नक्षीची दुसरी बाजू..

कोणती क्रांती ?? (रेडकरांची ?)

@ प्रगो,
अत्यंत हीन दर्जाचा प्रतिसाद !!!
यातून काय सिद्ध होतंय ते वेगळं सांगायला नको !

बाकी खेद, राग वगैरे काही नाही अशा कुणाबद्दल. त्यांनी त्यांचे आयुष्य अगदी असेच जगावे. शक्य तेवढा अजून द्वेष करावा. त्यासाठी प्रचंड शुभेच्छा.

+1

'माणूस' म्हणून असणारी डिग्निटी मोठी की स्त्री/पुरुष म्हणून असणारी डिग्निटी मोठी?

ज्या डिग्निटीमुळे त्या त्या वेळी जास्त फायदा होईल ती ती डिग्निटी मोठी, हाकानाका.

अजुन दोन मिनिटं घ्या..

आपण अजुन चिकित्सा करुन बघत बसु शकतो... I don't mind..

माणुस असणं हेच सर्वात वरच्या लेव्हलला कायम असणार, नाही का? अगदी म्हणुनच "स्त्रियांना माणुस म्हणुन वागणुक मिळणे" (कसली बेसिक अपेक्षा आहे नाही! आणि आज २०१५ चालु आहे!! असो..) ही स्त्री "मुक्ती" (मी फार सहमत नाही ह्या शब्दावर.. पण ते ही असोच..) चळवळीचं ध्येयही हेच आहे.. आणि उद्या ते साध्य झालं तरी स्त्री म्हणुन असणार्‍या स्पेसिफिक गरजा संपणार आहेत का? स्त्री मुक्त झाली तर अनाहिताची गरज संपणारे का? मुळात अनाहिता स्त्री मुक्तीचं प्रतिक आहे हे कुणी ठरवलं? अनाहितातल्या अर्व स्त्रिया ऑलरेडी मुक्त (म्हणजे स्त्री मुक्ती चळवळीत जे अपेक्षित आहे तशा) आहेतच. त्यासाठी आम्हाला अनाहिता नकोच्चे.. (पण अनाहिता नकळत त्यासाठी मदत / काम करतं हे ही खरंय..)

अनाहिताला माणूस म्हणल्याने बाधा येते ती इथे.. ती स्त्रियांसाठीचीच स्पेसिफिक फोरम आहे. सर्वांसाठी नाहीच. त्यात माज / गर्व / फायदा / सवलत इ काही नाही.. कुणी हिणवुन अनाहिताचा सतत उल्लेख करत रहावा असंही काहीच नाही..

साधी गोष्ट आहे हो.. अमेरिकेत जाऊन महाराष्ट्र मंडळ का स्थापन करता? सगळेच "माणुस" लेव्हलला आहेत ना.. मग??
तुम्हाला "तुमच्या सारख्या" लोकांशी बोलावं वाटतं.. तुमचे विचार, प्रॉब्लेम्स, राहणीमान इ ज्यांना जास्त चांगल्या पद्धतीने "रिलेट" करता येईल... ते नसतं तर तुम्ही काय जगुच शकत नाही का? पण असल्याने व्हॅल्यु अ‍ॅडीशन होते ना आयुष्यात.. तसंच अनाहिता आहे.. त्यासाठीच अनाहिता आहे..

तस्मात .. अनाहिता दालनाची गरज संपणे किंवा तिचं नाव माणुस होणे वगैरे स्त्री मुक्तीच्या चळवळीच्या यशाची लक्षणे नाहीत...

चांगला प्रतिसाद दिलात तुम्ही. आणि तो यसवायजींचा मौकावाला पण मस्त होता. आमची मजा उडवणारा होता पण मला मनापासून हसू आलं. दाद द्यावीशी वाटली. :D बरं ते असो. तुम्ही खुल्या दिलाने चर्चा करताय तर मोकळेपणाने सांगते काही गोष्टी.

