Skip to main content

सकाळची मुंबै

लेखक संदीप डांगे यांनी गुरुवार, 04/02/2016 या दिवशी प्रकाशित केले.
तीन वर्षांआधी एका सकाळी माझा कॅमेरा कॅनन १०००डी आणि किट लेन्स १८-५५ घेऊन सकाळची मुंबई कशी असते हे शोधायला निघालो. निमित्त होते परदेशी पर्यटकांना मुंबईचं पर्यटन वेगळ्या पद्धतीने घडवणार्‍या एका कंपनीच्या वेबसाईटचं. त्याची डीझाईन व डेवलपमेंट मीच करत होतो. (काही कारणाने ती अजुन पुर्ण झालेली नाही.) फोटोही मीच काढावे असे ठरले. त्यानुसार त्या सकाळी दोन विषय निश्चित केले. जे त्यांच्या दोन टूरवर आधारित होते. मुंबई बाय मॉर्निंग आणि दादर फ्लावर मार्केट. ह्यातले काही फोटो वेबसाईटवर वापरले गेलेत. सर्व फोटोंचे एक कलेक्शन म्हणून 'मुंबई मॉर्निंग : बाय संदिप डांगे' हा अल्बम बनवला. त्यातलेच काही निवडक फोटो. बाकीचे ह्या दुव्यावर बघता येतील. बरेच मिपाकर मोबाईलवर बघतात म्हणून ही काळजी. असो. १. मुखपृष्ठ 1 २. ताजा खबर 2 ३. मरिन ड्राईवच्या झाडांना पाणी 3 ४. मछली का पानी! 4 ५. सकाळ आणि संध्याकाळ 5 ६. डिवायडर 6 ७. बन मस्का अ‍ॅट गेटवेऑफइंडिया 7 ८. दान... 8 ९. दगडी शिल्प : फुले मंडई 9 १०. मटनमार्केट 10 ११. आकाशकंदिल 11 १२. पाण्याचा टँकर 12 १३. कामासाठी तयार अब्दुल रहमान स्ट्रीटवरचे कामगार. 13 १४. बोराबाजार, फोर्ट. 14 १५. गरमागरम पुरीभाजीची तयारी 15 १६. सुशेगाद 16 १७. आज किती मजूरी मिळणार? 17 १८. वादळापुर्वीची शांतता: अब्दुल रहमान स्ट्रीट. 18 (काही फोटोंना ट्रीटमेंट दिली आहे) धन्यवाद!
वाचने 18576
प्रतिक्रिया 67

प्रतिक्रिया

नंदन गुरुवार, 04/02/2016
अलीकडच्या काथ्याकूटकल्लोळाच्या पार्श्वभूमीवर हा धागा एकदम आवडून गेला. टार्गेट ऑड्यन्स हा परदेशी पर्यटकवर्ग असल्याने काही फोटोंत हुकमी टुरिष्टी क्षण/पोझेस जाणवणे स्वाभाविक आहे, मात्र तरीही छायाचित्रकाराचा वेगळेपणा जाणवतो.

कैलासवासी सोन्याबापु गुरुवार, 04/02/2016
हे बी कलाकारी हाय नाही मंग अंगी!!! लैच ख़ास माहोल टिपला लेक!! ऑन अ सीरियस नोट, जेव्हा कधी जमेल आयुष्यात तेव्हा एक "फ़ूड वॉक" काढू अकोल्याचा! अन त्याचा एक जॉइंट धागा बनवु!! इथेच मिपावरच!! सगळे काही इंक्लूडेड राधास्वामी च्या ब्रेड वड्या पासुन राठीवाला, श्रीराम वडापाववाला, कलकत्ता ढाबा, बशीर भाई, मुहम्मद अली रोडचे हलाल मार्केट, जुन्या शहरातला राजस्थान दहिबडा सेंटर अन नुक्कड़ कचोरी सब्बन तुम्ही कॅमेरा मधे पकड़सान, अन खाऊ बी सोबतीनं!! क्या बोलते??

संदीप डांगे गुरुवार, 04/02/2016
कलाकारीचं काय सांग्याचं बापुसायेब, आमची बायको मंते जॅक ऑफ ऑल ट्रेड, मास्टर ऑफ नन! ;-) आकोल्यातल्या फूड वॉकसाठी कवाबी तयार. तुम्ही टाईम काळा फक्त!

