Skip to main content

मी बी मंत्री होईन म्हणतो : नागपुरी तडका

लेखक गंगाधर मुटे यांनी शनिवार, 09/07/2016 या दिवशी प्रकाशित केले.
मी बी मंत्री होईन म्हणतो : नागपुरी तडका

लाल दिव्याची चमक पाहीन म्हणतो
मी बी मंत्री होईन म्हणतो...!!

शेतमालाला रास्त भाव
भेटला काय, न भेटला काय
शेतकर्‍याला दारिद्रीत जगायची
उपजत सवयच हाय
मी तरी आपलं जमवून
घेईन म्हणतो
मी बी मंत्री होईन म्हणतो...!!

शेतकर्‍याला कर्जमुक्ती
भेटली काय, न भेटली काय
शेतकर्‍याला कर्जात जगायची
उपजत सवयच हाय
मी तरी आपला खिसा भरून
घेईन म्हणतो
मी बी मंत्री होईन म्हणतो...!!

शेतीचे प्रश्न
सुटलेत काय, न सुटलेत काय
या बैताडबेलण्या शेतकर्‍याले
उपजत अक्कलच नाय
संघटनेची सीडी करून
सत्तेच्या बोहल्यावर चढेन म्हणतो
मी बी मंत्री होईन म्हणतो...!!

शेतीशी प्रतारणा करून
सत्तेत येता येते
शेतकर्‍याशी इमान राखणारा
खड्ड्यामधी जाते
शेतकर्‍याचे नाव फक्त
कामापुरते घ्यावे
सीडी चढून झाली की
खुशाल सोडून द्यावे
सत्ताकारण करावे
तरच मिळते अभय....!!
एकमुखाने बोला भाऊ!
सत्तासुंदरी की जय....!!!

                     - गंगाधर मुटे "अभय"
~~~~~~~~~~~~~~~~~~~~~~~~~~~~
काव्यरस
नागपुरी तडका
लेखनविषय:
वाचने 176523
प्रतिक्रिया 484

प्रतिक्रिया

मोदक मंगळवार, 19/07/2016
मिपाच्या मालकांना, व्यवस्थापकांना आणि संपादकांना विचारा.. बहुतेक सगळ्या जणांना मी भेटलो आहे. आणि तुम्ही राव येवढे सिनीयर.. मिपाचा इतका दांडगा अनुभव.. मग थोडा अभ्यास वाढवा अनेक धाग्यांवर फोटो पण मिळेल. आणखी काय खात्री करायची आहे? (व्हायरस फ्री) मोदक

गंगाधर मुटे मंगळवार, 19/07/2016
मला पोस्टाचा पत्ता हवा आहे सविस्तर उत्तर पाठवायला कारण तुमच्या प्रश्नाचे उत्तर द्यायला ५००-६०० पाने लागू शकतात. हे मराठीत समजतय ना? इतर भाषा मला येत नाही.

सामान्य वाचक मंगळवार, 19/07/2016
आता बस करा दुसऱ्या चांगल्या विषयावर चर्चा करा ज्या माणसाने कुणाचा कुठलाही विचार न ऐकण्याचे ठरवले आहे , तिथे कशाला वेळ आणि शक्ती व्यर्थ घालवता ?

स्वच्छंदी_मनोज मंगळवार, 19/07/2016
मुटे साहेब, मांडलेला मुद्दा कळीचा आहे...पण कवीतेत तुम्ही एक विषय मांडलात की तुम्हाला मंत्री व्हायचय आणी परत प्रतीसादात म्हणताय की मंत्री बनूनही शेतकर्‍यांचे प्रश्ण काही सुटणार नाहीत. मग नक्की काय करायचे आहे तुम्हाला म्हणजे शेतकर्‍यांना फायदा होईल?? अजून एक..
हा धागा महाप्रलयाच्या दिशेने वाटचाल करू नये म्हणून प्रतिसादांना या धाग्यावर मी उपप्रतिसाद देण्याचे यानंतर टाळणार आहे.
>>> इथे तुम्ही म्हणालात की तुम्हाला धाग्याचे काश्मीर करायचे नाहीये आणी तुम्हीच प्रत्येक प्रतीसाद उप-प्रतीसाद देऊन खोडून काढायला बघताय.. का बरे असे? असे केल्याने धाग्याचे काश्मिर नाही तर निदान नागपूर तरी होईलच... असो.. हे माझे मत.

