पनीर बटर मसाला

कोलबेर · Sat, 01/03/2009 - 10:19 · पाककृती

पनीर बटर मसाला

माहितीचा स्त्रोत/ चीफ शेफ : सौ. कोलबेर साहित्य : पनीर ४०० ग्रॅम क्रिम (हाफ ऍंड हाफ) १ टेबल स्पुन लोणी काजु पेस्ट (१०-१५ काजुंची) जिरे १ टी स्पुन तमालपत्र १-२ चवी पुरते मीठ १ चमचा साखर कश्मिरी लाल तिखट पावडर २ मोठे चमचे हळद चिमुटभर १ चमचा गरम मसाला मसाल्यासाठी : दालचिनी १ काडी, मिरे ८-१०, लवंग ५-६ १ मोठ्या कांद्याची पेस्ट टोमेटो प्युरी (३ टोमेटोची) आलं + लसुण + हिरवी मिरची + कोथिंबीर पेस्ट कृती : एका भांड्यात तेल तापवावे. त्यात जिरे टाकुन तडतडल्यावर तमालपत्र आणि कांद्याची पेस्ट घालावी. चांगले परतुन सोनेरी होऊ द्यावे. त्यात टोमेटो प्युरी घालुन परतावे. मिश्रण शिजल्यावर त्यात आलं + लसुण + हिरवी मिरची + कोथिंबीर पेस्ट घालुन पुन्हा परतावे. त्यानंतर काजुजी पेस्ट घालावी. त्यानंतर वर दिलेला मसाला बारीक करुन घालावा. चवीपुरते मीठ, १ चमचा साखर, हळद, कश्मिरी लाल तिखट आणि गरम मसाला घालावे. चांगले हलवावे. जास्त घट्ट वाटल्यास थोडे पाणी टाकावे आणि हळू हळू १ कप क्रिम घालावे आणि सतत मिश्रण ढवळावे. शेवटी पनीर चौकोनी तुकडे कापुन टाकावे आणि एक टेबलस्पुन लोणी घालावे. साधारण ५ मिनिटे वाफ द्यावी वरुन कोथिंबीर भुरभुरावी. पनीर बटर मसाला तयार.

वाचने 15388 वाचनखूण प्रतिक्रिया 42

मी पाकृ

मदनबाण Sat, 01/03/2009 - 10:29

मी पाकृ वाचायच्या आधीच फोटो पाहुनच भुकेला झालो आहे... पनीर चा कुठलाही पदार्थ हा माझा लय विक पॉइंट हाय... कोलबेरराव आणि को.काकु यांना या जबरदस्त पाकृ बध्दल धन्यवाद... :) (पनीर प्रेमी) मदनबाण..... "Its God's Responsibility To Forgive The Terrorist Organizations It's Our Responsibility To Arrange The Meeting Between Them & God." - Indian Armed Forces -

सुंदर

सुनील Sat, 01/03/2009 - 10:30

फर्मास फोटो आणि पाकृ. स्वगत - माझ्या नववर्षाच्या संकल्पाचे कसे होणार, ह्या अशा पाकृ येऊ लागल्या तर? (डाएटेच्छु) सुनील Doing what you like is freedom. Liking what you do is happiness.

सहमत

सहज Sat, 01/03/2009 - 10:49

अरे यार असे तुम्ही लोकांनी पनीर डिश, केक टाकल्यावर डायट की ऐशी की तैशी होणार रे :-( बाकी फोटु खल्लास आहे.

+१

अवलिया Sat, 01/03/2009 - 10:52

डायट की ऐशी की तैशी होणार? अहो झालीच .... :) बाकी फोटु खल्लास आहे. -- अवलिया अवलियाची अनुदिनी

स्वगत -

कोलबेर Sat, 01/03/2009 - 10:51

स्वगत - माझ्या नववर्षाच्या संकल्पाचे कसे होणार, ह्या अशा पाकृ येऊ लागल्या तर?

फॅट फ्री दुधापासुन देखिल उत्तम पनीर बनते. एकदा करुन पहाच! तुमचा संकल्पही राहील आणि ही डिशही चाखायला मिळेल :)

नक्की

सुनील Sat, 01/03/2009 - 10:52

एका दगडात दोन पक्षी? करून बघावेच लागेल! Doing what you like is freedom. Liking what you do is happiness.

टोफू..

प्रभाकर पेठकर Mon, 01/05/2009 - 15:13

फॅट फ्री दुधापासुन देखिल उत्तम पनीर बनते. त्या पेक्षा टोफू (बीन कर्ड) वापरून पाहावे. नो फॅट. निष्कर्ष म्हणजे मेंदू थकल्याचे लक्षण!

शिजवल्यानंतर टोफू

चतुरंग Mon, 01/05/2009 - 15:28

बर्‍याचवेळा लुचकट लागते पनीर इतके लुसलुशीत आणि खुसखुशीत नाही, त्यामुळे मला टोफू फारसा पसंत नाही. चतुरंग

मलाही..

प्राजु Mon, 01/05/2009 - 20:58

एकदा आणून पाहिला टोफू... पण..! बास! - (सर्वव्यापी)प्राजु http://praaju.blogspot.com/

टोफू...

प्रभाकर पेठकर Wed, 01/07/2009 - 17:37

टोफूत दोन प्रकार मिळतात. एक सॉफ्ट टोफू दूसरा हार्ड टोफू. अर्थात, आवडत नसेल तर प्रश्नच मिटला. निष्कर्ष म्हणजे मेंदू थकल्याचे लक्षण!

