************************
************************
लेह मध्ये पोहोचून पुरेशी विश्रांती झाली होती. वातावरणाला सरावलो होतो, आता फिरायला बाहेर पडायला काही हरकत नव्हती.
आज भेट द्यायची होती जगप्रसिद्ध पँगाँग लेक ला.
३ इडीयट्समध्ये याची झलक बघायला मिळाली आणि नंतर याबद्दल बरेच ठिकाणी भरपूर काही लिहिले गेले आहे, त्यामुळे नमनाला घडाभर तेल न घालवता सरळ म्येन मुद्द्यावर येतो. ;)
आम्ही आज पँगाँग लेकला भेट देणार होतो..!!!!!!
सगळे सामान गाडीवर लोड केले, सोबतच्या फौजी मंडळींनी भरपूर सुचना दिल्या आणि सोबत ब्रेड जॅम वगैरे खाद्यपदार्थ दिले. त्यांना उद्या परत येतो असे सांगून सकाळी सकाळी निघालो.
लेह ते कारू हा या दोनच दिवसांपूर्वी पार केलेला रस्ता आज पुन्हा पार करायचा होता. फारसे काही न घडता तो ३५ किमीचा रस्ता संपवून कारूला पोहोचलो आणि डावीकडे टांगत्से, दुर्बुक कडे गाड्या वळवल्या.
थोडे अंतर कापतो न कापतो तोच BRO वाले जवान सामोरे आले. रस्त्याचे काम सुरू होते.
मागे वळून पाहिले तर मागे पण बुलडोजर घरघरू लागला होता.
अंतर आणि उंची दाखवणारा हा फलक..!
थोडी थोडी हिरवळ दिसत होती.
तोच भाग.. थोड्या उंचीवरून..
BRO.
बुलडोजरने दगड खाली ढकलून झाल्यानंतर हे जोडपे हाताने दगड उचलून टाकू लागले.
"चांग ला" जवळ आल्याची झलक दिसू लागली होती.
हिमस्खलन क्षेत्र.
आता अशा रस्त्यांची सवय झाली होती.
"चांग ला"
बर्फाचा सडा शिंपल्यासारखे डोंगर सजले होते.
MIGHTY CHANG LA - MIGHTY BULL....!!
चांग ला बाबा..
काहवा.
येथे एक काका भेटले, गाडीवरून आलो आहे म्हटल्यावर गप्पा मारू लागले. मराठीचा पुरेपूर लहेजा चढवलेल्या हिंदीत काका बोलू लागताच मी सरळ त्या काकांना "मी पण महाराष्ट्रातलाच आहे" असे सांगून त्यांची मराठी-हिंदी लढाई थांबवली व झकास मराठीमध्ये गप्पा झाल्या.
तेथील भु भु पण अंगावर भरपूर केस बाळगून होते.
काहवा मुळे थंडीत फारसा फरक पडला नाही.. पुन्हा गाडीवर स्वार झालो. पुढे लेह भागामध्ये नेहमी दिसणारी दृष्ये दिसू लागली..
अचानक तो निळा तुकडा दिसला...!!!!!!!
आजुबाजूचा परिसर जबरदस्त होता..!!!
ट्रक दिसतो आहे का..?
यथावकाश लेक जवळ पोहोचलो.
रँचो कॅफे, ३ इडीयट्स कॅफेची रेलचेल होती.
एक रूम बघितली, सामान टाकले आणि भटकायला बाहेर पडलो. रूम लेक शेजारीच असल्याने निळेशार पाणी सतत दिसत होतेच.
पुढचे फोटो बघून लक्षात येईलच..!!!
३ इडीयट्स पॉईंटवर भरपूर गर्दी होती.
शेवटी थोड्या वेळाने रूमवर परतलो. रात्रीसाठी हॉटेलवाल्या मुलीला "तुम्ही जेवता ते जेवायचे आहे" असे सांगितले होते
त्यावर तिने सांगितले की ते लोक जे जेवतात ते आपण खाऊ शकत नाही. तरीही आम्ही आग्रहाने त्यांची स्पेशल डिश बनवण्यास सांगितली.
"टिमोक" आणि आलू-मटर.
टिमोक हे कणकेचे उकडलेले गोळे होते. आत काहीही स्टफिंग नव्हते. ते खाणे अशक्य झाल्यानंतर भात मागवला. ;)
बादवे, या टिमोक मुळे आणखी एक फायदा झाला. रात्री अडीच वाजता उठावे लागले आणि तारे व चांदण्यांचे अप्रतीम दर्शन झाले.