गंगाधर मुटे मंगळवार, 19/07/2016
कवितेचा अर्थ तुम्हाला कळत नसेल तर शेजारच्या एखाद्या मराठी भाषिकाला विचारावा. कविला विचारण्याची मराठी संस्कृती तरी आहे का?

स्वच्छंदी_मनोज मंगळवार, 19/07/2016
अहो मुटे साहेब.. शेजार्‍याला कशाला डायरेक्ट तुम्हालाच विचारला ना की तुम्हाला नक्की काय करायचे आहे. मंत्री व्हायचेय की अजून काय जेणे करून शेतकर्‍यांचे प्रश्ण सुटायला मदत होईल. आणी शेतकरी का कुठलाही असो नागपूर काय किंवा सोलापूर काय..तो अडचणीतच आहे...पिकवणारा जो पर्यंत विकत नाही तोपर्यंत तो पिचणारच असे वाटते. (कवितेतून जे मांडायचा प्रयत्न केलायत त्याच्याशी विरोधी भुमीका तुमच्या प्रतीसादातून वाटली आणी येण्यार्‍या प्रत्येक प्रतीसादाचे हिरीरीने खंडन करण्याचा अट्टहास जाणवला तुमच्या प्रतीसादातून..)

आदिजोशी मंगळवार, 19/07/2016
मुटे काक, तुम्ही इतकी वर्ष ह्या क्षेत्रात आहात, उमेदीची अनेक वर्ष संघटना आणि शेतकर्‍यांसाठी वेचलीत... का ह्यांच्या नादी लागताय? ह्यांना तुम्ही कविता करण्याव्यतिरिक्त ठोस काम काय केलंय हे जाणून घ्यायचंय ना? मग करा एक यादी आणि ह्यांच्या तोंडावर फेकून मारा. शेतकर्‍यांच्या ह्या ह्या समस्या आहेत... त्यावर मी हे उपाय शोधले आणि अंमलात आणले... त्यातून शेतकर्‍यांचा असा असा फायदा झाला... एक कंसॉलिडेटेड रिप्ल्यास फेकून मारलात की विनाकारण बोलणारी थोबाडं बंद होतील...

गंगाधर मुटे मंगळवार, 19/07/2016
तुम्ही आलात? मला माहीतेय की बाकी सवंगडी दमले की तुम्ही बाजू लढवायला येत असता. (जुने धागे बघावेत) मी शेतकरी मानूस आ।ए. पीक घेण्यासाठी निंदण, खूरपण व फवारणी आवश्यक आहे, हे माहीत आहे. जनावरांनी त्रास दिला तरी शेती सोडून पळत नाही.

सुबोध खरे मंगळवार, 19/07/2016
मुटे साहेब, असे डोक्यात राख घालून घेण्यापेक्षा "एवढे" लोक आपल्यावर टीका का करतात याचा शांत डोक्याने विचार करा. मिसळपाव हे सर्वात जास्त वाचले जाणारे मराठी संकेत स्थळ आहे असे काही दिवसांपूर्वी कुणीतरी लिहिल्याचे आठवते. आपली भूमिका शांतपणे मांडली गेल्यास जे लोक मिपाचे सदस्य नाहीत त्यांना ही आपल्या ज्ञानाचा आणि अनुभवाचा फायदा होईल. मला अशा बऱ्याच वाचनमात्र असलेल्या लोकांचे फोन व्यनि येतात यामुळे याचा सर्वदूर असलेला परिचय लक्षात आला. बाकी दंगा करणारे करू द्या.

गंगाधर मुटे मंगळवार, 19/07/2016
मिसळपाववर ते लेख कविता वाचायला येतात. तुमच्यासारख्यांचे प्रतिसाद नव्हे. जे वाचतात ते वेगळे मिपासदस्य आहेत. तुमच्या दहापाच जणांचा कंपू म्हणजे अख्खी मिसळपाव नव्हे.

अनुप ढेरे मंगळवार, 19/07/2016
तुमच्यासारख्यांचे प्रतिसाद नव्हे.
ऑ?? आम्ही तर बुवा सुबोध खर्‍यांचे प्रतिसाद वाचायलाच येतो.

जेपी मंगळवार, 19/07/2016
असल्या भाट लोंकामुळे शेतकरी संघटना पर्यायाने शेतकरी बदनाम झाला. नेणत्या राजाची हुजरेगीरी करण्यात संघटना वाया गेली. 2007 साली विनय हर्डीकर यांनी सकाळ मध्ये याविषयक लेख लिहीला होता.

