हिरवाई..!

अत्रुप्त आत्मा's picture
अत्रुप्त आत्मा in जे न देखे रवी...
24 Jul 2015 - 4:24 pm

https://fbcdn-photos-g-a.akamaihd.net/hphotos-ak-xpf1/v/t1.0-0/11011683_874883005931320_1886834214894539045_n.jpg?efg=eyJpIjoiYiJ9&oh=e150fb00433e127ce5eb77b63cd14a3d&oe=56498752&__gda__=1448309304_9470a65a2ebf713595aaffabdcccfc60
पक्षी हिरवे झाडे हिरवी हिरवे सारे झाले
हिरवाईने पाण्यालाहि हिरवे हिरवे केले!

रंगांचिहि अशी नशा की गुंतत गुंतत जावे
मुळचा आपुला रंग टाकुनि त्या रंगाचे व्हावे!

व्यक्तित्वाला उरू नये मग मुळचा कुठला रंग
व्यक्तित्वाने व्हावे त्याचा खराखुरा सत् संग!

आत्म दुजा अन देह वेगळा भलते बेचव कोडे
देहधारणा आत्मचि असता का हे वेडे चाळे?

आत्मरूप मी निसर्गदेहि हिरवा हिरवा झालो
मनी दाटता हिरवाई ती तुमच्या भेटि आलो

साज रोजचे टाकुनि द्या हो तुम्हिही उचला रंग
देवाजीच्या बागेमधला तुमचा एक अभंग

चला गड्यांनो हिरवाईला डोळे भरुनी पाहू
काही क्षण तरि आपुले नाही तिचेच होऊन राहू!
https://scontent-lax1-1.xx.fbcdn.net/hphotos-xft1/t31.0-8/11246845_874845199268434_1853066153818177522_o.jpg?efg=eyJpIjoiYiJ9

अद्भुतरसकविता

प्रतिक्रिया

कंजूस's picture

24 Jul 2015 - 4:35 pm | कंजूस

समर्पक आणि सुंदर.

जडभरत's picture

24 Jul 2015 - 4:45 pm | जडभरत

बुवा मस्तंय कविता! छायाचित्रही समर्पक टाकलीत.

आत्म दुजा अन देह वेगळा भलते बेचव कोडे
देहधारणा आत्मचि असता का हे वेडे चाळे

ही ओळ खूप आवडली. मला वाटते हे ज्ञानेश्वरांचे चिद्विलासवादी तत्वज्ञान आहे. वेदांती म्हणतात ब्रह्म आणि माया भिन्न आहेत. तर ज्ञानेश्वर म्हणतात माया ही देखील ब्रह्मच! बरोबर आहे ना?

खटपट्या's picture

24 Jul 2015 - 5:07 pm | खटपट्या

जबरद्स्त कविता.

आगगाडीत लीवलीत काय? तसे असेल तर सलाम...

अत्रुप्त आत्मा's picture

24 Jul 2015 - 5:35 pm | अत्रुप्त आत्मा

हरिहरेश्वरला आहे. हे मी लिहिलच नाहिये,तिथे त्या पावसानी हिरवाईला ही कविता दिली आणि तिनी मला!

प्यारे१'s picture

24 Jul 2015 - 6:07 pm | प्यारे१

____/\____

सनईचौघडा's picture

30 Jul 2015 - 1:10 pm | सनईचौघडा

आगगाडीत लीवलीत काय? >>>

मी चुकुन आग लावलीत काय असे वाचले?

बाकी कविता सुरेख हो , आवडली.

स्पंदना's picture

24 Jul 2015 - 5:11 pm | स्पंदना

सुंदर रचना आत्मुस!!

(पण एक सांगितल्याशिवाय रहावत नाही. रसभंग नाही करायचा तरीही; ते हिरवे पाणी हे रासायनिक खतांच्या अतिरेकाचे फळ आहे. युरीया घालायचा थांबवा शेतातुन अन गांडुळ खत वापरले तर ही नको असलेली पाण्याची हिरवाई जाऊन निव्वळ शंख पाण्यात हिरव्या छब्या पहात झाडे डोलु लागतील.)

पगला गजोधर's picture

24 Jul 2015 - 5:20 pm | पगला गजोधर

छान कविता गुर्जी.
बरे झाले फोटो टाकले, नै तर काही लोकांनी, ऐका विशिष्ठ रंगाच्या वारंवार केलेल्या उल्लेखाकडे पाहून,
गुर्जीनी 'त्या विशिष्ठ रंगाचा' धर्म तर स्वीकारला नाही नं ? अशी राळ उठवली असती.

पद्मावति's picture

24 Jul 2015 - 6:02 pm | पद्मावति

खूप छान जमलीय.

प्रचेतस's picture

24 Jul 2015 - 6:50 pm | प्रचेतस

मस्तच हो गुर्जी.
कोकणात गेल्यामुळे चांगलीच त्रुप्ती होत असेल सध्या तुमची.

अत्रुप्त आत्मा's picture

24 Jul 2015 - 8:26 pm | अत्रुप्त आत्मा

@ चांगलीच त्रुप्ती होत असेल सध्या तुमची.>> कळलं आपणास काय म्हणायचय ते! :-\ दुत्त दुत्त! :-\

पैसा's picture

24 Jul 2015 - 11:00 pm | पैसा

सुरेख कविता आणि फोटो!

