ प्रतिसाद: अभिजीत अवलिया

अनन्त अवधुत
Tue, 08/30/2016 - 05:43 नवीन
गाडी विकत घेण्याला परवान्याची आवश्यकता नाही. स्थानिक रहिवासी प्रमाणपत्र गाडी घेण्यासाठी पुरेसे आहे. वाहनाच्या नोंदणीसाठी स्थानिक पत्ता हवा असतो जो राज्याच्या ओळखपत्रावर सुद्धा असतो. Link
↩ प्रतिसाद: ट्रेड मार्क

ट्रेड मार्क
Tue, 08/30/2016 - 19:08 नवीन
केवळ राज्य ओळखपत्र आणि भारतीय परवाना यावर गाडी विकत घेता येईल? इन्शुरन्स पण मिळेल का? मी कधी पेनसिल्वेनिया मध्ये राहिलो नसल्याने मला तेथील माहिती नाही. परंतु मी जिथे जिथे गाड्या विकत घेतल्या आहेत तिथे मला अमेरिकन वाहन परवाना आवश्यक आहे असे सांगितले.
↩ प्रतिसाद: अनन्त अवधुत

अनन्त अवधुत
Wed, 08/31/2016 - 00:01 नवीन
गाडी विकत घेण्याला परवान्याची आवश्यकता नाही. अमेरिकन नाही, भारतीय नाही कोठलाच नाही. विम्यासाठी सुद्धा पहिले 6 महिने परवान्याची आवश्यकता नाही. अर्थात तुम्ही नवीन वाहनचालक असाल तर तुमचा विमा हप्ता पण तगडा असतो. माझ्या मित्राने इथला किंवा भारतातला परवाना नसताना विमा घेतला होता. त्याने 6 महिन्यात परवाना मिळवला. 6 महिन्यात परवाना न मिळाल्यास विमा रद्द होतो किंवा नाही याबद्दल मला काही कल्पना नाही. मी स्वतः राज्य ओळखपत्रावर गाडी घेतली होती. गाडीचा विमा करताना भारतीय परवाना चालतो. विमा देताना मला दुचाकीच्या परवान्यावर विमा दिला होता, परवान्यांचा त्यांनी केवळ क्रमांक घेतला होता.
↩ प्रतिसाद: ट्रेड मार्क

संदीप डांगे
Wed, 08/31/2016 - 00:06 नवीन
अर्थात, जितकी राज्ये तितके वेगवेगळे कायदे आहेत म्हणून असेल तसे, हो ना?
↩ प्रतिसाद: अनन्त अवधुत

ट्रेड मार्क
Wed, 08/31/2016 - 01:10 नवीन
गाडी विकत घेता येईल हे खरंच आहे पण मला प्रश्न होता रस्त्यावर आणता आणि त्या व्यक्तीला चालवता येईल का. पण जर का परवाना नसताना फक्त पत्ता बघण्यासाठी राज्य ओळखपत्र वापरून सगळं करता येत असेल तर भारीच आहे. तसाही नवीन अमेरिकन परवाना असेल तर विमा जास्त पडतो. थोडक्यात काय तर पैसे जास्त द्या आणि गाड्या उडवा असं इथे पण आहे तर. नियमांचं काही उल्लंघन झालंच तर परवाना नाही म्हणून पॉईंट्स मिळण्याची भानगड नाही. पैसे द्या आणि सुटा :). थोडक्यात नो परवाना नो पर्वा. रच्याकने - हे सांगणारा मला का नाही कोणी भेटला या पूर्वी. उगाच माझ्या पत्नीसाठी ३ वेळा रोड टेस्टसाठी खेपा घातल्या. बाकी पण बरेच मित्र उगाच खटपटी बसले... सांगतोच आता सगळ्यांना.
↩ प्रतिसाद: अनन्त अवधुत

सुकुमार
Tue, 08/30/2016 - 01:38 नवीन
पिट्सबर्ग मध्ये भारतीय driving licnce वर rental कार मिळणे कठीण आहे, बहुतेक नाहीच. NYC किंवा Jersey मध्ये शक्य आहे.
↩ प्रतिसाद: अभिजीत अवलिया