मला स्त्रीपुरुष समानता याच्या तुमच्या व्याख्येत जरा वैचारिक घोळ वाटतोय. समानता ही त्यांना मिळणार्‍या वागणूकीत दिसायला हवी, त्यांनी एकमेकासमान वागावं हा थोडा विपर्यास होतोय. आता असं बघा दोन व्यक्ती एकाच जेंडर च्या असो वा नसो अगदी सक्खी जुळी भावंडं पण एकमेकांसारखी वागत नाहीत, वागूच शकत नाहीत. व्यक्ती तितक्या प्रवृती ! या व्यक्तींमध्ये स्त्रिया आल्या तसे पुरुष ही आले. आता स्त्री आणि पुरुष निसर्गतःच वेगवेगळी आहेत , एकसारखी नाहीच वागणार. हां एक सारखे नियम कुठे? परिक्षेत, ऑफिस मध्ये काम करताना. पण इतर वेळी एक व्यक्ती म्हणून वापरताना तुम्ही हे नियम नाही लावू शकत. कारण प्रत्येक व्यक्ती ही बालपण, घर, पालक, मित्र - मैत्रीणी, परिस्थिती, शिक्षण, आर्थिक स्थिती अशा अनेक गोष्टींचा परिपाक असते आणि त्यांच्या वागण्यात ते उमटत राहतं. आता स्त्रियांच्या बाबतीत त्यांच्या घरगुती जबाबदार्‍या, कधी शारीरिक क्षमता , कधी बाळंतपणासारख्या गोष्टी, कधी त्या निमित्ताने होणारे मानसिक बदल हे पण ग्रुहित धरायला हवेत. या गोष्टी त्यांच्या वागण्याला , स्वभावाला हात्भार लावतातच. पुरुषांच्या बाबतीत पण असतंच तसं. भारतीय पुरुष हे आपल्या कुटुंबासाठी प्रामुख्याने जबाबदार मानले जातात. तो ताण असतोच त्यांच्यावर. एखादा मुलगा बहिण आहे आईवडिलांचं बघायला म्हणून कदाचित स्वस्थ राहू शकणार नाही पण बहिण भाऊ नीट बघतोय या विचाराने बिनघोर पणे सासरच्यांची जबाबदारी उचलू शकते. आता किमान संवेदनशीलता असलेले लोकं यात ग्रुहित धरलेत हां, नाही तर पुन्हा नवीन वादाला तोंड फुटायला नको अजून १०० विरोधी उदाहणं सांगून. मी या प्रकाशात जेंव्हा माझा मामा बघते, भाऊ बघते तेंव्हा त्यांच्यावर नकळत असलेला ताण मला जाणवतो आणि मी त्यांना झुकतं माप देते. स्त्री आणि पुरुष खास करून भारतीय स्त्री पुरुष यांना हे झुकतं माप अधून मधून द्यायलाच हवं फक्त ज्याची त्याची ती परिस्थिती वेगळी. स्त्री ला तिच्या अशा खास समस्या असतात , पुरुषांना त्यांच्या. हा वेगळेपणा राहणार च ना? यात परस्पर विरोधी काही नाहीये हो.
आता याचा बाऊ करून एखादी स्त्री तुम्हाला म्हणायला लागली की मला परिक्षेत जास्त मार्क द्या, पगार जास्त द्या तर ते चुकीचं आहे. अशा पण बायका असतात, असे पुरुष पण असतात. पण इथे अनाहितात तसं कुणी करतंय का? तुम्हाला कुणी खास सवलत द्यायला सांगतंय का? नाही. आता अनाहिता हे दालन च खास सवलत आहे असा प्रतिवाद इथे अनेक जण करतायेत. पण मला व्यक्तिशः तसं वाटत नाही. तुम्ही विभागांची यादी दिलीत आणि यापेक्षा काय वेगळं असणार असं विचारलंय. मी याचं तपशीलात उत्तर देऊ शकते पण ते योग्य होणार नाही. एवढंच सांगते की वेगळे विषय असतात. ते बोलायला मेन बोर्ड हे योग्य व्यासपीठ नाहीये. सुज्ञपणे हे तुम्ही मान्य कराल अशी आशा करते. आता जे डबे बाहेर उघडण्याजोगे असतात ते बाहेर मोकळेपणाने शेअर करतोच की. मधुरा, सानिका, पै ताई, आरोही अनेकजणी लिहीतात , त्याला सगळेजण प्रतिसाद देतात. कधी कधी काही जणी आतमध्ये या विभागांपैकी एकात छान बसेल असा लेख लिहीतात, त्यांना बाहेर पण द्या असं प्रोत्साहन आवर्जून दिलं जातं. म्हणजेच तुमच्याशी फटकून वेगळा विभाग काढण्याचा उद्देश नाहीचे मुळी. तुमची मतं , वेगवेगळे दृष्टीकोन जाणून घेण्यात रस आहेच, त्याचं महत्त्व ही आहे. स्वरा सारख्या कितीतरी जणी आपल्या विनोदबुद्धीने सगळ्यांची दाद मिळवतात. त्यात पुरुषांशी कशाला मोकळेपणाने असल्या विषयांवर बोलायचं असला काही शिष्ठपणा नाहीये. तसा तुम्हाला वाटत असेल तर खेदाची बाब आहे.

