मला हे प्रकार रुचत नाहीत, त्यात डोके थोडे तापट पडते, माझ्या मुलाने/मुलीने असे केल्यास मी काय करेल?? माझेच संस्कार कमी पडले म्हणून I shall get into my full dress, ask for forgiveness to my beloved country, constitution, god and force after which I shall eat up my standard issue Beretta .45 pistol. कोणाला बोल लावायला नको, अन कोणाचे अनैतिक वागणे जनरेशन गॅप किंवा लिबरल विचार, स्त्रीवाद, पुरुषाचे व्यक्तिस्वातंत्र्य नामक गोड़ मुलामे देऊन स्वतःही गिळायला नको.

खरे डॉक्टर, मला वाटतं की शृंगापत्तीतून सुटण्यासाठी तुमच्या डॉक्टर मित्राने सरळ रुपलीशी आपणहून संवाद साधावा. अर्थात तिच्या घरच्यांच्या नकळत. त्यावेळेस स्पष्ट करावे की मी माझ्या व्यावसायिक शपथेशी बांधील आहे म्हणून. आणि गप्प बसावे. रुपालीच्या सासऱ्याला फसवल्याची भावनाबिवना मनातून काढून टाकावी. या बदल्यात रुपालीकडून दोन वचनं अवश्य घ्यावीत. १. जर तिने तिची पार्श्वभूमी तिच्या घरच्यांना सांगितली, तर त्या डॉक्टरमित्राचं नाव कुठेही येत कामा नये. २. जर तिने तिची पार्श्वभूमी तिच्या घरच्यांना सांगितली, तर त्या डॉक्टरमित्राला या बदललेल्या परिस्थितीची कल्पना द्यावी. रुपाली कशीही असली तरी प्राप्त परिस्थितीत विवाह टिकवण्यास प्राधान्य द्यावे. आ.न., -गा.पै.

अनुप ढेरे, >> आणि याहून पुढे, विवाहपूर्व संबंध ही चूक कशी? आणि याहून पुढे, विवाह करायचाच कशाला? आ.न., -गा.पै.

प्रश्न फक्त योनिशुचितेचा नसून वृत्तीचा पण आहे. वयाप्रमाणे आकर्षण वाटणे स्वाभाविक आहे परंतु या केसमध्ये हे निव्वळ शारीरिक आकर्षण ठरेल. एकाच ऑफिसमध्ये काम करत असल्याने त्या मुलाचा साधारण पगार आधीपासूनच माहित असेल. परिणामांची जाण असूनही तिने संबंध ठेवले आणि वेळ आल्यावर त्या मुलाला डच्चू देऊन टाकला. लग्नाआधी मूल नको म्हणून गर्भपात करून घेतला असं पण असू शकेल. कशावरून लग्नाकडे ती एक सुरक्षिततेचा उपाय म्हणून बघत नसेल? त्यामुळे तिने हे लग्नाआधी आधी नवऱ्याला सांगितले आहे का महत्वाचं आहे. लग्न झाल्यावर ती परत त्या आधीच्या मुलाकडे आकर्षित होणार नाही याची खात्री काय? नकळत होईना पण तिच्या मनात जर तुलना सुरु झाली आणि त्यातून तिला वाटायला लागले की आधीचा मुलगा नवऱ्यापेक्षा काही बाबतीत सरस आहे तर मग काय होईल?

एरवी संयमित आणि आधुनिक मतं असणार्‍या खरेकाकांचा हा लेख बघून खरं तर आश्चर्य वाटलं. पण नंतर स्पष्ट झालं की लेखातले विचार त्यांचे स्वत:चे नसून त्यांच्या मित्राचे आहेत. मला यात कुठेही फसवणूक वाटत नाही. रुपालीचे जे होते ते लग्नापूर्वी होते. लग्नानंतरही हे संबंध टिकून असते अथवा तो गर्भपात लग्नानंतरचा असता तर त्या घटनेला फसवणूक म्हणता आली असती. तसंही तेव्हा 'चुकून' गरोदर राहिली नसती तर तिचे लग्नापूर्वी कोणाशी आणि कसे संबंध होते हे कळण्याची काहिच शक्यता नव्हती. मला तर अशीच शक्यता जास्त वाटते की ती पुन्हा त्या आधीच्या मित्राकडे जाणं दूर, त्याचा विचारही करणार नाही. हे हवेत मारलेले तीर नसून अनेक जवळच्या मित्र-मैत्रिणींची उदाहरणे बघून बनलेलं मत आहे. अनेक वर्ष एकत्र (लग्न न करता एका घरात दोघेच) राहिलेल्या मुला-मुलींना नंतर वेगवेगळ्या ठिकाणी लग्न करून सुखाचा संसार करताना बघतेय. अर्थात ८-१० वर्षांपूर्वी या उदाहरणांत मराठी मुलींचं प्रमाण खूप कमी होतं, आताचं माहिती नाही.

