गहू - नाचणी बिस्कीट अका मातृत्व कुकीज ..

मातृत्व कुकीज ( नाव साभार आत्याबाई रेवतीताई .. :-) ) साहीत्य - १. गव्हाचे पीठ १ मध्यम वाटी २. नाचणी सत्व १ मध्यम वाटी ३. बटर/ तूप - १०० ग्रॅम ४. पिठीसाखर १ मध्यम वाटी किंवा आवडीनुसार कमीजास्त ५. बेकिंग पावडर १ टीस्पून ६. हवे असेल तर एखादे इसेन्स - मी वेलची पावडर टाकली ७. दूध सजावटीसाठी - ड्रायफ्रूट तुकडे / टूटी फ्रुटी कृती - १) गव्हाचे पीठ+नाचणी सत्व+ बेकिंग पावडर नीट चाळून घ्या. २) त्यात बटर/तूप टाकून मळा . एक रवाळ मिश्रण तयार झाले पाहिजे ३) मग त्यात पिठीसाखर मिक्स करा. इसेन्स,ड्रायफ्रूट पावडर घालणार असाल तर ते ही घालून आणि मिक्स करा ४) आता थोडे थोडे दूध घालून मळून घ्या. ५ )पूर्ण मळलेला गोळा प्लास्टिक पेपरमध्ये / एखाद्या बंद डब्यात ठेवून १५-२० मी रेफ्रिजरेटरमध्ये ठेवा. ६) नंतर मळलेला गोळा बाहेर काढून थोड्या कोरडया पिठावर /तुपावर लाटायला घ्या आणि दुसरीकडे ओव्हन १८० डिग्री सेन्ट ला १५-२० मी प्रिहिट करुन घ्या ७) लाटलेल्या पोळीचे कुकी कटर / बाटलीच्या झाकणाने बिस्कीट कापून घ्या, ड्रायफ्रूट तुकडे / टूटी फ्रुटी लावून सजवा. ८) बटर पेपर किंवा तूप लावलेल्या ट्रेमध्ये ठेवून १८० ला १५-२० मी / रंग बदले पर्यंत बेक करा