Skip to main content

पुणे कट्टा- ४ ऑक्टोबर २०१५,

लेखक कॅप्टन जॅक स्पॅरो यांनी शुक्रवार, 02/10/2015 या दिवशी प्रकाशित केले.
दिव्यश्रींच्या धाग्यावर जरा जास्तचं मारामारी झाली. असो. कट्टा फायनालाईझ झालेला आहे. कट्टा खालीलप्रमाणे होईल. तारिख पे तारिखः ४ ऑक्टोबर २०१५ वेळः रविवारी पहाटे ११.०० वाजता स्थळः पुण्यनगरीमधली पाताळेश्वर ही पावन जागा कार्यक्रम: भेटणे, गप्पा हाणणे, खादाडी, गप्पा हाणणे, गप्पा हाणणे, खादाडी, गप्पा हाणणे, गप्पा हाणणे आणि टवाळक्या करणे फायनान्स डिटेल्सः टी.टी.एम.एम. कोण कोण येणारे ते इथे कन्फर्म करा. म्हणजे भोजनास कुठे जायचे हे ठरवता येईल. दुर्वांकुरला जायचं का? (संपादकांना विनंती-४ तारखेनंतर धाग्यास हेवनवासी करावे. धाग्याकर्त्याला नको) धन्यवाद.
लेखनविषय:
लेखनप्रकार
वाचने 61590
प्रतिक्रिया 143

प्रतिक्रिया

प्रचेतस शुक्रवार, 02/10/2015
मी येतोय. जेवण राजधानी सोडून कुठेही चालेल.

प्रचेतस शुक्रवार, 02/10/2015
ह्यात गुर्जी जाणकार म्हणत असाल तर त्यांची खाण्याची ठिकाणं गंडलेली असतात असा आण्भव आहे. उदा. मामा मिसळ :)

नाखु शुक्रवार, 02/10/2015
गुर्जी आमंत्रण द्यायची पद्धत आवडली आहे. भेटुतिथे़कट्टाकरूचट्टामट्टाफेम्यमकेगुरुजींच्याफॅनसंघाकडून खुलासा

मृत्युन्जय शुक्रवार, 02/10/2015
तो आशा डायनिंग हॉल. रविवार असल्याने मेन्यु खालीलप्रमाणे असेलः १. बटाट्याची भाजी २. अळुचे फदफडे ३. छोले ४. कढी ५. वरण भात ६. पापड, चटणी, कोशिंबीर आणि केळ्याचे रायते. जेवण गरमागरम वाढतात. टेस्ट चांगली आहे. स्वच्छ आहे. खाणावळीचा फील आहे (पाठीला पाठ लावुन नाही बसायला लागत). जेवण घरगुती असते. प्रचंड अपेक्षा ठेवुन जाऊ नका. कट्ट्ञाला शुभेच्छा.

कॅप्टन जॅक स्पॅरो शुक्रवार, 02/10/2015
बाहेर घरगुती जेवायला कशाला जायचं =)) ते तर घरी पण मिळतं. बाहेर बाहेरचं हादडायला जायचय.

पैसा शुक्रवार, 02/10/2015
प्रथेनुसार तिसर्‍या धाग्यात कट्टा फायनल झाला! शुभेच्छा! कट्ट्याला फोनवरून हजेरी लावण्यात येईल. माझ्या नावाने दोन दोन घास जास्त खावा!

कॅप्टन जॅक स्पॅरो शुक्रवार, 02/10/2015
त्यापेक्षा प्रत्यक्ष आलात तर जास्तं बरं वाटेल. कट्ट्यानंतर प्रसिद्ध अमृततुल्यामधे पाहिजे तेवढा चहा पाजु. सूडक्या काय म्हणतोस रे ह्याच्यावर?

डॉ सुहास म्हात्रे शुक्रवार, 02/10/2015
हो ना म्हणता कट्ट्याची वेळ ठरली... आमीबी येनार ! नेहमीच्या प्रथेप्रमाणे खादाडी कुठे करायची यावर कट्ट्यातच एक चर्चासत्र होईलच ;) तेव्हा त्याबद्दल काळजी न करता आपापल्या खादाडीच्या ठिकाणांच्या "युएसपीज"ची टिपणे घेऊन येऊन घमासानात भाग घ्या... कट्ट्याच्या गफ्फांत तो एक म्हत्वाचा आजेंडा आस्तोय ;) :)

कपिलमुनी शुक्रवार, 02/10/2015
कट्टा व्हेज दिसतोय !

प्यारे१ शुक्रवार, 02/10/2015
एकदम रानोमाळी वाचलं.... nonveg साठी चिमण रानोमाळी का जातोय समजेना. बाकी करा ऐश खा मटार उसळ शिकरण वगैरे नेहमीचं आहेच. ;)

नाखु शुक्रवार, 02/10/2015
रवीवारी हाफीस आणि उरलेले ५ दिवस सुट्टी असे असेल तर अगदी उत्तम.

