Skip to main content

कविची गाडी

लेखक प्रदीप यांनी शनिवार, 28/04/2018 या दिवशी प्रकाशित केले.
कवि गाडीत बसून आहे गाडी सुसाट धावते आहे गाडी माणसांना तुडवते आहे हाडांच्या चिंध्या करते आहे शब्द हवेत फेकते आहे कल्पनांचे भुंगे सोडते आहे कवि गाडीत बसून आहे गाडी सुसाट धावते आहे 'शब्द बापुडे केवळ वारा' म्हणून गेला एक येडा त्या येड्याला काय ठावी जालाची किमया नाही गावी आता वाराही न दवडावी फुकटात 'काव्ये' प्रसिद्ध व्हावी कवि गाडीत बसून आहे गाडी सुसाट धावते आहे
काव्यरस
अविश्वसनीय
लेखनविषय:
वाचने 2331
प्रतिक्रिया 6

प्रतिक्रिया

पैसा शनिवार, 28/04/2018
जेसीबी आहे तो!! पुन्हा काही बोलले तर फट म्हणता ब्रह्महत्या व्हायची!

जव्हेरगंज रविवार, 29/04/2018
एक टायर तुटला आहे हेडलाईट फुटला आहे बंम्पर ठोकला आहे धुराळा उठला आहे तरीही, कवि गाडीत बसला आहे

नाखु सोमवार, 30/04/2018
तोच चंद्रमा आहे फक्त हौस म्हणून गाडी रणगाडा ते जैसीबी व्हाया डंपर बदलत आहे. गाडी सुसाट वेगाने पुढे जात आहे, सांडलेल्या शब्दांतून नवकविता (ऊ) जुळून येत आहे प्रेक्षक नाखु

खिलजि बुधवार, 02/05/2018
मस्तय गाडी,,, जेसीबी डंपर ट्रक आणि बरंच काही सिद्धेश्वर विलास पाटणकर

राजेंद्र मेहेंदळे बुधवार, 02/05/2018
मस्तय गाडी किवा जेसीबी किवा ट्रक किवा डंपर आमच्यासारख्या फुकट्या वाचकांचे मनोरंजन चाललेय जोवर