नमस्कार, गेली अनेक वर्षे मी जमेल तसे बिछान्यात लोळत आहे आणि लोळत असताना मिसळपाववरचे लेख वाचत आहे. यादरम्यान एक गोष्ट लक्षात आली, मिपावरील लेख वाचता वाचता किंवा आपल्या जोडीदाराच्या संगतीने अनेक लोकांना बिछाना गाठावासा वाटतो आणि बहुदा अशा एखाद्या ट्रिगर मुळे अनेक लोक मस्तपणे आणि नियमीतपणे आराम करतात. मला स्वप्नातून अनेकजण झोपेबद्धल प्रश्न विचारतात आणि तेथेही पुढील प्रगती कळवतात. आरामाचे फायदे येथे कोणाला समजावून सांगावेत अशी परिस्थिती नक्कीच नाही. तसेच आपल्या सर्वांच्या व्यस्त दिनक्रमामुळे अनेकदा इच्छा असूनही पुरेसा आराम मिळत नाही हे ही तितकेच खरे आहे. मग आपण या धाग्यावर "आज केलेला आराम" नोंदवत राहूया. आराम करणे आवश्यक आहे मग तो कोणत्याही प्रकारे करा. वामकुक्षी घ्या, पहाटेची साखरझोप घ्या, घोरा, अस्ताव्यस्त पसारा, शवासन करा, गादीवर नुसतेच लोळा पण नियमीतपणे काहीतरी करा आणि येथे नक्की नोंदवा. आपल्यामुळे आणखी बरेच लोक प्रोत्साहन घेतील आणि आरामाला नक्की सुरूवात करतील. मग... आज किती आराम केला..? ************************************************************** काही डिस्क्लेमर्स. १) या धाग्याचा उद्देश "जास्तीतजास्त लोकांनी आराम करावा" इतकाच आहे. २) आपल्या आरामाच्या अनुषंगाने अनेकांना अनेक शंका असू शकतात त्या येथे बिन्धास्त विचारा. मिपाकर भरपूर झोपाळू आहेत आणि अनेक वेगवेगळ्या प्रकारात निष्णात आहेत. माझीही शँपेन: हाफ / फुल पँट्स घालून मॅरेथॉन लोळतो, झोप्लाभट नियमीतपणे डुलक्या घेतो, निद्रेंद्र, श्रीघोरुजी, केडी (म्हणजे कायम डुलक्या), आनंदी झोपाळ असे अनेक मुरलेले रेस्टिस्ट लोक आहेत. डॉक्टर घोरे आणि डुलक्याकाका निद्रानाशावर उपाय सांगतातच. अशा अनेक अनुभवी लोकांना आपले अंथरूण पसरण्यासाठी उद्युक्त करूया. ३) ही कोणतीही स्पर्धा नाहीये त्यामुळे स्वतःशी प्रामाणिक राहून येथे नोंदी करा. फायदा तुम्हालाच मिळणार आहे. :) ************************************************************** टीप - येथे अवांतर पोस्ट शक्यतो टाळाव्यात. बाकी संपादक मंडळ व चालक-मालक समर्थ आहेतच. :)