****************************************
दुसर्या दिवशी उठलो, आवरले व सकाळी खादाडी करून लेह कडे निघालो.
स्वच्छ उन्हातला रस्ता. मातीचे डोंगर जागोजागी दिसत होते.
विजय आणि रोहित.
त्या संपूर्ण रस्त्यावर एखादाच हिरवाईचा तुकडा दिसत होता.
वाटेत अचानक राजस्थानची आठवण करून देणारा वाळवंटी भाग लागला.
पुन्हा चांग ला बाबा कडे...
चांगला ला टीशर्ट, कीचेन, टोप्या वगैरे खरेदी केली आणि पुन्हा लेहकडे कूच केले.
"चांग ला" चांगलाच मागे पडला होता.
येथे परतताना एक मजा झाली.
मी आरामात घाट उतरत असताना अचानक एका वळणावर दोन बुलेट पार्क केलेल्या दिसल्या आणि दोन कपल, चौघांनी हात केला व मला थांबवले.
"पानी है पिनेको..?"
त्यातल्या एका कन्येची तब्बेत बिघडली होती.
मी लगेच सॅकमधून रिझर्व पाणीसाठा बाहेर काढला आणि त्यांच्या स्वाधीन केला. ती थोडी सावरल्यावर मी त्यांना थोड्या सुनावण्याच्या सुरातच विचारले की अशा रस्त्यावर पाणी वगैरे का सोबत ठेवले नाही?? त्यांनी सांगितले की त्यांचा मोठा ग्रूप एकत्र आला होता आणि यांनी सगळे (स ग ळे) सामान टेम्पो ट्रॅव्हलरमधून पुढे पाठवले. ज्यात पाणी आणि इतर खाद्यपदार्थही होते. __/\__
तोपर्यंत विजय व रोहितही येवून पोहोचले आणि एकंदर रागरंग बघून खाऊसाठा बाहेर काढला. मग ते चौघे आणि आम्ही निवांत गप्पा मारत बिस्कीट, बाकरवडी, चिक्की वगैरे पदार्थ पोटात ढकलू लागलो.
त्या मुलीची हुशारी वाटू लागल्यानंतर आंम्ही पुढे निघालो.
कारूला पोहोचलो. तेथे एक म्युझीयम बघायचे होते. मात्र आर्मीवाल्यांकडून वेगवेगळी माहिती मिळाल्याने ते म्युझीयम पाहता आले नाही.
कारू - लेह प्रवासात रस्त्याकडेला एक मोऽऽऽऽठ्ठा वाळवटी सपाट प्रदेश असलेला पॅच लागतो.
यथावकाश लेह ला पोहोचलो.
क्रमशः
प्रतिक्रिया
26 Sep 2016 - 9:25 pm | खटपट्या
अधी अधाशासारखे फोटो बघून घेतले...
बाकी नंतर वाचतो
26 Sep 2016 - 9:27 pm | खटपट्या
ते चूमूक आहे ते मांजर कींवा भूभू मुटकूळी मारुन बसल्यासारखं वाटतंय... :)
26 Sep 2016 - 9:29 pm | मोदक
=))
=))
=))
=))
26 Sep 2016 - 9:51 pm | माम्लेदारचा पन्खा
काय ते अनुभव....चुमुकने चमक दाखवलीच शेवटी !
27 Sep 2016 - 1:13 am | निशाचर
पुभाप्र.
27 Sep 2016 - 1:20 am | वरुण मोहिते
आधी एकदा घरच्यांसोबत गेलो आहे पण तेव्हा लहान होतो.. आता मित्रांसोबत जायची इच्छा आहे बघूया कधी योग जुळून येतो तो .
27 Sep 2016 - 6:42 am | कैलासवासी सोन्याबापु
कुत्री - ती केसाळ कुत्री तिबेटीयन मस्टीफ जातीची असतात, कलुंगी अर्धपोटी असल्यामुळे ती तशी दिसत असतात, जर निगुतीने पाळली तर ती जगातली एक लारजेस्ट डॉग ब्रीड आहे, अतिशय चौकस अशी ही कुत्री हिम-बिबट्या , लांडगे इत्यादीपासून रक्षण करतो अन खालील प्रमाणे सणसणीत दिसतो
27 Sep 2016 - 9:35 am | रातराणी
बापरे! हा कुत्रा आहे?
मोदकरावांचे लेखन आणि फोटो नेहमीप्रमाणे अप्रतिम!