कैलासवासी सोन्याबापु गुरुवार, 04/02/2016
नाई नाई थुमी बी चालसान अन इकळे जितले इच्चक लेकरं हैत साऱ्याईले हेच खुल्ले निमंत्रण हाय न लेक!!

होबासराव गुरुवार, 04/02/2016
दिवसभराचि सारि खादाडि म्हंजे हानने भाइरच करु..बास राजा आपल्या सार्‍या कुचिनायचा टाइम मेळ खायले पायजे. तुम्हा दोघाइच म्हैत नाइ पन म्या लय कुचिन होतो लानपनि.

महासंग्राम शुक्रवार, 05/02/2016
पुण्यात भरपूर वेळा फोटो काढत फिरलो आहे, पण अकोला कधीही एक्स्प्लोर केलं नाही. बहुतेक अकोल्यात आल्यावर मी किती भारी हा सगळा गर्व गळून पडत असावा. पण अकोल्यात फोटू काढायला कधीबी तयार. नेहरू पार्क जवळ प्रकाश TVS समोर एक चहा वाला बसतो, त्याच्या कडच्या पाट्या पाहण्यासारख्या असतात.

कंजूस गुरुवार, 04/02/2016
चांगलेत फोटो. फेसबुकावरच्या सर्व फोटोंना एकच मथळा -mumbai ------पडलाय/दिलाय. (कुंभमेळा नाशिकचा संपून उज्जैनचा आला तरी नाशिकची क्षणचित्रे आलीच नाहीत.)

संदीप डांगे गुरुवार, 04/02/2016
धन्यवाद काका! नाशिकमधे पोलिसांनी घातलेल्या गोंधळाचा राग अजून गेला नाही काका, फोटो आहेत पण अजून सॉर्टींग केले नाही.

अनुप७१८१ गुरुवार, 04/02/2016
झका्स फोटो आहेत ... थिम मधे रेल्वे स्थानक बस स्थानक- चहाचि टपरी - जोगिन्ग-मोर्निग वोक करणारि लोक ... कचरा साफ करनारे आप्ले बि एम सि चे लोक पण दखवा

संदीप डांगे गुरुवार, 04/02/2016
धन्यवाद! फोटोग्राफीची पहिलीच फेरी होती. नंतर सगळं थांबलं क्लायंट कडून. तुम्ही म्हणताय ते फोटोज आवश्यक आहेतच.

विवेक ठाकूर गुरुवार, 04/02/2016
सुरेख फोटो!

नाखु गुरुवार, 04/02/2016
नाही हे मार्क नाहीत मला दिसलेले फोटो. ही पण कला आहे तर !!! बाकी प्रवासाच्या पुढच्या भागाची वाट पहात आहे. आरक्षण (त्याच त्या) दळणाने वैतागलेला वाचक नाखु

संदीप डांगे गुरुवार, 04/02/2016
स्टीरीओटाईप होण्याच्या धोक्याची जाणीव झाली म्हणून इतर रंगही दाखवावे म्हणतो ;-) पुढचा भाग येईलच लवकर आणि पुढचा प्रवासही बदलणार मिपावरचा... आगे आगे देखो होता है क्या! ;-) - (स्टीरीओटाईप होण्यास अतिशय घाबरणारा) संदीप

अभ्या.. गुरुवार, 04/02/2016
अच्छी बात है संदीपभौ. लगे रहो. (आपण आपल्याला वाटतं तस बदलायचं, पण लोकांच्या अपेक्षेनं कधीच नाही. काय???? ;) )

चित्रगुप्त गुरुवार, 04/02/2016
व्वा. मस्तच.

मुक्त विहारि गुरुवार, 04/02/2016
मस्त,,, (स्वगत : आमच्या हातात आमच्या घरातले लोक कॅमेरा देत नाहीत....)