गंगाधर मुटे मंगळवार, 19/07/2016
संकेतस्थळ मालक आणि संपादक मंडळ केंद्रात सत्ताबदल झाल्यापासून पाहतोय मिपावरच १५-२० आयड्यांचं टोळकं माझ्या धाग्यावर तुटून पडत असते. हे १५-२० आयड्यांचं टोळकं म्हणजे अख्खी मिसळपाव आहे किंवा हे मिसळपावचे अधिकृत प्रतिनिधी आहे असे मी मानत नाही. तुम्ही काय मानताय हे मला माहीत नाही. स्वत:ची ओळख लपवणार्‍यांना काहीच धरबंद नसतो. ते काहीही बोलू शकतात, लिहू शकतात. पण त्याबद्दल मला काहीही म्हणायचे नाही. मात्र यावेळेस मी सर्वांना जशास तसे उत्तर देणार आहे, यांची दादागिरी अजिबात खपवून घेणार नाही. तुमच्याकडून एवढीच अपेक्षा आहे की, यापूर्वी सारखी एकतर्फ़ी कारवाई करून केवळ माझे उपप्रतिसाद उडवू नयेत. वाचकांना सर्व वाचू द्या. ते त्यांच्या सदसदविवेकबुद्धीने काय ठरवायचे ते ठरवतील. आपला एक सदस्य गंगाधर मुटे

सुबोध खरे मंगळवार, 19/07/2016
पण मी कुठे म्हणालो मी नेव्हीत होतो? मी तर शेतकरी आहे आणि आमची कोकणात शेती आहे कुळकायद्यात बरीचशी जाऊन पोटापुरती थोडीशी शिल्लक आहे.

जेपी मंगळवार, 19/07/2016
शेंच्युरी निमीत्त श्री.मुटे यांचा सत्कार एक ऊंट,दोन शेळ्या,तीन कडब्याच्या पेंड्या आणी चार संस्थळांचे पत्ते देऊन करण्यात येत आहे. शुभेच्छुक-जेपी आणी तमाम मिपाकर कार्यकर्ते..

गंगाधर मुटे मंगळवार, 19/07/2016
तुमचा संपूर्ण परिचय व पत्ता देण्याची हिंमत दाखवाल तर तुमचा सत्कार स्विकारायला मी तयार आहे.

गंगाधर मुटे मंगळवार, 19/07/2016
सत्काराची तारीख, स्थळ आणि वेळ सांगा मी यायला तयार आहे. आणि हो इथेच जाहीर करा. मिपाकरांना माहीत व्हायला पाहिजे की तुम्ही शब्दाचे पक्के आहात.

गंगाधर मुटे मंगळवार, 19/07/2016
मला असे आठवते की गंगापूरवरून लातूरला जाताना मध्ये रेणापूर तालुका लागतो. पुढल्या दौर्‍याचे वेळी अवश्य त्यांचे घरी जाईन. उंट आणि इतर वस्तू त्यांचेकडे नसल्या तरी तेवढ्या रक्कम रोख किंवा चेक घेऊन गावच्या सरपंच्याच्या हस्ते शाल व श्रीफळ स्विकारता येईल. मात्र मिपावर फोटो अवश्य टाकेन.

चंपाबाई शनिवार, 23/07/2016
मोगाखानला भेटायला बोलावत होतास तेंव्हा तो फोन नंबर की अ‍ॅड्रेस मागत होता तेंव्हा नाय दिलास . आता मात्र दिलास. धिस ईज डिस्क्रिमिनेशन !

कविता१९७८ मंगळवार, 19/07/2016
मिपाकरानो बस करा आता, हा धागा शतकी प्रतिसादाचा गक्कीच नाही, उगा अति महत्व देउ नका.यापेक्षा खुप चान्गले आणि माहीतीपुर्ण धागे आहेत त्यान्चा असा अपमान होउ देउ नका.

गंगाधर मुटे मंगळवार, 19/07/2016
कवितेशी संबंध नसलेला प्रतिसाद देऊन प्रतिसादाची संख्या स्वतःच वाढवायची आणि इतरांना (जे ऐकण्याची अजिबात शक्यता नाही) सल्ला द्यायचा. काय म्हणावे याला?

गंगाधर मुटे मंगळवार, 19/07/2016
कवितेशी संबंध नसलेला प्रतिसाद देऊन प्रतिसादाची संख्या स्वतःच वाढवायची आणि इतरांना (जे ऐकण्याची अजिबात शक्यता नाही) सल्ला द्यायचा. काय म्हणावे याला?

गंगाधर मुटे मंगळवार, 19/07/2016
तुम्ही तसदी नियमितपणे न चुकता घेता आणि मी तसदी घेऊ नये? यह तो बहुत बडी नाइन्साफी होगी.