अभिजीत अवलिया
Tue, 08/30/2016 - 01:52 नवीन
आत्ताच गुगल रावांनी हे दाखवले. Can I drive in Pennsylvania with my Foreign Driver’s License? Individuals who possess a valid foreign driver’s license from their country are authorized to drive in Pennsylvania for up to one year from their date of entry into the United States, or upon expiration of their foreign license, whichever comes first. International driving permits are strongly recommended, but not required. एकदा रेंटल कार ऑफिस मध्ये चौकशी करतो. सर्वांचे धन्यवाद.
↩ प्रतिसाद: सुकुमार

पिलीयन रायडर
Tue, 08/30/2016 - 01:39 नवीन
लेक जॉर्ज, ऑज्बल चाझम वगैरे झालंय माझं. डीसी मध्ये काय पहायचं ते आता नोट करुन ठेवलंय. :) धन्यवाद!
↩ प्रतिसाद: ट्रेड मार्क

राघवेंद्र
Mon, 08/29/2016 - 19:38 नवीन
धन्यवाद पितातै धाग्याबद्दल !!! सार्वजनिक गणेश उत्सव या वर्षी एडिसन मध्ये नसुन तो जर्सी सिटी मध्ये आहे. स्थळ : 792 Newark Avenue, Jersey City, NJ 07306 तारीख : ५ -११ सप्टेंबर, २०१६ सकाळी १० ते रात्री १० वाजता संदर्भ :http://www.oaktreeroad.us/edison-news-corner.html

संदीप चित्रे
Mon, 08/29/2016 - 21:08 नवीन
'गन्धार' हा ग्रुप सार्वजनिक गणेशोत्सव साजरा करतो. फेसबुकवर अधिक माहिती मिळेल.
↩ प्रतिसाद: राघवेंद्र

पिलीयन रायडर
Mon, 08/29/2016 - 22:49 नवीन
मी आजच इथे विचारणार होते की गणपती कुठे असतो! यंदा काही इथे घरात करण्याचे जमत नाही असे दिसते. दिवाळीची सुद्धा माहिती द्या!
↩ प्रतिसाद: राघवेंद्र

रमेश आठवले
Mon, 08/29/2016 - 20:46 नवीन
पुण्यात आणि इतर ठिकाणी वयस्क नागरिकांच्या साठी अथश्री सारखी घरे बांधणारे परांजपे बंधू सध्या अमेरिकेच्या वेगवेगळ्या राज्यांच्या भेटीवर आहेत.. ही योजना तेथिल भारतीय मूळाच्या वयस्क स्थायी मंडळी साठी राबवता येईल का याची पहाणी करत आहेत. मंगळवारी लॉस अँजेल्स मध्ये एका मराठी कुटुंबाच्या घरी ते इच्छुकांना भेटणार आहेत .

रमेश आठवले
Mon, 08/29/2016 - 20:54 नवीन
हि अथश्री बैठक मंगळवारी नसून बुधवारी ३१ ऑगस्टला आहे.

पद्मावति
Mon, 08/29/2016 - 21:11 नवीन
सॉरी संदीप तुम्ही मराठी विश्व ची लिंक आधीच दिलेली होती ती मी बघितली नाही. या वेळी गणपती वेस्ट विंड्सर ला आहे नं?
↩ प्रतिसाद: संदीप चित्रे

संदीप चित्रे
Tue, 08/30/2016 - 20:39 नवीन
वेस्ट विन्डसरला आहे.
↩ प्रतिसाद: पद्मावति

पद्मावति
Mon, 08/29/2016 - 21:09 नवीन
खास मराठी पदार्थांसाठी सुमा फुड्स आहे नॉर्थ ब्रनस्विकला. मराठी विश्व सुद्धा खूप मोठं आहे. त्यांची मराठी लायब्ररी आणि रविवारी मराठी शाळा असते.

स्रुजा
Mon, 08/29/2016 - 21:13 नवीन
सुमा फुड्स मध्ये प्रत्येक ट्रिप ला जातेच. केसरी कडुन ज्या अमेरिका टुर्स येतात त्यांच्यासाठी केटरिंग पण सुमा फुड्स कडुन होते. आमच्या घरचा गणपती पण तिथुन च येतो.
↩ प्रतिसाद: पद्मावति

राघवेंद्र
Mon, 08/29/2016 - 23:07 नवीन
सुमा फूड्स चे पटेल दुकानातील मधले पॅकेट घ्यायचे. नॉर्थ ब्रनस्विकला जायची गरज नाही कारण ते खायचे ठिकाण नाही फक्त किचन आहे. कार नसेल तर फॉल कलरसाठी टेक टूर्स झिंदाबाद. फॉल कलरसाठी न्यू यॉर्क मध्ये सेंट्रल पार्क सगळ्यात जायला सोपे आणि मस्त ठिकाण.
↩ प्रतिसाद: पिलीयन रायडर