आदूबाळ गुरुवार, 04/02/2016
एक नंबर! हे कसं नाही आठवलं अजून कोणाला?
न्हालेल्या जणू गर्भवतीच्या, सोज्वळ मोहकतेने बंदर मुंबापुरीचे उजळीत येई, माघामधली प्रभात सुंदर सचेतनांचा हुरूप शीतल, अचेतनांचा वास कोवळा हवेत जाती मिसळून दोन्ही, पितात सारे गोड हिवाळा डोकी अलगद घरे उचलती, काळोखाच्या उशीवरूनी पिवळे हंडे भरून गवळी, कावड नेती मान मोडुनी नितळ न्याहारीस हिरवी झाडे, काळा वायु हळुच घेती संथ बिलंदर लाटांमधुनी, सागरपक्षी सूर्य वेचती गंजदार पांढर्‍या नि काळ्या, मिरवीत रंगा अन नारंगी धक्क्यावरच्या अजून बोटी, साखरझोपेमधे फिरंगी कुठे धुराचा जळका परिमल, गरम चहाचा पत्ती गंध कुठे डांबरी रस्त्यावरचा, भुर्‍या शांततेचा निशिगंध या सृष्टीच्या निवांत पोटी, परंतु लपली सैरावैरा अजस्त्र धांदल क्षणात देईल, जिवंततेचे अर्ध्य भास्करा थांब जरासा वेळ तोवरी, अचेतनांचा वास कोवळा सचेतनांचा हुरूप शीतल, उरे घोटभर गोड हिवाळा कवी - बा. सी. मर्ढेकर

चौथा कोनाडा शनिवार, 06/02/2016
सुंदर प्रतिसाद ! हे पुसटसे आठवत होते. तुम्ही लिहिल्यामुळे उजाळा मिळाला. कोणत्या ही ठिकाणची सकाळ ही भन्नाटच असते. मग ते शहर असो, खेडे असो अथवा जंगल ! ह्या लेखात सकाळची मुंबइ परफेकट पकडलीय !

चौथा कोनाडा शनिवार, 06/02/2016
सुंदर प्रतिसाद ! हे पुसटसे आठवत होते. तुम्ही लिहिल्यामुळे उजाळा मिळाला. कोणत्या ही ठिकाणची सकाळ ही भन्नाटच असते. मग ते शहर असो, खेडे असो अथवा जंगल ! ह्या लेखात सकाळची मुंबइ परफेकट पकडलीय !

बोका-ए-आझम गुरुवार, 04/02/2016
पुरीभाजी पंचमपुरी का? आणि तो आजच्या मजुरीच्या चिंतेत असलेल्या माणसाचा चेहरा परफेक्ट पकडलेला आहे. आणि डिव्हायडर नावाच्या फोटोला b/w केल्यामुळे एकदम तो अंगावर येतो. त्या फोटोतला रिकामा भकासपणा कलरमध्ये आला नसता. रच्याकने कधी सिनेमॅटोग्राफी करायचा प्रयत्न नाही केला का?

संदीप डांगे गुरुवार, 04/02/2016
धन्यवाद बोकाशेठ! ती पंचमपुरी नाही. अब्दुल रहमान स्ट्रीटवर रस्त्याच्या बाजुलाच एक कुटूंब पुरीभाजी बनवत होतं. सिनेमॅटोग्राफीची आठवण नका काढु राव! लै दुकतं. नको तिथे स्वाभिमान नडला अन् संधी असून सही वक्त पे सही जगह नव्हतो आम्ही, नै तो दुनिया कुछ अलग होती हमारी! असो. दिग्दर्शन आणि सिनेमेटोग्राफी आपलं डाय-हार्ड ड्रीम. ते करायचं आहेच. उससे पैले मरने का नै :-)

अन्नू गुरुवार, 04/02/2016
मस्त कॅच केलेय मुंबई कॅमेरॅत. त्यात "मछली का पानी!" फुटुत- कडेला ठेवलेल्या टोपलीतून डोकावणार्‍या माशांच्या शेपटांकडे बघून, ती तशीच टोपली उचलून घरी आणावी आणि ताजी-ताजी मछली मसाला लावून- गरम-गरम तेलात फ्राय करुन खावी, असं वाटतंय!! ;) -माशाला हावरट अन्नू!! ;)

विलासराव गुरुवार, 04/02/2016
बोरा बाजार संपतो तिकडे जवळच माझे ऑफिस होते,आणि नंतर ठाकुरद्वारला. तेव्हा रोजची संध्याकाळ मरीन ड्राइव्हला असायची. पण असे फोटो काही आम्हाला काढायला आले नाहीत.देणार्याने कोणतीच कला मला दिली नाही समजत नाही.