गंगाधर मुटे मंगळवार, 19/07/2016
तुमचाही पत्ता द्या. थेट तुमची दुवा घ्यायला तुमच्या घरी येतो. आणि दुवा देण्याइतपत तुमचे कोनते महान कर्तुत्व आहे हेही मिपावर छायाचित्र आणि सविस्तर वृत्तांतासह जाहीर करतो.

माम्लेदारचा पन्खा मंगळवार, 19/07/2016
तुमचे कार्य मात्र खचितच महान आणि लोकोपयोगी आहे हे आम्ही झाईर करु इच्छित आहे !

गंगाधर मुटे मंगळवार, 19/07/2016
पळवाट शोधून पळू नका. पत्ता द्या. घरी येतो. दुवा द्या. चहाही मागणार नाही.

माम्लेदारचा पन्खा मंगळवार, 19/07/2016
चहाचं म्हणत असाल तर एक चहा कट्टा करुया हवं तर...आम्ही लोकांना चहा आणि पाणी दोन्ही पाजतो ! तुम्ही आज गुरुपौर्णिमेच्या निमित्ताने धाग्यावर भेटलात...जीवन धन्य झाले...आभार !

गंगाधर मुटे मंगळवार, 19/07/2016
पत्ता कधी देणार? तेवढं सोडून अवांतर लिहिण्यात फारच उत्साह आहे तुम्हाला. पत्ता ध्या. तुमचा दुवा घ्यायला येतो.

धनावडे गुरुवार, 21/07/2016
मुटे साहेब सगळ्याचे पत्ते मागतायत मी द्यायला तयार आहे माझा पत्ता काय आहे सध्या भात लावणीसाठी गावी आलोय ते आलेतर भात लावायला मदत होईल आणि शेतीतज्ञ आहेत तर काहीतरी सल्ले पण देतील येताय का?

गंगाधर मुटे मंगळवार, 19/07/2016
किंवा मी माझा पत्ता देतो. जाण्यायेण्याचा खर्च देतो. पाहुणचार करतो. माझ्या घरी या. दुवा द्या.

अभ्या.. मंगळवार, 19/07/2016
मुटे सरांचे प्रतिसाद पाहून मला (पिक्चरात पाहिलेल्या) रणांगणात एकट्याने दांडपट्टा फिरवणाऱ्या शूरवीराची आठवण आली. खूप दिवसांनी आले सर पण पार धुराळाच केला.

गंगाधर मुटे मंगळवार, 19/07/2016
तुमचा प्रतिसाद पाहून मलाही सिनेमाची आठवण झाली. गुंडांच्या टोळीचा नि:पात झाल्यानंतर पिक्चरमधे सामान्य जनता जशी खुशीने नाचायला लागते, तसंच वाटलं.

ब़जरबट्टू गुरुवार, 21/07/2016
अभ्या.. पार सामान्य जनतेच्या क्यातागिरीत गेला.. :) मुटे सर प्रतिसाद द्यायला परत धाग्यावर येतात, हे याची देहा पाहिले.. _/\_

अभ्या.. गुरुवार, 21/07/2016
सामान्यच हाय मी. त्यात काय लाजायचं. आणि मला खरच असली साउथ स्टाईल फायटिंग आवडती. एकटा हिरो लुंगी गुंडाळून सेंटरला. चारी साईडने सगळे कोयतेवाले.बाजूला कोर्पिओ, तवेरा, क्वालीस, सफाऱ्या. हे घापघीप घापघिप, नुसता धुराळा. येण्णा रासकला, मिनिस्टरा बेकू, हे घीप. शेती बेकू, हे गहिप्पप्प. पत्ता बेकू हे घीप. नुसती फायतांफाईट. पैशे वसूल.

अभ्या.. शुक्रवार, 22/07/2016
संदीपाअण्णा, जस्ट आलेला वॉस्सप. . सलमाणः अपना मुवी ईदको आता है आमीरः अपना क्रिसमसको शारुखः अपना तो दिवाली को. . रजनीआन्ना: येन्ना रासकला, जिस दिन अप्ना मुवी आता है वई हॉलिडे होता है.