लग्नापूर्वी शरीर संबंध ठेवणे म्हणजे काहीतरी महापाप आहे असा एक (गैर)समज आपल्याकडे आहे. आणी असे संबंध ठेवण्याची संधी न मिळाल्याने राहिलेले (तथाकथित सज्जन) ठीगभर. लग्नापूर्वी पण ज्याला जी मजा करायची असेल ती त्याने बिनधास्त करावी. फक्त लग्न करण्यापूर्वी आपण काय काय मजा केलीय ते सर्व भावी नवऱ्याला / नवरीला सांगून टाकावे (विचारले नसेल तरीही). नाहीतर अचानक अशा गोष्टी बाहेरून समजतात आणी दोन कुटुंबाच्या आयुष्याची राख रांगोळी होऊ शकते.

या प्रकरणाची लग्नापूर्वी अअसुरक्षित शरीर संबंध ठेवलेले आहेत , यातून एसटीडी होउ शकतात. हेल्मेट प्रबोधन किती गरजेचे आहे हे लक्षात येते.

I admire the discussion on this thread. This kind of discussions is one of the reasons that i come to MiPa.

मला तर हा प्रकार इसापनीती का पंचतंत्रातल्या तत्सम "राजा के सर पे सिंग" ह्या कथेतल्या सारखा वाटला. स्वतःला माहीती असलेली रहस्ये इतरांना सांगणे ही माणसाची सहज प्रवृत्ती आहे. केवळ तुला म्हणुन सांगतो कुणाला सांगु नको अशी प्रस्तावना करुन बरीच रहस्ये मित्रमंडळीत ही उघड गुपिते ठरतात. इथेही हाच प्रकार झाला आहे. माणसाच्या सहजप्रवृत्तीने डॉ.मित्राने केवळ तुला म्हणुन सांगतो म्हणुन डॉ.खरेंना पोटात लाथा मारणारे रहस्य सांगितले डॉ.ने ते नाव गाव गोपनीय ठेवुन आपल्याला सांगितले. हे ही झाले नसते तर यदाकदाचित त्या डॉ मित्राने वा डॉ.खरेंनी उद्या आत्मचरित्र लिहिले असते तर त्यात व्यावसायिक नीतीमत्ता ह्या प्रकरणाखाली हे उदाहरण मांडले असते.

ते डॉ. गुजराथी आहेत हे स्पष्ट झाले नसते तर बरे झाले असते असे वाटतय. कोणता तरी प्रतिसाद स्कोअर सेटलमेंट सारखा वाटतो. त्याचा राग येतो़ मग आपली बाजू जोरात मांडण्यासाठी आणखी नवीन माहिती सादर केली जाते. असो. या आभासी जिवनात न गुंतता वावरता आले व त्याचा उपयोग प्रत्यक्ष जिवनात करता आला तर काय मजा येईल नाही का?

लग्नापूर्वी शरीरसंबंध असणे ही गोष्ट आजच्या काळात नवीन किंवा आश्चर्यजनक नक्कीच नाहीये. तरीही आपल्या समाजात ती सहजपणे स्वीकारली जात नाही. मला वाटतं डॉक्टर साहेबांचे मित्र स्वभावाने जास्त भावनाप्रधान आहेत. कारण अशी माणसं प्रत्येक गोष्टीत खूपच इन्व्हॉल्व्ह होतात. इथे तर त्यांच्या जवळच्या मित्राच्या बाबतीत हे घडलं असल्याने आणि त्याची त्यांना पूर्वकल्पना असल्याने त्यांना अपराधी वाटत आहे. पण ते तर त्या मुलीला लग्नाच्या रिसेप्शनला भेटले, तोपर्यंत त्यांना कल्पनाही नव्हती, त्यामुळे ह्यात त्यांचा काहीच दोष नाही. ज्याप्रमाणे त्या मुलीने त्यांच्याकडे दुर्लक्ष केले तसे त्यांनीही करावे. तसेच आपल्या व्यवसायाचं कारण देऊन मित्राकडे जाणं कमी करू शकतात.