पिलीयन रायडर
Mon, 08/29/2016 - 23:18 नवीन
खायचे ठिकाण नाही का?! अरेरे मग! मग पटेल ब्रदर्स झिंदाबाद! आणि सेंट्रल पार्कतर आहेच काहीच झालं नाही तर.. टेकटुर्स हाच मुख्य प्लान आहे.. हे ही एक सापडलय.. Fall Foliage Train Rides - September 24 https://www.facebook.com/events/174667926248210/ Trip Duration: 2 1/2 Hours All Fall Foliage Trains that are not Train Robberies are standard fare. Adults $16, Seniors (62 and over) $15, Children (3-12) $13, Under 3 FREE. Reservations Encouraged but Not Required. Food and beverages for sale on board. Picturesque ride through the Susquehanna River Valley. Travel along the tranquil Susquehanna River, through farm fields with beautiful views, and forests with colorful foliage.
↩ प्रतिसाद: राघवेंद्र

खटपट्या
Tue, 08/30/2016 - 01:24 नवीन
पाथ ट्रेन पकडून जर्नल स्क्वेअरला उतरा. स्टेशनला उतरून कोणालाही इंडीयन स्ट्रीट विचारा. इथे खाण्याचे बरेच पर्याय उपलब्ध आहेत. रस्त्यावरचा कचरा बघून भारतात आल्यासारखे वाटेल. हे ठीकाण जर्सी सीटीमधे येते.
↩ प्रतिसाद: पिलीयन रायडर

पिलीयन रायडर
Tue, 08/30/2016 - 07:53 नवीन
काय खटपट्या भौ!! तिथेच रहाते ना मी जवळच! दर वीकांताला माथा टेकवुन यावा लागतो भाजीपाल्यासाठी!
↩ प्रतिसाद: खटपट्या

खटपट्या
Tue, 08/30/2016 - 20:53 नवीन
हायला, मी बी तीथंच होतो एक वर्ष. तसा स्वस्त आहे तो एरीया, पण गुंडागर्दीसाठी बदनाम आहे.
↩ प्रतिसाद: पिलीयन रायडर

चित्रगुप्त
Mon, 08/29/2016 - 21:10 नवीन
चार-लोटे Charlotte NC मधे कुणी मिपाकर आहेत का ? मी सध्या डिसेंबर अखेर पर्यंत चार-लोटे मधे आहे.

ट्रेड मार्क
Tue, 08/30/2016 - 00:02 नवीन
मी राले, नॉर्थ कॅरोलिना मध्ये आहे.
↩ प्रतिसाद: चित्रगुप्त

निओ१
गुरुवार, 09/22/2016 - 19:07 नवीन
Mi attach part aalo punyat.
↩ प्रतिसाद: चित्रगुप्त

निशदे
Tue, 08/30/2016 - 02:50 नवीन
उत्तम धागा. गडबडीत असल्याने एकच जागा शेअर करतो. गेटी सेंटर लॉस एंजिलीसमध्ये ब्रेंटवूड या भागात डोंगरावर हे सुंदर म्युझियम आहे. लॉस एंजिलीसला भेट देणार्‍या प्रत्येकाने पहावीच अशी ही जागा आहे. सुमारे १३० कोटी डॉलर्स खर्च करून बांधलेले हे म्युझियम १९९७ साली जनतेसाठी विनाशुल्क उपलब्ध करून देण्यात आले. मुख्यत्वे युरोपिअन कलाविष्कारांसाठी हे म्युझियम प्रसिद्ध आहे. पण रिचर्ड मायर(Richard Meier) या आर्किटेक्टची स्थापत्यशैली पाहण्यासाठीही इथे अनेक जण येतात. म्युझियमच्या अधिकृत माहितीनुसार येथे दरवर्षी सुमारे १० ते १२ लाख लोक भेट देतात. लहान मुलांसाठी त्यांनी तयार केलेले कार्यक्रम दर वीकांताला ओसंडून भरलेले असतात. जर लॉस एंजिलीसला भेट देणार असाल तर गेटी सेंटरला भेटायला विसरू नका. Image removed. चित्र जालावरून साभार.