तुम्ही म्हणाताय की ही सरळ सरळ कंपूबाजी आहे, तसं नाहीये पण. आता असं बघा आपल्या घरात पण आई, बायको, जाऊ अशी अनेक बायकांची नाती असतात. लग्न, सणवार, छोटे- मोठे समारंभ यात बायकांची लगबग चालू असते. आपापसात कुजबुज होते. काही गोष्टी सुज्ञपणे परस्पर ठरवल्या जातात. भावाचं लग्न झालं की कधी कधी बहिणीला वहिनी जवळची वाटते काही गोष्टी हक्कने बोलायला. लग्नाआधी आईशी तणतण करणारी मुलगी तिच्या भूमिकेत गेली की एकदम मऊ वागायला लागते. या गोष्टी आपण घरातल्य बायकांबद्दल समजून घेतोच ना. आता कृपा करून याचा अर्थ आम्ही आतमध्ये कुजबुजतो आणि काही तरी तशाच विषयांवर बोलतो असा अर्थ काढू नका. दैनंदीन जीवनातलं उदाहरण अशासाठी दिलं की रीलेट करायला सोपं जावं. आम्हाला वेगळं व्यासपीठ हवं असलं तर त्यात दुटप्पीपणा कुठे आला काही कळत नाही बुवा.

राहता राहिला अनाहिताचा अंक. अनाहितामध्ये असं काय चालतं नाही तरी डबेच खातात ना असा थोडा जो हेटाळणीचा सूर तुमचा पण लागलाय त्याला आम्ही कृतीतून सकारात्मक उत्तर देण्याचा प्रयत्न केला. काही तांत्रिक अडचणी सोडल्या तरी आणि त्या मिटल्यावर पण या सकारात्मक कृतीचा अनुल्लेखच केला गेला एक प्रकारे. हरकत नाही. तुम्ही मुद्दाम केलं नसेल ही पण अभिव्यक्तीला जर दाद मिळणार नसेल तर व्यक्त होणार्याला थोडं हिरमुसल्यासारखं होतं. ते समजून घेऊन जर तुम्ही वाचून दाद दिली असतीत तर तुमचाही सकारात्मक अ‍ॅटिट्युड दिसला असता पण तुम्ही मात्र मग काय तुमच्या अंकाचं नाव बदलायचं का अशा पुन्हा एकदा तोच शब्द वापरते हेटाळणणीच्या सुरात बोळवण केलीत. ती बोचली आणि त्यात चूक नाही वाटत मला काही. अनाहिताचा अंक काही आमचं कौतुक मिरवायला किंवा तुम्हाला काही तरी सिद्ध करायला काढला नव्हता. महिला दिनाच्या निमित्ताने सगळ्यांना आवडतील असे विषय घेऊन आम्ही काढलेला अंक होता तो. आणि विषय आपण्हून निवडलेले आहेत. इतकी प्रगल्भता सगळ्यांनीच दाखवलेली आहे.

इथे आपण जमतो वाचायला, नवीन काही शिकायला. जमलं तर सुख दु:खं वाटोन घ्यायला. सगळं मजेत चालू द्या. मला तरी तसंच जमतं नाही तर त्या मौका च्या प्रतिसादाची गंमत वाटली नसती. आता तुम्हाला हे तार्किक वाटेल की नाही माहिती नाही पण काही तर्क तुमचे चुकीच्या पायावर उभे आहेत असं वाटलं म्हणून आमची भूमिका स्पषट केली इतकेच.

काय म्हणतोस प्रगो बाकी औरंगाबादला कधी येणार आहात ?

-दिलीप बिरुटे

स्रुजा,अगदी हेच लिहायचं होतं मलाही..स्त्री-पुरुष समानतेची तुमची व्याख्या काय? हा प्रगोनी मला विचारलेला प्रश्न आहे असे ग्रुहित धरुन माझे दोन पैसे अ‍ॅड करतेय.