या मुलीने जाणूनबुजून लग्नाआधी शरीरसंबंध ठेवले आहेत. ज्याच्याशी शरीरसंबंध ठेवले आहेत त्याच्याशी लग्न करायचे नाही कारण तो पैसेवाला नाही, हे देखील पक्के ठरलेले आहे. शरीरसंबंधातून गर्भधारणा झाल्यावर मूल नको म्हणून तिने गर्भपात करून घेतला व नंतर दुसर्‍याच मुलाशी लग्नही केले. ज्या डॉक्टरने गर्भपात केला त्याच्याच मित्राची ही सून झाली. आपल्या मित्राला सांगावे का नाही या संभ्रमात तो आहे. सांगितले तर रूग्णाच्या गोपनीयतेची शपथ मोडली जाते व नाही सांगितले तर मित्राची फसवणूक झालेली आहे व आपल्याला माहिती असून आपण मित्राला सांगितले नाही ही खंत मनात आहे. माझ्या दृष्टीने यात रूग्णाची गोपनीयता मोडण्याचा प्रश्नच उद्भवत नाही. मुळात ही मुलगी रूग्ण नव्हतीच. तिला कोणताही आजार नव्हता. गर्भातील बाळात जन्मतःच गंभीर दोष असणे, बाळाचा जन्म आईसाठी धोकादायक असणे, बलात्कारातून गर्भधारणा होणे, आईवडीलांना असलेले रोग (उदा. एचआयव्ही) बाळामध्ये संक्रमित होण्याची शक्यता असणे असे गर्भपातासाठी कोणतेही सबळ कारण तिच्याकडे नव्हते. जरी गर्भपात हा कायदेशीर असला तरी सबळ कारणाशिवाय गर्भपात करणे हे निदान माझ्या दृष्टीने तरी एका जीवाची हत्या करण्यासारखेच आहे. या डॉक्टरला गोपनीयतेची शपथ मोडण्याची खंत वाटत होती. त्याऐवजी सबळ कारणाशिवाय गर्भपात करण्यात सहभागी झाल्याची खंत वाटायला हवी. ही मुलगी मुळात रूग्णच नसल्याने रूग्णाच्या गोपनीयतेची शपथ मोडण्याचा प्रश्नच उद्भवत नाही. त्याने आपल्या मित्राची फसवणूक टाळण्याकरिता मित्राला सत्य सांगायला हवे होते. अर्थात, मुलीने मुलाला पूर्वकल्पना दिली असेल तर कोणालाच काही आक्षेप असण्याचे कारण नाही. ज्या मुलीला लग्नाआधी वेगळ्याच मुलाशी शरीरसंबंध ठेवायची सवय आहे व जिच्या दृष्टीने पैसा सर्वाधिक महत्वाचा आहे, ती मुलगी भविष्यात अशाच तर्‍हेचे संबंध दुसर्‍याशी संबंध ठेवण्याची बरीच शक्यता आहे. तिला अजून एखादा जास्त धनाढ्य भेटला तर आताच्या नवर्‍याला सोडून ती त्या धनाढ्याबरोबर जाण्याची देखील शक्यता आहे. माझ्या माहितीतल्या एकदोन मुलींनी (व मुलांनी सुद्धा) लग्नानंतर सुद्धा अशा तर्‍हेचे संबंध कायम ठेवलेले मला माहीत आहे. लग्नाआधी बराच काळ एका मुलाशी संबंध ठेवून त्याच्याशीच लग्न केलेल्या मुलीने लग्नानंतर मुलाच्याच मित्रांशी संबंध सुरू केल्याने त्यांचा घटस्फोट झाल्याचे एक अगदी जवळ्चे उदाहरण मला माहित आहे. अजून एका उदाहरणात एका मुलीने लग्नानंतर व एक मुलगी झाल्यानंतर लग्नापूर्वीच्या प्रियकराशी लग्न करण्याचे ठरवून नवर्‍याशी घटस्फोट घेऊन मुलीसकट पूर्वीच्या प्रियकराशी लग्न केले. यात मधल्यामध्ये तिच्या नवर्‍याची वाट लागली. आपल्या बायकोच्या लग्नाआधीच्या प्रकरणाची त्याला कल्पनाच नव्हती व संसार सुरू झाल्यावर २-३ वर्षातच बायकोने संसार मोडला व जाताना सुद्धा नवर्‍याला हुंड्यावरून छळ केल्याची तक्रार करण्याची धमकी देऊन घटस्फोटाची किंमत म्हणून ८५ हजार रूपये उकळले. मुलाची परिस्थिती अगदीच सामान्य होती (मुलीची घरची परिस्थिती सुद्धा सामान्यच होती). बिचार्‍याला स्वतःची अजिबात चूक नसताना बळजबरीने संसार मोडावा लागला व परवडत नसताना सुद्धा मोठा आर्थिक फटका सहन करावा लागला. त्यामुळे या विशिष्ट प्रकरणात ही मुलगी आताच्या नवर्‍याबरोबर कायम राहील ही शक्यता कमी वाटते. ही मुलगी लग्नानंतर काही काळाने मूळपदावर गेली तर तिच्या नवर्‍याला व त्याच्या घरच्यांना हे प्रकरण अत्यंत महागात जाईल. आपल्या डॉक्टर मित्राने सर्व इतिहास माहित असून सुद्धा आपल्याला अंधारात ठेवले हे जर त्या मित्राला समजले तर शेवटी या डॉक्टरवरच दोषारोप होतील. माझ्या दृष्टीने या डॉकटरने आपल्या मित्राल हा पूर्वोतिहास सांगून सावध करायला हवे होते.

माझ्या एक्स गर्लफ्रेंडच्या नवऱ्याला त्याच्या बायकोच्या पूर्व इतिहासाबद्दल सांगावे कि नको कारण तो माझा जीवश्च कंठाश्च मित्र आहे..

