हिरव्या मसाल्यात तळलेली कोलंबी.

नूतन सावंत's picture
नूतन सावंत in पाककृती
22 Jul 2015 - 9:17 pm

कोलंबीची निर्मिती करताना परमेश्वर नक्कीच खुशीत असला पाहिजे.त्याशिवाय इतकी सुंदर निर्मिती होत नाही.आणि जसे,’पानी रे पानी तेरा रंग कैसा,जिसमे मिलादे मुझे उस जैसा.’ तशीच कोलंबीही ज्या मसाल्यासोबत कराल त्याच्याशी जमवून घेत स्वतःची चव,’बिलकुल उस जैसी ’करून सोडते.कमीत कमी मसाले हेही या कोलंबीच्या तिसऱ्या अध्यायाचे वैशिट्य,तळलेली कोलंबी तुम्ही खूप खाल्ली असेल .एकदा या पद्धतीने करून पहा.पुन्हा पुन्हा करावीशी आणि खावीशी वाटेल याची खात्री मी तुम्हाला देते.अतिशय उत्तम स्टार्टर.
माझ्या एका सारस्वत मैत्रिणीची आई याबाबतीत माझी गुरु.अतिशय कमी तेल हा पण या पाककृतीचा खास विशेष गुण.चला तर तुमच्या तोंडाला वर्णनानेच पाणी सुटण्याची वाट न पाहता मी कृती सांगायला सुरुवात करते.चला तर साहित्य गोळा करा.

साहित्य:-
हिरव्या मसाल्यात तळलेली कोलंबी.

१. २० कोलंब्या.

.

२. अर्धी वाटी कोथिंबीर+दोन हिरव्या मिरच्या+पेरभर आले+१५/२० लसूणपाकळ्या.
.

.
३. एक चहाचा चमचा चिंचेचा कोळ.

४. चवीनुसार मीठ.

.

५. तेल.

.

कृती:-

१. कोलंबी सोलून ,काळा धागा काढून धुवून घ्यावी.

फोटो खाली दिला आहे..

२. कोथिंबीर+मिरच्या+आले+लसूण+काळीमिरी बारीक वरून घ्यावे, पाणी न घालता वाटायचे, हे लक्षात ठेवायचे.धुतलेल्या कोथिंबीरीचा ओलावा पुरतो.

.

.

३. हे वाटण+चिंचेचा कोळ +मीठ एकत्र करून कोलंबीला चोळून १५ ते २० ठेवावे.

.

४. नॉनस्टिक तव्यात दोन चहाचे चमचे तेल घालून तवा फिरवून ते सगळीकडे पसरवून घ्यावे.

५. तेल चांगले गरम झाले की,त्यात कोलंब्या रचाव्यात. पाण्याचा हबका मारून झाकण ठेवून मंद आचेवर शिजवाव्या,पाच मिनिटांनी झाकण कडून उलटाव्यात.आता झाकण नाठेवता दुसरी बाजू होऊ द्यावी.सगळे पाणी आटले की गॅस बंद करावा.ही कोलंबी कडक तळायची नाही,एवढे लक्षात ठेवायचे.
.

.

.

६. पुढची कृती सांगायची गरज मला वाटत नाही,ती तुम्हाला चांगलीच माहिती आहे.करा तर सुरुवात.

.

प्रतिक्रिया

आहाहा... कोलंबी फेवरेट आहे माझी. तोंपासु.

सुहास झेले's picture

22 Jul 2015 - 9:29 pm | सुहास झेले

मस्तच पाककृती.... पण फोटो ब्लर आलेत, त्यामुळे फोटोंचा आस्वाद घेता आला नाही !!

त्रिवेणी's picture

22 Jul 2015 - 10:23 pm | त्रिवेणी

दु दु तायडे.
आता पुण्यात येताना सगळे पदार्थ करूँ करुन आण.
तो पै पण एकप्रकारचा टोलच असतो.

टवाळ कार्टा's picture

26 Jul 2015 - 3:37 pm | टवाळ कार्टा

माझ्याइथून जाणार असाल तर एक डबा भरुन एक्ष्ट्रा घेउन येणे...कोलंबी माझा सगळ्यात आवडता नॉन्व्हेज प्रकार आहे :)

कैलासवासी सोन्याबापु's picture

22 Jul 2015 - 10:50 pm | कैलासवासी सोन्याबापु

आता नेमके पोस्टिंग वर कोलंबी कुठून आणावी!! नॉस्टेल्जिक झालोय! आता एखाद सुट्टी मुंबई ला घालवणे आले !!