स्त्री -पुरुषांच्या इतिहासात भेदाची, भिन्नतेची खूप मोठी साखळी आहे. पण भिन्नता (difference ) आणि असमानता (inequality) दोन वेगवेगळ्या गोष्टी आहेत. स्त्री आणि पुरुष माणूस म्हणून एक आहेतच कि पण त्यांच्या व्यक्तिमत्वामधल्या अनेक गोष्टी त्यांना एकमेकांपासून वेगळं, भिन्न बनवतात. तसं बघायला गेलं तर एक माणूस ही दुसर्या माणसासारखा नसतो.
पण या Difference ला Inequality मानायला लागलं की श्रेष्ठत्व आणि कनिष्ठत्वाचे चे राक्षस थैमान घालतात.

स्त्री-पुरुष समानता म्हणजे दोघांना माणूस म्हणून चांगलं आयुष्य जगण्याची समान संधी मिळणं, दोघांना समान दर्जा मिळणं एवढंच मला वाटत नाही. याचा आवाका कितीतरी मोठा आहे. स्त्री असणं म्हणजे नाजूकता, भावनिकता .... इ. गुण असणं आणि पुरुष असणं म्हणजे साहस, बुद्धिमत्ता, महत्त्वाकांक्षा वगैरे वगैरे... असं काहीसं ढोबळ मानलं जातं ...
पुरुषी आणि बायकी म्हणवले जाणारे हे दोन्ही प्रकारचे गुण एकूण समाज-स्वास्थ्याच्या दृष्टीनं आवश्यक आहेत. पण दुर्दैवानं या दोन्ही प्रकारच्या गुणांचा समतोल कुठेही दिसत नाही, पुरुषी म्हणजे काहीतरी अफाट, श्रेष्ठ आणि बायकी म्हणजे काहीतरी निरर्थक असं काहीसं बघायला मिळतं. मुळात बायकी हा शब्दच फारसा आदराने घेतला जात नाही.स्त्री-गुणांचा, स्त्री असण्याचा आदर करणारी मानसिकता खूपवेळा दिसून येत नाही.
पुरुषी गुणांना प्रतिष्ठा आणि बायकी गुणांना दुय्यमत्व, कमी महत्वाचे स्थान का मिळतं याला उत्तर मिळत नाही.

अनाहिता ची आमची गरज याच "भिन्नतेवर" आधारित आहे असं सांगायचा आटोकाट प्रयत्न आम्ही गेली दोन वर्ष करतोय. पण ते तसं तुमच्या पर्यंत पोहचत नाहीये. आता हे आमचं अपयश आहेच, पण तेच तुमच्यातल्या बऱ्याच लोकांचा आडमुठेपणा देखील आहे.
अनाहिता शब्दावर वर केलेले विनोद आम्ही बऱ्याचदा हलके घेतो, त्यात कुठे हिणवण्याची "Ineuality" दिसली कि मात्र डोकं उठतं.

अनाहिता अंकाबद्दल पण तेच, अर्थात कुठे प्रतिसाद द्यायचे, कुठे नाही हा ज्याच्या त्याच्या आवडीचा, निवडीचा, आणि सवडीचा ही प्रश्न आहे.
अंक काढताना आता आपल्याला नावे ठेवाणार्या मेल्यांना दाखवूनच देऊ आम्ही अनाहीतात काय करतो ते!! असा आमच्या पैकी कोणाचाही इरादा नव्हता. अंकाची संकल्पना जेव्हा मांडण्यात आली तेव्हा, काहीतरी वेगळं, सकारात्मक करूया, आणि आता पर्यंत लिहित्या न झालेल्यांना लिहितं व्हायला भाग पाडुया हे दोन महत्वाचे अजेंडे होते. आणि हा अंक त्याच सगळ्याचा परिपाक आहे.
अंक प्रकाशित झाल्यावर त्याला मिळालेल्या प्रतिसादावरून अंकाकडे मुद्दाम दूर्लक्ष केलं जातंय हे लहान मुलाच्या ही लक्षात येईल अशी परिस्थिती होती. त्यामागे तुम्ही म्हणताय ती कारणे असतील ही पण, ती विश्वास बसण्यासारखी मला तरी वाटत नाहीयेत. जर तो अंक फक अनाहिता साठीच रिस्ट्रिक्टेड ठेवायचा असता तर तो "अनाहिता" मध्येच प्रकाशित झाला नसता का ?? तो होमपेज वर झळकवायची गरज नव्हतीच मग!! अंकाविषयी बऱ्याच संपादिका आणि पुरुष आयडी नी सुद्धा खरडफळ्यावर लिहीलं होतच, श्रीरंग जोशी ,स्वॅप्स, एक्का काका, आणि इतर बऱ्याच पुरुष सदस्यांनी खूप चांगले फीडब्याक दिले आहेतच. त्यामुळे access ची तुम्ही म्हणताय तितकी वाईट परिस्थिती असेल असं वाटत नाही.
पण आम्हाला मिपाकरांच हे वागणं धक्कादायक होतं. अनाहिता निर्माण होताना उडालेला धुरळा, प्रश्न, वादावादी,एरवी होणारी नोकझोक, हे सगळं तात्पुरतं आहे असा माझातरी समज होता. पण हे सगळं "अनाहिता अंक" फाट्यावर मारण्याइतपत सखोल आहे याचं भान आता येतंय.
अर्थात पुन्हा मुद्दा प्रत्येकाच्या choice चा येतोच त्यामुळे जास्त बोलण्यात अर्थ नाही. आणि त्या choice ला चुक बरोबर ठरवण्याचा ही कोणाला हक्क नाही.वाद घालणं तर खुप दुरची गोष्ट आहे.