मला असं का वाटतंय कि या कथेत नायिका असल्यामुळे डॉक वर जास्त टीका झाली. म्हणजे जर मुली ऐवजी मुलगा असता ज्याने आपल्या मैत्रिणीला गर्भपातासाठी आणले असते आणि तो नंतर मित्राचा जावई म्हणून भेटला असता तर लोकांनी काय सल्ला दिला असता? कदाचित असे सांगितले असते का कि मित्राला सावध करा किंवा मित्राने पूर्ण चौकशी केली आहे कि नाही हे विचारा इत्यादी.. इथे बरयाच लोकांनी म्हंटले आहे कि त्यांच्या मुलांनी असे लग्न केले तर हरकत नाही. पण मुद्दा तो नाहीच आहे. मुद्दा हा आहे कि समजा तुम्ही स्वतः डॉक्टर आहात आणि ज्या मुलीचा तुम्ही गर्भपात केला आहे ती मुलगी तुमच्या मुलाने सून म्हणून तुम्हाला दाखवली तर तुम्ही डॉक्टर पेशंट गोपनीयतेचा विचार करून गप्प बसाल कि मुलाला तुमच्याकडे असलेली माहिती द्याल? डॉक्टरांच्या मित्राला जर ती मुलगी परत भेटली नसती तर प्रश्नच नव्हता. पण ती भेटली आणि काही नात्याने भेटली आहे. आता प्रॉब्लेम असा आहे अशा गोष्टी कायम लपून राहतातच असे नाही. त्यामुळे समजा उद्या हे त्या कुटुंबाला कळले तर काय? काही लोकांचा विश्वास आहे कि मुलीने हे सर्व मुलाला सांगितले असणार वगैरे.. तर त्या केसमध्ये मुलीने हे पण सांगितले असणार कि याच डॉक्टरांकडे मी गेले होते. मग किमान त्या मित्राच्या मुलाने तरी डॉक्टरांच्या मित्राला भेटून खात्री द्यायला हवी होती. I mean, its common sense.

कमाल आहे, सगळी लाज बघणं-यालाच असावी का ? एका मित्राची कुचंबणा (शृंगापत्ती शब्द आवडलेला आहे) एक केस स्टडी म्हणून स्वीकारायची ब-याच जणांची तयारी नाही. धागाकर्ता बुर्झ्वा आणि ज्या मुलीने लग्नाआधी स्वेच्छेने शरीरसंबंध ठेवले ति स्वातंत्र्याची देवता. एक तर लेखकाने मांडलेल्या चौकटीतून घटनेबद्दल काथ्या कुटावा अन्यथा वास्तवातील पात्रे ओळखीची असतील तर दुसरी बाजू मांडावी. बाकी आत्याबाईच्या मिश्या ..... - डॉक्टरांच्या मुलाने/मुलीने लग्नाआधी संबंध ठेवले तर, - मुलगी ज्याच्यामुले गरोदर राहिली त्याच्याशी परत संबंध ठेवणारच नाही, - ज्या मुलामुळे गरोदर होती त्याला एड्स झाला असेल तर, - ज्याच्याशी लग्न झाले त्याच्यामुळे कुणी गर्भपात केला असेल तर, - मुलीचे एकाच मुलाशी संबध असतील का, - मुलीचा एकच गर्भपात झाला असेल का, हि मालिका अशी चालू राहिल्यास तारक मेहता का उलटा चष्मा पेक्षा लांब मालिका होईल. एक कल्पना ... समजा स्वत: ती मुलगी मिपावर आली तर काय म्हणेल/लिहील ? ब-याचश्या प्रतिसादांवरून असे वाटते कि कथेतली मुलगी योनिशुचीतेच्या अवास्तव कल्पनांच्या विरुध्ध बंड करून उठलेली नायिका आहे आणि आपल्या समाजात लग्न हि गोष्ट “संपूर्ण स्वतंत्र्याच्या” आड येत असल्यामुळे आऊटडेटेड झाली आही.

खरं सांगायचं तर खूप मनोरंजक धागा आणि चर्चा, मोबाईलवर असल्याने जास्त लिहू शकता नाही, पण ... असोच!!

कोंबडीपेक्षा मसालाच जास्त चवदार झालायं यह कम्बखत श्रावण कब संपेगा?

महान शिक्षक आहे. ही थोड़ी बहुत सर्व सामान्य गोष्ट ठरत चालली आहे लग्नाआधी शरीर संबंध हे निरीक्षण भारतातलेच. म्हणजे एक अनुभव /ओढ/चढाओढ किंवा अपरिहार्यता इ सर्व परिस्थितित परिणति शरीर संबंधात होतेच, पण इतके गर्भवती होने पर्यंत फार कमी प्रमाण असावे असे वाटते, अहो पुढची पिढी हुशार नाहीं का! तर घासकडवींनी म्हटल्याप्रमाणे गर्भपात कराने साठी (जे काही अंशी पापच ठरते-जसे फक्त मजा करुन घेताना गर्भ धारण करायचा अन् मारायचा) धंदा करायचा, उगीच नैतिकता -मूल्यांकन काहीतरी बागूलबुवा उभा करायचा. नैतिक मूल्ये, आचरण हे व्यक्ति, धर्म,पंथ, जाती -पाती, रिति-रिवाज, देश-ठिकाने या दरम्यान बदलत रहातात, त्यात अडकून मैत्री -विश्वास याला तोड़ता पहाणे कष्टप्रद. मागच्या पिढीने ठरवले की गर्भपात नैतिक (वरिल गोष्टीतल) पण संबंध अनैतिक, काहीही. बरं हेच पाप करुन स्वतःची मुले मोठी करुन मोक्ष प्राप्तिची अपेक्षा करणे म्हणजे हिप्पोक्रसी!