5 Oct 2016 - 1:03 pm | इशा१२३
हेच मनात आले.हे कुत्र आहे? सणसणीतच ..
27 Sep 2016 - 8:15 am | मराठमोळा
मस्त सफर.. फोटो फार आवडले. _/\_
27 Sep 2016 - 10:46 am | नाखु
अगदी २०% च फोटो का दिसतायत.
मोदकच्या धाग्यावर फोटो दिसण्यसाठी कुठे नवस बोलावा?
वेगळा काथ्याकूट टाकू का इथेच उप काथ्या कुटू का त्वरीत कळवावे.
नितवाचक नाखु
27 Sep 2016 - 10:54 am | मोदक
याला काय करावे ब्वा?
27 Sep 2016 - 7:16 pm | स्थितप्रज्ञ
रिलायन्स जियो च्या लाईन मध्ये थांबावे लागेल.
टीप: मी अंबानी कडे कधी जेवण केले नाही. त्याला ही कधी खायला घातले नाही.
27 Sep 2016 - 10:57 am | महासंग्राम
वाह बढिया मोदक राव,, फोटू पाहून मन तृप्त झालंय
27 Sep 2016 - 11:02 am | नीलमोहर
भारी !!
27 Sep 2016 - 11:03 am | आदूबाळ
ये बात! झकास.
बापूसाहेबांच्या फोटोतला कुत्रा पूर्वजन्मी सिंह असावा.
27 Sep 2016 - 1:03 pm | संजय पाटिल
सहमत
27 Sep 2016 - 1:06 pm | पद्मावति
खुप मस्तं.
27 Sep 2016 - 7:20 pm | स्थितप्रज्ञ
अंतर आणि उंची दाखवणाऱ्या फळ्यावर अंतर अगदी शतांशापर्यंत मोजलंय की!!!
बाकी लेख आणि फोटुज् एकदम झकास ऍज युज्वल...
27 Sep 2016 - 7:34 pm | स्वाती दिनेश
मस्त फोटो!
ही लेखमाला वाचते आणि पाहते आहे,
स्वाती
27 Sep 2016 - 11:26 pm | anarkali
टीमोक दिसत आहेत ते कणकेचे उकडलेले गोळे ,खरा आहे avaghad जात : ))फोटो मस्त , आत्ताच जुलै मध्ये markha वेली ट्रेक केला होता . थुक्पा छान होता ,
28 Sep 2016 - 9:59 am | गणामास्तर
झकास चाललीय वारी !
मला मोबल्यावरून दिसले सगळे फोटो, पीसीवरून फक्त दोनचं दिसत आहेत.
29 Sep 2016 - 5:59 am | मदनबाण
फोटू पाहुनच समाधान झाले !
मदनबाण.....
आजची स्वाक्षरी :- दिल ले डूबा मुझको अराबिक आँखों में आज लूटा लूटा मुझको फ़रेबी बातों ने... :- AIRLIFT
29 Sep 2016 - 10:07 am | सुबोध खरे
आपले लेखन आणि फोटो फारच छान आहेत. आणि आपल्या पुण्यापासून लेह पर्यंत बुलेट वर जाण्याच्या धाडसाला ही सलाम.
जाता जाता --या सर्व सहलीला साधारण खर्च किती आला आणि किती दिवस लागले?
5 Oct 2016 - 12:23 pm | प्रसाद_कुलकर्णी
सगळी प्रकरणे वाचायला 2 तास गेले पण ते 2 तास सार्थकी लागले.. मी पण यांच्या बरोबर लेह ला जाऊन आलो... खूपच छान शब्दात संपूर्ण प्रवासाचे वर्णन केले आहे... फोटो पण सुंदर आले आहेत.. आम्हाला कधी योग आला तर आणखी मार्गदर्शनाची अपेक्षा :) धन्यवाद _/\__/\_
5 Oct 2016 - 1:04 pm | इशा१२३
लेख आणि फोटो दोन्ही सुंदर!
5 Oct 2016 - 1:04 pm | इशा१२३
लेख आणि फोटो दोन्ही सुंदर!
5 Oct 2016 - 2:45 pm | केडी
आता वाचून काढला. फोटो मस्त आलेत सगळेच. तू ते चुमुक म्हणतोय ते बहुदा तिगमो (उच्चार तिममो) हा तिबेटियन पदार्थ असावा. शापता (एक तिखट व्हेज किंवा नॉन व्हेज करी) बरोबर खायला देतात.
बाकी मस्त चालली आहे लेख मालिका. पुभाप्र!