अनुमोदन जरुर द्या . पण स्वतचा वेगळा विचार ही मांडा . घोळक्याने चालणे ही मेंढ्यांची मनोवृत्ती झाली .

आजवर मिपावर अनेक वेळा लेख आणि प्रतिसादांच्या रुपात मी माझे विचार मांडले आहेत. जिथे तिथे पिंका टाकायच्या म्हणून, सतत स्वतःचे वेगळेपण दाखवून द्यायची काही गरज वाटत नाही म्हणून, मला जे वाटले ते आधीच एका प्रतिसादात आल्याने, त्यावर फक्त सहमती दर्शवली. तुमच्यापर्यंत जे पोचायला हवं होतं ते पोचलं. बाकी मग आम्ही घोळक्यात असल्याने आमच्या स्वतंत्र विचारसरणीवर काही मर्यादा येत नाहीत आणि जिथे सांघिक कामगिरी महत्वाची ठरते तिथे आम्ही याचा योग्य वापर करतो. त्याला कंपूबाजी असे नाव पडल्यास, ती मेंढरांची प्रवृत्ती वाटल्यास नाइलाज आहे आणि आम्हाला त्याचा शश्प फरक पडत नाही. हे मी अनुमोदन देणाऱ्या सर्वच अनाहीतांच्या वतीने बोलते आहे.

आता स्त्री पुरुष समानता आणि अनाहीताची गरज - वर्षानुवर्षे चघळला गेलेला विषय. सृजाने दिलेला प्रतिसाद योग्य आहेच. शिवाय ही खूप सापेक्ष टर्म आहे. प्रत्येक बाईचे प्रश्न वेगळे आहेत आणि पूर्वीपासून चालत आलेली ही स्त्री-पुरुष समानता चळवळ अशी लगेच संपणारी नाही. जिथे आजही जाहिररीत्या बहिणीला जाळून टाकेन अशी भाषा करणारे लोक आहेत, क्षणाक्षणाला पुरुषांचे नकोसे स्पर्श आहेत, बायकांना सर्रास मारहाण करणारे नवरे आहेत, बायकांवर होणारे अत्यंत नीच पातळीचे विनोद चवीने चघळले जात आहेत, तिथे सरळ सरळ स्त्री ला किती कमी पातळीचे लेखले जाते हे दिसून येतेच. आमच्या दृष्टीने अनाहिता च्या माध्यमातून जे काही होतंय, ज्या कुणा स्त्रियांना मोकळेपणाने तिथे व्यक्त होऊन हलके वाटते आहे, ज्यांना कुणाला इथे लेख टाकला की वाईट साईट प्रतिक्रिया येतील याची भीती वाटत होती आणि हळूहळू सांघिक भावनेतून ती भीती दूर होऊन मुख्य बोर्डावर लेख येत आहेत, एका बंदिस्त दालनातून आम्ही जर आमच्या अशाच छोट्या छोट्या प्रश्नांना (मग ते घरातल्या स्त्री मुळे उद्भवले असतील तरीही) उत्तरे शोधण्यात यशस्वी होत आहोत, तर आमच्यापुरतं स्त्री -पुरुष समानतेच्या लढ्यातला तो खारीचा वाटा असेल, आणि आम्ही आनंदी आहोत. अनाहिता असावे की नसावे यावर पूर्वीपासून दोन मतप्रवाह आहेत आणि ते बदलणार नाहीत हे माहित आहे. त्यामुळे या विषयावर काही लिहिण्याची इच्छा नाही. याचा अर्थ प्रतिवाद करायला जमला नाही, सो कॉल्ड शुध्द आणि खणखणीत तर्क देता आला नाही असा घेतल्यास हरकत नाही.