लोकांनी प्रतिक्रिया दिल्या. कुणी उत्तम विचार प्रवर्तक दिल्या. काहींनी नीट वाचन न करता दिल्या, कुणी भावनेच्या भरात दिल्या. जशा आहेत तशा त्या शिरसावंद्य. माझ्या मित्राला शृंगापत्ती केवळ लेखात लिहिली आहे एवढ्याच कारणाने झाली नाही तर त्याला हि चिंता वाटते कि उद्या हीच मुलगी (रुपाली) तिच्या घरचे गरोदर झाल्यावर "घरचे स्त्रीरोग तज्ञ" म्हणून माझ्याकडे परत घेऊन आले तर? व्यावसायिक नीतिमत्ता बाळगून तिच्या जुन्या गर्भपाता बद्दल गप्प राहायचे आणि केस पेपर मध्ये पहिल्यांदाच गरोदर ( प्रायमि ग्रॅव्हिडा) असे खोटे लिहायचे ? कि मित्राच्या कुटुंबाला सर्व खरे सांगायचे? (जर त्या मुलीने आपल्या गर्भपाताबद्दल घरी सांगितले नसेल तर)

जर तर 1) गर्भाशयात राहिलेला भाग ,मुलगा म्हणून जिवंत असला तर आणि त्याने आई कुठे आहे विचारले असते तर ? 2) रुपाली समजा इम्पोटेन्ट झाली abortion नंतर तर ? 3) रुपाली ला तिच्या नवऱ्याहून अजून श्रीमंत कोणी मिळाला आणि त्या वेळी परत ती गर्भार असती तर ? 4) रुपेश ने IT मध्ये 2-3 switch मारले आणि तिच्या नवऱ्याहून जास्त श्रीमंत होऊन तिच्या आयुष्यात परत आला तर ? 5) रुपाली च्या डोळ्यात तिरस्कार ऐवजी प्रेम दिसले तर ?

सगळ्यांनी आपापल्या वकुबाप्रमाणे प्रतिसाद दिलेले आहेत. अपेक्षितच. भार देणाराने दिला, घेणाराने काही काळ ठेवला नंतर नको वाटून टाकून दिला, टाकून देताना मदत करणारा गप्प बसला. नंतर काही काळाने आपण केलेलं काम दिसल्यानं मदत करणाऱ्याला त्रास होऊ लागला. बोलून दुःख हलकं होतं म्हणतात. ते झालेलं दिसलं नाही. असो! टोचून बोलल्यानं सुख व्हायला हरकत नाही, तेही दिसलं नाही, तेही असो! एकंदरीत असोच असो! गर्भात वाढणाऱ्या/नंतर मारल्या गेल्या जिवाबद्दल कुणाला काही वाटलं नाही. आत्मनस्तु कामाय सर्वं प्रियं भवति हे सगळीकडे दिसत आहे.

सगळ्यांनी आपापल्या वकुबाप्रमाणे प्रतिसाद दिलेले आहेत. अपेक्षितच. भार देणाराने दिला, घेणाराने काही काळ ठेवला नंतर नको वाटून टाकून दिला, टाकून देताना मदत करणारा गप्प बसला. नंतर काही काळाने आपण केलेलं काम दिसल्यानं मदत करणाऱ्याला त्रास होऊ लागला. बोलून दुःख हलकं होतं म्हणतात. ते झालेलं दिसलं नाही. असो! टोचून बोलल्यानं सुख व्हायला हरकत नाही, तेही दिसलं नाही, तेही असो! एकंदरीत असोच असो! गर्भात वाढणाऱ्या/नंतर मारल्या गेल्या जिवाबद्दल कुणाला काही वाटलं नाही. आत्मनस्तु कामाय सर्वं प्रियं भवति हे सगळीकडे दिसत आहे.

अबाबो, कसलं घमासान झालं ह्या धाग्यावर, अनेकांना खरेंचा साधासा मुद्दा लक्षात आलेला दिसला नाही, सगळे व्यावसायिक नितीमत्तेवर तोंडसुख घेत आहेत, चिंता वेगळीच होती डॉक्टरांच्या मित्राची!