गंगाधर मुटे शुक्रवार, 22/07/2016
आपल्या आस्वादासाठी माझा एक शेर; कायम गहाण सारे करण्यास सातबारा बँकेसमोर झाले लाचार शेत आहे (मिसळपाववर पूर्वप्रकाशित)

गंगाधर मुटे शुक्रवार, 22/07/2016
आपल्या आस्वादासाठी माझा एक शेर; कोणीतरी यांची आता, पडजीभ उपटली पाहिजे नाटकी बोलतात साले, की गरिबी हटली पाहिजे (मिसळपाववर पूर्वप्रकाशित)

मितभाषी मंगळवार, 19/07/2016
मुटे सरांचे प्रतिसाद पाहून मला (पिक्चरात पाहिलेल्या) रणांगणात एकट्याने दांडपट्टा फिरवणाऱ्या शूरवीराची आठवण आली. खूप दिवसांनी आले सर पण पार धुराळाच केला.
=)) हाहाहा काकांची चौफेर फटकेबाजी चालू आहे.

गंगाधर मुटे शुक्रवार, 22/07/2016
आपल्या चरणावर आस्वादासाठी माझा एक शेर अर्पण करतो; घे `अभय` दांडगाई सोसून लांडग्यांची झोपून वाघ असली जोवर गुहेत आहे (मिसळपाववर पूर्वप्रकाशित)

जावई मंगळवार, 19/07/2016
तुम्हाला नेमकं काय साध्य करायचे आहे या सगळ्यातून.

गंगाधर मुटे मंगळवार, 19/07/2016
तुम्हाला काय म्हणायचे? की या दहावीस आयड्यांनी माझ्या धाग्यावर येऊन तमाशा करावा आंणि मी माजघरात दडावं?

गंगाधर मुटे शुक्रवार, 22/07/2016
आपल्या चरणावर आस्वादासाठी माझा एक शेर अर्पण करतो; पेरले 'अभय' अनेक बीज जाणतोस तू हे प्रभो! निदान एक अंकुरायला हवे (मिसळपाववर पूर्वप्रकाशित)

गंगाधर मुटे शुक्रवार, 22/07/2016
आपल्या आस्वादासाठी माझा एक शेर; श्वापदे पिसाळलीत शस्त्र घ्यायला हवे झोपले असेल शेत जागवायला हवे (मिसळपाववर पूर्वप्रकाशित)

आदिजोशी मंगळवार, 19/07/2016
आत्तापर्यंतच्या सगळ्या सरकारांनी जे केले नाही ते मुटे काका मंत्री होऊन करणार आहेत असं ते म्हणतायत. पण मुळात समस्या काय आहे हेच ते सांगत नसल्याने मिपाकर विचारू पहात आहेत. हे थोडं केजरीवालांसारखं होतंय ना? निवडणुकीच्या आधी ते सुद्धा असंच बोलायचे. निवडून आल्यानंतर आनंदी आनंद झाला.

आदिजोशी मंगळवार, 19/07/2016
घोडा चतूर... घोडा चतूर करू नका... स्वतः कविताबाह्य उत्तरे देता आणि त्याबद्दल कुणी विचारलं की कवितेत लिहिलं आहे का म्हणून विचारता. ए नाॅय चाॅलबे...

गंगाधर मुटे मंगळवार, 19/07/2016
पुन्हा एकदा वाचा. मी स्वतःहून कविताबाह्य विषय सुरू केलेला नाही आहे. प्रतिसादावर उपप्रतिसाद देत आहे.

गंगाधर मुटे मंगळवार, 19/07/2016
आता दरवर्षीप्रमाणे यंदाही अन्य धाग्याप्रमाणे याही धाग्यावर श्री अनूप ढेरे यांचे आगमन झालेले आहे. कंपूच्या वतिने पुढील किल्ला ते लढवतील.

आदिजोशी मंगळवार, 19/07/2016
मिस्टर अनूप माझ्या कंपूत नाहीत. किंबहुना माझा कुठलाही कंपू नाही ह्याची नोंद घ्यावी.

गंगाधर मुटे मंगळवार, 19/07/2016
कंपू म्हणण्यात माझी चूक झाली. कंपू नियोजित असतो. अकस्मात आलेल्या संधीत हात धुवून घ्यायला काही लोक जमावात मिसळतात. त्याला कंपू नव्हे तर झुंड म्हणतात. चुकीची दुरुस्ती केल्याबद्दल आभार!

अनुप ढेरे मंगळवार, 19/07/2016
माझाही नाही कुठला कंपू. पण आपणाला माझा प्रतिसाद दखलपात्र वाटला याबद्दल आभारी आहे. फोटो आवडला का?

सामान्य वाचक मंगळवार, 19/07/2016
सतरंजी उचला रात्र झाली भारतात आता उरलेली करमणूक उद्या सकाळी