Skip to main content
साहित्य
२ मक्याची कणसे [मी अमेरिकन स्वीट कॉर्न वापरली, पण मिळाली तर देशी वापरा]
२ हिरव्या मिरच्या
१ वाटी दूध
हिंग, जिरं आणि मोहरी, फोडणी साठी
१ चमचा धने पावडर
१/२ चमचा जिरेवण पावडर [नसल्यास, थोडा गरम मसाला आणि चाट मसाला एकत्र करून]
१ चमचा हळद
१ चमचा लाल तिखट [मी काश्मिरी लाल मिरची पावडर वापरली, का ते खाली लिहिलंय]
१ चमचा साखर
मीठ चवीनुसार
२ मोठे चमचे तेल (चालत असल्यास तूप)
सजावटी साठी बारीक चिरलेली कोथिंबीर, किसलेले खोबरे, लिंबाची फोड, बेदाणे (ऐच्छिक, मी नाही वापरले)
कृती
खरं तर आपण फोडणी देऊन मक्याचा किस करतोच, पण ह्या इंदोरी पद्धतीत, दूध घालून मक्का शिजवतात असं वाचलं, म्हणून मग करून बघितली. हा भुट्टे का कीस इंदोर ला स्ट्रीट फूड म्हणून बराच प्रसिद्ध आहे. हा मक्याचा किस तसा अगदी पिवळा धम्मक असतो, पण मला थोडं प्लेटिंग आणि प्रेझेंटेशन आपल्या भारताच्या तिरंग्या च्या रंगसंगतीवर करायचे होते, म्हणून मग काश्मिरी लाल मिरची पावडर घालून, तो केशरी रंगाचा करायचा प्रयत्न केला. मिरच्या आणि लाल तिखट तुमच्या आवडीनुसार कमी/जास्त करू शकता.
कणसं किसून घ्या. त्याचा साधारण २ वाटी किस निघेल. एका नॉन स्टिक भांड्यात तेल/तूप तापवून, हिंग मोहिरी आणि जिऱ्याची फोडणी करा. फोडणीत हिरव्या मिरच्या घालून त्या थोडा वेळ परतून, मग त्यात मक्याचा कीस घालून हे मिश्रण मंद आचेवर ४ ते ५ मिनिटे परतून घ्या. ह्यात धने पावडर, हळद आणि तिखट घालून मिश्रण पुन्हा परतून घ्या. भांड्यावर झाकण ठेऊन मंद आचेवर साधारण १० ते १५ मिनिटे हे शिजू द्या. अधून मधून परतत राहा.
आता पातेल्यात दूध घालून मिश्रण पुन्हा एकजीव करून घ्या. हे दूध घातलेले मिश्रण मंद आचेवर चांगले २० ते ३० मिनिटे झाकण ठेऊन शिजू द्या. अधून मधून मिश्रण हलवत राहा. मिश्रणाचा गोळा होत आला कि गॅस बंद करून, झाकण काढून हे मिश्रण गार करून घ्या.
मिश्रण गार झाल्यावर, ते हातानं कुस्करून, रवाळ करून घ्या. गार करून असे केल्याने कीस छान दाणेदार आणि सुटा होतो. पुन्हा भांडे मंद गॅस वर चढवून, ह्यात साखर, चवीनुसार मीठ घालून झाकण ठेऊन कीस अजून ५ ते १० मिनिटे वाफवून घ्या. अधून मधून पाण्याचा हबका मारा, म्हणजे तो खालून लागणार नाही, आणि छान मऊ राहील. शेवटी वरून थोडीशी जिरेवण पावडर पेरून गॅस बंद करून टाका.
खायला घेताना, वरून, कोथिंबीर, किसलेले सुक्के खोबरे (ओले सुद्धा चालेल), आणि लिंबू पिळून खायला घ्या. हवे असल्यास बेदाणे सुद्धा घालू शकता.
वाचने
15296
प्रतिक्रिया
27
मिसळपाव
प्रतिक्रिया
दिसायला मस्त दिसतोय - तुम्ही
धन्यवाद!
In reply to दिसायला मस्त दिसतोय - तुम्ही by माझीही शॅम्पेन
फोटो वंटास आलेत.
धन्यवाद!
In reply to फोटो वंटास आलेत. by विशुमित
छान दिसत आहे. इथे बाजारात
देशी कणसे
बरं, असा करून बघितलंय का
In reply to देशी कणसे by अभिदेश
हो
In reply to बरं, असा करून बघितलंय का by केडी
ट्राय करून बघणेत येईल.
तुम्ही मला एका दिवसात काय काय
या तर खर डॉक, मग करू, आणि एकच
In reply to तुम्ही मला एका दिवसात काय काय by डॉ श्रीहास
वा!!!
हाहाहा....
In reply to वा!!! by जेम्स वांड
भारी!
:-)) तरी राहिलाच काही ठिकाणी
In reply to भारी! by पैसा
मस्त आवडता पदार्थ!इंदोरि
मुक्याचा किस ( द्विरुक्ती झाली वाटतं ).... स्वारी मक्याचा कीस
मक्याचा कीस आवडला. फोटू
वा ..
तू तुझा मोबाईल बदल किंवा
In reply to वा .. by सविता००१
तूमच्या रेसिपीज
धन्यवाद!
In reply to तूमच्या रेसिपीज by झेन
तूमच्या रेसिपीज
सुंदर फोटो
अत्यंत आवडता
देशी कणसांचा कीस जास्त चवदार
In reply to अत्यंत आवडता by मनिमौ
सुंदर फोटो!