जाला वर पूर्ण वेळ सक्रिय असणाऱ्या माणसांची एक विशिष्ट मनोवृत्ती दिसून येते. ते बऱयापैकी आभासी जगात वावरत असतात आणि त्यांना जाल हेच जग असे वाटते. लग्नाआधी संबंध ठेवले तर त्यात वावगे नाही. आणि हे तुम्ही तुमच्या होणाऱ्या नवऱ्याला/ बायकोला प्रामाणिकपणे सांगून टाका. यात सकृतदर्शनी काहीच चूक नाही. पण असे विचार करणारे लोक आपल्या भारतात किती आहेत. १-२ % ( एक ते दोन टक्के) पेक्षा जास्त नाहीत. उरलेले ९८ टक्के लोक जाला वर नाहीत किंवा तशा विचार सरणीचे नाहीत. या २% लोकांमध्ये प्रेम विवाह करणारे किती असतील ४० %. म्हणजे लोकसंख्येच्या ०.८% लोकांना सकृत दर्शनी विवाह पूर्व संबंध मान्य असतील. बाकी एकंदर प्रेमविवाहाचे प्रमाण किती असेल ते भारतात १०-१२ % पेक्षा जास्त नाही. राहिली प्रचंड लोकसंख्या आजही ठरवून विवाह करते. यात आई वडिलांचा फार मोठा वाटा नक्कीच आहे. आई वडील प्रथम "बाकी सर्व" चौकशी करतात आणि मगच मुलगा/ मुलगी "पाहण्याचा" कार्यक्रम केला जातो. आपल्या पुरुष प्रधान संस्कृतीत "बहुसंख्य" पुरुष दांभिक आहेत.स्वतः बाहेर कितीही शेण खाल्ले तरी त्यांना बायको मात्र अनाघ्रात कलिकाच हवी असते. आणि त्यांच्या आय बहिणींचे पण म्हणणे "पुरुषांनी काहीही केले तर चालते पण बाईच्या जातीला असे करून चालते का? असेच दुर्दैवाने असते. वर कुणी तरी लिहिले आहे ते सत्य आहे. बरेच पुरुष "चोच मारण्याचा" प्रयत्न करतात त्यातील बहुसंख्य पुरुष "असफल" होतात. मग पुरुषी अहंकार आड येतो. मी जर धुतल्या तांदुळासारखा आहे, लग्न पूर्व संबंध ठेवला नाही( खरं तर ठेवू शकलो नाही) मग माझी बायको "स्त्री" असून कसे काय ठेवू शकते. मी छातीठोक पणे हे सांगतो कि ठरवून केलेल्या विवाहात जर मुलीने लग्नाच्या अगोदर प्रामाणीकपणे सांगितले कि माझे विवाहपूर्व संबंध होते तर ९९ % विवाह मोडतील. कोण आई, बाप किंवा आत्या मावशी आपल्या मुलाचे लग्न "अशा" मुलीशी करून द्यायला तयार होतील. "असल्या" छप्पन्न मुली आणून उभ्या करिन हा घराघरात होणारा संवाद पुनःप्रक्षेपीत होत असतो. प्रेम विवाहाला विरोध करतानाही हाच संवाद ऐकायला मिळेल. ( "अशा / असल्या" मुली हि "माझी मनोवृत्ती" नसून ऐकू येणाऱ्या संवादातील शब्द आहेत अन्यथा छिद्रान्वेषी लोक यात हि बोट घालतील प्रेम विवाह नसेल तर "मिपावरील किती लोक" आपल्या भावाचे/ मुलाचे लग्न अशा "प्रामाणिक" मुलीशी करायला तयार होतील. माझा मुलगा / भाऊ जर "तिच्याशीच लग्न करायचे" असे म्हणाला तर मी त्याला आशीर्वाद देईन हा उदात्त विचार फक्त प्रेम विवाह असेल आणि त्या मुलाची भावनिक गुंतवणूक असेल तरच शक्य आहे.नाहीतरी मुलगा/ भाऊ लग्न करणारच आहे तर मोडता का घाला. उगाच "हात दाखवून अवलक्षण का करा" असा व्यवहारी विचार आहे बघून बघायची तर "असली" मुलगी कशाला हाच सर्वसाधारण विचार. दुर्दैवाने एखादी मुलगी अगदी तरुण वयात विधवा झाली तर तिच्याशी आपल्या भावाचे/मुलाचे लग्न करून द्यायला किती बायका तयार होतील? हे सर्व प्रेम विवाहातच शक्य आहे. लग्नापूर्वी मुलीला फायब्रॉईड( गर्भाशयात गोळा) आहे असे समजल्यावर मोडलेली लग्ने मला माहित आहेत, जेथे मुलीच्या "हातात" काहीच नसते. तसे जालावर "आधुनिक होणे" फार सोपे आहे. हस्तादपि न दातव्यं, गृहादपि न दीयते (मधली ओळ आत्ता आठवत नाही) वचने किम दरिद्रता . आणि प्रेम विवाहात जर मुलीने असे सांगितले कि माझे अगोदर प्रेम होते आणि शरीरसंबंध होते तर ४०-५० % विवाह मोडतील.हे प्रमाण प्रेमाच्या कोणत्या टप्प्यात सांगितले यावर अवलंबून असेल. भावनिक गुंतवणूक होण्याच्या अगोदर सांगितले तर जास्त विवाह मोडतील. एक महत्त्वाची गोष्ट जी आपल्याला अनुभवातून आलेले शहाणपण आहे ( आणि ज्याची शास्त्रीय कारण मीमांसा आता माहिती आहे) ते म्हणजे महिन्यातील एक दिवसच ( फार तर दोन दिवसच) गर्भधारणेसाठी अनुकूल आहेत. याचा अर्थ काय कि एकदाच संबंध आला आणि गर्भार राहिली हि शक्यता ३० दिवसांपैकी १ दिवस म्हणजे ३. ३३ % इतकी कमी आहे. म्हणजेच एखादी मुलगी गरोदर राहिली तर तिचे एकदाच "भावनेच्या भरात" संबंध आला हि शक्यता ३% आहे आणि ९७ % शक्यता तीचा बऱ्याच वेळेस शरीर संबंध आला आहे असा आहे. हीच गोष्ट एखाद्या पुरुषाला अर्थातच लागू आहे. म्हणजे "ती वेळच तशी होती" one night stand नाही.बरेच स्टँड्स झालेले असतात यामुळे त्या स्त्री पुरुषांची भावनिक गुंतवणूक जास्त असते. वरील केस मध्ये रुपालीचा प्रेम विवाह आहे कि ठरवून ते मला माहित नाही. "व्यावसायिक गोपनीयतेमुळे"(हा शब्द आता योनिशुचितेपेक्षा पवित्र झाला आहे) माझ्या मित्राने मला सांगितले तेवढेच मी येथे लिहिले आहे त्यामुळे रुपालीने ते तिच्या नवऱ्याला सांगितले असेल कि नाही हे माहित नाही. आजही बहुसंख्य (कदाचित १०० %) "ताईचा सल्ला' सारख्या सदरात येणारे सल्ले "तुम्ही लग्नापूर्वी काय केलेत हे नवऱ्याला/ बायकोला अजिबात सांगू नका" असेच असतात हे यामुळेच आहे. कारण अशा उपचार तज्ज्ञांना हे "अनुभवातून आलेले शहाणपण" आहे. जालावरील जग हेच खरे जग आहे असे समजणारे बरेच लोक बऱयापैकी आभासी जगात वावरत असतात असे वाटते.प्रत्यक्ष वस्तुस्थिती त्यापासुन फार लांब आहे. कोंबडीपेक्षा मसालाच जास्त चवदार झालायं हि मात्र वस्तुस्थिती. ते तसंच असतं. नुसती उकडलेली कोंबडी किती लोक खातील.