सुबोध खरे's picture

23 Jul 2015 - 11:19 am | सुबोध खरे

बापूसाहेब
कोलंबीच्या ऐवजी चिकनचे तुकडे वाफवून घ्या आणि त्यात टाका. मंगलोर कडच्या आणि केरळी सैनिकांकडून हे मी ऐकले होते. कारण काश्मीर किंवा पुर्वांचलात समुद्रातील मासे किंवा कोलंबी मिळत नाही. (नदीतील माशांना अशी चव येत नाही असे त्यांचे म्हणणे). तेंव्हा नारळ घातलेले किंवा अशा कोथीम्बिरीच्या चटणीचे पदार्थ खावेसे वाटले कि ते असे करत असत.निदान दुधाची तहान ताकावर भागवता येते.

कविता१९७८'s picture

22 Jul 2015 - 10:55 pm | कविता१९७८

मस्तच

एस's picture

22 Jul 2015 - 11:20 pm | एस

नुसते नाव वाचूनच लाळ सुटली होती!

छळवाद आहे राव!

डॉ सुहास म्हात्रे's picture

23 Jul 2015 - 12:24 am | डॉ सुहास म्हात्रे

तळलेली कोलंबी...

दीपा माने's picture

23 Jul 2015 - 1:48 am | दीपा माने

आवडते ताेंडीलावणे आहे. आणखी पाकृ येऊ द्यात.

जडभरत's picture

23 Jul 2015 - 6:30 am | जडभरत

मस्तच आहे तै. छानच होणार.

उमा @ मिपा's picture

23 Jul 2015 - 10:54 am | उमा @ मिपा

कोलंबीच्या नवनवीन पाककृतीबरोबरीने तुमच्या लिखाणातला खमंगपणासुद्धा वाढत चाललाय, सुरुवातच अशी खास केलीय, अहाहा!
आणि कोलंबी... ती तर असतेच तशी!

अविनाश पांढरकर's picture

23 Jul 2015 - 12:01 pm | अविनाश पांढरकर

छळवाद आहे नुसता :(

दिपक.कुवेत's picture

26 Jul 2015 - 3:17 pm | दिपक.कुवेत

पण फोटो तेवढे क्लियर टाका ब्वॉ. धुसर फोटो पाहून खुप निराशा होते.

पैसा's picture

27 Jul 2015 - 1:51 pm | पैसा

मस्त पाकृ! अगदी सोपी आहे!

नरेश माने's picture

27 Jul 2015 - 8:30 pm | नरेश माने

मस्त पाककृती.

पद्मावति's picture

28 Jul 2015 - 1:38 pm | पद्मावति

सुरन्गी, अजुन एक सांगायचं होतं की ती कोलम्बीची नारळा च्या रसतलि कढी मी काल करून बघितली. ही कढी आमच्या घरात अगदी हिट झाली. मुलांनी आणि त्यांच्या बाबांनी मिटक्या मारत सगळी कढी सफाचट केली. त्या मस्तं आणि सोप्या रेसिपी बदद्ल खूप खूप आभार. आता ही रिसेपी पण नक्कीच करून बघणार.

वेल्लाभट's picture

28 Jul 2015 - 4:19 pm | वेल्लाभट

कहर यम्मी !

झंप्या सावंत's picture

29 Jul 2015 - 3:21 pm | झंप्या सावंत

प्रचंड त्रास होतो ओ ............

स्पंदना's picture

30 Jul 2015 - 5:22 pm | स्पंदना

अरे वा, अशी करतात का कोळंबी तळुन.
आता तळतेच तीला! जाते कुठे?

चिंतामणी's picture

1 Sep 2015 - 10:17 pm | चिंतामणी

खपल्या गेलो आहे.

सुचिकांत's picture

2 Sep 2015 - 10:49 am | सुचिकांत

तोंडाला पाणी सुटल, मस्त

पदम's picture

2 Sep 2015 - 11:36 am | पदम

Ekdam jhakkas

लीना घोसाळ्कर's picture

2 Sep 2015 - 12:10 pm | लीना घोसाळ्कर

अहो त्तै
श्र्रावन चालु है आम्चा.....
तोंडाला पाणी सुटल ना...........