बहुगुणी
Tue, 08/30/2016 - 03:08 नवीन
या धाग्यात ही किंचित अवांतर माहिती दिली तर चालेल असं वाटतं. ८ वर्षांपूर्वी निघालेल्या "आवर्तन" या पहिल्या दृक्-श्राव्य दिवाळी अंकाचे जवळजवळ पंचवीस-एक डिव्हीडी सेट्स माझ्याकडे उपलब्ध आहेत. (ते नेमके कुणाकडून माझ्यापर्यंत पोहोचले हे देखील मला आता आठवत नाही!) मोहन आगाशे यांच्या संपादकत्वाखाली निर्मित झालेले दोन डिव्हीडी चे हे डिव्हीडी सेट्स तसे प्रत्येकी १५ डॉलर्स किंमतीचे होते, आणि मुक्तसुनीत या मिपाकरांखेरीज कुणी विचारणा केली नसल्याने ते विकले जात नव्हते. म्हणून मी त्यांना (निर्मात्यांना) डिव्हीडीज् परत घेण्याविषयी विचारणा केली; पण ते घेऊन जाण्याचा खर्च मानवणारा नसल्याने त्यांनी ते इच्छुकांना मोफत द्यावेत असं सुचवलं. पण गेली कित्येक वर्षे ते माझ्याकडे पडून आहेत आणि खूप प्रयत्न करूनही इथल्या मराठी कुटुंबाना ते घ्यावेसे वाटलेले नाहीत :-( या पाच तासांच्या डीव्हीडींविषयी आधिक माहिती या जुन्या धाग्यावर मिळेल. बाबा आमट्यांच्या कार्यावरील डॉक्युमेंटरी तसेच इतरही बहुतांश कार्यक्रम प्रेक्षणीय आहेत. काही उदाहरणं आंतर्जालावर प्रोमोज मध्ये उपलब्ध आहेत, पण दुर्दैवाने असे दिवाळी अंक पुन्हा नंतर निघाल्याचं मी तरी ऐकलं नाही. त्यामुळे माझ्याकडच्या डीव्हीडीज हे collector's items असावेत! आताच शोध घेतला तर २०१४ मध्ये बहुधा त्याच निर्मात्यांनी आवर्तन हा यू ट्यूब चॅनेल सुरू केल्याचं दिसलं. पण तिथेही गेल्या वर्षानंतर काही भर पडलेली दिसत नाही. ही मालिका चालू राहिली तर पहायला नक्की आवडेल. तेंव्हा अमेरिकेतील मिपाकरांना व त्यांच्या मराठी आवडणार्‍या इतर परिचितांना हे डिव्हीडी सेट्स मोफत हवे असल्यास व्य नि द्वारे मला कळवावे. सेट्स पाठवण्याचा स्थानिक पत्रखर्च माझ्यापर्यंत कसा पोचवायचा ते कळवेन. माझा आवर्तनच्या प्रवर्तकांशी कोणताही वैयक्तिक संबंध नाही, आणि मी हे केवळ मराठीतील कौतुकास्पद उपक्रमाला माझा हातभार लागावा या भावनेने करतो आहे, हे कृपया लक्षात घ्यावे.

पिलीयन रायडर
Tue, 08/30/2016 - 07:57 नवीन
नवीन नाही काका. मोदकने आधीच पुणे - मुंबईसाठी हे धागे काढलेले आहेत. काय..? कुठे..? कधी..? (पुणे) काय..? कुठे..? कधी..? (मुंबई व उपनगरे)
↩ प्रतिसाद: कंजूस

प्रा.डॉ.दिलीप बिरुटे
Tue, 08/30/2016 - 19:09 नवीन
नियतीचं काय सांगता येतं नै, नियती माणसाला कुठेही घेऊन जाऊ शकते. कधी चुकुन अमेरीकेच्या रस्त्याने गेलो तर माहिती उपयोगी पडेल. प्रतिसाद नुसते चाळले. (इकडे प्रतिसाद वाढवायचा काय स्कोप दिसत नै) धन्यवाद. -दिलीप बिरुटे

संदीप डांगे
Tue, 08/30/2016 - 20:16 नवीन
+1000 बाकी, प्रतिसाद वाढवायचे का? तर घ्या: सदर धागा 'आमी हामरिकेत कशी मज्जा करतो, तुम्हाला टुकटुक' एवढ्यासाठी काढलाय! ;) =))
↩ प्रतिसाद: प्रा.डॉ.दिलीप बिरुटे