त्या डॉक्टरनी आपल्या मित्राची फसवणूक केली असे मला वाटत नाही , कारण तो मित्र मुलाचे लग्न ठरवताना डॉक्टरकडे चौकशीस आला नव्हता त्यामुळे त्याला रुपालीबद्दल माहिती देणे वा सत्य न लपवणे हे डॉक्टरचे (मित्राच्या नात्याने) कर्तव्य होवूच शकत नाही ..बाकी एक डॉक्टर म्हणून त्यांना व्यावसायिक नितिमत्ता पाळावीच लागेल त्यामुळे अपराधीपणाचे कारण नाही. बाकी लग्नाआधीचे शारिरिक संबंध हे भावी जोडीदाराला सांगितलेच पाहिजेत असे नाही पण भावी जोडीदाराने त्याबद्दल लग्नाआधी विचारले तर लपवू नये असे मला वाटते. पण त्याचबरोबर भावी जोडीदाराने त्याबद्दल (विचारायचे असल्यास) लग्नाआधि विचारावे लग्नानंतर विचारणे योग्य नाही. लग्न ठरताना मुला मुलीने स्वतःची मेडिकल हिस्टरीही एकमेकांना सांगावी असे मला वाटते . वेगवेगळे मोठे आजार, सर्जरी, फिट्स , अबॉर्शन्स , महत्वाचे अपघात, अपघाताच्या मोठ्या खुणा (जसे त्वचेवर जळाल्याचे डाग ई) याबाबत एकमेकांना अंधारात ठेवू नये. झालंच तर स्वतःला चष्मा आहे का नाही (की कॉन्टॅक्ट लेन्स वापरत आहे), केस खरेच काळे आहेत (की रंगवत आहे) , आणि पुढे जावून आपला जन्म गर्भारपणाच्या कितव्या महिन्यात झाला , कुटूंबातील अनुवंशिक स्वरुपाचे ज्ञात असणारे आजार, हे देखील होणार्‍या जोडीदाराला स्वतःहून सांगायला हवे (अर्थात हे माझे मत !!)