फर्म आणि सुपरफर्म

आजानुकर्ण Fri, 01/09/2009 - 02:11

सुपरफर्म टोफू हा पनीरसारखाच असतो. पनीरपेक्षा चवही बरी वाटते. पनीरला येणारा दुधी वास मला फारसा पसंत नाही. त्यामुळे टोफू जरा बरे. आपला (टोफूप्रेमी) आजानुकर्ण

फोटू पाहून

विसोबा खेचर Sat, 01/03/2009 - 10:45

फोटू पाहून वारलो..! कोलबेरा, तू उत्तम बलवाचार्यही आहेस हे माहीत नव्हतं! येऊ द्यात अजूनही अश्याच दिलबहार, सदाबहार पाकृ.. आपला, (पनीरप्रेमी) तात्या.

कोलबेरा,

कोलबेर Sat, 01/03/2009 - 10:48

कोलबेरा, तू उत्तम बलवाचार्यही आहेस हे माहीत नव्हतं! येऊ द्यात अजूनही अश्याच दिलबहार, सदाबहार पाकृ..

धन्यवाद तात्या! तसे आम्हीही बल्लवाचार्य आहोतच :) पण ह्या पाककृतीचे श्रेय सौ.कोलबेर यांचे आहे.

पण ह्या

विसोबा खेचर Sat, 01/03/2009 - 11:03

पण ह्या पाककृतीचे श्रेय सौ.कोलबेर यांचे आहे. काकूंना धन्यवाद सांगा.. बाय द वे, दुसरा धक्का. तुझंही लग्न झालेलं आहे हेही मला माहीत नव्हतं. मी आपला तुला कुणीतरी अमेरीकेत उच्च शिक्षण घेणारा विद्यार्थीच समजत होतो! असो. :) कोलबेरकाकूंनाही मिपाच्या मेंबर करून घ्या प्लीज.. तात्या.

झक्कास

ऋषिकेश Mon, 01/05/2009 - 15:06

मी आपला तुला कुणीतरी अमेरीकेत उच्च शिक्षण घेणारा विद्यार्थीच समजत होतो! असो

मी पण! :) बाकी बाऊल, पदार्थ, फोटो सगळं एकदम झक्कास! कोलबेर काकु/वहिनींचे अभिनंदन :) रामदासकाका म्हणतात त्याप्रमाणे तोंडाला लाळेरं लाऊनच मिपा उघडायला लागणार बहुतेक -ऋषिकेश

धन्यवाद

मृगनयनी Sat, 01/03/2009 - 11:33

धन्यवाद कोलबेर जी.. आणि सौ कोलबेर जी.. :) अजून येउ देत..

छान पाककृती आहे.

वेताळ Sat, 01/03/2009 - 11:53

पनीर आपला पण आवडता पदार्थ आहे. पनीरटिक्का मसाला पण कसा करावा ह्याचे मार्गदर्शन कोलबेर साहेब तुम्ही एकदा करावे. वरील पाकृ लवकरच करणार आहोत. वेताळ

वा वा फोटू पाहून

चतुरंग Sat, 01/03/2009 - 20:43

तोंडाला पाणी सुटले. लवकरच करुन बघायला हवे. कोलबेरराव चीफ शेफ सौ.कोलबेरना धन्यवाद सांगा! चतुरंग

लय म्हणजे लयच भारी..

प्राजु Sat, 01/03/2009 - 20:50

काय सांगू आता याबद्दल.. काकूंना धन्यवाद. - (सर्वव्यापी)प्राजु http://praaju.blogspot.com/

सह्ही..

शितल Sat, 01/03/2009 - 22:56

पाककृती आणि फोटो एकदम मस्त. :)

मस्त

चित्रा Sat, 01/03/2009 - 23:38

पनीर बटर मसाला सुरेख दिसतो आहे. ही कृती चिकन घालूनही छान होईल असे वाटते. धन्यवाद!

+१

नंदन Sun, 01/04/2009 - 06:54

सहमत आहे. पाककृती मस्त आहे. पनीरप्रमाणेच चिकन आणि मिश्र भाज्यांनीही बनवता येऊ शकेलसे वाटते.

नंदन
मराठी साहित्यविषयक अनुदिनी

चिकन

कोलबेर Sun, 01/04/2009 - 22:03

चिकन घालुनही साधारण अशीच पाककृती मस्त लागते. शिजवताना त्यात थोडे दही घालावे.

+१

सुनील Mon, 01/05/2009 - 15:22

चिकनची तर बनेलच पण जे शाकाहारी आहेत आणि पनीरमुळे वजन वाढेल असे वाटतेय, त्यांनी टोफू घालून पहावा. पौष्टीक आणि रुचकर. Doing what you like is freedom. Liking what you do is happiness.

वा ! पाकृ

लिखाळ Sun, 01/04/2009 - 01:06

वा ! पाकृ छान आहे. फोटो मस्तच आहे. हिरवे सुंदर पानाच्या आकाराचे काचेचे पात्र आणि त्यात केशरी रंगाचा पदार्थ फारच मोहक. फॅट फ्री दुधाचे पनीर होते? मला वाटले होते की पनीर म्हणजेच दुधातली वेगळी झालेली फॅट्स असतात. -- लिखाळ. माझ्या अनुदिनीला येथे भेट द्या.

फॅट फ्री दुधाचे पनीर

कोलबेर Sun, 01/04/2009 - 01:19

फॅट फ्री दुधाचे पनीर होते? मला वाटले होते की पनीर म्हणजेच दुधातली वेगळी झालेली फॅट्स असतात.

मलाही असेच वाटायचे. पण प्रत्यक्षात करुन बघीतले आहे खूप मस्त होते. दुध = स्निग्धांश + प्रथिने (प्रोटीन) + पाणी. त्यातला स्निग्धांश काढुन टाकला तरी उरलेल्या दुधातील पाणी वेगळे करुन प्रथिनयुक्त पौष्टीक आणि चविष्ट पनीर बनते.