अप्रतिम कविता आणि सुरेख फोटोज.. भारावुन टाकणारा निसर्ग तुम्ही शब्दात बांधलात :)

अत्रुप्त आत्मा's picture

25 Jul 2015 - 6:52 pm | अत्रुप्त आत्मा

जडभरत
@तर ज्ञानेश्वर म्हणतात माया ही देखील ब्रह्मच! बरोबर आहे ना? >> होय.बरोबर. पण तरिही हेतू भिन्न असणार. मला ज्ञानेश्वरांची भुमिका काहिही माहित नाही. मी म्हणतोय त्यापाठीमागे चार्वाकाचा देहात्मवाद हात जोडून उभा आहे. :)
--------------------------------------------------------------------------------------------------------------
स्पंदना

@सुंदर रचना आत्मुस!! >> धन्यवाद.

@(पण एक सांगितल्याशिवाय रहावत नाही. रसभंग नाही करायचा तरीही; ते हिरवे पाणी हे रासायनिक खतांच्या अतिरेकाचे फळ आहे. युरीया घालायचा थांबवा शेतातुन अन गांडुळ खत वापरले तर ही नको असलेली पाण्याची हिरवाई जाऊन निव्वळ शंख पाण्यात हिरव्या छब्या पहात झाडे डोलु लागतील.)>> अगदी खरे. आणि सहमतंही.
-----------------------------------------------------------------------------------------------------------------------------------
पगला गजोधर
@छान कविता गुर्जी.
बरे झाले फोटो टाकले, नै तर काही लोकांनी, ऐका विशिष्ठ रंगाच्या वारंवार केलेल्या उल्लेखाकडे पाहून,
गुर्जीनी 'त्या विशिष्ठ रंगाचा' धर्म तर स्वीकारला नाही नं ? अशी राळ उठवली असती.>>> ह्हा ह्हा ह्हा ! लिहिताना माझ्याही मनात तसेच काहिसे आलेले होते. पण फोटो टाकण्यामागे माझा उद्देश कवितेशी त्यांचा असलेला सांधा स्पष्ट व्हावा एव्हढाच होता. :)
-------------------------------------------------------------------
स्रुजा

@अप्रतिम कविता आणि सुरेख फोटोज.. भारावुन टाकणारा निसर्ग तुम्ही शब्दात बांधलात.>> होय . मि ही बांधलो गेलो त्याच्याशी. :)
----------------------------------------------------------------------------
बाकिही सर्व वाचक/प्रतिसादकांचे धन्यवाद. :)

सदस्यनाम's picture

25 Jul 2015 - 6:56 pm | सदस्यनाम

छान छान

लीलाधर's picture

26 Jul 2015 - 12:04 am | लीलाधर

आत्मुदा सुरेख हिरवाई लेखणीतून उतरावलित बघा ---^---

अत्रुप्त आत्मा's picture

26 Jul 2015 - 5:31 am | अत्रुप्त आत्मा

धन्यवाद रे लिल्या.

एक एकटा एकटाच's picture

26 Jul 2015 - 9:42 am | एक एकटा एकटाच

मस्तच आहे ही हिरवाई

"आल्हाददायक"

श्रीरंग_जोशी's picture

26 Jul 2015 - 10:01 am | श्रीरंग_जोशी

रचना आवडली.

दुसरा फोटो तर अप्रतिम.

एस's picture

26 Jul 2015 - 10:41 am | एस

निळ्या निळाई अवचित हे कृष्णजलद आले
सरसर थरथर त्यातून अमृतथेंब निमाले

तृषार्त तप्त विदग्ध व्याकुळ तेही सरले
मनसृष्टीचे गाभारे भरून फुलून गेले

पाननपानही आता गच्चहिरवे जहाले
मी हिरवा, तू हिरवी, हिरवे जग सारे ल्याले!

अत्रुप्त आत्मा's picture

26 Jul 2015 - 12:45 pm | अत्रुप्त आत्मा

व्वाह्व्वा! मस्स्स्स्त!

एक एकटा एकटाच's picture

26 Jul 2015 - 1:02 pm | एक एकटा एकटाच

हे ही

सुरेख

नाखु's picture

27 Jul 2015 - 4:39 pm | नाखु

अलगद उतरली आहे काव्यात !!!

देवाजीच्या बागेमधला तुमचा एक अभंग

मी कवीता ठार अडाणी अजून शोधतोय काही लिहिण्यायोग्य, अजूनतरी योग आला नाही !!

जरी वेष बावळा अंतरी नाना (रंग) कळा वाल्या बुवांचा पंखा
नाखु

पथिक's picture

27 Jul 2015 - 7:14 pm | पथिक

वाह! मस्तच!

मनीषा's picture

28 Jul 2015 - 10:09 pm | मनीषा

वा! वा! हिरवीगार कविता.

हिरवे पाणी सोडून बाकी सगळे आवडले !

काही क्षण तरि आपुले नाही तिचेच होऊन राहू!
छान रचना. आवडली.

किसन शिंदे's picture

11 Aug 2015 - 6:51 pm | किसन शिंदे

सुरेख कविता बुवा