अश्या परिस्थितीत मी काय करेल ह्याविषयी थोडंसं... 1. मी जर खरे साहेबांच्या मित्राच्या जागी असतो, तर 'तुका म्हणे उगी राहावे ,जे जे होईल ते ते पाहावे' अशी भूमिका घेईल. भविष्यात जर मित्राला किंवा त्याच्या मुलाला या सगळ्या प्रकाराविषयी कळले तर " तुमच्या संसारात मला खोडा घालायचा नव्हता म्हणून मी शांत राहिलो" असे उत्तर देईल. आत्ता सुरु असलेला संसार मोडण्यापेक्षा नंतर संबन्ध बिघडलेले चालतील. ह्याचं कारण असं की त्या दोघा नवरा बायको मधील नातं कसं आहे ह्याची मला सुतराम कल्पना नाही. कदाचित तिने त्याला सगळं सांगितले असेल किंवा नसलेही. उद्या त्याला कळल्यावर त्याने निर्णय घ्यावा. शरीरसंबंधातून तिला काही STD झाले नसतील असं गृहीत धरून सांगतो की तिला स्वीकारायचे की नाही हा तात्विक प्रश्न आहे. ह्याविषयी प्रत्येकाचे तत्व/विचार वेगळे असू शकतात. कोण बरोबर कीं चूक ते परमेश्वर ठरवेल. थोडंसं अवांतर होईल पण तरी सांगतो, लग्न आणि हनिमून झाल्यावर ,एक मुलगी तिच्या लग्नाआधीच्या प्रियकराबरोबर पळून गेलेली मी पाहिली आहे. काही दिवसांनी (साधारण 3-4 महिन्यांनी) ती नवऱ्याकडे परत आली आणि त्याने तिचा स्वीकार केला !!! कारण एकच..त्याचे तिच्यावर मनापासून प्रेम होते..!! खरे साहेब, तुमच्या मित्राला मानसिक दृष्ट्या ह्यातून बाहेर पडायला सांगा. एवढेच करणे त्यांच्या हातात आहे. 2. लग्नाआधी शरीरसंबंध असलेला/असलेली मुलगा /मुलगी मी जावई/सून म्हणून स्वीकारेल का ? सद्य स्थितीत मला एक मुलगी आहे. मुलाचे लग्नाआधी संबंध असल्याचे मला लग्नाधीच कळल्यास मी ते लग्न न होऊ देण्यासाठी सर्वतोपरी प्रयत्न करेल. लग्नाआधी शरीरसंबंध हे माझ्या तत्वात बसत नाहीत. पण हे कारण त्या मुलाला मी स्पष्ट सांगेल आणि त्याची बदनामी माझ्याकडून तरी होऊ देणार नाही. लग्नानंतर जर मला असे काही कळले तर त्यांच्या संसाराचा एकंदरीत रागरंग बघून मध्यस्थी करेल. कोणत्याही परिस्थितीत लग्न मोडणे हा माझ्यासाठी शेवटचा पर्याय असेल. माझ्या मुलीला या गोष्टीची कल्पना आल्यास तिचा जो काही निर्णय असेल तो मी स्वीकारेल आणि तिला पाठिंबा देईल. माझ्या मुलीने लग्नाआधी शरीरसंबंध ठेऊ नये यासाठी मी तिला तशी शिकवण जरूर देईल. पण याउपरही तसे काही झाल्यास आणि मुलीला त्याच व्यक्तशी लग्न करायचे असल्यास, मी त्या मुलाची पूर्ण चौकशी करून लग्नाला परवानगी देईल. त्या मुलाचे इतरही बऱ्याच मुलींशी संबंध आहेत असे कळल्यावर मी मुलीची योग्य प्रकारे समजूत काढून हे लग्न होउ देणार नाही. आता ह्या केसमध्ये माझ्या मुलीचे मी दुसऱ्या कोणासोबत लग्न लावून देईल का हा महत्वाचा प्रश्न आहे...पोरीचा बाप म्हणून माझी भूमिका त्यावेळी काय असेल हे मी आत्तातरी सांगू शकत नाही... पण कुठल्याही परिस्थितीत आदळआपट,भांडणतंटे, मारामारी,फसवाफसवी होणार नाही असा प्रयत्न करेल. मुळात अनुभवांती माझे असे मत झाले की...कोणाच्याही आयुष्यात आपण एका प्रमाणाबाहेर ढवळाढवळ करू शकत नाही आणि करू सुद्धा नाही... पराधीन आहे जगती पुत्र मानवाचा !!!

राही,

>> 'परस्परसंमतीने लैंगिक मुक्तता' ही लग्नबंधनात नसतानाच्या काळात असावी.

पहिली गोष्ट म्हणजे, जर मुक्त लैंगिक संबंध ठेवायचे असतील तर मग लग्न करायचंच कशाला? दुसरी तितकीच महत्त्वाची गोष्ट म्हणजे जरी परस्परसंमत हा शब्द वापरला असला तरी या प्रकारात स्त्री पुरुषाकडून पार नागवली जाणार आहे. विवाहासारख्या संस्काराच्या बाबतीत बाजार भरतो, तर परस्परसंमतीचा काय थोर सत्संगमेळा भरणारे का? शेवटी पैसे देऊनच व्यवहार होणार आहे आणि त्यास लग्नाचं बंधन नाही. थोडक्यात काय परस्परसंमती = गणिकाहाट . वेश्येची काय हालत होते माहितीये ना ! आ.न., -गा.पै.

राही, मुळातून गणिकेस तुच्छ मानावेच कशाला? परस्परसंमतीने सगळा व्यवहार होतोय ना? मग तिला तुच्छ मानण्यात काय अर्थ? पुरूषांना फार आवडतील अशा गणिका. समस्या लक्षात येतेय का? पुरुषी वर्चस्ववाद ही समस्या नाहीये. परस्परसंमतीने लैंगिक संबंध ठेवणारी स्त्री गणिकाधर्माचं पालन करतच असते. पुढे जेव्हा ती कुणाचीतरी पत्नी होते, तेव्हा तिला पत्नीधर्माचं पालन करावं लागतं. तर गणिकाधर्म आणि पत्नीधर्म आपापल्या ठिकाणी शोभून दिसंत असले तरी ती पार वेगळी दोन टोकं आहेत. एकीचं लग्न नवऱ्याशी झालंय तर एकीचं स्वत:शीच झालंय. एका टोकावरून दुसऱ्या टोकावर जातांना स्त्रीची प्रचंड भावनिक ओढाताण होईल. तिचा आत्मसन्मान कचऱ्याच्या डब्यात जाऊन पडेल. ही समस्या आहे. आ.न., -गा.पै.