यशोधरा शनिवार, 03/10/2015
जखमेवर मीठ चोळणे = सुट्ट्यांची मारामार असताना ५ दिवस सुट्टी आणि शनिवार रविवार काम अशा दिवास्वप्नांचा जाहीर उच्चार करणे= मिठाचं पोतं.

टवाळ कार्टा शनिवार, 03/10/2015
जेव्हा बघावं तेव्हा तुम्ही हापिसात नैतर हिमालयात अस्ता...तुम्ही म्हणाल तर तुम्च्या घरच्यांकडे मिपाच्यावतीने शब्द टाकून बघावा कै? =))

टवाळ कार्टा रविवार, 04/10/2015
ओ यशोधरा तै, तुम्ही एव्हरेस्ट बेस कँप चा ट्रेक आयोजीत करता का? मला फार इच्छा आहे तो करायची....अगदी १ वर्षे आधीपासून तयारी करावी लागली तरी चालेल...

मुक्त विहारि शुक्रवार, 02/10/2015
तारीख,वेळ आणि ठिकणा सहित ठरला.... कट्ट्याला मनापासून शुभेच्छा. वृत्तांत लिहून जखम करणार नसालच आणि वरून खादाडीचे फोटो टाकून, मीठ पण टाकणार नसालच, अशी माफक अपेक्षा.

कॅप्टन जॅक स्पॅरो शुक्रवार, 02/10/2015
वृत्तांत यंदा अत्रुप्त लिहिणार आहेत. तुम्हालाही व्हॉट्स अ‍ॅपवरुन फोटो नक्की पाठवु =)) इनोचे.

अत्रुप्त आत्मा शनिवार, 03/10/2015
@ वृत्तांत यंदा अत्रुप्त लिहिणार आहेत.>>. परस्पर निर्णयसागर चिमणमंडळाचा णिसेध! :-/ माताय.. मी येणारच १वाजता.. त्यामुळे व्रुत्तांत चिमण लिहीणार अता! ल्लुल्लुल्लुल्लु :-/

अत्रुप्त आत्मा शनिवार, 03/10/2015
@ परस्पर भागवत मित्रमंडळ>> यावरूण (एखाद्याचा..) "भागवत डाव करणे" या प्राचीन पुणेरी फ्रेजची आठवण झाली. ;)

कॅप्टन जॅक स्पॅरो शनिवार, 03/10/2015
नाखुनकाका आणि इतर चौकडीने पुरवलेल्या माहितीवरुन लिहिलेल्या वृत्तांमधुन काही विशेष माहिती मिपावर उघड झाल्यास मंडळ जबाबदार नाही ह्याची नम्र णोंद घेणे =)) ;)!!!

डॉ सुहास म्हात्रे शुक्रवार, 02/10/2015
तुम्ही पण चक्कर टाका. अनायासे चिरंजीवांनाही भेटता येईल ! :)

गॅरी ट्रुमन शनिवार, 03/10/2015
कट्ट्याला शुभेच्छा. वृत्तांत आणि फोटूची वाट बघत आहे.

हर्षद खुस्पे शनिवार, 03/10/2015
येण्यासाठी प्रयत्न करत आहे. पेठकर काका येणार आहेत का?

प्रभाकर पेठकर शनिवार, 03/10/2015
पेठकर काका येणार आहेत का? १६०० कि.मी दूरुनच शुभेच्छा...

बोका-ए-आझम शनिवार, 03/10/2015
हाॅटेल ठरवावे आणि फटू टाकावेत. बाकी व्हेज असल्यामुळे इनो घेण्याची काही गरज वाटत नाही. ;)

समीर_happy go lucky शनिवार, 03/10/2015
मी पण येईन, मी समीर पाठक, आल्यावर भेटतोच, बाय द वे हे "पाताळेश्वर" एरिया कि हॉटेल?? आणि पत्ता कळेल का??

अत्रुप्त आत्मा शनिवार, 03/10/2015
शिवाजीनगर स्टेशन पासून चालत दहा मिनिट अंतरावर आहे..जंगली महाराज रोडवर. विचारत विचारत आल्यास मिळू शकेल.. . . . . . . . . . . . . . . . . . . असे आहे!

अभ्या.. शनिवार, 03/10/2015
आधीच्या कट्ट्याला मला अर्धा तास लागला सापडायला. वल्ल्या त्याची सातवाहनकालीन पल्सर घेऊन आला म्हणून बरे.

अभ्या.. शनिवार, 03/10/2015
पुण्यातले पत्ते पुण्यातल्याच लोकांना सापडतात. ते समजावून सांगिलेले तरी पुण्यातल्याच लोकांना कळतात. बाकीच्यांनी गुगल मॅप वापरावे.

खटपट्या रविवार, 04/10/2015
कोणत्या सालची खरेदी हाये. आमची पण लय जुनी हाय पण अजुन चांगली चालतेय. पल्सर बद्दल बोलतोय मी.