प्रतिसादात हीन काय होते?

आधी जरा हे बघु. ८ मार्च ला अनाहिता विशेषांक प्रकाशित झाला. मुख्य बोर्डावर जरी हे लेख दिसले नाही, तरीही 'अनाहिता महिला दिन विशेषांक वाचण्यासाठी इथे टिचकी मारा' आणि 'डाऊन लोड करण्यासाठी इथे टिचकी मारा' हे सर्वाना दिसत असताना अपवाद वगळता कुणालाही एक साधे क्लिक करावेसे वाटले नाही याबाबत कौतुक करावे वाटतेय हो. एवढेही कुतूहल वाटले नाही कुणालाच? एरवी इथे मिपावरच 'काय असतं बरं अनाहीतात' यावर चर्चा रंगतात, मागे अजून किती रंगत असतील माहिती नाही, पोरगी पटाव शास्त्रावर जिथे लेख लिहिले जातात, खरड वह्यांमधुन उचकापाचक केली जाते, आणि मिपाबाहेर देखील समाजात अजून बरेच काही आहे ज्यात स्त्रियांच्या प्रत्येक बाबतीत (दुर्दैवाने तिचे शरीर) नको तेवढे लक्ष घातले जाते. तिथे स्त्रियांच्या लेखात/अंकात कुठे लक्ष घाला असे वाटून त्याकडे न बघणे, तेही फक्त एक क्लिक दूर असताना हे जामच कौतुकास्पद आहे हां.
उपरोध बाजूला ठेवून, ठळक पणे समोर अंक दिसत असताना, तो अनेकांकडून फेसबुक वरही शेअर झाला असताना, व्हॉट्सअ‍ॅपवर आलेला असताना, कुणी त्याकडे ढुंकून पहिले नाही हे पटण्यासारखे मुळीच नाही. तर ते एक असो. बरे मुख्य बोर्डावर अनेक स्त्रिया देखील लिखाण करतात. गेल्या काही दिवसात हे प्रमाण देखील वाढले आहे. त्यावर तरी आपण प्रतिसाद देता का? अर्थात कुणी कुठल्या लेखावर काय प्रतिसाद द्यावेत, हा सर्वस्वी त्या व्यक्तीचा प्रश्न आहे, पण केवळ मुख्य बोर्डावर आले नाही म्हणून पाहिले नाही हे काही समजले नाही.

आता आणि हे सगळे बघता, महिला दिनानिमित्त मिपावरील स्त्रियांच्या दालानातर्फे एक अंक प्रकाशित झाला, ज्यात स्त्रियांचे आरोग्य, प्रेरणादायी स्त्रिया आणि इतरही काही स्त्री केंद्रित विषयांशिवाय सर्वच पद्धतीचे उत्तम लेखन स्त्री लेखिकांनी केले. जर मुख्यप्रवाहात लेखन करावे हे अपेक्षित आहे असे तुम्ही म्हणता, तर मग या लेखनाबद्दल, वेगळ्या उपक्रमाबद्दल चकार शब्दही न बोलता, इनिच्या एका प्रतिसादाला फाटे फोडायला 'माणूस दिन विशेषांक' असे म्हणत लगेच प्रतिसाद दिले जातात, तेव्हा त्यात हिणवले गेल्यासारखे वाटते. आणि हेच खटकले, हीन वाटले. एखाद्या प्रतिसादाची पातळी हीन वाटण्यासाठी तो अश्लील, धमकी देणारा असावाच असे काही नाही. याहुन अधिक चर्चा करण्यात रस नाही.

अनाहिताज् जस्ट वॉना हॅव फन!

@ सूड सुटला , प्रगो अडकला>> पांडु-आला! :-D
उलाला उलाला उलाला! =))